നിയമവിരുദ്ധ അധ്യാപക നിയമനം അംഗീകരിക്കില്ല
കോട്ടയം: സർവകലാശാലയിൽ അഫിലിയേറ്റ് ചെയ്തിട്ടുള്ള എയ്ഡഡ് കോളജുകളിൽ അധ്യാപക നിയമനം സംബന്ധിച്ച് സർവകലാശാല സ്റ്റാറ്റിയൂട്ടിലെ ഓപ്പണ് മെറിറ്റിലേയും, കമ്മ്യൂണിറ്റി മെറിറ്റിലെയും ഒഴിവുകൾ ഓരോന്നും പ്രത്യേകം കാണിച്ച് വിജ്ഞാപനം പുറപ്പെടുവിക്കണമെന്ന വ്യവസ്ഥയും ഇതു സംബന്ധിച്ച് വിശദമായ പത്രപരസ്യം നൽകണമെന്ന വ്യവസ്ഥയും, ഓപ്പണ്, കമ്മ്യൂണിറ്റി ഒഴിവുകൾ തമ്മിൽ മാറ്റം വരുത്താൻ പാടില്ലയെന്നുമുള്ള വ്യവസ്ഥയും കർശനമായി പാലിച്ചുകൊണ്ടുമാത്രമേ അധ്യാപക നിയമനം നടത്താൻ പാടുള്ളൂ. എയ്ഡഡ് കോളജ് മാനേജ്മെന്റുകൾ നടത്തിയിട്ടുള്ള മേൽ വ്യവസ്ഥകൾക്ക് വിരുദ്ധമായ അധ്യാപക നിയമനങ്ങൾക്ക് അംഗീകാരം നൽകേണ്ടതില്ലായെന്ന് സർവകലാശാലാ സിൻഡിക്കേറ്റ് തീരുമാനിച്ചു.
വിദ്യാർഥി അദാലത്ത് 13ന്
201718 അക്കാദമികവർഷത്തിൽ സർവകലാശാലയിൽ നിന്നും പഠനം പൂർത്തിയാക്കിയ സിബിസിഎസ്എസ് റെഗുലർ, പ്രൈവറ്റ് വിദ്യാർഥികളുടെ ഒന്നു മുതൽ ആറു വരെ സെമസ്റ്റർ പരീക്ഷകളുടെ ഗ്രേസ് മാർക്ക് നൽകുന്നതുമായി ബന്ധപ്പെട്ട പരാതികളുടെ പരിഹാരത്തിനായി 13ന് രാവിലെ 10നു സർവകലാശാലാ അസംബ്ലി ഹാളിൽ അദാലത്ത് നടത്തും. വൈസ് ചാൻസലർ, പ്രോ വൈസ് ചാൻസലർ, സിൻഡിക്കേറ്റ് അംഗങ്ങൾ, ഡീൻസ് കമ്മിറ്റി അംഗങ്ങൾ, രജിസ്ട്രാർ, പരീക്ഷാ കണ്ട്രോളർ, ഫിനാൻസ് ഓഫീസർ എന്നിവർ പരാതികളിൽ തീർപ്പുകല്പിക്കുന്നതിന് നേതൃത്വം വഹിക്കും.
പരാതികൾ ഓണ്ലൈനായും, തപാൽ മാർഗവും, നേരിട്ടും അഞ്ചു മുതൽ 11 വരെ സമർപ്പിക്കാം. ഓണ്ലൈനായി പരാതികൾ സമർപ്പിക്കുന്നതിന് സർവകലാശാലാ വെബ്സൈറ്റിൽ ന്ധഅദാലത്ത് 2018’ എന്ന സൗകര്യം ഏർപ്പെടുത്തിയിട്ടുണ്ട്. പരാതികൾ നേരിട്ട് സമർപ്പിക്കുന്നവർ മോണിറ്ററിംഗ് സെല്ലിലെ ഡെപ്യൂട്ടി രജിസ്ട്രാർ (എക്സാം എട്ട്) മുന്പാകെ സമർപ്പിക്കണം.
ബിരുദ ഏകജാലകം: ജാതിസംവരണം ഒഴികെയുള്ള സംവരണ സീറ്റുകളിലേക്കുള്ള പ്രവേശനം നാളെ നടക്കും
സ്പോർട്സ്, കൾച്ചറൽ, വികലാംഗ സംവരണ വിഭാഗങ്ങളിലേക്കുള്ള പ്രവേശനം നാളെ അതാത് കോളജുകളിൽ നടത്തും. മേൽ വിഭാഗങ്ങളിലേക്ക് പ്രവേശനം നേടിയ വിദ്യാർഥികളുടെ വിവരങ്ങൾ കോളജ് അധികൃതർ നാളെ വൈകുന്നേരം അഞ്ചിനു മുന്പായി ഓണ്ലൈൻ അഡ്മിഷൻ പോർട്ടലിൽ നിർബന്ധമായും അപ്ലോഡ് ചെയ്യണം. പ്രവേശനം ലഭിച്ച വിദ്യാർഥികളുടെ വിവരങ്ങൾ അപ്ലോഡ് ചെയ്യുന്നതിൽ വീഴ്ചവരുത്തിയാൽ കോളജ് അധികൃതർ ഉത്തരവാദികളായിരിക്കും.
ബിരുദ ഏകജാലക പ്രവേശനം: ഓണ്ലൈൻ രജിസ്ട്രേഷൻ ഇന്ന് വൈകുന്നേരം അഞ്ചിനു അവസാനിക്കും.
