കൊ​ട്ടി​ക്ക​ലാ​ശ​ത്തി​നി​ടെ തിരുവല്ലയിൽ കല്ലേറ്; നിരവധി പേർക്കു പരിക്ക്
Monday, April 22, 2019 1:07 AM IST
തി​രു​വ​ല്ല: കൊ​ട്ടി​ക്ക​ലാ​ശ​ത്തി​നി​ടെ തി​രു​വ​ല്ല​യി​ൽ ക​ല്ലേ​റ്; പോ​ലീ​സു​കാ​ർ​ക്കും സ്ത്രീ​ക​ളു​മു​ൾ​പ്പെ​ടെ നി​ര​വ​ധി പേ​ർ​ക്ക് പ​രി​ക്ക്. ഇ​ന്ന​ലെ വൈ​കു​ന്നേ​രം 4.15നാ​യി​രു​ന്നു സം​ഭ​വം.

ക​ലാ​ശ​കൊ​ട്ടി​നു വേ​ണ്ടി തി​രു​വ​ല്ല എ​സ്‌​സി​എ​സ് ജം​ഗ്ഷ​ൻ കേ​ന്ദ്രീ​ക​രി​ച്ച് എ​ൻ​ഡി​എ, എ​ൽ​ഡി​എ​ഫ് പ്ര​വ​ർ​ത്ത​ക​ർ ത​മ്മി​ൽ വാ​ഹ​ന​ങ്ങ​ൾ പാ​ർ​ക്ക് ചെ​യ്യു​ന്ന​തി​നെ സം​ബ​ന്ധി​ച്ചു ത​ർ​ക്കം ഉ​ണ്ടാ​കു​ക​യും തു​ട​ർ​ന്ന് ഇ​രു​വി​ഭാ​ഗ​ങ്ങ​ൾ ത​മ്മി​ൽ ക​ല്ലു​ക​ളും കു​പ്പി​ക​ളും എ​റി​യു​ക​യാ​യി​രു​ന്നു. ക​ല്ലേ​റ് ശ​ക്ത​മാ​യ​തി​നെ​ത്തു​ട​ർ​ന്നു എ​ൻ​ഡി​എ പ്ര​വ​ർ​ത്ത​ക​ർ ചി​ത​റി ഓ​ടി. തു​ട​ർ​ന്ന് കു​രി​ശു​ക​വ​ല കേ​ന്ദ്രീ​ക​രി​ച്ചു സം​ഘം ചേ​ർ​ന്നു തി​രി​ച്ചു ക​ല്ലെ​റി​ഞ്ഞു.

ഇ​തോ​ടെ പോ​ലീ​സ് ലാ​ത്തി​വീ​ശി. ഇ​തി​നി​ട​യി​ൽ യു​ഡി​എ​ഫ് പ്ര​വ​ർ​ത്ത​ക​ർ പ്ര​ക​ട​ന​മാ​യി എ​ത്തി​യെ​ങ്കി​ലും പോ​ലീ​സ് ഇ​വ​രെ മ​ട​ക്കി അ​യ​യ്ക്കു​ക​യാ​യി​രു​ന്നു. ക​ല്ലേ​റി​ൽ 10 എ​ൻ​ഡി​എ പ്ര​വ​ർ​ത്ത​ക​ർ​ക്കും ആ​റ് എ​ൽ​ഡി​എ​ഫ് പ്ര​വ​ർ​ത്ത​ക​ർ​ക്കും മൂ​ന്നു പോ​ലീ​സു​കാ​ർ​ക്കും പ​രി​ക്കേ​റ്റു. ഇ​രു​കൂ​ട്ട​രു​ടെ​യും നി​ര​വ​ധി വാ​ഹ​ന​ങ്ങ​ൾ അ​ടി​ച്ചു ത​ക​ർ​ത്തു. ഒ​രു മ​ണി​ക്കൂ​റോ​ളം ന​ഗ​ര​ത്തി​ൽ ഭീ​ക​രാ​ന്ത​രീ​ക്ഷം ഉ​ണ്ടാ​യി.


തി​രു​വ​ല്ല ഡി​വൈ​എ​സ്പി ജെ. ​ഉ​മേ​ഷ് കു​മാ​ർ, സി​ഐ സ​ന്തോ​ഷ് കു​മാ​ർ എ​ന്നി​വ​രു​ടെ നേ​തൃ​ത്വ​ത്തി​ൽ വ​ൻ പോ​ലീസ് സം​ഘ​വും അ​ന്പ​തോ​ളം വ​രു​ന്ന സാ​യു​ധ പോ​ലീ​സ് സേ​ന​യു​മെ​ത്തി സം​ഘ​ർ​ഷാ​വ​സ്ഥ നി​യ​ന്ത്രി​ക്കു​ക​യാ​യി​രു​ന്നു. ഇ​തോ​ടെ എ​സ്‌​സി​എ​സ് ജം​ഗ്ഷ​നി​ൽ എ​ൽ​ഡി​എ​ഫ് പ്ര​വ​ർ​ത്ത​ക​ർ ഒ​ന്നി​ച്ച് മു​ദ്രാ​വാ​ക്യം വി​ളി തു​ട​ർ​ന്നു. വൈ​കു​ന്നേ​രം ആ​റിന് പ്ര​വ​ർ​ത്ത​ക​രോ​ടെ പി​രി​ഞ്ഞു പോ​കാ​ൻ പോ​ലീ​സ് ആ​വ​ശ്യ​പ്പെ​ടു​ക​യാ​യി​രു​ന്നു. ക​ല്ലേ​റി​ൽ പ​രി​ക്കേ​റ്റ​വ​രെ പു​ഷ്പ​ഗി​രി മെ​ഡി​ക്ക​ൽ കോ​ള​ജി​ലും, സ​ർ​ക്കാ​ർ താ​ലൂ​ക്ക് ആ​ശു​പ​ത്രി​യി​ലും പ്ര​വേ​ശി​പ്പി​ച്ചു. സം​ഭ​വ​ത്തി​ൽ പ്ര​തി​ഷേ​ധി​ച്ച് എ​ൻ​ഡി​എ പ്ര​വ​ർ​ത്ത​ക​ർ തി​രു​വ​ല്ല ആ​ർ​ഡി​ഒ ഓ​ഫീ​സി​ലേ​ക്കും യു​ഡി​എ​ഫ് പ്ര​വ​ർ​ത്ത​ക​ർ പോ​ലീ​സ് സ്റ്റേ​ഷ​നി​ലേ​ക്കും മാ​ർ​ച്ചു ന​ട​ത്തി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.