രാഷ്‌ട്രീയ പാർട്ടികൾക്കു സംഭാവനയ്ക്കായി തെരഞ്ഞെടുപ്പു ബോണ്ടുകൾ
Wednesday, January 3, 2018 1:06 AM IST
ന്യൂ​ഡ​ൽ​ഹി: രാ​ഷ്‌ട്രീയ പാ​ർ​ട്ടി​ക​ൾ​ക്കു സം​ഭാ​വ​ന ന​ൽ​കു​ന്ന​തി​നാ​യു​ള്ള തെ​ര​ഞ്ഞെ​ടു​പ്പു ബോ​ണ്ടി​ന്‍റെ രൂ​പ​രേ​ഖ പ്ര​ഖ്യാ​പി​ച്ച് കേ​ന്ദ്രസ​ർ​ക്കാ​ർ. കേ​ന്ദ്ര ധ​ന​മ​ന്ത്രി അ​രു​ണ്‍ ജ​യ്റ്റ്‌ലി​യാ​ണു തെ​ര​ഞ്ഞെ​ടു​പ്പു ബോ​ണ്ട് പ്ര​ത്യേ​ക​ത​ക​ളും രൂ​പ​രേ​ഖ​യും വ്യ​ക്ത​മാ​ക്കി​യ​ത്. സ്റ്റേ​റ്റ് ബാ​ങ്ക് ഓ​ഫ് ഇ​ന്ത്യ​യു​ടെ തെ​ര​ഞ്ഞെ​ടു​ത്ത ശാ​ഖ​ക​ളി​ൽ മാ​റ്റി​യെ​ടു​ക്കാ​വു​ന്ന​യാ​യി​രി​ക്കും തെ​ര​ഞ്ഞെ​ടു​പ്പു ബോ​ണ്ടു​ക​ൾ.

തെ​ര​ഞ്ഞെ​ടു​പ്പു ബോ​ണ്ടു​ക​ളി​ൽ സം​ഭാ​വ​ന ന​ൽ​കു​ന്ന​വ​രു​ടെ പേ​രു വെ​ളി​പ്പെ​ടു​ത്തി​ല്ലെ​ന്നും ജ​യ്റ്റ്‌ലി ലോ​ക്സ​ഭ​യി​ൽ പ​റ​ഞ്ഞു. 1000 രൂ​പ മു​ത​ൽ ഒ​രു കോ​ടി രൂ​പ​യു​ടെവ​രെ തെ​ര​ഞ്ഞെ​ടു​പ്പു ബോ​ണ്ടു​ക​ളാ​ണു പു​റ​ത്തി​റ​ക്കുക. ബോ​ണ്ട് മാ​റി രാ​ഷ്‌ട്രീയ പാ​ർ​ട്ടി​ക​ൾ പ​ണം കൈ​പ്പ​റ്റു​ന്ന​ത് വ​രെ എ​സ്ബി​ഐ ആ​യി​രി​ക്കും സം​ഭാ​വ​ന ന​ൽ​കു​ന്ന ആ​ളു​ടെ പ​ണം സം​ര​ക്ഷി​ക്കു​ന്ന​ത്. പ്രോ​മി​സ​റി നോ​ട്ടി​നു സ​മാ​ന​മാ​യി പ​ലി​ശ​ര​ഹി​ത ബോ​ണ്ടു​ക​ളാ​ണു തെ​ര​ഞ്ഞെ​ടു​പ്പു ബോ​ണ്ടു​ക​ൾ. 15 ദി​വ​സ​ത്തെ കാ​ലാ​വ​ധി​യാ​ണ് ബോ​ണ്ടു​ക​ൾ​ക്കു​ള്ള​ത്.

