ഓണ്‍ലൈന്‍ ജോലി വാഗ്ദാനം ചെയ്തു യുവതിയുടെ ഒന്നര ലക്ഷം തട്ടിയെന്ന് : Deepika.com Kerala News |

Click here for detailed news of all items

ഓണ്‍ലൈന്‍ ജോലി വാഗ്ദാനം ചെയ്തു യുവതിയുടെ ഒന്നര ലക്ഷം തട്ടിയെന്ന്

Tuesday, March 19, 2024 2:19 AM IST

കൊച്ചി: ഓണ്‍ലൈന്‍ ജോലി വാഗ്ദാനം ചെയ്തു യുവതിയുടെ ഒന്നര ലക്ഷം രൂപ തട്ടിയെടുത്തതായി പരാതി. പണം നഷ്‌ടപ്പെട്ട പച്ചാളം സ്വദേശിനിയാണ് എറണാകുളം നോര്‍ത്ത് പോലീസ് സ്റ്റേഷനില്‍ പരാതി നല്‍കിയത്.

സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചു. വീട്ടിലിരുന്ന് കൂടുതല്‍ പണം സമ്പാദിക്കാം എന്നു വ്യാജവാഗ്ദാനം നൽകിയ സംഘം ആദ്യം ചെറിയ ടാസ്‌കുകള്‍ യുവതിക്ക് നല്‍കി. അതു പൂര്‍ത്തീകരിച്ചാല്‍ പണം നല്‍കുമെന്നാണു പറഞ്ഞത്. എന്നാല്‍ അതു പൂര്‍ത്തീകരിച്ചശേഷം തുടര്‍ന്ന് പങ്കെടുക്കാനായി പലതവണ പണം ചോദിച്ചു.

അങ്ങനെ പല തവണകളായി യുവതി ഒന്നര ലക്ഷം രൂപ തട്ടിപ്പുസംഘത്തിന് കൈമാറി. ടാസ്‌ക് പൂര്‍ത്തീകരിച്ചിട്ടും പണം ലഭിക്കാതെ വന്നതോടെ തട്ടിപ്പിനിരയായി എന്നു മനസിലായി. ഇതോടെയാണു പരാതിയുമായി പോലീസിനെ സമീപിച്ചത്. പ്രതികളെ കണ്ടെത്തുന്നതിനായി അന്വേഷണം ഊര്‍ജിതമാക്കിയിട്ടുണ്ട്.

ഓണ്‍ലൈന്‍ ജോലി വാഗ്ദാനം ചെയ്തു കതൃക്കടവ് സ്വദേശിനിയുടെ എട്ടു ലക്ഷം രൂപ തട്ടിയെടുത്ത പരാതിയിലും നോര്‍ത്ത് പോലീസ് കഴിഞ്ഞ ദിവസം കേസെടുത്തിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.