നാലാം സെമസ്റ്റർ എംഎസ് സി (പിജി സിഎസ്എസ്) പരീക്ഷയുടെ പുതുക്കിയ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
എംകോം പരീക്ഷാ കേന്ദ്രം 24ന് ആരംഭിക്കുന്ന നാലാം സെമസ്റ്റർ എംകോം (പിജി സിഎസ്എസ്) പരീക്ഷയ്ക്കു കവിയൂർ മഹാത്മാഗാന്ധി ഇൻസ്റ്റിറ്റ്യൂട്ട് ഓഫ് ആർട്സ് ആൻഡ് കൊമേഴ്സ് പരീക്ഷാകേന്ദ്രമായി അപേക്ഷിച്ചിട്ടുള്ള സപ്ലിമെന്ററി വിദ്യാർഥികൾ തുരുത്തിക്കാട് ബിഎഎം കോളജിൽനിന്ന് ഹാൾടിക്കറ്റ് വാങ്ങി അവിടെത്തന്നെ പരീക്ഷയെഴുതണം.
അപേക്ഷാ തീയതി അഞ്ചാം സെമസ്റ്റർ ബിവോക് (2015 അഡ്മിഷൻ റഗുലർ/2014 അഡ്മിഷൻ സപ്ലിമെന്ററി) പരീക്ഷകൾ എട്ടിന് ആരംഭിക്കും. അപേക്ഷകൾ 23 വരെയും 50 രൂപ പിഴയോടെ 24 വരെയും 500 രൂപ സൂപ്പർഫൈനോടെ 26 വരെയും സ്വീകരിക്കും.
ആറാം സെമസ്റ്റർ ബിവോക് (2015 അഡ്മിഷൻ റഗുലർ/2014 അഡ്മിഷൻ സപ്ലിമെന്ററി) പരീക്ഷകൾ 29ന് ആരംഭിക്കും. അപേക്ഷകൾ ജൂണ് അഞ്ച് വരെയും 50 രൂപ പിഴയോടെ ആറു വരെയും 500 രൂപ സൂപ്പർഫൈനോടെ എട്ടു വരെയും സ്വീകരിക്കും.
പ്രാക്ടിക്കൽ അഞ്ചാം സെമസ്റ്റർ ബിസിഎ (സിബിസിഎസ്എസ്, 2013, 2014 ആൻഡ് 2015 അഡ്മിഷൻ)(പരാജയപ്പെട്ട വിദ്യാർഥികൾക്കു മാത്രം) പരീക്ഷയുടെ പ്രാക്ടിക്കൽ 30ന് നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
പരീക്ഷാഫലം 2017 ജൂണ് മാസത്തിൽ നടത്തിയ രണ്ടാം സെമസ്റ്റർ എംഎ പ്രിന്റ് ആൻഡ് ഇലക്ട്രോണിക്സ് ജേർണലിസം (റഗുലർ, ഇംപ്രൂവ്മെന്റ്, സപ്ലിമെന്ററി) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഒന്നു വരെ അപേക്ഷിക്കാം.
സ്കൂൾ ഓഫ് ബിഹേവിയറൽ സയൻസസ് ഡിപ്പാർട്ട്മെന്റ് ഓഫ് ഇന്ത്യൻ സൈൻ ലാംഗ്വേജിൽ 2017 ഓഗസ്റ്റ് മാസത്തിൽ നടത്തിയ ഒന്നാം സെമസ്റ്റർ പോസ്റ്റ് ഗ്രാജുവേറ്റ് ഡിപ്ലോമ ഇൻ ഇന്ത്യൻ സൈൻ ലാംഗ്വേജ് (സിഎസ്എസ്, പാർട്ട് ടൈം) പരീക്ഷയുടെ ഫലം പ്രസിദ്ധപ്പെടുത്തി.
സിവിൽ സർവീസ് പരീക്ഷാ പരിശീലനത്തിന് 30 വരെ അപേക്ഷിക്കാം
മഹാത്മാഗാന്ധി സർവകലാശാലാ ഡിപ്പാർട്ട്മെന്റ് ഓഫ് ലൈഫ്ലോംഗ് ലേണിംഗിൽ യുപിഎസ്സി സിവിൽ സർവീസ് പ്രാഥമിക പരീക്ഷാ പരിശീലനത്തിന് ഈപേ സംവിധാനത്തിലൂടെ 200 രൂപ അടച്ച് 30 വരെ ബിരുദവിദ്യാർഥികൾക്ക് അപേക്ഷിക്കാം. ശനി, ഞായർ, മറ്റൊഴിവ് ദിവസങ്ങളിലായാണു ക്ലാസുകൾ ക്രമീകരിച്ചിരിക്കുന്നത്. റിട്ടയേർഡ് ഡിജിപി ഡോ. അലക്സാണ്ടർ ജേക്കബാണ് ഓണററി ഡയറക്ടർ ജൂണ് 9ന് നടത്തുന്ന അഭിരുചി എഴുത്തുപരീക്ഷയിലെ മികവിന്റെ അടിസ്ഥാനത്തിലാണു പ്രവേശനം. വിശദമായ വിജ്ഞാപനവും അപേക്ഷാഫോമുംwww.mgu.ac.in, www.dllemgu.in എന്നീ വെബ്സൈറ്റുകളിൽ ലഭ്യമാണ്. ഫോണ്: 0481 2731560, 2731724. ഇമെയിൽ:
[email protected].