ആരോഗ്യപൂർണമായ ശു​ദ്ധ​ഭ​ക്ഷ​ണ​മാ​ണ് യ​ഥാ​ർ​ഥ ഔഷധം
ഉ​ത്പ​ത്തി പു​സ്ത​കം 1:29 - 30 വാ​ക്യ​ങ്ങ​ളി​ലാ​ണ് ദൈ​വം ത​ന്‍റെ സ്വ​രൂ​പ​ത്തി​ൽ സൃ​ഷ്ടി​ച്ച മ​നു​ഷ്യ​ന്‍റെ നി​ല​നി​ല്പി​ന് അ​നി​വാ​ര്യ​മാ​യ ഊ​ർ​ജ​സ്രോ​ത​സി​നെ​പ്പ​റ്റി പ്ര​തി​പാ​ദി​ക്കു​ന്ന​ത്. ദൈ​വം അ​രു​ളി​ച്ചെ​യ്തു:

‘ഭൂ​മു​ഖ​ത്തു​ള്ള ധാ​ന്യം വി​ള​യു​ന്ന എ​ല്ലാ ചെ​ടി​ക​ളും വി​ത്തു​ൾ​ക്കൊ​ള്ളു​ന്ന പ​ഴ​ങ്ങ​ൾ കാ​യ്ക്കു​ന്ന എ​ല്ലാ വൃ​ക്ഷ​ങ്ങ​ളും ഞാ​ൻ നി​ങ്ങ​ൾ​ക്കു ഭ​ക്ഷ​ണ​ത്തി​നാ​യി ത​രു​ന്നു. ഭൂ​മി​യി​ലെ മൃ​ഗ​ങ്ങ​ൾ​ക്കും ഇ​ഴ​ജ​ന്തു​ക്ക​ൾ​ക്കും ആ​കാ​ശ​ത്തി​ലെ എ​ല്ലാ പ​റ​വ​ക​ൾ​ക്കും ജീ​വ​ശ്വാ​സ​മു​ള്ള സ​ക​ല​തി​നും ആ​ഹാ​ര​മാ​യി ഹ​രി​ത​സ​സ്യ​ങ്ങ​ൾ ഞാ​ൻ ന​ൽ​കി​യി​രി​ക്കു​ന്നു.’

അ​ങ്ങ​നെ സം​ഭ​വി​ച്ചു. അ​പ്പോ​ൾ സൃ​ഷ്ടി​ക​ർ​മ​ത്തി​നു​ശേ​ഷം ദൈ​വം മ​നു​ഷ്യ​നി​ല​നി​ല്പി​നാ​യി നി​യോ​ഗി​ച്ച​ത് ശു​ദ്ധ​മാ​യ സ​സ്യാ​ഹാ​ര​മാ​ണെ​ന്ന് ഓ​ർ​ക്ക​ണം. അ​ത് സു​ല​ഭ​മാ​യി ഭൂ​മി​യി​ൽ വി​ള​യി​ക്കു​ക​യും ചെ​യ്തു.

ഭക്ഷണശൈലി വികലമായതോടെ

എ​ന്നാ​ൽ, കാ​ലാ​ന്ത​ര​ത്തി​ൽ പ്ര​കൃ​തി​നി​യ​മ​ത്തി​നെ​തി​രേ പ്ര​വ​ർ​ത്തി​ക്കാ​ൻ വെ​ന്പ​ൽ​ക്കൊ​ണ്ട മ​നു​ഷ്യ​ൻ ത​ന്‍റെ സു​ഖ​ലോ​ലു​പ​ത​യ്ക്ക് അ​ടി​മ​പ്പെ​ട്ട് ദൈ​വ​നി​ശ്ച​യ​ങ്ങ​ൾ​ക്ക് സ്വ​ന്തം നി​ർ​വ​ച​ന​ങ്ങ​ൾ ന​ൽ​കി​ത്തു​ട​ങ്ങി. ശു​ദ്ധ​മാ​യ സ​സ്യാ​ഹാ​ര​ത്തി​ൽ​നി​ന്ന് വ​ഴു​തി​മാ​റി മാം​സ​ഭ​ക്ഷ​ണ​ത്തി​ലേ​ക്കും വി​ക​ല​മാ​യ ഭ​ക്ഷ​ണ​ശൈ​ലി​യി​ലേ​ക്കും കാ​ലെ​ടു​ത്തു​വ​ച്ചു. ശു​ദ്ധ​ഭ​ക്ഷ​ണ​മാ​ണ് യ​ഥാ​ർ​ഥ ഒൗ​ഷ​ധ​മെ​ന്ന ചി​ന്ത കൈ​വി​ട്ടു. ഫ​ല​മോ, മ​നു​ഷ്യ​ജീ​വ​ന് ഭീ​ഷ​ണി​യാ​യ വി​വി​ധ രോ​ഗ​ങ്ങ​ളു​ടെ രം​ഗ​പ്ര​വേ​ശ​വും ന​ട​ന്നു.

