National News
മോട്ടോർ വാഹന ഭേദഗതി ബിൽ ലോക്സഭയിൽ പാസായി
മോട്ടോർ വാഹന ഭേദഗതി ബിൽ ലോക്സഭയിൽ പാസായി
Wednesday, July 24, 2019 12:00 AM IST
ന്യൂ​ഡ​ൽ​ഹി: മോ​ട്ടോ​ർ വാ​ഹ​ന ഭേ​ദ​ഗ​തി നി​യ​മ ബി​ൽ ലോ​ക്സ​ഭ​യി​ൽ പാ​സാ​യി. സം​സ്ഥാ​ന​ങ്ങ​ളു​ടെ അ​വ​കാ​ശ​ങ്ങ​ളി​ൽ ക​ട​ന്നു ക​യ​റു​ന്ന വ്യ​വ​സ്ഥ​ക​ളാ​ണെ​ന്ന പ്ര​തി​പ​ക്ഷ ആ​രോ​പ​ണ​ങ്ങ​ളെ മ​റി​ക​ട​ന്നാ​ണ് ബി​ല്ല് പാ​സാ​യ​ത്. എ​ന്നാ​ൽ, സം​സ്ഥാ​ന​ങ്ങ​ളു​ടെ അ​വ​കാ​ശ​ങ്ങ​ളൊ​ന്നും ത​ന്നെ ക​വ​ർ​ന്നെ​ടു​ക്കി​ല്ലെ​ന്ന് ഇ​തു സം​ബ​ന്ധി​ച്ച ച​ർ​ച്ച​ക​ൾ​ക്കു മ​റു​പ​ടി പ​റ​ഞ്ഞ കേ​ന്ദ്ര ഗ​താ​ഗ​ത മ​ന്ത്രി നി​തി​ൻ ഗ​ഡ്ക​രി അ​റി​യി​ച്ചു.

ബി​ൽ പൂ​ർ​ണ​മാ​യും റോ​ഡ് സു​ര​ക്ഷ​യെ ക​രു​തി​യു​ള്ള​താ​ണെ​ന്നും മ​ന്ത്രി ആ​വ​ർ​ത്തി​ച്ചു. ന​ഷ്ട​ത്തി​ലാ​ണ് ന​ട​ന്നു പോ​കു​ന്ന​തെ​ങ്കി​ൽ കൂ​ടി റോ​ഡ് ഗാ​ത​ഗ​ത​ത്തി​ന്‍റെ ചു​മ​ത​ല സം​സ്ഥാ​ന​ങ്ങ​ൾ​ക്ക് ത​ന്നെ തു​ട​രാ​മെ​ന്നും മ​ന്ത്രി കൂ​ട്ടി​ച്ചേ​ർ​ത്തു. സം​സ്ഥാ​ന, അ​ന്ത​ർ​സം​സ്ഥാ​ന യാ​ത്രാ സ്വാ​ത​ന്ത്ര്യം ഉ​റ​പ്പു വ​രു​ത്തു​ന്ന​താ​ണ് ദേ​ശീ​യ ഗ​താ​ഗ​ത ന​യം. ഇ​തി​ൽ സം​സ്ഥാ​ന​ങ്ങ​ൾ ചേ​ര​ണ​മെ​ന്ന​ത് നി​ർ​ബ​ന്ധി​ത വ്യ​വ​സ്ഥ​യ​ല്ല. എ​ന്നാ​ൽ, എ​ല്ലാ സം​സ്ഥ​ന​ങ്ങ​ളും ത​ന്നെ ഗ​താ​ഗ​ത ന​യം ന​ട​പ്പാ​ക്ക​ണ​മെ​ന്നും മ​ന്ത്രി അ​ഭ്യ​ർ​ഥി​ച്ചു.

