കുസാറ്റിൽ ഇൻഡസ്ട്രിയൽ ഓട്ടൊമേഷൻ കോഴ്സ്
കളമശേരി: കൊച്ചി ശാസ്ത്ര സാങ്കേതിക സർവകലാശാല(കുസാറ്റ്)യിലെ സ്കൂൾ ഓഫ് എൻജിനിയറിംഗ് മെക്കാനിക്കൽ വിഭാഗം നടത്തുന്ന ’ഇൻഡസ്ട്രിയൽ ഓട്ടൊമേഷൻ ആൻഡ് മെഷർമെന്റ്സ്’ ഹ്രസ്വകാല കോഴ്സ് ഫെബ്രുവരി 11ന് ആരംഭിക്കും. ഡ്രൈവുകൾ, വാൽവുകൾ, വിവിധയിനം കണ്ട്രോളുകൾ എന്നിവയെക്കുറിച്ച് വിശദമായ പഠനാവസരവും സർഫസ് റഫ്നെസ് ടെസ്റ്റർ, പ്രൊഫൈൽ പ്രൊജക്ടർ, സ്ട്രെയിൻ മെഷർമെന്റ്, വൈബ്രേഷൻ അനാലിസിസ് സോഫ്റ്റ്വെയർ എന്നിവയിൽ പരിശീലനവും കോഴ്സിന്റെ ഭാഗമാണ്. നാല് ആഴ്ച ദൈർഘ്യമുള്ള പരിശീലനത്തിന് മെക്കാനിക്കൽ/ഇലക്ട്രിക്കൽ/ ഇൻസ്ട്രുമെന്റേഷൻ അനുബന്ധ ബ്രാഞ്ചുകളിൽ ബിരുദമോ ഡിപ്ലോമയോ ഉള്ളവർക്കും, വിദ്യാർഥികൾക്കും അപേക്ഷിക്കാം. ജിഎസ്ടി ഉൾപ്പെടെ 11,800 രൂപയാണ് ഫീസ്.