ബിടെക് എട്ടാം സെമസ്റ്റർ പരീക്ഷ: കുറഞ്ഞത് 50 ശതമാനം ഹാജർ വേണം
ബിടെക് എട്ടാം സെമസ്റ്ററിൽ 50 ശതമാനമോ അതിൽ കൂടുതലോ ഹാജർ നിലയുള്ളവർക്ക് 2018 ലെ എട്ടാം സെമസ്റ്റർ ബിടെക് പരീക്ഷയ്ക്കു രജിസ്റ്റർ ചെയ്യാം. ഇതിനോടകം ഹാജർ കുറവിനുള്ള ഇളവ് നേടിയിട്ടുള്ളവർക്കും എട്ടാം സെമസ്റ്റർ പരീക്ഷയ്ക്ക് ഈ ആനുകൂല്യം അനുവദിക്കും.
കൂടുതൽ വിവരങ്ങൾക്ക് ഫോൺ: 8330013004,5,6,7,8,9.
നെറ്റ്, ജെആർഎഫ് പരിശീലനം
യുജിസി നടത്തുന്ന മാനവികവിഷയങ്ങൾക്കുള്ള നെറ്റ്, ജെആർഎഫ് പരീക്ഷയുടെ ജനറൽ പേപ്പറിനു വേണ്ടിയുള്ള പരിശീലനം എംജി യുണിവേഴ്സിറ്റി എംപ്ലോയിമെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയുടെ ആഭിമുഖ്യത്തിൽ തുടങ്ങും. ഫോൺ: 04812731025
പരിശീലന പരിപാടി
201819 അധ്യയന വർഷത്തിലെ കേന്ദ്രീകൃത പ്രവേശനവുമായി ബന്ധപ്പെട്ട് അഫിലിയേറ്റഡ് ആർട്സ് ആൻഡ് സയൻസ് കോളജുകളിലെ പ്രവേശന ചുമതലയുള്ള അധ്യാപകർക്കും അനധ്യാപക ജീവനകാർക്കും 11നു രാവിലെ 10.30 മുതൽ സർവകലാശാല അസംബ്ലി ഹാളിൽ പരിശീലനം നൽകും. കോളജിൽനിന്നു രണ്ട് അധ്യാപകരും ഒരു അനധ്യാപക ജീവനക്കാരനും പങ്കെടുക്കണം.
അപേക്ഷാ തീയതി
നാലാം വർഷ ബിഎസ്സി നഴ്സിംഗ് (2010 അഡ്മിഷൻ സപ്ലിമെന്ററി) പരീക്ഷ 25ന് തുടങ്ങും. അപേക്ഷ 10 വരെയും 50 രൂപ പിഴയോടെ 11 വരെയും 500 രൂപ സൂപ്പർ ഫൈനോടെ 14 വരെയും സ്വീകരിക്കും. വിദ്യാർഥികൾ പേപ്പർ ഒന്നിന് 20 രൂപ വീതം (പരമാവധി 100 രൂപ) സിവി ക്യാന്പ് ഫീസ് ആയി പരീക്ഷാഫീസിനു പുറമെ അടയ്ക്കണം. ടൈംടേബിൾ വെബ്സൈറ്റിൽ.
രണ്ടാം സെമസ്റ്റർ (സിബിസിഎസ് പുതിയ സ്കീം 2017 അഡ്മിഷൻ, സിബിസിഎസ്എസ് 2013 മുതൽ 2016 വരെ അഡ്മിഷൻ) പരീക്ഷകൾക്ക് 13 വരെയും 50 രൂപ പിഴയോടെ 14 വരെയും 500 രൂപ സൂപ്പർ ഫൈനോടെ 15 വരെയും അപേക്ഷിക്കാം.