ഉ​പ​നി​ഷ​ത്തു​പ്ര​കാ​രം ‘ അ​ന്നം ബ്രഹ്മ’മാണ്. ജീ​വ​ന്‍റെ സ​ത്ത നി​ല​നി​ൽ​ക്കു​ന്ന​ത് ആ​ഹാ​ര​ത്തി​ന്‍റെ ബ​ല​ത്തി​ലാ​ണെ​ന്ന് സാ​രം. ആ​രോ​ഗ്യ​പൂ​ർ​ണ​മാ​യ ശു​ദ്ധ​ഭ​ക്ഷ​ണ​മാ​ണ് യ​ഥാ​ർ​ഥ ഔഷധം എ​ന്ന് ആ​യു​ർ​വേ​ദം പ​റ​യു​ന്നു.

വാ​ഗ്ഭ​ട​ന്‍റെ അ​ഷ്ടാം​ഗ​ഹൃ​ദ​യ​ത്തി​ലെ സു​പ്ര​ധാ​ന ശ്ലോ​ക​ത്തി​ൽ അ​ദ്ദേ​ഹം ഇ​പ്ര​കാ​രം പ​റ​യു​ന്നു: ‘നി​ത്യം നി​രാ​ഹാ​ര വി​ഹാ​ര​സേ​വി​’യാ​യ ഒ​രു​വ​ന് രോ​ഗം​ത​ന്നെ ഉ​ണ്ടാ​കി​ല്ല. ‘യു​ക്താ​ഹാ​ര വി​ഹാ​രി’​ക്ക് രോ​ഗം പോ​യി​ട്ട് ദുഃ​ഖം​ത​ന്നെ ഉ​ണ്ടാ​കി​ല്ലെ​ന്ന് ഭ​ഗ​വ​ത്ഗീ​ത​യി​ൽ സ​മ​ർ​ഥി​ച്ചി​രി​ക്കു​ന്നു.

മോഡേൺ ഫുഡ്’ വന്നതോടെ...

എ​ന്നാ​ൽ, ഇ​ന്ന് കാ​ലം മാ​റി. ദൈ​വ​നി​യോ​ഗ​ത്തെ നെ​ഞ്ചി​ലേ​റ്റി​യ പി​താ​മ​ഹന്മാ​രു​ടെ നി​ർ​ദേ​ശ​ങ്ങ​ൾ​ക്ക് പു​ല്ലു​വി​ല​പോ​ലും ന​ൽ​കാ​തെ, സ്വാ​ദി​ഷ്ട​മാ​യ​തെ​ന്തോ അ​താ​ണ് യ​ഥാ​ർ​ഥ ‘മോ​ഡേ​ണ്‍ ഫു​ഡ്’ എ​ന്ന സ​ങ്ക​ല്പം സ​ർ​വ​സാ​ധാ​ര​ണ​മാ​യി​രി​ക്കു​ന്നു. അ​തി​ന്‍റെ പ​രി​ണി​ത​ഫ​ല​മാ​യി​ട്ടാ​ണ് ഇ​ന്ന് ഭ​ക്ഷ​ണ പ​ദാ​ർ​ഥ​ങ്ങ​ളു​ടെ വി​പ​ണ​ന​രം​ഗ​ത്തു കാ​ണു​ന്ന പ​ല വൈ​ക​ല്യ​ങ്ങ​ളും സം​ഭ​വി​ക്കു​ന്ന​ത്.


ഒരു കന്പനിയുടെ നൂ​ഡി​ൽ​സിൽ അ​പ​ക​ട​കാ​രി​യാ​യ ഈ​യ​ത്തി​ന്‍റെ അം​ശം അ​മി​ത​മാ​യി ഉ​ൾ​ക്കൊ​ണ്ടതായി കണ്ടെത്തിയതു പ​ത്ര​മാ​ധ്യ​മ​ങ്ങ​ളി​ൽ വാർ ത്തയായിരുന്നു. അതു സ്ഥി​ര​മാ​യി ക​ഴി​ച്ചിരുന്ന ല​ക്ഷ​ക്ക​ണ​ക്കി​ന് ആ​ളു​ക​ളെ​യാ​ണ് ആ ​വാ​ർ​ത്ത ഞെ​ട്ടി​ച്ച​ത്. ഈ​യ​ത്തി​ന്‍റെ അം​ശം അ​നി​യ​ന്ത്രി​ത​മാ​യി ശ​രീ​ര​ത്തി​ൽ പ്ര​വേ​ശി​ച്ചാ​ൽ ഉ​ണ്ടാ​കു​ന്ന ഭ​വി​ഷ്യ​ത്തു​ക​ൾ ഏ​റെ​യാ​ണ്. അ​ത് കാ​ല​ക്ര​മേ​ണ ഹൃ​ദ​യ​പേ​ശി​ക​ൾ, അ​സ്ഥി​ക​ൾ, ആ​മാ​ശ​യാ​ന്ത്ര​ങ്ങ​ൾ, വൃ​ക്ക​ക​ൾ, പ്ര​ത്യു​ത്പാ​ദ​ന അ​വ​യ​വ​ങ്ങ​ൾ, മ​സ്തി​ഷ്കം എ​ന്നി​വ​ക​ളു​ടെ പ്ര​വ​ർ​ത്ത​ന​ത്തെ ത​ള​ർ​ത്തു​ന്നു.

