മൂന്നര ലക്ഷത്തിന്‍റെ ബൈക്ക് കേടു വരുത്തിയ കേസ്: യുവാവ് മരിച്ചനിലയില്‍
Tuesday, May 21, 2019 12:37 AM IST
മ​ല്ല​പ്പ​ള​ളി: പു​തു​താ​യി വാ​ങ്ങി​യ മൂ​ന്ന​ര ല​ക്ഷ​ത്തോ​ളം രൂ​പ വി​ല​വ​രു​ന്ന ബൈ​ക്ക് കേ​ടു​വ​രു​ത്തി​യ കേ​സി​ല്‍ പോ​ലീ​സ് സ്റ്റേ​ഷ​നി​ലേ​ക്കു വി​ളി​പ്പി​ച്ച യു​വാ​വ് തൂ​ങ്ങി​മ​രി​ച്ച നി​ല​യി​ല്‍. മു​ര​ണി കാ​ട്ടാ​മ​ല സ്വ​ദേ​ശി ജോ​ജി ഈ​പ്പ​നാ (29) ണ് ​മ​രി​ച്ച​ത്. ഞാ​യ​റാ​ഴ്ച രാ​ത്രി സ്വ​ന്തം വീ​ട്ടി​ലാ​യി​രു​ന്നു സം​ഭ​വം. മ​ല്ല​പ്പ​ള്ളി​യി​ലെ മോ​ട്ടോ​ര്‍ സൈ​ക്കി​ള്‍ ഷോ​റൂ​മി​ല്‍ ജീ​വ​ന​ക്കാ​ര​നാ​യി​രു​ന്നു ജോ​ജി. ക​ഴി​ഞ്ഞ 17നാ​ണ് ഹ​രി എ​ന്ന യു​വാ​വ് സ​ഞ്ച​രി​ച്ചി​രു​ന്ന ബൈ​ക്ക് ജോ​ജി ത​ട​ഞ്ഞുനി​ര്‍ത്തു​ക​യും ക​ല്ലു​കൊ​ണ്ട് പെ​ട്രോ​ള്‍ ടാ​ങ്കും മ​റ്റും ഇ​ടി​ച്ചു ത​ക​ര്‍ക്കു​ക​യും ചെ​യ്ത​താ​യി പ​രാ​തി ഉ​യ​ർ​ന്ന​ത്. ഹ​രി​യു​ടെ സു​ഹൃ​ത്ത് അ​ന്‍വ​റി​ന്‍റേ​താ​യി​രു​ന്നു ഈ ​പു​തി​യ ബൈ​ക്ക്. ഇ​വ​ര്‍ ന​ല്‍കി​യ പ​രാ​തി പ്ര​കാ​രം ജോ​ജി​യെ കീ​ഴ്‌​വാ​യ്പൂ​ര് സ്റ്റേ​ഷ​നി​ലേ​ക്കു വി​ളി​പ്പി​ച്ചി​രു​ന്നു.

35,000 രൂ​പ​യു​ടെ ന​ഷ്ട​മാ​ണ് ബൈ​ക്കി​ന് ഉ​ണ്ടാ​യി​രു​ന്ന​ത്. പി​റ്റേ​ന്നു സ്റ്റേ​ഷ​നി​ല്‍ പ​ഞ്ചാ​യ​ത്തം​ഗ​ത്തി​നൊ​പ്പം ഹാ​ജ​രാ​യ ജോ​ജി ബൈ​ക്ക് ന​ന്നാ​ക്കി ന​ല്‍കാ​മെ​ന്ന് അ​റി​യി​ച്ചി​രു​ന്ന​താ​യി പ​റ​യു​ന്നു. ഈ ​സം​ഭ​വ​ത്തി​നു മു​ന്പ് ജോ​ജി​യെ ഒ​രു സം​ഘം യു​വാ​ക്ക​ള്‍ മ​ര്‍ദി​ച്ചി​രു​ന്നു. അ​തി​ന്‍റെ പ്ര​തി​കാ​ര​മാ​യി​ട്ടാ​ണ് ജോ​ജി ബൈ​ക്ക് കേ​ടു​വ​രു​ത്തി​യ​തെ​ന്നാ​ണു പ​റ​യു​ന്ന​ത്.


പ​റ​ഞ്ഞ സ​മ​യ​ത്ത് ബൈ​ക്ക് ശ​രി​യാ​ക്കി ന​ല്‍കാ​ത്ത​തു മൂ​ലം ജോ​ജി​ക്ക‌ു ഭീ​ഷ​ണി​യു​ണ്ടാ​യി​രു​ന്നെ​ന്നും പ​റ​യു​ന്നു. ഇ​താ​ണ് ആ​ത്മ​ഹ​ത്യ​യി​ലേ​ക്ക് ന​യി​ച്ച​തെ​ന്നു ബി​ജെ​പി ആ​രോ​പി​ക്കു​ന്നു. ഡി​വൈ​എ​ഫ്ഐ പ്ര​വ​ര്‍ത്ത​ക​നാ​യി​രു​ന്ന ഇ​യാ​ള്‍ പി​ന്നീ​ട് യു​വ​മോ​ര്‍ച്ച​യി​ല്‍ ചേ​ര്‍ന്നി​രു​ന്നു. ജോ​ജി​യു​ടെ സം​സ്‌​കാ​രം ഇ​ന്ന് 11ന് ​മ​ല്ല​പ്പ​ള്ളി സെ​ന്‍റ് ഫ്രാ​ന്‍സി​സ് ക​ത്തോ​ലി​ക്കാ പ​ള്ളി സെ​മി​ത്തേ​രി​യി​ല്‍ ന​ട​ക്കും. മാ​താ​വ്: സി​സി​ലി. സ​ഹോ​ദ​ര​ങ്ങ​ള്‍: ജി​ജോ, ജി​ബി​ൻ.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.