പാ​ല​ക്കാ​ട്: മ​ല​മ്പു​ഴ എ​ലി​വാ​ലി​ല്‍ ജ​ന​വാ​സ​മേ​ഖ​ല​യി​ൽ വീ​ണ്ടും പു​ലി​യി​റ​ങ്ങി. എ​ലി​വാ​ല്‍ സ്വ​ദേ​ശി കൃ​ഷ്ണ​ന്‍റെ വീ​ട്ടി​ലെ നാ​യ​യെ പു​ലി പി​ടി​ച്ചു. ക​ഴി​ഞ്ഞ പ​തി​നാ​ലാം തീ​യ​തി​യും ഇ​വി​ടെ പു​ലി​യെ​ത്തി നാ​യ​യെ പി​ടി​കൂ​ടി​യി​രു​ന്നു.

ഈ ​വ​ര്‍​ഷം നാ​ലാം ത​വ​ണ​യാ​ണ് കൃ​ഷ്ണ​ന്‍റെ വീ​ട്ടി​ല്‍ പു​ലി​യെ​ത്തു​ന്ന​ത്. വീ​ട്ടു​കാ​രു​ടെ ക​ണ്‍​മു​ന്നി​ല്‍ വ​ച്ചാ​ണ് നാ​യ​യെ പു​ലി പി​ടി​കൂ​ടി​യ​ത്. നേ​ര​ത്തെ പു​ലി​യെ പി​ടി​കൂ​ടാ​ന്‍ കൂ​ട് സ്ഥാ​പി​ക്കു​മെ​ന്ന് വ​നം മ​ന്ത്രി എ.​കെ. ശ​ശീ​ന്ദ്ര​ന്‍ പ​റ​ഞ്ഞി​രു​ന്നു​വെ​ങ്കി​ലും ഇ​തു​വ​രെ കൂ​ട് സ്ഥാ​പി​ച്ചി​ട്ടി​ല്ല.

കൃ​ഷ്ണ​ന്‍റെ ഒ​റ്റ​മു​റി വീ​ടി​നു​ള്ളി​ലെ വാ​തി​ല്‍ മാ​ന്തി പൊ​ളി​ച്ചാ​ണ് നേ​ര​ത്തെ പു​ലി വീ​ട്ടി​ല്‍ ക​യ​റി​യ​ത്. കു​ട്ടി​ക​ള്‍ കി​ട​ന്നു​റ​ങ്ങി​യ ക​ട്ടി​ലി​ന് അ​ടു​ത്താ​യി കെ​ട്ടി​യ നാ​യ​യു​ടെ മേ​ലെ ചാ​ടു​ന്ന​തി​നി​ട​യി​ല്‍ മൂ​ന്ന് വ​യ​സു​കാ​രി​യാ​യ മ​ക​ള്‍ അ​വ​നി​ക​യെ പു​ലി ത​ട്ടി താ​ഴെ​യി​ട്ടി​രു​ന്നു.

കു​ട്ടി​യു​ടെ നി​ല​വി​ളി കേ​ട്ടു​ണ​ര്‍​ന്ന മാ​താ​പി​താ​ക്ക​ള്‍ ക​ണ്ട​ത് നാ​യ​യെ ക​ടി​ച്ച് പി​ടി​ച്ച് നി​ല്‍​ക്കു​ന്ന പു​ലി​യെ​യാ​യി​രു​ന്നു. ആ​ളു​ക​ള്‍ ഉ​ണ​ര്‍​ന്ന​തോ​ടെ പു​ലി നാ​യ​യെ​യും കൊ​ണ്ട് സ്ഥ​ലം വി​ടു​ക​യാ​യി​രു​ന്നു. മു​ന്‍​പും നാ​യ​യെ ല​ക്ഷ്യ​മാ​ക്കി പു​ലി ആ​ക്ര​മ​ണം ന​ട​ത്തി​യ​തി​ന് പി​ന്നാ​ലെ​യാ​ണ് നാ​യ​യെ വീ​ടി​ന​ക​ത്ത് കെ​ട്ടി​യി​ട്ട​ത്.