National News
കോവിഡ് കുതിപ്പിൽ പിടിവിട്ട് ഡൽഹി
കോവിഡ് കുതിപ്പിൽ പിടിവിട്ട് ഡൽഹി
Friday, April 23, 2021 12:23 AM IST
ന്യൂ​ഡ​ൽ​ഹി: മെ​ഡി​ക്ക​ൽ ഓ​ക്സി​ജ​ന്‍റെ രൂ​ക്ഷ​മാ​യ ക്ഷാ​മ​വും ആ​ശു​പ​ത്രി കി​ട​ക്ക​ക​ളു​ടെ അ​ഭാ​വ​വും ഡ​ൽ​ഹി​യി​ലെ കോ​വി​ഡ് പ്ര​തി​സ​ന്ധി അ​തി​രൂ​ക്ഷ​മാ​ക്കി മാ​റ്റി. ത​ല​സ്ഥാ​ന ന​ഗ​ര​ത്തി​ലെ ആ​ശു​പ​ത്രി​ക​ൾ​ക്ക് മു​ന്നി​ൽ നി​ന്ന് അ​ക​ത്തേ​ക്ക് പ്ര​വേ​ശ​നം ല​ഭി​ക്കാ​ത്ത കോ​വി​ഡ് ബാ​ധി​ത​ർ ഉ​ൾ​പ്പ​ടെ​യു​ള്ള​വ​രു​ടെ ഹൃ​ദ​യ​ഭേ​ദ​ക​മാ​യ കാ​ഴ്ച​ക​ളാ​ണു ക​ണ്ട​ത്.

അ​ടി​യ​ന്ത​ര ചി​കി​ത്സ ആ​വ​ശ്യ​മു​ള്ള നൂ​റു ക​ണ​ക്കി​ന് രോ​ഗി​ക​ളു​മാ​യി വ​ന്ന ആം​ബു​ല​ൻ​സ് അ​ട​ക്ക​മു​ള്ള വാ​ഹ​ന​ങ്ങ​ൾ മു​ന്നോ​ട്ടു നീ​ങ്ങാ​നാ​കാ​തെ മ​ണി​ക്കൂ​റു​ക​ളോ​ള​മാ​ണ് ഇ​ന്ന​ലെ ഡ​ൽ​ഹി ലോ​ക് നാ​യ​ക് ജ​യ് പ്ര​കാ​ശ് ആ​ശു​പ​ത്രി​ക്കു മു​ന്നി​ൽ കി​ട​ന്ന​ത്. കോ​വി​ഡ് വ്യാ​പ​ന നി​ര​ക്ക് കു​തി​ച്ചു​യ​രു​ന്ന ഡ​ൽ​ഹി​യി​ൽ മ​ല​യാ​ളി​ക​ൾ ഉ​ൾ​പ്പ​ടെ​യു​ള്ള​വ​ർ ചി​കി​ത്സ ല​ഭ്യ​മാ​കാ​തെ ക​ടു​ത്ത പ്ര​തി​സ​ന്ധി​യി​ലാ​ണ്. മാ​ധ്യ​മ​പ്ര​വ​ർ​ത്ത​ക​ര​ട​ക്കം നി​ര​വ​ധി പേ​ർ കോ​വി​ഡ് ബാ​ധി​ച്ച് ചി​കി​ത്സ​യി​ലും നി​രീ​ക്ഷ​ണ​ത്തി​ലു​മാ​ണ്.

മൂ​ന്ന് ആ​ശു​പ​ത്രി​ക​ളി​ൽ പ്ര​വേ​ശ​നം നി​ഷേ​ധി​ക്ക​പ്പെ​ട്ട ശേ​ഷ​മാ​ണ് കോ​വി​ഡ് ബാ​ധി​ച്ച ഭാ​ര്യ​യെ ബൈ​ക്കി​ൽ ഇ​രു​ത്തി ഇ​ന്ന​ലെ അ​സ്ലം ഖാ​ൻ എ​ന്ന യു​വാ​വ് എ​ൽ​എ​ൻ​ജെ​പി ആ​ശു​പ​ത്രി​യി​ൽ എ​ത്തി​യ​ത്. എ​ന്നാ​ൽ, കി​ട​ക്ക​ക​ൾ എ​ല്ലാം ത​ന്നെ രോ​ഗി​ക​ളെ കൊ​ണ്ടു നി​റ​ഞ്ഞ​തി​നാ​ൽ അ​വി​ടെ​യും പ്ര​വേ​ശ​നം സാ​ധ്യ​മ​ല്ലാ​യി​രു​ന്നു. ഡ​ൽ​ഹി​യി​ൽ കോ​വി​ഡ് ചി​കി​ത്സ ന​ൽ​കു​ന്ന ഏ​റ്റ​വും വ​ലി​യ ആ​ശു​പ​ത്രി​യാ​ണ് എ​ൽ​എ​ൻ​ജെ​പി ആ​ശു​പ​ത്രി. ഡ​ൽ​ഹി​യി​ലെ ശാ​ന്തി മു​കു​ന്ത് ആ​ശു​പ​ത്രി​യി​ൽ ഓ​ക്സി​ജ​ൻ തീ​ർ​ന്നു​വെ​ന്നും ത​ന്‍റെ രോ​ഗി​ക​ൾ മ​ര​ണാ​സ​ന്ന​രാ​യെ​ന്നും പ​റ​ഞ്ഞ് ആ​ശു​പ​ത്രി സി​ഇ​ഒ മാ​ധ്യ​മ​ങ്ങ​ൾ​ക്കു മു​ന്നി​ൽ പൊ​ട്ടി​ക്ക​ര​ഞ്ഞു.


