കേന്ദ്ര ആണവോർജ മന്ത്രാലയത്തിനു കീഴിൽ മുംബൈയിലുള്ള ഭാഭാ അറ്റോമിക് റിസർച്ച് സെന്‍ററിൽ (BARC) ജൂണിയർ റിസർച്ച് ഫെലോ തസ്തികയിലേക്ക് അപേക്ഷിക്കാം. 105 ഒഴിവുണ്ട്. ഫെലോഷിപ്പ് കാലാവധി അഞ്ചുവർഷമാണ്.
ശമ്പളം: 37,000 രൂപ, വാർഷിക കണ്ടിൻജൻസി ഗ്രാന്‍റായി 60,000 രൂപയും മറ്റ് ആനുകൂല്യങ്ങളും ലഭിക്കും. യോഗ്യത: ഫിസിക്സ്/ കെമിസ്ട്രി/ലൈഫ് സയൻസസ് വിഷയങ്ങളിലുള്ള എംഎസ്‌സി/ ഇന്‍റഗ്രേറ്റഡ് എംഎസ്‌സി/ നാലുവർഷത്തെ ബിഎസ് കോഴ്സും. തെരഞ്ഞെടുക്കപ്പെടുന്ന എല്ലാ ഉദ്യോഗാർഥികളും ഹോമി ഭാഭ നാഷണൽ ഇൻസ്റ്റിറ്റ്യൂട്ടിൽ പിഎച്ച്‌ഡിക്ക് രജിസ്റ്റർ ചെയ്യണം.
തെരഞ്ഞെടുപ്പ്: അഭിമുഖത്തിലൂടെയാണ് തെരഞ്ഞെടുപ്പ്. ഫിസിക്സ്/കെമിസ്ട്രി/ ലൈഫ് സയൻസസിലുള്ള ഗേറ്റ് സ്കോർ, യുജിസി- സിഎസ്‌ഐആർ- നെറ്റ് ഫെലോഷിപ്പ്, ജെഇഎസ്‌ടി സ്കോർ, ഐസിഎംആർ- ജെആർഎഫ് ടെസ്റ്റ്, ഐസിഎആർ- ജെആർഎഫ് ടെസ്റ്റ്, ഡിബിറ്റി- ജെആർബി ബയോടെക്നോളജി എലിജിബിലിറ്റി ടെസ്റ്റ് എന്നിവയിൽ നേടിയ സ്കോറിന്‍റെ അടിസ്ഥാനത്തിലാണ് അഭിമുഖത്തിനായി ഷോർട്ട് ലിസ്റ്റ് ചെയ്യുന്നത്.
പ്രായം: 2025 ഓഗസ്റ്റ് ഒന്നിന് 28 വയസ് (ഉയർന്ന പ്രായപരിധിയിൽ ഒബിസി വിഭാഗക്കാർക്ക് മൂന്നുവർഷത്തെയും എസ്‌സി, എസ്ടി വിഭാഗക്കാർക്ക് അഞ്ചുവർഷത്തെയും ഭിന്നശേഷിക്കാർക്ക് പത്തുവർഷത്തെയും ഇളവ് ലഭിക്കും).
അപേക്ഷ: ഓൺലൈനായി അപേക്ഷിക്കണം. വിശദവിവരങ്ങൾക്ക് https://recruit.bare.gov. in എന്ന വെബ്സൈറ്റ് സന്ദർശിക്കുക. അപേക്ഷ സ്വീകരിക്കുന്ന അവസാന തീയതി: മേയ് 19. https://recruit.barc.gov.in