National News
നാ​ട​കാ​ന്തം ബി​ജെ​പി
നാ​ട​കാ​ന്തം ബി​ജെ​പി
Thursday, May 17, 2018 1:00 AM IST
ബം​ഗ​ളൂ​രു: കോ​ൺ​ഗ്ര​സ്-​ജ​ന​താ​ദ​ൾ-​എ​സ് സ​ഖ്യം ഭൂ​രി​പ​ക്ഷ​പി​ന്തു​ണ അ​റി​യി​ച്ചെ​ങ്കി​ലും ക​ർ​ണാ​ട​ക ഗ​വ​ർ​ണ​ർ വാ​ജു​ഭാ​യി വാ​ല ബി​ജെ​പി നേ​താ​വ് ബി.​എ​സ്. യെ​ദി​യൂ​ര​പ്പ​യെ മു​ഖ്യ​മ​ന്ത്രി​യാ​കാ​ൻ ക്ഷ​ണി​ച്ചു. ഭൂ​രി​പ​ക്ഷം തെ​ളി​യി​ക്കാ​ൻ 15 ദി​വ​സം ന​ല്കി. ഇ​ന്നു രാ​വി​ലെ ഒൻപതിനു ​യെ​ദി​യൂ​ര​പ്പ സ​ത്യ​പ്ര​തി​ജ്ഞ ചെ​യ്യും. ഗ​വ​ർ​ണ​റു​ടെ ന​ട​പ​ടി​യെ കോ​ട​തി​യി​ൽ ചോ​ദ്യം ചെ​യ്യു​മെ​ന്നു കോ​ൺ​ഗ്ര​സും ജെ​ഡി-​എ​സും പ​റ​ഞ്ഞു.

ഏ​റ്റ​വും വ​ലി​യ ക​ക്ഷി​യു​ടെ നേ​താ​വി​നെ മ​ന്ത്രി​സ​ഭ ഉ​ണ്ടാ​ക്കാ​ൻ ക്ഷ​ണി​ക്കു​ക എ​ന്ന കീ​ഴ്‌​വ​ഴ​ക്ക​മാ​ണു ഗ​വ​ർ​ണ​ർ പാ​ലി​ച്ച​തെ​ന്നു ബി​ജെ​പി നേ​താ​ക്ക​ൾ ചൂ​ണ്ടി​ക്കാ​ട്ടി. എ​ന്നാ​ൽ 222 അം​ഗ നി​യ​മ​സ​ഭ​യി​ൽ 117 പേ​രു​ടെ പി​ന്തു​ണ​യു​ള്ള സ​ഖ്യ​ത്തെ അ​വ​ഗ​ണി​ച്ച​തി​നെ കോ​ൺ​ഗ്ര​സും ജെ​ഡി-​എ​സും വി​മ​ർ​ശി​ച്ചു.

ബി​ജെ​പി​ക്കു 104 എം​എ​ൽ​എ​മാ​രാ​ണു​ള്ള​ത്. ഒ​രു സ്വ​ത​ന്ത്ര എം​എ​ൽ​എ​യു​ടെ പി​ന്തു​ണ​യെ അ​വ​ർ​ക്കു പ​ര​സ്യ​മാ​യി ല​ഭി​ച്ചി​ട്ടു​ള്ളൂ. 224 അം​ഗ​സ​ഭ​യി​ൽ ര​ണ്ടു സീ​റ്റി​ൽ വോ​ട്ടിം​ഗ് ന​ട​ന്നി​ല്ല; എ​ച്ച്.​ഡി. കു​മാ​ര​സ്വാ​മി ര​ണ്ടി​ട​ത്തു​നി​ന്നു ജ​യി​ച്ച​തി​നാ​ൽ പ്രാ​യോ​ഗി​ക അം​ഗ​ബ​ലം 221 മാ​ത്ര​മാ​ണ്. അ​തി​നാ​ൽ ഭൂ​രി​പ​ക്ഷ​ത്തി​നു 111 പേ​ർ മ​തി. കോ​ൺ​ഗ്ര​സി​ന് 78-ഉം ​ജെ​ഡി​എ​സി​ന് 37-ഉം ​അം​ഗ​ങ്ങ​ൾ ഉ​ണ്ട്.

ഗോ​വ​യി​ലും മേ​ഘാ​ല​യ​യിലും മ​ണി​പ്പൂ​രി​ലും നിയമസഭ യിൽ ഏ​റ്റ​വും വ​ലി​യ ക​ക്ഷി​യെ വി​ളി​ക്കാ​തെ തെ​ര​ഞ്ഞെ​ടു​പ്പി​നു ശേ​ഷ​മു​ണ്ടാ​ക്കി​യ ഭൂരിപക്ഷ സ​ഖ്യ​ത്തെ മ​ന്ത്രി​സ​ഭ ഉ​ണ്ടാ​ക്കാ​ൻ വി​ളി​ച്ചി​രു​ന്നു. ആ ​കീ​ഴ്‌​വ​ഴ​ക്കം ക​ർ​ണാ​ട​ക​ത്തി​ൽ തു​ട​രാ​ത്ത​ത് എ​ന്തു​കൊ​ണ്ടെ​ന്നു കോ​ൺ​ഗ്ര​സ് ചോ​ദി​ച്ചു.