പരീക്ഷാഫലം
2017 ജൂണിലെ രണ്ടാം സെമസ്റ്റർ എംഎസ്സി ക്ലിനിക്കൽ ന്യൂട്രീഷൻ ആൻഡ് ഡയറ്റെറ്റിക്സ് (റെഗുലർ, സപ്ലിമെന്ററി) പരീക്ഷാഫലം പ്രസിദ്ധീകരിച്ചു. പുനർമൂല്യ നിർണയത്തിനും സൂക്ഷമപരിശോധനയ്ക്കും 18 വരെ അപേക്ഷിക്കാം.2017 ഫെബ്രുവരിയിൽ നടന്ന മൂന്നാം സെമസ്റ്റർ എംഎസ്സി ഫിസിക്സ് (നോണ് സിഎസ്എസ്) പരീക്ഷാഫലം പ്രസിദ്ധീകരിച്ചു.
പുനർമൂല്യ നിർണയത്തിനും സൂക്ഷ്മപരിശോധനയ്ക്കും 19 വരെ അപേക്ഷിക്കാം.
2017 ജൂണിലെ രണ്ടാം സെമസ്റ്റർ എംഎസ്സി ഫിസിക്സ് (പിജിസിഎസ്എസ്) പരീക്ഷാഫലം പ്രസിദ്ധീകരിച്ചു.
പുനർമൂല്യ നിർണയത്തിനും സൂക്ഷ്മപരിശോധനയ്ക്കും 19 വരെ അപേക്ഷിക്കാം.
ഇൻസ്റ്റിറ്റ്യൂട്ട് ഫോർ ഇന്റെൻസീവ് റിസേർച്ച് ഇൻ ബേസിക് സയൻസസ് 2017 ജൂലൈയിൽ നടത്തിയ എട്ടാം സെമസ്റ്റർ പഞ്ചവത്സര ഇന്റഗ്രേറ്റഡ് ഇന്റർ ഡിസിപ്ലിനറി മാസ്റ്റർ ഓഫ് സയൻസ് (സിഎസ്എസ്) പരീക്ഷാഫലം പ്രസിദ്ധീകരിച്ചു.
സ്കൂൾ ഓഫ് ബയോസയൻസസ് 2018 ജനുവരിയിൽ നടത്തിയ മൂന്നാം സെമസ്റ്റർ മൈക്രോബയോളജി, ബയോകെമിസ്ട്രി, ബയോടെക്നോളജി, ബയോഫിസിക്സ് (സിഎസ്എസ്) പരീക്ഷകളുടെ ഫലം പ്രസിദ്ധീകരിച്ചു.
സ്കൂൾ ഓഫ് കംപ്യൂട്ടർ സയൻസസ് 2018 ഫെബ്രുവരിയിലെ ഒന്നാം സെമസ്റ്റർ എംഎസ്സി കംപ്യൂട്ടർ സയൻസ് പരീക്ഷാഫലം പ്രസിദ്ധീകരിച്ചു.
സ്കൂൾ ഓഫ് പ്യുർ ആൻഡ് അപ്ലൈഡ് ഫിസിക്സ് 2017 ഡിസംബറിലെ ഒന്നാം സെമസ്റ്റർ ഫിസിക്സ് എംഫിൽ പരീക്ഷാഫലം പ്രസിദ്ധീകരിച്ചു.
സ്കൂൾ ഓഫ് ബയോ സയൻസസ് 2018 ജനുവരിയിലെ ഒന്നാം സെമസ്റ്റർ മൈക്രോബയോളജി, ബയോകെമിസ്ട്രി, ബയോടെക്നോളജി, ബയോഫിസിക്സ് (സിഎസ്എസ്) പരീക്ഷകളുടെ ഫലം പ്രസിദ്ധീകരിച്ചു.
സ്കൂൾ ഓഫ് ബിഹേവിയറൽ സയൻസസ് 2017 ജൂലൈയിൽ നടത്തിയ നാലാം സെമസ്റ്റർ എംഎസ്സി ഡിസെബിലിറ്റി സ്റ്റഡീസ് ആൻഡ് റീഹാബിലിറ്റേഷൻ പരീക്ഷാഫലം പ്രസിദ്ധീകരിച്ചു.