1951ലെ ​ജ​ന​പ്രാ​തി​നി​ധ്യ നി​യ​മ​ം 29 എ ​വ​കു​പ്പു പ്ര​കാ​രം തെ​ര​ഞ്ഞെ​ടു​പ്പു ക​മ്മീ​ഷ​നി​ൽ ര​ജി​സ്റ്റ​ർ ചെ​യ്തി​ട്ടു​ള്ള രാഷ്‌‌ട്രീ​യ പാ​ർ​ട്ടി​ക​ൾ​ക്കു മാ​ത്ര​മേ തെ​ര​ഞ്ഞെ​ടു​പ്പു ബോ​ണ്ടു​ക​ളി​ലൂ​ടെ സം​ഭാ​വ​ന സ്വീ​ക​രി​ക്കാ​ൻ ക​ഴി​യൂ. മു​ൻ ലോ​ക്സ​ഭ, അ​സം​ബ്ലി തെ​ര​ഞ്ഞെ​ടു​പ്പു​ക​ളി​ൽ ആ​കെ ല​ഭി​ച്ച വോ​ട്ടി​ന്‍റെ ഒ​രു ശ​ത​മാ​ന​മെ​ങ്കി​ലും ല​ഭി​ച്ച പാ​ർ​ട്ടി​ക​ൾ​ക്കു മാ​ത്ര​മേ ബോ​ണ്ട് സ്വീ​ക​രി​ക്കാ​നാകൂ. രാ​ഷ്‌ട്രീയ പാ​ർ​ട്ടി​ക​ൾ​ക്കു ന​ൽ​കു​ന്ന സം​ഭാ​വ​ന​ക​ൾ സു​താ​ര്യ​മാ​ക്കു​ന്ന​തി​നാ​ണ് തെ​ര​ഞ്ഞെ​ടു​പ്പു ബോ​ണ്ടു​ക​ൾ പു​റ​ത്തി​റ​ക്കു​ന്ന​തെ​ന്നാ​ണു സ​ർ​ക്കാ​ർ വി​ശ​ദീ​ക​ര​ണം.

സ​മാ​ന്ത​ര ക​റ​ൻ​സി​യാ​യി മാ​റാ​തി​രി​ക്കാ​നാ​ണു തെ​ര​ഞ്ഞെ​ടു​പ്പു ബോ​ണ്ടു​ക​ളു​ടെ കാ​ലാ​വ​ധി 15 ദി​വ​സ​മാ​യി നി​ജ​പ്പെ​ടു​ത്തി​യ​തെ​ന്നും ജ​യ്റ്റ്‌ലി പാ​ർ​ല​മെ​ന്‍റി​നു പു​റ​ത്തു വ്യ​ക്ത​മാ​ക്കി.ബോ​ണ്ടി​ൽ സം​ഭാ​വ​ന ന​ൽ​കു​ന്ന ആ​ളു​ടെ പേ​ര് വെ​ളി​പ്പെ​ടു​ത്താ​തി​രി​ക്കു​ന്ന​തി​ൽ എ​ന്താ​ണു പ്ര​യോ​ജ​ന​മെ​ന്ന് കോ​ണ്‍ഗ്ര​സ് നേ​താ​വ് മ​ല്ലി​കാ​ർ​ജു​ൻ ഖാ​ർ​ഗെ ചോ​ദി​ച്ചു. ബോ​ണ്ടു​ക​ൾ വാ​ങ്ങു​ന്ന​വ​രു​ടെ ബാ​ല​ൻ​സ് ഷീ​റ്റി​ൽ ഇ​ത് പ്ര​തി​ഫ​ലി​ക്കു​മെ​ന്നും സു​താ​ര്യ​ത ഉ​റ​പ്പു വ​രു​ത്താ​നാ​കു​മെ​ന്നു​മാ​യി​രു​ന്നു ജ​യ്​റ്റ്‌ലിയു​ടെ മ​റു​പ​ടി. സം​ഭാ​വ​ന ന​ൽ​കു​ന്ന ആ​ളു​ടെ പേ​ര് വെ​ളി​പ്പെ​ടു​ത്തി​യാ​ൽ കൂ​ടു​ത​ൽ പേ​ർ ക​ള്ള​പ്പ​ണം വെ​ളു​പ്പി​ക്കു​ന്ന​തി​നാ​യി മു​ന്നോ​ട്ടു വ​രും. നി​ല​വി​ൽ രാഷ്‌ട്രീ​യ​ പാ​ർ​ട്ടി​ക​ൾ​ക്കു സം​ഭാ​വ​ന ന​ൽ​കു​ന്ന​വ​രെ​ക്കു​റി​ച്ച് ഒ​രു വി​വ​ര​വും ല​ഭ്യ​മ​ല്ലെ​ന്നും മ​ന്ത്രി വ്യ​ക്ത​മാ​ക്കി. തെ​ര​ഞ്ഞെ​ടു​പ്പു ബോ​ണ്ടു​ക​ൾ തെ​ര​ഞ്ഞെ​ടു​പ്പു രം​ഗ​ത്ത് ക​ള്ള​പ്പ​ണം ഒ​ഴു​കു​ന്ന​ത് വ്യാ​പ​ക​മാ​യി ത​ട​യു​മെ​ന്നും മ​ന്ത്രി അ​വ​കാ​ശ​പ്പെ​ട്ടു.