എം​എ​ൽ​എ​മാ​ർ​ക്കു 100 കോ​ടി രൂ​പ​യും മ​ന്ത്രി​സ്ഥാ​ന​വും വ​രെ വാ​ഗ്ദാ​നം ചെ​യ്തു കൂ​റു​മാ​റ്റ​ത്തി​നു പ്രേ​രി​പ്പി​ക്കു​ക​യാ​ണു ബി​ജെ​പി എ​ന്നാ​രോ​പി​ച്ച് കോ​ൺ​ഗ്ര​സ് അ​വ​രു​ടെ എം​എ​ൽ​എ​മാ​രെ ഈ​ഗി​ൾ​ട്ട​ൺ റി​സോ​ർ​ട്ടി​ലേ​ക്കു മാ​റ്റി. കോ​ൺ​ഗ്ര​സ് നേ​താ​വ് ഡി.​കെ. ശി​വ​കു​മാ​റി​ന്‍റെ ഈ ​റി​സോ​ർ​ട്ടി​ലാ​ണു നേ​ര​ത്തേ ഗു​ജ​റാ​ത്തി​ലെ കോ​ൺ​ഗ്ര​സ് എം​എ​ൽ​എ​മാ​രെ പാ​ർ​പ്പി​ച്ച​ത്.


ഇ​ന്ന​ലെ രാ​വി​ലെ ചേ​ർ​ന്ന ബി​ജെ​പി നി​യ​മ​സ​ഭാ​ക​ക്ഷി​യോ​ഗം ബി.​എ​സ്. യെ​ദി​യൂ​ര​പ്പ​യെ നേ​താ​വാ​യി തെ​ര​ഞ്ഞെ​ടു​ത്തു. യോ​ഗപ്ര​മേ​യ​വും എം​എ​ൽ​എ​മാ​രു​ടെ പ​ട്ടി​ക​യു​മാ​യി ഉ​ച്ച​യോ​ടെ യെ​ദി​യൂ​ര​പ്പ ഗ​വ​ർ​ണ​ർ വാ​ജു​ഭാ​യി വാ​ല​യെ സ​ന്ദ​ർ​ശി​ച്ചു. ഉ​ച്ച​യ്ക്കു മു​ൻ​പു ജെ​ഡി​എ​സ്, കോ​ൺ​ഗ്ര​സ് നി​യ​മ​സ​ഭാ​ക​ക്ഷി യോ​ഗ​ങ്ങ​ളും ന​ട​ന്നു.

ജെ​ഡി-​എ​സ് നേ​താ​വാ​യി എ​ച്ച്.​ഡി. കു​മാ​ര​സ്വാ​മി​യെ തെ​ര​ഞ്ഞെ​ടു​ത്തു. ജെ​ഡി-​എ​സ്, കോ​ൺ​ഗ്ര​സ്, ബി​എ​സ്പി എ​ന്നി​വ​യി​ലെ എം​എ​ൽ​എ​മാ​രു​ടെ​യും ഒ​രു സ്വ​ത​ന്ത്ര​ന്‍റെ​യു​മ​ട​ക്കം 117 പേ​രു​ടെ പി​ന്തു​ണ തെ​ളി​യി​ക്കു​ന്ന രേ​ഖ​ക​ളു​മാ​യി കു​മാ​ര​സ്വാ​മി വൈ​കു​ന്നേ​രം അ​ഞ്ചി​നു ഗ​വ​ർ​ണ​റെ ക​ണ്ടു. കു​മാ​ര​സ്വാ​മി​യു​ടെ കൂ​ടെ​ച്ചെ​ന്ന എം​എ​ൽ​എ​മാ​രെ രാ​ജ്ഭ​വ​നി​ൽ ക​യ​റ്റി​യി​ല്ല. ത​ങ്ങ​ളു​ടെ സ​ഖ്യ​ത്തെ മ​ന്ത്രി​സ​ഭ ഉ​ണ്ടാ​ക്കാ​ൻ ക്ഷ​ണി​ക്കു​ന്ന​തി​നു ബാ​ധ്യ​ത ഉ​ണ്ടെ​ന്നു കാ​ണി​ക്കു​ന്ന സു​പ്രീം​കോ​ട​തി വി​ധി​ക​ളു​ടെ പ​ക​ർ​പ്പും കു​മാ​ര​സ്വാ​മി ഗ​വ​ർ​ണ​ർ​ക്കു കൈ​മാ​റി. ഭ​ര​ണ​ഘ​ട​ന​യും കോ​ട​തി​വി​ധി​ക​ളും അ​നു​സ​രി​ച്ചു പ്ര​വ​ർ​ത്തി​ക്കു​മെ​ന്നു ഗ​വ​ർ​ണ​ർ അ​റി​യി​ച്ച​താ​യി കു​മാ​ര​സ്വാ​മി പ​റ​ഞ്ഞു.

രാ​ത്രി എ​ട്ടി​നു ബി​ജെ​പി​യി​ലെ സു​രേ​ഷ്കു​മാ​ർ എ​ന്ന എം​എ​ൽ​എ​യാ​ണു യെ​ദി​യൂ​ര​പ്പ​യെ ക്ഷ​ണി​ച്ച​താ​യി ട്വീ​റ്റ് ചെ​യ്ത​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.