വാ​ഹ​നാ​പ​ക​ട മ​ര​ണനി​ര​ക്ക് ഗ​ണ്യ​മാ​യി കു​റ​ച്ച സം​സ്ഥാ​നം എ​ന്ന നി​ല​യി​ൽ ത​മി​ഴ്നാ​ടി​നെ മ​ന്ത്രി പ്ര​ത്യേ​കം അ​ഭി​ന​ന്ദി​ച്ചു. സാ​ങ്കേ​തി​കവി​ദ്യ​ക​ൾ കൂ​ടു​ത​ൽ വ​രു​ന്ന​തോ​ടെ അ​പ​ക​ട​ങ്ങ​ളു​ടെ എ​ണ്ണം കു​റ​യും. മ​ദ്യ​പി​ച്ചി​ട്ടു​ള്ള ആ​ൾ​ക്ക് വാ​ഹ​നം ഓ​ടി​ക്കാ​ൻ ക​ഴി​യാ​ത്ത സാ​ങ്കേ​തി​കവി​ദ്യ വാ​ഹ​ന​ങ്ങ​ളി​ൽ ന​ട​പ്പാ​ക്കും. അ​തു പോ​ലെ ത​ന്നെ സീ​റ്റ് ബെ​ൽ​റ്റി​ല്ലാ​തെ യാ​ത്ര ചെ​യ്താ​ൽ പോ​ലീ​സ് ക​ണ്‍ട്രോ​ൾ റൂ​മി​ൽ അ​ല​ർ​ട്ട് ചെ​ല്ലു​ന്ന സാ​ങ്കേ​തികവി​ദ്യ​യും വ​രു​മെ​ന്നും മ​ന്ത്രി പ​റ​ഞ്ഞു. ബി​ൽ നി​യ​മ​മാ​യി പ്രാ​ബ​ല്യ​ത്തി​ൽ വ​രു​ന്ന​തോ​ടെ റോ​ഡ​പ​ക​ട​ങ്ങ​ൾ ഗ​ണ്യ​മാ​യി കു​റ​യു​മെ​ന്നും മ​ന്ത്രി അ​വ​കാ​ശ​പ്പെ​ട്ടു. ബി​ല്ലി​ലെ വ്യ​വ​സ്ഥ​ക​ൾ ഒ​രു ത​ര​ത്തി​ലും സം​സ്ഥാ​ന​ങ്ങ​ളെ പ്ര​തി​കൂ​ല​മാ​യി ബാ​ധി​ക്കി​ല്ലെ​ന്നും മ​ന്ത്രി വീ​ണ്ടും വ്യ​ക്ത​മാ​ക്കി.

മോ​ട്ടോ​ർ​വാ​ഹ​ന ഭേ​ദ​ഗ​തി നി​യ​മം ഫെ​ഡ​റ​ൽ ജ​നാ​ധി​പ​ത്യ വ്യ​വ​സ്ഥ​യു​ടെ ന​ഗ്ന​മാ​യ ലം​ഘ​ന​മാ​ണെ​ന്ന് എ​ൻ.​കെ. പ്രേ​മ​ച​ന്ദ്ര​ൻ എം​പി പ​റ​ഞ്ഞു. മോ​ട്ടോ​ർ​വാ​ഹ​ന ര​ജി​സ്ട്രേ​ഷ​ൻ, ഡ്രൈ​വിം​ഗ് ലൈ​സ​ൻ​സ് തു​ട​ങ്ങി സം​സ്ഥാ​ന സ​ർ​ക്കാ​രു​ക​ളി​ൽ പൂ​ർ​ണമാ​യും നി​ക്ഷി​പ്ത​മാ​യി​രു​ന്ന അ​ധി​കാ​ര​ങ്ങ​ളാ​ണ് പു​തി​യ നി​യ​മ​ഭേ​ദ​ഗ​തി​യി​ലൂ​ടെ കേ​ന്ദ്രസ​ർ​ക്കാ​ർ ക​വ​ർ​ന്നെ​ടു​ക്കു​ന്ന​ത്. സം​സ്ഥാ​ന സ​ർ​ക്കാ​രു​ക​ളു​ടെ നി​യ​ന്ത്ര​ണ​ത്തി​ലു​ള്ള പൊ​തു​ഗ​താ​ഗ​ത സം​വി​ധാ​ന​ത്തെ ത​ക​ർ​ക്കു​ന്ന​താ​ണ് ബി​ല്ലി​ലെ പ​ല വ്യ​വ​സ്ഥ​ക​ളും. സാ​മൂ​ഹ്യ​പ്ര​തി​ബ​ദ്ധ​ത​യോ​ടെ പ്ര​വ​ർ​ത്തി​ക്കു​ന്ന പൊ​തു​ഗ​താ​ഗ​ത മേ​ഖ​ല​യെ സ്വ​കാ​ര്യ​വ​ത്ക​രി​ക്കു​ന്ന​തി​ലൂ​ടെ സാ​ധാ​ര​ണ ജ​ന​ങ്ങ​ൾ​ക്ക് ല​ഭി​ക്കു​ന്ന സേ​വ​നം അ​ന്യ​മാ​കു​മെ​ന്നും പ്രേ​മ​ച​ന്ദ്ര​ൻ പ​റ​ഞ്ഞു. രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ പ്ര​വ​ർ​ത്തി​ക്കു​ന്ന ഡ്രൈ​വിം​ഗ് സ്കൂ​ളു​ക​ളു​ടെ നി​ല​നി​ൽ​പ് അ​പ​ക​ട​ത്തി​ലാ​കു​ന്ന വ്യ​വ​സ്ഥ​ക​ളാ​ണ് ബി​ല്ലി​ലു​ള്ള​ത്. ബി​ല്ലി​ൻ​മേ​ൽ പ്രേ​മ​ച​ന്ദ്ര​ൻ അ​വ​ത​രി​പ്പി​ച്ച 17 ഭേ​ദ​ഗ​തി​ക​ൾ ശ​ബ്ദ​വോ​ട്ടോ​ടെ സ​ഭ ത​ള്ളി.