സർവകലാശാലയോട് അഫിലിയേറ്റ് ചെയ്തിട്ടുള്ള സർക്കാർ, എയ്ഡഡ്, സ്വാശ്രയ ആർട്സ് ആൻഡ് സയൻസ് കോളജുകളിലെ ഏകജാലകം വഴിയുള്ള ഒന്നാം വർഷ ഡിഗ്രി പ്രോഗ്രാമുകളിലേക്കുള്ള ഓണ്ലൈൻ രജിസ്ട്രേഷൻ ഇന്ന് വൈകുന്നേരം അഞ്ചിനു അവസാനിക്കും. 80351 അപേക്ഷകർ ഇതിനോടകം രജിസ്റ്റർ ചെയ്തു.
പരീക്ഷ മാറ്റി
നാളെ നടത്താൻ നിശ്ചയിച്ചിരുന്ന നാലാം വർഷ ബിഎസ്സി നഴ്സിംഗ് (2010 അഡ്മിഷൻ മുതൽ) സപ്ലിമെന്ററി പരീക്ഷകൾ മാറ്റിവച്ചു. പുതുക്കിയ തീയതി പിന്നീട്.
പുതുക്കിയ പരീക്ഷാ തീയതി
ആറിന് നടത്താൻ നിശ്ചയിച്ചിരുന്ന നാലാം സെമസ്റ്റർ എംഎസ്സി ഫിസിക്സ് ജനറൽ റിലേറ്റിവിറ്റി ആൻഡ് കോസ്മോളജി (2016 അഡ്മിഷൻ റെഗുലർ, 2013, 2014 ആൻഡ് 2015 അഡ്മിഷൻ സപ്ലിമെന്ററി, മേഴ്സി ചാൻസ് (സിഎസ്എസ്) പരീക്ഷ 11ന് നടത്തുന്നതിനായി പുതുക്കി നിശ്ചയിച്ചു. പരീക്ഷാ കേന്ദ്രത്തിനും സമയത്തിനും മാറ്റമില്ല.
അപേക്ഷാ തീയതി
എട്ടും അഞ്ചും നാലും സെമസ്റ്റർ ബിഎച്ച്എം (ബാച്ചിലർ ഓഫ് ഹോട്ടൽ മാനേജ്മെന്റ്) പരീക്ഷകൾ യഥാക്രമം 21, 22, 25 തീയതികളിൽ ആരംഭിക്കും. അപേക്ഷകൾ എഴു വരെയും 50 രൂപ പിഴയോടെ എട്ടു വരെയും 500 രൂപ സൂപ്പർഫൈനോടെ 11 വരെയും സ്വീകരിക്കും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
ജൂലൈ 25ന് ആരംഭിക്കുന്ന ഒന്നും രണ്ടും മൂന്നും വർഷ അഡ്വാൻസ്ഡ് ഡിപ്ലോമ ഇൻ ആർക്കിയോളജി ആൻഡ് മ്യൂസിയോളജി (റെഗുലർ, സപ്ലിമെന്ററി ആൻഡ് 2013ന് മുന്പുള്ള അഡ്മിഷൻ മേഴ്സി ചാൻസ്) പരീക്ഷകൾക്ക് എഴു വരെയും, 50 രൂപ പിഴയോടെ എട്ടു വരെയും 500 രൂപ സൂപ്പർഫൈനോടെ 11 വരെയും അപേക്ഷിക്കാം.
രണ്ടാം പ്രഫഷണൽ എംബിബിഎസ് മേഴ്സി ചാൻസ് പരീക്ഷകൾ 27ന് ആരംഭിക്കും. അപേക്ഷകൾ എഴു വരെയും 50 രൂപ പിഴയോടെ എട്ടു വരെയും 500 രൂപ സൂപ്പർഫൈനോടെ 12 വരെയും സ്വീകരിക്കും. അപേക്ഷകർ പേപ്പറൊന്നിന് 150 രൂപ (പരമാവധി 600 രൂപ) സിവി ക്യാന്പ് ഫീസായി പരീക്ഷാ ഫീസിന് പുറമെ അടയ്ക്കണം. മേഴ്സി ചാൻസ് പരീക്ഷയെഴുതുന്നവർ 5000 രൂപയും അടയ്ക്കണം.
ബിടെക് പ്രാക്ടിക്കൽ
ബിടെക് 2018 ജൂണ് പരീക്ഷയുടെ പ്രാക്ടിക്കൽ പരീക്ഷകൾ വിവിധ കോളജുകളിൽ നടത്തും. ടൈംടേബിളും വിശദവിവരങ്ങളും സർവകലാശാലാ വെബ്സൈറ്റിൽ ലഭ്യമാണ്.
പിജി ഓണ്ലൈൻ രജിസ്ട്രേഷൻ
രണ്ടാം സെമസ്റ്റർ എംഎ, എംഎസ് സി, എംകോം, എംസിജെ, എംഎസ്ഡബ്ല്യു ആൻഡ് എംടിഎ (2017 അഡ്മിഷൻ റെഗുലർ) പരീക്ഷയുടെ ഓണ്ലൈൻ രജിസ്ട്രേഷന് അഞ്ചു മുതൽ 12 വരെയും 50 രൂപ പിഴയോടെ 13 മുതൽ 15 വരെയും 500 രൂപ സൂപ്പർഫൈനോടെ 16 മുതൽ 18 വരെയും അപേക്ഷിക്കാം. അഞ്ചു മുതൽ പോർട്ടലിലൂടെ അപേക്ഷകൾ സമർപ്പിക്കാം. 2017ന് മുന്പുള്ള അഡ്മിഷൻ ഇംപ്രൂവ്മെന്റ്, സപ്ലിമെന്ററി വിദ്യാർഥികൾക്ക് അപേക്ഷിക്കാനുള്ള അവസാന തീയതി പിന്നീട് അറിയിക്കും.