മൂന്നാം സെമസ്റ്റർ എംടെക് (2016 അഡ്മിഷൻ) പരീക്ഷകൾക്കു 18 വരെയും 50 രൂപ പിഴയോടെ 19 വരെയും 500 രൂപ സൂപ്പർഫൈനോടെ 23 വരെയും അപേക്ഷിക്കാം.
സംവരണ സീറ്റൊഴിവ്
സ്കൂൾ ഓഫ് പ്യുവർ ആൻഡ് അപ്ലൈഡ് ഫിസിക്സിൽ അഡ്മിഷൻ എംഎസ്സി ബാച്ചിലേക്ക് പട്ടികവർഗ വിഭാഗത്തിൽപ്പെട്ട വിദ്യാർഥികൾക്കായി സംവരണം ചെയ്ത ഒരു സീറ്റൊഴിവുണ്ട്. 13നു വൈകുന്നേരം നാലിനു മുന്പ് രേഖകൾ സഹിതം പഠനവകുപ്പിൽ ഹാജരാകണം.
സ്കൂൾ ഓഫ് ലെറ്റേഴ്സിൽ എംഎ മലയാളം വിഭാഗത്തിൽ പട്ടികവർഗ വിഭാഗത്തിൽപ്പെട്ട വിദ്യാർഥികൾക്കായി ഒരു സീറ്റൊഴിവുണ്ട്. 12ന് 11ന് സ്കൂൾ ഓഫീസിൽ നേരിട്ട് ഹാജരാകണം.
സ്കൂൾ ഓഫ് കന്പ്യൂട്ടർ സയൻസസിൽ എംഎസ്സി കന്പ്യൂട്ടർ സയൻസ് കോഴ്സിൽ എസ്സി/എസ്ടി വിഭാഗത്തിൽ (എസ്സി 1, എസ്ടി 2) സീറ്റൊഴിവുണ്ട്. 16ന് രാവിലെ 10നു നേരിട്ട് ഹാജരാകണം. 0481 2731037.
പ്രാക്ടിക്കൽ
മേയ്/ജൂണ് മാസത്തിൽ നടത്തിയ നാലാം സെമസ്റ്റർ എംഎസ്സി ബയോടെക്നോളജി (സിഎസ്എസ് റഗുലർ/സപ്ലിമെന്ററി/മേഴ്സി ചാൻസ്) പരീക്ഷയുടെ പ്രാക്ടിക്കൽ 19 മുതൽ അതാതു കോളജുകളിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
വൈവാവോസി
മേയ്/ജൂണ് മാസത്തിൽ നടത്തിയ നാലാം സെമസ്റ്റർ എംഎസ്സി ബയോടെക്നോളജി (സിഎസ്എസ് റഗുലർ/സപ്ലിമെന്ററി/മേഴ്സി ചാൻസ്) പരീക്ഷയുടെ പ്രോജക്ട് ഇവാല്യുവേഷൻ/വൈവാവോസി പരീക്ഷകൾ ഓഗസ്റ്റ് ഒന്നു മുതൽ അതാതു കോളജുകളിൽ നടത്തും. ടൈംടേബിൾ സർവകലാശാലാ വെബ്സൈറ്റിൽ.
മേയ്/ജൂണ് മാസത്തിൽ നടത്തിയ നാലാം സെമസ്റ്റർ എംഎ ഇംഗ്ലീഷ് (സിഎസ്എസ് റഗുലർ/സപ്ലിമെന്ററി/മേഴ്സി ചാൻസ്) പരീക്ഷയുടെ പ്രോജക്ട് ഇവാല്യുവേഷൻ/വൈവാവോസി പരീക്ഷകൾ 23 മുതൽ അതാതു കോളജുകളിൽ നടത്തും. ടൈംടേബിൾ സർവകലാശാലാ വെബ്സൈറ്റിൽ.
നാനോ ചെയർ പ്രഫസർഷിപ്പ് സമർപ്പണവും പ്രഭാഷണവും ഇന്ന്
കോട്ടയം: എംജി യൂണിവേഴ്സിറ്റി ഇന്റർനാഷണൽ ആൻഡ് ഇന്റർ യൂണിവേഴ്സിറ്റി സെന്റർ ഫോർ നാനോ സയൻസ് ആൻഡ് നാനോടെക്നോളജി വിഭാഗത്തിന്റെ ആഭിമുഖ്യത്തിൽ ഇന്ന് കാൻസർ ചികിത്സാ മരുന്ന് ഗവേഷകനും ഗുവഹാത്തി ഐഐടി പ്രഫസറുമായ അജയ്കുമാർ ബി. കുന്നുംമക്കരയ്ക്ക് നാനോ ചെയർ പ്രഫസർഷിപ്പ് നൽകും. രാവിലെ 9.30ന് ഫിസിക്സ് ഓഡിറ്റോറിയത്തിൽ ചേരുന്ന സമ്മേളനം എംജി സർവകലാശാലാ പ്രോ വൈസ് ചാൻസലറും നാനോ ശാസ്ത്രജ്ഞനുമായ സാബു തോമസ് അധ്യക്ഷതവഹിക്കും. വൈസ് ചാൻസലർ ഡോ. ബാബു സെബാസ്റ്റ്യൻ നാനോ ചെയർ പ്രഫസർഷിപ്പ് സമർപ്പിക്കും. കാൻസർ ചികിത്സാരംഗത്ത് നാനോടെക്നോളജിയുടെ അനന്തസാധ്യതകൾ എന്ന വിഷയത്തിൽ പ്രഭാഷണവും നടക്കും. നാനോ വിഭാഗം മേധാവി ഡോ. നന്ദകുമാർ കളരിക്കൽ നേതൃത്വം നൽകും.