വാ​ഹ​ന അ​പ​ക​ട​ങ്ങ​ളി​ൽ മ​ര​ണ​പ്പെ​ടു​ന്ന​വ​ർ​ക്ക് അ​ഞ്ചു ല​ക്ഷം രൂ​പ​യും ഗു​രു​ത​ര പ​രി​ക്കേ​ൽ​ക്കു​ന്ന​വ​ർ​ക്ക് ര​ണ്ട​ര ല​ക്ഷം രൂ​പ​യും ന​ഷ്ട​പ​രി​ഹാ​രം വ്യ​വ​സ്ഥ ചെ​യ്യു​ന്ന​താ​ണ് മോ​ട്ടോ​ർ വാ​ഹ​ന നി​യ​മ ഭേ​ദ​ഗ​തി ബി​ൽ.

വാ​ഹ​നാ​പ​ക​ട​ങ്ങ​ളി​ൽ ജീ​വ​ൻ ന​ഷ്ട​പ്പെ​ടു​ന്ന​വ​രു​ടെ എ​ണ്ണം കു​റ​യ്ക്കാ​നാ​ണ് ബി​ൽ ല​ക്ഷ്യ​മി​ടു​ന്ന​തെ​ന്ന് ഗ​താ​ഗ​ത മ​ന്ത്രി നി​തി​ൻ ഗ​ഡ്ക​രി പ​റ​ഞ്ഞു. നി​യ​മ ലം​ഘ​ന​ങ്ങ​ൾ​ക്കു ക​ടു​ത്ത ശി​ക്ഷ, ലേ​ണിം​ഗ് ലൈ​സ​ൻ​സി​ന് ഓ​ണ്‍ ലൈ​ൻ സം​വി​ധാ​നം, ഇ​ൻ​ഷ്വറ​ൻ​സി​ന് കൂ​ടു​ത​ൽ ല​ളി​ത​മാ​യ ച​ട്ട​ങ്ങ​ൾ എ​ന്നി​വ​യും ബി​ല്ലി​ലൂ​ടെ ല​ക്ഷ്യ​മി​ടു​ന്നു​ണ്ട്. ബി​ൽ സം​സ്ഥാ​ന​ങ്ങ​ളു​ടെ അ​ധി​കാ​ര​ത്തി​ലു​ള്ള ക​ട​ന്നു​ക​യ​റ്റ​മാ​ണെ​ന്ന ആ​ക്ഷേ​പം ഗ​ഡ്ക​രി ത​ള്ളി.

