റവ.ഡോ. ഫ്രാന്‍സിസ് മരോട്ടിക്കാപറമ്പിൽ കാര്‍മല്‍ഗിരി റെക്ടർ : Deepika.com Kerala News |

Click here for detailed news of all items

റവ.ഡോ. ഫ്രാന്‍സിസ് മരോട്ടിക്കാപറമ്പിൽ കാര്‍മല്‍ഗിരി റെക്ടർ

Thursday, March 28, 2024 12:04 AM IST

കൊച്ചി: ആലുവ കാര്‍മല്‍ഗിരി പൊന്തിഫിക്കല്‍ സെമിനാരിയുടെ റെക്ടറായി റവ. ഡോ. ഫ്രാന്‍സിസ് മരോട്ടിക്കാപറമ്പിലിനെ നിയമിച്ചു. വരാപ്പുഴ അതിരൂപതാംഗമായ ഇദ്ദേഹം 25 വര്‍ഷമായി സെമിനാരിയിലെ അധ്യാപകനാണ്.

ആറു വര്‍ഷം റെക്ടറായിരുന്ന റവ.ഡോ. ചാക്കോ പുത്തന്‍പുരയ്ക്കല്‍ വിരമിച്ച ഒഴിവിലാണു പുതിയ റെക്ടറെ ഫ്രാന്‍സിസ് മാർപാപ്പ നിയമിച്ചത്. കേരള ലത്തീന്‍ കത്തോലിക്കാ മെത്രാന്‍സമിതി പ്രസിഡന്‍റും കാര്‍മല്‍ഗിരി സെമിനാരിയുടെ കമ്മീഷന്‍ ചെയര്‍മാനുമായ ബിഷപ് ഡോ. വര്‍ഗീസ് ചക്കാലയ്ക്കല്‍ നിയമനം ഔദ്യോഗികമായി അറിയിച്ചു. തുടർന്നു ചെയര്‍മാന്‍റെ മുന്പാകെ പ്രതിജ്ഞ ചൊല്ലി ഫാ. മരോട്ടിക്കാപറമ്പില്‍ ചുമതലയേറ്റു.

റോമിലെ പൊന്തിഫിക്കല്‍ ഗ്രിഗോറിയന്‍ യൂണിവേഴ്‌സിറ്റിയില്‍നിന്നു സഭാചരിത്രത്തില്‍ ഡോക്ടറേറ്റ് നേടിയിട്ടുള്ള ഫാ. മരോട്ടിക്കാപറന്പിലിന് ഇംഗ്ലീഷ്, ലാറ്റിന്‍, ഇറ്റാലിയന്‍, ജര്‍മന്‍, മലയാളം ഭാഷകളില്‍ പ്രാവീണ്യമുണ്ട്. 1999 മുതല്‍ കാർമൽഗിരിയിൽ വിവിധ വിഷയങ്ങള്‍ പഠിപ്പിക്കുന്ന ഇദ്ദേഹം, ബര്‍സാര്‍, ലൈബ്രേറിയന്‍, രജിസ്ട്രാര്‍, ഫിനാൻഷ്യല്‍ അഡ്മിനിസ്‌ട്രേറ്റര്‍, വൈസ് റെക്ടര്‍ എന്നീ ചുമതലകളും വഹിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.