പരീക്ഷാ രജിസ്ട്രേഷൻ
2019 സെപ്റ്റംബർ മുതൽ നവംബർ വരെ നടക്കുന്ന ഒന്ന്, രണ്ട്, മൂന്ന്, നാല് സെമസ്റ്റർ എംബിഎ 2009 സ്കീം മേഴ്സിചാൻസ് പരീക്ഷകളുടെ രജിസ്ട്രേഷൻ ആരംഭിച്ചു. 2009, 2010 അഡ്മിഷൻ ഓഫ്ലൈനായും 2011, 2012, 2013 അഡ്മിഷൻ ഓണ്ലൈനായും രജിസ്റ്റർ ചെയ്യണം. വിശദവിവരങ്ങൾ വെബ്സൈറ്റിൽ.
പ്രാക്ടിക്കൽ
മൂന്നാം സെമസ്റ്റർ ബിടെക് (2013 സ്കീം) മേയ് 2019 (സപ്ലിമെന്ററി) പരീക്ഷയുടെ പ്രാക്ടിക്കൽ സിവിൽ എൻജിനിയറിംഗ് ബ്രാഞ്ച് കോളജ് ഓഫ് എൻജിനിയറിംഗ് തിരുവനന്തപുരത്തും മെക്കാനിക്കൽ എൻജിനിയറിംഗ് ബ്രാഞ്ച് ഗവണ്മെന്റ് എൻജിനിയറിംഗ് കോളജ് ബാർട്ടണ്ഹിൽ, ടികെഎം കോളജ് ഓഫ് എൻജിനിയറിംഗ്, കൊല്ലം എന്നീ കേന്ദ്രങ്ങളിൽ 18ന് നടക്കും. വിശദവിവരങ്ങൾ വെബ്സൈറ്റിൽ.
ടൈംടേബിൾ
ഓഗസ്റ്റിൽ നടക്കുന്ന റെഗുലർ ബിടെക് നാലാം സെമസ്റ്റർ (2013 സ്കീം) കോഴ്സ് കോഡിൽ വരുന്ന ബിടെക് പാർട്ട് ടൈം റീസ്ട്രക്ച്ചേർഡ് (2013 സ്കീം) രണ്ട്, നാല് സെമസ്റ്റർ സപ്ലിമെന്ററി പരീക്ഷകളുടെ ടൈംടേബിൾ വെബ്സൈറ്റിൽ.
പരീക്ഷാഫലം
2019 ജനുവരിയിൽ നടത്തിയ ആറാം സെമസ്റ്റർ ഇന്റഗ്രേറ്റഡ് പഞ്ചവത്സര ബിഎ എൽഎൽബി/ബികോം എൽഎൽബി/ ബിബിഎ എൽഎൽബി പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 22 വരെയും പിഴയോടെ 29 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
സന്പർക്ക ക്ലാസ്
വിദൂര വിദ്യാഭ്യാസ വകുപ്പ് രണ്ടാം സെമസ്റ്റർ ബിഎ/ബിഎസ്സി മലയാളം, ഹിന്ദി, മാത്തമാറ്റിക്സ് ക്ലാസുകൾ കാര്യവട്ടം കാന്പസിലും ബിഎ/ബിഎസ്സി ഇംഗ്ലീഷ്, സോഷ്യോളജി, പൊളിറ്റിക്കൽ സയൻസ്, ഇക്കണോമിക്സ്, ഹിസ്റ്ററി ക്ലാസുകൾ പാളയം എസ്ഡിഇയിലും 13ന് ആരംഭിക്കും. നാലാം സെമസ്റ്റർ എംഎ ഇംഗ്ലീഷ് ക്ലാസുകൾ 13 മുതൽ കാര്യവട്ടം കാന്പസിലേയ്ക്ക് മാറ്റിയിരിക്കുന്നു.
പൂർവ വിദ്യാർഥി സംഗമം
സ്റ്റാറ്റിസ്റ്റിക്സ് വകുപ്പിൽ 13 ന് രാവിലെ 10ന് പൂർവ വിദ്യാർഥി സംഗമം സംഘടിപ്പിക്കുന്നു. ഈ വകുപ്പിൽ പഠന ഗവേഷണം നടത്തിയിട്ടുളള എല്ലാ പൂർവ വിദ്യാർഥികളും പങ്കെടുക്കണം.
കേരള സർവകലാശാല യു.ജി/പി.ജി പ്രവേശനം 2019; കമ്മ്യൂണിറ്റി ക്വാട്ട ലിസ്റ്റ് പ്രസിദ്ധീകരിച്ചു
സർവകലാശാലയോട് അഫിലിയേറ്റ് ചെയ്തിട്ടുള്ള എയ്ഡഡ് കോളജുകളിലെ യു.ജി കമ്മ്യൂണിറ്റി ക്വാട്ട അഡ്മിഷനുള്ള ലിസ്റ്റ് വെബ്സൈറ്റിൽ പ്രസിദ്ധീകരിച്ചു. പ്രവേശനം ആഗ്രഹിക്കുന്ന എല്ലാ വിദ്യാർഥികളും ലിസ്റ്റ് പരിശോധിച്ച്, ഏകജാലക സംവിധാനം വഴി സമർപ്പിച്ച കമ്മ്യൂണിറ്റി ക്വാട്ട അപേക്ഷയുടെ ഏറ്റവും പുതിയ പ്രിന്റൗട്ടും കമ്മ്യൂണിറ്റി സർട്ടിഫിക്കറ്റിന്റെ പകർപ്പും 15, 16 തീയതികളിൽ കമ്മ്യൂണിറ്റി ക്വാട്ടയിൽ ഓപ്ഷൻ നൽകിയിട്ടുള്ള കോളജുകളിൽ സമർപ്പിക്കണം. 17ന് കമ്മ്യൂണിറ്റി ക്വാട്ടയിലേയ്ക്കുള്ള അന്തിമ റാങ്ക് ലിസ്റ്റ് പ്രസിദ്ധീകരിക്കും. പ്രസ്തുത റാങ്ക് ലിസ്റ്റിന്റെ അടിസ്ഥാനത്തിൽ 18, 19, 20 തീയതികളിൽ കോളജുകളിൽ അഡ്മിഷൻ നടക്കും. അപേക്ഷകൾ ഒന്നും തന്നെ സർവകലാശാലയിലേക്ക് അയയ്ക്കേണ്ടതില്ല.