ഡ്രൈവിം​ഗ് ലൈ​സ​ൻ​സ് കാ​ലാ​വ​ധി തീ​രു​ന്ന​തി​ന് ഒ​രു വ​ർ​ഷം മു​ന്പോ കാ​ലാ​വ​ധി​ക്കു ശേ​ഷം ഒ​രു വ​ർ​ഷം തി​ക​യു​ന്ന​തി​നു മു​ന്പോ പു​തു​ക്കി ന​ൽ​കാ​മെ​ന്ന് ബി​ല്ലി​ൽ വ്യ​വ​സ്ഥ​യു​ണ്ട്. നേ​ര​ത്തെ ഈ ​കാ​ലാ​വ​ധി ഒ​രു മാ​സം ആ​യി​രു​ന്നു.

ബി​ല്ലി​ലെ മ​റ്റു വ്യ​വ​സ്ഥ​ക​ൾ

•ഡ്രൈവിം​ഗ് ലൈ​സ​ൻ​സ് പു​തു​ക്കാ​നു​ള്ള സ​മ​യ​പ​രി​ധി ഒ​രു മാ​സ​ത്തി​ൽനി​ന്ന് ഒ​രു വ​ർ​ഷ​മാ​ക്കും.
• ട്രാ​ഫി​ക് നി​യ​മ​ങ്ങ​ൾ ലം​ഘി​ക്കു​ന്ന​വ​ർ​ക്കു​ള്ള പി​ഴ തു​ക ഉ​യ​ർ​ത്തും
• വാ​ഹ​നാ​പ​ക​ട​ത്തി​ൽ​പ്പെ​ടു​ന്ന​വ​ർ​ക്ക് ന​ഷ്ട​പ​രി​ഹാ​രം ന​ൽ​കേ​ണ്ട​ത് വാ​ഹ​ന ഉ​ട​മ അ​ല്ലെ​ങ്കി​ൽ ഇ​ൻ​ഷ്വറ​ൻ​സ് ക​ന്പ​നി​യാ​ണ്.
• ന​ഷ്ട​പ​രി​ഹാ​രം ല​ഭി​ക്കു​ന്ന​തി​ൽ കാ​ല​താ​മ​സം ഒ​ഴി​വാ​ക്കാ​ൻ ഇ​ൻ​ഷ്വറ​ൻ​സ് ച​ട്ട​ങ്ങ​ളി​ൽ ഇ​ള​വ് വ​രു​ത്തും.
• ലേ​ണിം​ഗ് ലൈ​സ​ൻ​സ് ഓ​ണ്‍ലൈ​ൻ വ​ഴി ന​ൽ​കും
• അ​പ​ക​ട​ത്തി​ൽ​പ്പെ​ട്ട​വ​രെ ആ​ശു​പ​ത്രി​യി​ലെ​ത്തി​ക്കു​ന്ന​വ​ർ​ക്കു സം​ര​ക്ഷ​ണം.
• ഭി​ന്ന​ശേ​ഷി​ക്കാ​ർ​ക്ക് ലൈ​സ​ൻ​സ് ന​ൽ​കാ​ൻ ലൈ​സ​ൻ​സിം​ഗ് അ​തോ​റി​റ്റി​യ്ക്ക് അ​നു​വാ​ദം
• ബ​സ്, ച​ര​ക്ക് ലോ​റി അ​ട​ക്ക​മു​ള്ള ട്രാ​ൻ​സ്പോ​ർ​ട്ട് വാ​ഹ​ന​ങ്ങ​ൾ ഓ​ടി​ക്കു​ന്ന​തി​നു​ള്ള ലൈ​സ​ൻ​സ് അ​ഞ്ചു വ​ർ​ഷ​ത്തി​ലൊ​രി​ക്ക​ൽ പു​തു​ക്ക​ിയാൽ മതി. ഇ​പ്പോ​ഴി​ത് മൂ​ന്നു വ​ർ​ഷ​മാ​ണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.