2017ലെ ​ബ​ജ​റ്റ് പ്ര​സം​ഗ​ത്തി​ൽ രാഷ്‌ട്രീയ പാ​ർ​ട്ടി​ക​ൾ​ക്ക് വ്യ​ക്തി​ക​ൾ 2000 രൂ​പ​യ്ക്കു മു​ക​ളി​ൽ പ​ണം സം​ഭാ​വ​ന ചെ​യ്യു​ന്ന​ത് നി​ർ​ത്ത​ലാ​ക്കു​മെ​ന്ന് ജ​യ്​റ്റ്‌ലി പ്ര​ഖ്യാ​പി​ച്ചി​രു​ന്നു. പ​ക​രം, തെ​ര​ഞ്ഞെ​ടു​പ്പു ബോ​ണ്ടു​ക​ൾ ഏ​ർ​പ്പെ​ടു​ത്തു​മെ​ന്നും മ​ന്ത്രി അ​ന്നു വ്യ​ക്ത​മാ​ക്കി​യി​രു​ന്നു.

എ​ന്നാ​ൽ, 2017 മാ​ർ​ച്ചി​ൽ ന​ട​ന്ന പാ​ർ​ല​മെ​ന്‍റ് സ​മ്മേ​ള​ന​ത്തി​ൽ സ​ർ​ക്കാ​ർ കൊ​ണ്ടുവ​ന്ന ധ​ന​ബി​ല്ലി​നെ​തി​രേ പ്ര​തി​പ​ക്ഷം രാ​ജ്യ​സ​ഭ​യി​ൽ പാ​സാ​ക്കി​യ ഭേ​ദ​ഗ​തി​ക​ൾ​ക്കൊ​പ്പം തെ​ര​ഞ്ഞെ​ടു​പ്പു ബോ​ണ്ട് വ്യാ​പ​ക അ​ഴി​മ​തി​ക്കു വ​ഴി​തെ​ളി​ക്കു​മെ​ന്നു ചൂ​ണ്ടി​ക്കാ​ട്ടി​യി​രു​ന്നു.

തെ​ര​ഞ്ഞെ​ടു​പ്പുരം​ഗ​ത്തു നി​ൽ​ക്കു​ന്ന പ​ണാ​ധി​പ​ത്യം തെ​ര​ഞ്ഞെ​ടു​പ്പുബോ​ണ്ടു​ക​ൾ ഒ​ന്നു​കൂ​ടി ശ​ക്ത​മാ​ക്കു​മെ​ന്നാ​ണു സി​പി​എം നേ​താ​വ് സീ​താ​റാം യെ​ച്ചൂ​രി അ​ന്നു ചൂ​ണ്ടി​ക്കാ​ട്ടി​യ​ത്. ബോ​ണ്ട് വാ​ങ്ങി​യ​ത് ആ​രാ​ണെ​ന്നും ആ​ർ​ക്കാ​ണു ന​ൽ​കി​യ​തെ​ന്നും സ​ർ​ക്കാ​രി​ന് അ​റി​യാ​ൻ ക​ഴി​യും. എ​തി​ർ​ക​ക്ഷി​ക​ളെ​യും സം​ഭാ​വ​ന ന​ൽ​കു​ന്ന​വ​രെ​യും നി​രീ​ക്ഷി​ക്കാ​നും ഭീ​ഷ​ണി​പ്പെ​ടു​ത്താ​നും ഇ​തു സ​ർ​ക്കാ​ർ ദു​രു​പ​യോ​ഗ​പ്പെ​ടു​ത്തും. ഭ​ര​ണ​ക​ക്ഷി​ക്കു മാ​ത്ര​മാ​യി സം​ഭാ​വ​ന ല​ഭി​ക്കു​ന്ന സ്ഥി​തി​യു​ണ്ടാ​കു​മെ​ന്നു​മാ​ണ് യെ​ച്ചൂ​രി പ​റ​ഞ്ഞ​ത്. തെ​ര​ഞ്ഞെ​ടു​പ്പു ബോ​ണ്ടു​ക​ൾ പ്ര​തി​പ​ക്ഷ പാ​ർ​ട്ടി​ക​ളെ കൂ​ടി സ​ഹാ​യി​ക്കു​മെ​ന്നാ​യി​രു​ന്നു അ​ന്നു ജ​യ്റ്റ്‌ലി ന​ൽ​കി​യ മ​റു​പ​ടി.

