ബിജെപി അവകാശപ്പെടുന്ന മോദിതരംഗം രാജ്യത്തില്ല. 2004ല് വാജ്പേയ് സര്ക്കാര് വീണ്ടും അധികാരത്തില് വരാന് പറഞ്ഞ ഇന്ത്യ തിളങ്ങുന്നു എന്ന മുദ്രാവാക്യത്തിനുശേഷം തെരഞ്ഞെടുപ്പ് നടന്നപ്പോള് യുപിഎ ആണ് ജയിച്ചത്. അതാണ് ഇത്തവണ സംഭവിക്കാന് പോകുന്നത്. ഇന്ത്യാ സഖ്യം അധികാരത്തില് വരും.
മോദി കേരളത്തില് ഓരോ തവണ വരുന്തോറും കോണ്ഗ്രസിന്റെയും യുഡിഎഫിന്റെയും വോട്ടു കൂടുകയാണ്. ബിജെപിയുടെ വര്ഗീയരാഷ്ട്രീയം ജനത്തിന് അത്രകണ്ട് ബോധ്യമായി. ദേശീയതലത്തില് സാന്നിധ്യമില്ലാത്ത സിപിഎമ്മിനു വോട്ടുചെയ്തിട്ടു കാര്യമില്ലെന്നും ജനത്തിനറിയാം.
വയനാട്ടില് പാര്ട്ടി പതാക ഉപയോഗിക്കാത്തതു തെരഞ്ഞെടുപ്പു പ്രചാരണത്തിന്റെ പുത്തന്രീതിയാണ്. ബിജെപിയുടെ ആക്ഷേപം സിപിഎം ഏറ്റുപാടുകയാണ്. റോബര്ട്ട് വദ്ര തെരഞ്ഞെടുപ്പില് കോണ്ഗ്രസ് സ്ഥാനാര്ഥിയാവാന് താത്പര്യം പ്രകടിപ്പിച്ചതിനെക്കുറിച്ച് തനിക്ക് ഒന്നും പറയാനില്ല. എസ്ഡിപിഐ പിന്തുണ യുഡിഎഫിനു വേണ്ട. പിഡിപി പിന്തുണ തള്ളാന് എല്ഡിഎഫ് തയാറാണോയെന്നും ചെന്നിത്തല ചോദിച്ചു.