ഡിഗ്രി രണ്ടാംഘട്ട അലോട്ട്മെന്റ്: 22 വരെ പുന:ക്രമീകരിക്കാം
27ന് നടക്കുന്ന ഡിഗ്രി പ്രവേശനത്തിന്റെ രണ്ടാം അലോട്ട്മെന്റിന് ഓപ്ഷൻ പുനഃക്രമീകരിക്കാൻ 22നു വൈകുന്നേരം 4.30 വരെ സൗകര്യമുണ്ടാകും. ആപ്ലിക്കേഷൻ നന്പർ, പാസ്വേഡ് ഇവ ഉപയോഗിച്ചു ലോഗിൻ ചെയ്ത് ഓപ്ഷനുകളിൽ പുനഃക്രമീകരണം നടത്താം.
എന്നാൽ, പുതുതായി കോളജുകളോ പ്രോഗ്രാമുകളോ കൂടുതലായി കൂട്ടിച്ചേർക്കാൻ കഴിയില്ല. ഒന്നാം അലോട്ട്മെന്റിൽ പ്രവേശനം നേടിയ വിദ്യാർഥികൾ പ്രവേശനം റദ്ദാക്കി പോകുന്നപക്ഷം വിവരങ്ങൾ കോളജ് പ്രിൻസിപ്പൽമാർ തത്സമയം ഓണ്ലൈൻ അഡ്മിഷൻ പോർട്ടൽ വഴി യൂണിവേഴ്സിറ്റിയെ അറിയിക്കണം.
റിട്ടേൺ സമർപ്പിക്കണം
സ്വകാര്യ എയ്ഡഡ് കോളജുകളിലെ ജോലിഭാരം നിർണയിച്ച് അധ്യാപക തസ്തികകളുടെ എണ്ണം നിശ്ചയിക്കുന്നതിന്റെ ഭാഗമായി 2018 ജനുവരി 15 വരെയുള്ള അർധവാർഷിക റിട്ടേണുകൾ നിശ്ചിതമാതൃകയിൽ 30നകം യൂണിവേഴ്സിറ്റിയിൽ സമർപ്പിക്കണം.
പ്രാക്ടിക്കൽ
ഒന്നാം സെമസ്റ്റർ എംഎസ്സി കംപ്യൂട്ടർ സയൻസ് (സിഎസ്എസ് 2017 അഡ്മിഷൻ റഗുലർ, 2016 അഡ്മിഷൻ സപ്ലിമെന്ററി) ഫെബ്രുവരി 2018 ബിരുദ പരീക്ഷയുടെ പ്രാക്ടിക്കൽ 26ന് വിവിധ കോളജുകളിൽ നടത്തും. ടൈംടേബിൾ വെബ്സൈറ്റിൽ.
പരീക്ഷാഫലം
2017 ഡിസംബറിലെ അഞ്ചാം സെമസ്റ്റർ ബിഎ എൽഎൽബി (പഞ്ചവത്സരം) ഇന്റഗ്രേറ്റഡ് പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജൂലൈ മൂന്നു വരെ അപേക്ഷിക്കാം.
2017 ഡിസംബറിലെ അഞ്ചാം സെമസ്റ്റർ ബികോം എൽഎൽബി (ഓണേഴ്സ്)(പഞ്ചവത്സരം) ഇന്റഗ്രേറ്റഡ് ഡബിൾ ഡിഗ്രി പരീക്ഷയുടെ ഫലം പ്രസിദ്ധീക രിച്ചു.
പുനർമൂല്യനിർണയത്തിനും സൂക്ഷ്മപരിശോധനയ്ക്കും 28 വരെ അപേക്ഷിക്കാം.
2017 ഡിസംബറിലെ അഞ്ചാം സെമസ്റ്റർ ബിബിഎ എൽഎൽബി (പഞ്ചവത്സരം) ഇന്റഗ്രേറ്റഡ് ഡബിൾ ബിരുദ പരീക്ഷയുടെ ഫലം പ്രസിദ്ധീകരിച്ചു.
പുനർമൂല്യനിർണയത്തിനും സൂക്ഷ്മപരിശോധനയ്ക്കും 28 വരെ അപേക്ഷിക്കാം.
റിസർച്ച് ഫെല്ലോഷിപ്പ്
യൂണിവേഴ്സിറ്റി മുഴുവൻ സമയ ഗവേഷണത്തിനായി ഏർപ്പെടുത്തിയിട്ടുള്ള ജൂണിയർ റിസർച്ച് ഫെല്ലോഷിപ്പ് 201718ൽ അർഹരായ ഗവേഷക വിദ്യാർഥികളുടെ ലിസ്റ്റ് വെബ്സൈറ്റിൽ.
അർഹരായവർ മാർച്ച് 31 വരെയുള്ള ആദ്യ രണ്ടുവർഷത്തെ ബില്ലുകൾ, എഗ്രിമെന്റ്, പ്രതിമാസ പ്രോഗ്രസ് റിപ്പോർട്ടുകൾ, മുൻകൂർ കൈപ്പറ്റ് രസീത് എന്നിവ യൂണിവേഴ്സിറ്റിയിൽ സമർപ്പിക്കണം. എഗ്രിമെന്റ് മാതൃകയും വെബ്സൈറ്റിൽ.
പിഎച്ച്ഡി നൽകി
എൻവയണ്മെന്റൽ സയൻസസിൽ എം. വീണ ജോർജിനും ഫിസിക്സിൽ പി. അപർണ, റീനു ജേക്കബ്, ടി.വി. വിനീഷ് കുമാർ, ബബിത കെ. കുനിയിൽ, എൻ. അലോഷ്യസ് സാബു, എം.എസ്. സജന, പി. മുഹമ്മദ് ആരിഫ് എന്നിവർക്കും മാനേജ്മെന്റ് സ്റ്റഡിസിൽ ഉഷസ് മാത്യു, ജെ. ജോമിനി ജോയ്സ് എന്നിവർക്കും ഫിസിയോളജിയിൽ ടി.എം. സജി, ഹോം സയൻസിൽ തോമസ് റൂബി മറിയാമ്മ, കംപ്യൂട്ടർ സയൻസിൽ കെ.പി. പുഷ്പലത, കെമിസ്ട്രിയിൽ ദിവ്യ മാത്യു, നിധിൻ ചന്ദ്രൻ, പി.കെ. റെജിമോൻ എന്നിവർക്കും പിഎച്ച്ഡി നൽകാൻ സിൻഡിക്കറ്റ് തീരുമാനിച്ചു.