ബോ​ണ്ടി​ന്‍റെ പ്ര​ത്യേ​ക​ത​ക​ൾ

* ജ​നു​വ​രി, ഏ​പ്രി​ൽ, ജൂ​ലൈ, ഒ​ക്ടോ​ബ​ർ മാ​സ​ങ്ങ​ളി​ൽ പ​ത്തു ദി​വ​സം വീ​ത​മാ​ണു ബോ​ണ്ടു​ക​ൾ വാ​ങ്ങാ​ൻ അ​വ​സ​രം ല​ഭി​ക്കു​ന്ന​ത്.

* പൊ​തുതെ​ര​ഞ്ഞെ​ടു​പ്പു ന​ട​ക്കു​ന്ന വ​ർ​ഷം 30 ദി​വ​സ​ത്തേ​ക്കാ​ണു ബോ​ണ്ട് വാ​ങ്ങാ​ൻ ക​ഴി​യൂ.
=സം​ഭാ​വ​ന ന​ൽ​കു​ന്ന വ്യ​ക്തി​യു​ടെ പേ​ര് ബോ​ണ്ടി​ൽ രേ​ഖ​പ്പെ​ടു​ത്തി​ല്ല.

* എ​സ്ബി​ഐ​യി​ൽ കെ​വൈ​സി വി​വ​ര​ങ്ങ​ൾ വെ​ളി​പ്പെ​ടു​ത്തി​യ വ്യ​ക്തി​ക​ൾ​ക്കോ സം​ഘ​ട​ന​ക​ൾ​ക്കോ മാ​ത്ര​മേ ബോ​ണ്ട് വാ​ങ്ങാ​ൻ ക​ഴി​യൂ.

* 1000 രൂ​പ​യു​ടെ ഗു​ണി​ത​ങ്ങ​ളാ​യ പ​തി​നാ​യി​രം, ഒ​രു ല​ക്ഷം, പ​ത്തു ല​ക്ഷം, ഒ​രു കോ​ടി എ​ന്നീ തു​ക​ക​ൾ​ക്ക് ബോ​ണ്ടു​ക​ൾ ല​ഭ്യ​മാ​കും.

* ഡി​ജി​റ്റ​ൽ പേ​മെ​ന്‍റ് വ​ഴി​യോ ചെ​ക്ക് ന​ൽ​കി​യോ ബാ​ങ്കി​ൽനി​ന്നു ബോ​ണ്ട് വാ​ങ്ങാം.

* സം​ഭാ​വ​ന ന​ൽ​കു​ന്ന ആ​ൾ​ക്ക് ഏ​ത് രാ​ഷ്‌ട്രീയ പാ​ർ​ട്ടി​ക്കുവേ​ണ്ടി​യാ​ണു ബോ​ണ്ട് ന​ൽ​കു​ന്ന​തെ​ന്നു വ്യ​ക്ത​മാ​ക്കാം.

* ബോ​ണ്ട് ല​ഭി​ച്ച പാ​ർ​ട്ടി അ​തു ബാ​ങ്കി​ൽ നി​ക്ഷേ​പി​ക്കു​ക​യും വി​ശ​ദ വി​വ​ര​ങ്ങ​ൾ തെ​ര​ഞ്ഞെ​ടു​പ്പു ക​മ്മീ​ഷ​നി​ൽ രേ​ഖ​മൂ​ലം ന​ൽ​കു​ക​യും ചെ​യ്യ​ണം.

* എ​സ്ബി​ഐ​യു​ടെ തെ​ര​ഞ്ഞെ​ടു​ത്ത ശാ​ഖ​ക​ളി​ൽ മാ​ത്ര​മേ ഈ ​ബോ​ണ്ടു​ക​ൾ പ​ണ​മാ​യി മാ​റ്റാ​ൻ ക​ഴി​യൂ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.