സർവകലാശാല യുവജനോത്സവം നടക്കുന്നതിനാൽ 25 മുതൽ 29 വരെ നടത്താനിരുന്ന എല്ലാ പരീക്ഷകളും മാറ്റിവച്ചു. പുതുക്കിയ തീയതി പിന്നീട് അറിയിക്കും
പരീക്ഷാതീയതി
2018 ജൂലൈയിൽ നടത്തിയ നാലാം സെമസ്റ്റർ എംഎഎസ്എൽപി (സിബിസിഎസ്എസ്)
ഡിഗ്രി പരീക്ഷയുടെ ന്ധഫ്ളുവൻസി ഡിസോർഡേഴ്സ്’ എന്ന വിഷയത്തിന്റെ പുനഃപരീക്ഷ 23ന് നടത്തും. വിശദവിവരങ്ങൾ വെബ്സൈറ്റിൽ.
പരീക്ഷാഫീസ്
ഏപ്രിൽ 29ന് ആരംഭിക്കുന്ന മൂന്നാം വർഷ ബിബിഎ (ആന്വൽ സ്കീം പ്രൈവറ്റ് രജിസ്ട്രേഷൻ) ഡിഗ്രി പരീക്ഷയ്ക്ക് 30 വരെയും 50 രൂപ പിഴയോടെ ഏപ്രിൽ മൂന്നുവരെയും 125 രൂപ പിഴയോടുകൂടി ഏപ്രിൽ അഞ്ച്വരെയും ഫീസടച്ച് രജിസ്റ്റർ ചെയ്യാം. ഓരോ പേപ്പറിനും 125 രൂപ വീതവും, 100 രൂപ മാർക്ക് ലിസ്റ്റിനും, 200 രൂപ മൂല്യനിർണയ ക്യാന്പ് ഫീസും അടയ്ക്കണം. തിരുവനന്തപുരം, കൊല്ലം, ആലപ്പുഴ ജില്ലകളിൽ ഓരോ പരീക്ഷാ കേന്ദ്രം മാത്രമേ ഉണ്ടാവുകയുള്ളൂ. വിശദവിവരങ്ങൾ വെബ്സൈറ്റിൽ.
പരീക്ഷാഫലം
2019 ജനുവരിയിൽ നടത്തിയ പിഎച്ച്ഡി കോഴ്സ് വർക്ക് (ഡിസംബർ 2018 സെഷൻ) പരീക്ഷാഫലം വെബ്സൈറ്റിൽ. പുനഃപരിശോധനയ്ക്ക് 30വരെ അപേക്ഷിക്കാം. അപേക്ഷകൾ ഓരോ പേപ്പറിനും 500 രൂപ ഫീസടച്ച് സിഎസ്എസ് ഓഫീസിൽ എത്തിക്കണം.
2018 നവംബറിൽ നടത്തിയ എംഫിൽ മലയാളം 2017 2018 ബാച്ച് (സിഎസ്എസ്) പരീക്ഷാഫലം പ്രസിദ്ധീകരിച്ചു.
സന്പർക്ക ക്ലാസ്
വിദൂര വിദ്യാഭ്യാസ കേന്ദ്രം ഒന്നാം സെമസ്റ്റർ എംഎസ്സി കംപ്യൂട്ടർ സയൻസ് ലാബ്, രണ്ടാം സെമസ്റ്റർ എംഎ പബ്ലിക് അഡ്മിനിസ്ട്രേഷൻ കോഴ്സുകളുടെ സന്പർക്ക ക്ലാസുകൾ 23ന് എസ്ഡിഇയിലും രണ്ടാം സെമസ്റ്റർ എംഎ പൊളിറ്റിക്കൽ സയൻസ്, എംഎ ഹിന്ദി കോഴ്സുകളുടെ സന്പർക്ക ക്ലാസ് കാര്യവട്ടത്തും ഒന്നാം സെമസ്റ്റർ ബിഎൽഐഎസ്സി, രണ്ടാം സെമസ്റ്റർ ബിബിഎ എന്നീ കോഴ്സുകളുടെ സന്പർക്ക ക്ലാസ് 24ന് എസ്ഡിഇയിലും നടത്തും.
തീയതി നീട്ടി
തുടർ വിദ്യാഭ്യാസ വ്യാപന കേന്ദ്രം നടത്തുന്ന സർട്ടിഫിക്കറ്റ് ഇൻ അഡ്വാൻസ്ഡ് ഫംങ്ഷണൽ ഇംഗ്ലീഷ് ആൻഡ് പബ്ലിക് സ്പീക്കിംഗ് കോഴ്സിന് അപേക്ഷിക്കാനുളള അവസാന തീയതി 25വരെ നീട്ടി. മാർച്ച് ഒന്പതിന് ആരംഭിച്ച സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് കോഴ്സിന് ഏതാനും സീറ്റൊഴിവുണ്ട്. വിശദവിവരങ്ങൾക്ക്: 0471 2302523