സൈൻ ലാംഗ്വേജ് ദ്വിദിന സമ്മേളനം
എംജി യൂണിവേഴ്സിറ്റി സ്കൂൾ ഓഫ് ബിഹേവിയറൽ സയൻസസിൽ പ്രവർത്തിക്കുന്ന ഡിപ്പാർട്ട്മെന്റ് ഓഫ് ഇന്ത്യൻ സൈൻ ലാംഗ്വേജിന്റെ ആഭിമുഖ്യത്തിൽ 16, 17 തീയതികളിൽ ന്ധഇന്ത്യൻ സൈൻ ലാംഗ്വേജ് ദേശീയോദ്ഗ്രഥനത്തിന്’ എന്ന വിഷയത്തിൽ ദേശീയ സമ്മേളനം നടത്തും. റീഹാബിലിറ്റേഷൻ കൗണ്സിൽ ഓഫ് ഇന്ത്യയുടെ അംഗീകാരമുള്ള സമ്മേളനത്തിൽ പങ്കെടുക്കുവാൻ താല്പര്യമുള്ള സ്പെഷ്യൽ എഡ്യൂക്കേറ്റർമാർ, റീഹാബിലിറ്റേഷൻ പ്രഫഷണലുകൾ എന്നിവർ 8304887715, 9946226638 എന്നീ നന്പരുകളിൽ ബന്ധപ്പെടണം.
പരീക്ഷാ തീയതി
അഞ്ചാം സെമസ്റ്റർ ബിഎ/ബികോം (പ്രൈവറ്റ് രജിസ്ട്രേഷൻ) മാർച്ച് 2018 പരീക്ഷയുടെ ഓപ്പണ് കോഴ്സ് കൂടിയാട്ടം എ സ്റ്റഡി എന്ന പേപ്പറിന്റെ പരീക്ഷ 27ന് നടത്തും.
പരീക്ഷാഫലം
2017 ജൂണിൽ നടത്തിയ ഒന്നാം സെമസ്റ്റർ എംസിഎ (2016 അഡ്മിഷൻ റഗുലർ, 2011 2015 അഡ്മിഷൻ സപ്ലിമെന്ററി, ലാറ്ററൽ എൻട്രി റഗുലർ/സപ്ലിമെന്ററി) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 14 വരെ അപേക്ഷിക്കാം.
തിരുവല്ല മാർ അത്തനേഷ്യസ് കോളജ് ഫോർ അഡ്വാൻസ്ഡ് സ്റ്റഡീസിൽ 2017 നവംബറിൽ നടത്തിയ ആറാം സെമസ്റ്റർ എംസിഎ (റഗുലർ ആൻഡ് ലാറ്ററൽ എൻട്രി) പരീക്ഷയിലെ തടഞ്ഞുവച്ച ഫലം പ്രസിദ്ധപ്പെടുത്തി.