കരിമണൽ ഖനനവുമായി ബന്ധപ്പെട്ടു കൊല്ലം ജില്ലയിൽ കോവിൽതോട്ടം വില്ലേജിൽ മൂന്നു വർഷത്തിനുള്ളിൽ നടത്തുമെന്ന് ഉറപ്പുനൽകിയിരുന്ന പുനരവധിവാസം എട്ടു വർഷമായിട്ടും നൽകിയിട്ടില്ല. 500 കുടുംബങ്ങൾ ഇപ്പോഴും ഭവനമില്ലാത്ത അവസ്ഥയിലാണ്. അവർക്കു വാടക നൽകുമെന്നും ജോലി നൽകുമെന്നും പ്രഖ്യാപിച്ചിരുന്ന പാക്കേജിലെ ഉറപ്പുകളും പാലിക്കപ്പെട്ടിട്ടില്ല. പ്രദേശത്തെ സ്ഥാപനങ്ങളുടെ സംരക്ഷണവും ഉറപ്പുവരുത്തണമെന്നു കെഎൽസിഎ സംസ്ഥാന പ്രസിഡന്റ് ആന്റണി നൊറോണ, ജനറൽ സെക്രട്ടറി ഷെറി ജെ. തോമസ് എന്നിവർ ആവശ്യപ്പെട്ടു.