പരാതി തീർപ്പാക്കാൻ കളക്‌ടറുടെ നിർദേശം : Deepika.com Kerala News |

Click here for detailed news of all items

പരാതി തീർപ്പാക്കാൻ കളക്‌ടറുടെ നിർദേശം

Wednesday, September 18, 2019 12:21 AM IST

കോട്ടയം: റീസർവേ പിശകു മൂലം പുരയിടം തോട്ടം എന്നു രേഖപ്പെടുത്തപ്പെട്ട കേസുകളിൽ ലഭിക്കുന്ന അപേക്ഷകൾ സമയബന്ധിതമായി പരിശോധിച്ചു തീർപ്പാക്കാൻ ഭൂരേഖാ തഹസീൽദാർമാർക്കു നിർദേശം നൽകിയതായി കോട്ടയം ജില്ലാ കളക്‌ടർ പി.കെ. സുധീർബാബു. റീസർവേയിലെ അപകാത മൂലം ഭൂമിയുടെ ഇനം റവന്യു റിക്കാർഡുകളിൽ തോട്ടം എന്നു രേഖപ്പടുത്തിയിട്ടുള്ളതിനാൽ ഭൂ ഉടമകൾ നേരിടുന്ന ബുദ്ധിമുട്ടുകൾ കഴിഞ്ഞ ദിവസങ്ങളിൽ ദീപിക റിപ്പോർട്ട് ചെയ്തിരുന്നു.

തോട്ടം എന്നു രേഖപ്പെടത്തിയതു റീസർവേ പിശകു മൂലമാണെങ്കിൽ അതു പരിഹരിച്ചു നൽകുന്നതിന് 26-08-2017 ലെ ജിഒ (എംഎസ്) 303/2017 സർക്കാർ ഉത്തരവിന്‍റെ അടിസ്ഥാനത്തിൽ പരിശോധിച്ച് ആവശ്യമായ നടപടി സ്വീകരിക്കാൻ ബന്ധപ്പെട്ട ഭൂരേഖ തഹസീൽദാർമാരെ അധികാരപ്പെടുത്തിയിട്ടുണ്ടെന്നും നടപടി സ്വീകരിച്ചു വരികയാണെന്നും കളക്‌ടർ അറിയിച്ചു. 1963ലെ കേരള ഭൂ സംരക്ഷണ നിയമം സെക്ഷൻ 81 (1) ഇ പ്രകാരം തോട്ടം ഇനത്തിൽ ഭൂപരിധിയിൽ ഇളവനുവദിച്ചിട്ടുള്ള ഭൂമി തുണ്ടുവത്കരിക്കപ്പെട്ട് ഭൂമിയുടെ ഇനം മാറ്റാൻ ലഭിക്കുന്ന അപേക്ഷകളിൽ നടപടി സ്വീകരിക്കാൻ കഴിയില്ലെന്നും കളക്‌ടർ അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.