ഗുണനിലവാര പരിശോധന കർശനമാക്കണം

കൃ​ത്രി​മ​മാ​യി ഉ​ത്പാ​ദി​പ്പി​ക്ക​പ്പെ​ടു​ന്ന ആ​ഹാ​ര​പ​ദാ​ർ​ഥ​ങ്ങ​ൾ കൃ​ത്യ​മാ​യ നി​ർ​മാ​ണ നി​ബ​ന്ധ​ന​ക​ൾ​ക്കും മാ​ന​ദ​ണ്ഡ​ങ്ങ​ൾ​ക്കും പ​രി​ശോ​ധ​ന​ക​ൾ​ക്കും വി​ധേ​യ​മാ​ക്കാ​തെ വി​പ​ണി​യി​ലെ​ത്തി​ച്ചേ​രു​ന്ന​തി​ന്‍റെ അ​ന​ന്ത​ര​ഫ​ല​മാ​ണി​തെ​ന്നോ​ർ​ക്ക​ണം. ഒ​രു​പ​ക്ഷേ, യാ​ദൃ​ശ്ചി​ക​മാ​യി ക​ണ്ടുപി​ടി​ക്ക​പ്പെ​ട്ട​തു​കൊ​ണ്ടാ​കാം ഇ​തൊ​രു വി​വാ​ദ​മാ​യ​ത്.

ഇ​ങ്ങ​നെ ക​ണ്ടു​പി​ടി​ക്ക​പ്പെ​ടാ​ത്ത വി​ഷ​ലി​പ്ത​മാ​യ ഭ​ക്ഷ​ണ​പ​ദാ​ർ​ഥ​ങ്ങ​ൾ ഇ​ന്ത്യ​ൻ വി​പ​ണി​യി​ൽ ഇ​നി​യും ധാ​രാ​ള​മു​ണ്ടെ​ന്നോ​ർ​ക്ക​ണം. അ​വ എ​ന്തെ​ങ്കി​ലും ക​ണ്ടു​പി​ടി​ക്ക​പ്പെ​ടു​ന്ന​തു വ​രെ ന​മ്മ​ൾ ആ​ഘോ​ഷ​പൂ​ർ​വം ഉ​പ​യോ​ഗി​ച്ചു​കൊ​ണ്ടി​രി​ക്കും.

അ​ത്യാ​ഹി​ത​ങ്ങ​ളോ കൂ​ട്ട​മ​ര​ണ​മോ ഉ​ണ്ടാ​കു​ന്പോ​ൾ മാ​ത്രം ഉ​റ​ക്ക​മു​ണ​ർ​ന്ന് സ​ജീ​വ​മാ​കു​ന്ന പ​രി​ശോ​ധ​ക​രാ​ണ് ഇ​വി​ടെ​യു​ള്ള​ത്. അ​മേ​രി​ക്ക​യി​ലെ എ​ഫ്ഡി​എ പോ​ലെ ക​ർ​ശ​ന​മാ​യ രീ​തി​യി​ൽ മാ​ന​ദ​ണ്ഡ​ങ്ങ​ളു​പ​യോ​ഗി​ച്ച് പ​രി​ശോ​ധി​ച്ച ശേ​ഷം മാ​ത്രം വി​പ​ണ​നാ​നു​മ​തി ന​ൽ​കു​ന്ന സ​ന്പ്ര​ദാ​യം ഇ​ന്ത്യ​യി​ലി​ല്ല. ഇ​വി​ടെ ആ​ർ​ക്കും എ​ന്തു​വേ​ണ​മെ​ങ്കി​ലും ഉ​ത്പാ​ദി​പ്പി​ക്കാം. (തുടരും)

വിവരങ്ങൾ: ഡോ. ജോർജ് തയ്യിൽ MD, FACC, FRCP
സീനിയർ കൺസൾട്ടന്‍റ് കാർഡിയോളജിസ്റ്റ്,
ലൂർദ് ആശുപത്രി, എറണാകുളം

Copyright @ 2022 , Rashtra Deepika Ltd.