കെഎസ്ആർടിസിയിലെ ആശ്രിത നിയമനം ദിവസവേതനാടിസ്ഥാനത്തിൽ : Deepika.com Kerala News |

Click here for detailed news of all items

കെഎസ്ആർടിസിയിലെ ആശ്രിത നിയമനം ദിവസവേതനാടിസ്ഥാനത്തിൽ

Tuesday, March 19, 2024 2:52 AM IST

പ്രദീപ് ചാത്തന്നൂർ

ചാത്തന്നൂർ: കെഎസ്ആർടിസിയിലെ ആശ്രിത നിയമനം ദിവസവേതനാടിസ്ഥാനത്തിൽ. ആശ്രിത നിയമനത്തിനായി കാത്തിരിക്കുന്നവരെ നിരുത്സാഹപ്പെടുത്തുന്ന വ്യവസ്ഥകളാണ് കെഎസ്ആർടിസി മുന്നോട്ടു വയ്ക്കുന്നത്. ഇതൊരു സ്ഥിരം നിയമനമോ സ്ഥിരം നിയമനത്തിനുള്ള യോഗ്യതയോ അല്ലെന്ന് കെഎസ്ആർടിസി വ്യക്തമാക്കുന്നു.

സർവീസിലിരിക്കേ മരിച്ച ജീവനക്കാരുടെ ആശ്രിതർക്കാണ് നിയമനം നല്കുന്നത്. നിയമനത്തിനായി വർഷങ്ങളായി കാത്തിരിക്കുന്നവരാണ് അധികവും. നിയമനം നല്കാൻ തീരുമാനമായപ്പോഴാണ് വ്യവസ്ഥകൾ.

കെഎസ്ആർടിസി നടത്തുന്ന യാത്രാ ഫ്യൂവൽസ് പമ്പുകളിൽ സെയിൽസ് അസിസ്റ്റന്‍റുമാരായാണ് ഇപ്പോൾ നിയമിക്കുന്നത്. 715 രൂപ നിരക്കിൽ ദിവസവേതനാടിസ്ഥാനത്തിലാണ് നിയമനം. ഒരു വർഷം പരമാവധി 100 ഡ്യൂട്ടി എന്ന് നിജപ്പെടുത്തിയിട്ടുമുണ്ട്.

വിദ്യാഭ്യാസ യോഗ്യതയനുസരിച്ച് ഡ്രൈവർ, പമ്പ് ഓപ്പറേറ്റർ എന്നീ തസ്തികകളിൽ നിയമിക്കും. എങ്കിലും മാനേജ്മെന്‍റ് നിർദേശിക്കുന്ന ഏതു തസ്തികയിലും ജോലി ചെയ്യണം. ആശ്രിത നിയമനക്കാരെ സ്ഥിര നിയമനത്തിന് പരിഗണിക്കില്ല.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.