ഡ​ൽ​ഹി​യി​ലെ ഓ​ക്സി​ജ​ൻ ക്ഷാ​മം സം​ബ​ന്ധി​ച്ച് ബു​ധ​നാ​ഴ്ച ഹൈ​ക്കോ​ട​തി​യി​ൽ മാ​ര​ത്തോ​ണ്‍ വാ​ദ​മാ​ണ് ന​ട​ന്ന​ത്. യാ​ചി​ച്ചോ ക​ടം വാ​ങ്ങി​യോ ത​ട്ടി​യെ​ടു​ത്തോ ഏ​ത് വി​ധേ​ന​യും വാ​ക്സി​ൻ ല​ഭ്യ​മാ​ക്ക​ണ​മെ​ന്നു കോ​ട​തി ഇ​ന്ന​ലെ സ​ർ​ക്കാ​രി​നോ​ടു നി​ർ​ദേ​ശി​ച്ചു.

കേ​ന്ദ്ര സ​ർ​ക്കാ​ർ ഓ​ക്സി​ജ​ന് ക്വോ​ട്ട വ​ർ​ധി​പ്പി​ച്ചു എ​ങ്കി​ലും ഇ​പ്പോ​ഴു​ള്ള​തി​ന്‍റെ ഇ​ര​ട്ടി ഓ​ക്സി​ജ​ൻ സം​സ്ഥാ​ന​ത്തി​ന് ആ​വ​ശ്യ​മാ​ണെ​ന്നാ​ണ് മു​ഖ്യ​മ​ന്ത്രി അ​ര​വി​ന്ദ് കേ​ജ​രി​വാ​ൾ ഇ​ന്ന​ലെ പ​റ​ഞ്ഞ​ത്. ഹ​രി​യാ​ന​യി​ൽ നി​ന്ന് ഓ​ക്സി​ജ​ൻ എ​ത്തി​ക്കു​ന്ന​തി​നാ​യി ഹ​രി​യാ​ന മു​ഖ്യ​മ​ന്ത്രി മ​നോ​ഹ​ർ ലാ​ൽ ഖ​ട്ട​റി​ന്‍റെ സ​ഹാ​യം അ​ഭ്യ​ർ​ഥി​ച്ചു എ​ന്നും പൂ​ർ​ണ സ​ഹ​ക​ര​ണം ഉ​റ​പ്പ് ല​ഭി​ച്ചു എ​ന്നും കേ​ജ​രി​വാ​ൾ വ്യ​ക്ത​മാ​ക്കി.

ക​ഴി​ഞ്ഞ ഒ​രാ​ഴ്ച​യ്ക്കു​ള്ളി​ൽ കോ​വി​ഡ് ചി​കി​ത്സ​യ്ക്കാ​യി ആം​ബു​ല​ൻസ് സേ​വ​നം ആ​വ​ശ്യ​പ്പെ​ട്ട് പ്ര​തി​ദി​നം 2500 ഫോ​ണ്‍കോ​ളു​ക​ളാ​ണ് ഡ​ൽ​ഹി​യി​ലെ സ​ർ​വീ​സ് സെ​ന്‍റ​റു​ക​ളി​ൽ മാ​ത്രം എ​ത്തു​ന്ന​ത്. ക​ഴി​ഞ്ഞ ഒ​രാ​ഴ്ച​യ്ക്കു​ള്ളി​ൽ മാ​ത്രം സ​ർ​ക്കാ​ർ ആം​ബു​ല​ൻ​സ് സ​ർ​വീ​സു​ക​ളു​ടെ സേ​വ​നം തേ​ടി​യെ​ത്തി​യ​ത് മാ​ത്രം 17,924 ഫോ​ണ്‍കോ​ളു​ക​ളാ​ണ്. സ്വ​കാ​ര്യ ആം​ബു​ല​ൻ​സ് സ​ർ​വീ​സു​ക​ളു​ടെ ക​ണ​ക്ക് ഇ​തി​നു പു​റ​മേ​യാ​ണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.