കോണ്‍ഗ്രസിന്‍റെ സര്‍ജിക്കല്‍ സ്ട്രൈക്ക് : Deepika.com Kerala News |

Click here for detailed news of all items

കോണ്‍ഗ്രസിന്‍റെ സര്‍ജിക്കല്‍ സ്ട്രൈക്ക്

Sunday, March 24, 2019 12:45 AM IST

കോഴിക്കോട്: അനിശ്ചിതത്വം... പിന്നെ ആവേശം. എന്നാലും പിന്നെയും ഒരു സംശയം. രാഹുല്‍ വരുമോ, വരാതിരിക്കുമോ... കോണ്‍ഗ്രസ് ദേശീയ അധ്യക്ഷന്‍ രാഹുല്‍ ഗാന്ധി വയനാട്ടില്‍ മത്സരിക്കുന്നുവെന്ന വാര്‍ത്ത ഇന്നലെ വന്നതോടെ അക്ഷരാര്‍ഥത്തില്‍ പ്രവര്‍ത്തകരുടെ മനോനില ഇങ്ങനെയായിരുന്നു. കേട്ടവരാരും ആദ്യം വിശ്വസിച്ചില്ല. തൊട്ടുപിന്നാലെ കോഴിക്കോട് ഡിസിസിയില്‍ സ്ഥാനാര്‍ഥി ടി. സിദ്ദിഖിന്‍റെ വാര്‍ത്താസമ്മേളനം. താൻ പിന്‍മാറുന്നതായി അസന്ദിഗ്ധമായ പ്രഖ്യാപനം. ഇതിനു പിന്നാലെ കെപിസിസി പ്രസിഡന്‍റ് മുല്ലപ്പള്ളി രാമചന്ദ്രന്‍ വാര്‍ത്ത സ്ഥിരീകരിച്ചു.

ഇതോടെ പ്രവര്‍ത്തകർ ആവേശക്കൊടുമുടിയിലായി.കേരളത്തില്‍ രാഹുലിന്‍റെ സര്‍ജിക്കൽ സ്ട്രൈക്കിൽ ഞെട്ടി സിപിഎം നേതൃത്വവും പ്രസ്താവനകളുമായി രംഗത്തെത്തിയതോടെ ഒരു സ്വപ്‌നം യാഥാര്‍ഥ്യമായി. വയനാട്ടുകാര്‍ക്ക് ഭാവി പ്രധാനമന്ത്രിക്ക് വോട്ട് ചെയ്യാനുള്ള സുവര്‍ണാവസരമായി. പിന്നെയങ്ങോട്ട് സമൂഹമാധ്യമങ്ങളിൽ അനുകൂലിച്ചും പരിഹസിച്ചും ട്രോളുകളുടെ പെരുമഴ.
വടകരയില്‍ അവസാന നിമിഷത്തിൽ ട്വിസ്റ്റുമായി ലീഡറുടെ മകൻ കെ. മുരളീധരന്‍ എത്തിയപ്പോൾ വയനാട് മണ്ഡലത്തിൽ ഇന്ദിരാഗാന്ധിയുടെ കൊച്ചുമകനും കോണ്‍ഗ്രസ് അഖിലേന്ത്യാ അധ്യക്ഷനുമായ രാഹുൽ ഗാന്ധിയെതന്നെ രംഗത്തിറക്കിയാണ് കോണ്‍ഗ്രസ് നേതൃത്വം രാജ്യത്തെയാകെ ഞെട്ടിച്ചത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.