കാർല എന്ന യക്ഷി!
Saturday, March 20, 2021 3:06 PM IST
ക​ടു​ത്ത കു​റ്റ​വാ​ളി​ക​ൾ പോ​ലും ചെ​യ്യാ​ൻ മ​ടി​ക്കു​ന്ന ക്രൂ​ര​ത​ക​ൾ​ക്കു കൂ​ട്ടു നി​ന്ന​വ​ൾ എ​ന്ന പേ​രി​ലാ​ണ് ലോ​ക​ത്തി​ന്‍റെ ക്രി​മി​ന​ൽ ച​രി​ത്ര​ത്തി​ൽ ക​നേ​ഡി​യ​ൻ സ്വ​ദേ​ശി​നി കാ​ർ​ല എ​ന്ന യു​വ​തി ഇ​ടം​പി​ടി​ച്ച​ത്. സ്വ​ന്തം സ​ഹോ​ദ​രി അ​ട​ക്കം കാ​ർ​ല​യു​ടെ ഇ​ര​ക​ളാ​യി മാ​റി എ​ന്ന​താ​ണ് അ​വി​ശ്വ​സ​നീ​യ​മാ​യ യാ​ഥാ​ർ​ഥ്യം. അ​തും ത​ന്‍റെ ഭ​ർ​ത്താ​ക്ക​ന്മാ​രു​ടെ കൂ​ട്ടു​പി​ടി​ച്ചാ​യി​രു​ന്നു ഇ​വ​ളു​ടെ ചെ​യ്തി​ക​ളെ​ല്ലാം. ‌നി​ര​വ​ധി പെ​ൺ​കു​ട്ടി​ക​ൾ ഇ​വ​ളു​ടെ​യും ഭ​ർ​ത്താ​ക്ക​ന്മാ​രു​ടെ​യും ക്രൂ​ര​ത​ക​ൾ​ക്ക് ഇ​ര​ക​ളാ​യി മാ​റി. ചി​ല​രെ ഇ​വ​ർ ചേ​ർ​ന്നു കൊ​ല​പ്പെ​ടു​ത്തി. ചോ​ര​പ്പാ​ടു​ക​ൾ നി​റ​ഞ്ഞ ഒ​രു യ​ക്ഷി​ക്ക​ഥ​പോ​ലെ​യാ​യി​രു​ന്നു ഇ​വ​ളു​ടെ ജീ​വി​തം.

സ​ഹോ​ദ​രി​യോ​ടും

സ്വ​ന്തം സ​ഹോ​ദ​രി​യെ മാ​ന​ഭം​ഗ​പ്പെ​ടു​ത്താ​നും തു​ട​ർ​ന്ന് അ​വ​രെ കൊ​ല​പ്പെ​ടു​ത്താ​നും ഭ​ർ​ത്താ​വി​നെ സ​ഹാ​യി​ച്ചു എ​ന്ന ക്രൂ​ര​ത​യാ​ണ് കാ​ർ​ല ലി​യാ​ൻ ഹോ​മോ​ൽ​ക്ക​യു​ടെ പേ​രി​ലു​ള്ള ഏ​റ്റ​വും വ​ലി​യ കു​റ്റം. ക​നേ​ഡി​യ​ൻ സീ​രി​യ​ൽ കി​ല്ല​റും ലൈം​ഗി​ക അ​തി​ക്ര​മ​ങ്ങ​ളു​ടെ അ​മ​ര​ക്കാ​രി​യു​മാ​യി​രു​ന്നു ഇ​വ​ൾ. 1970 മേ​യ് നാ​ലി​നാ​യി​രു​ന്നു ജ​ന​നം. സ്വ​ന്തം സ​ഹോ​ദ​രി​യോ​ടു മാ​ത്ര​മ​ല്ല, മ​റ്റു പ​ല പെ​ൺ​കു​ട്ടി​ക​ളോ​ടു​മു​ള്ള ഇ​വ​ളു​ടെ ഇ​ട​പെ​ട​ലു​ക​ളും സ​മാ​ന രീ​തി​യി​ൽ​ത്ത​ന്നെ ആ​യി​രു​ന്നു. പോ​ൾ ബ​ർ​ണാ​ഡോ എ​ന്ന ആ​ദ്യ ഭ​ർ​ത്താ​വാ​യി​രു​ന്നു കു​റ്റ​കൃ​ത്യ​ങ്ങ​ളുടെ ആ​ദ്യ​ത്തെ കൂ​ട്ടു​കാ​ര​ൻ. 1990നും 1992​നും ഇ​ട​യി​ൽ പ്രാ​യ​പൂ​ർ​ത്തി​യാ​കാ​ത്ത മൂ​ന്നു പെ​ൺ​കു​ട്ടി​ക​ളെ​യെ​ങ്കി​ലും പോ​ൾ ബെ​ർ​ണാ​ഡോ മാ​ന​ഭം​ഗ​പ്പെ​ടു​ത്തി​യ ശേ​ഷം കൊ​ല ചെ​യ്തു എ​ന്നാ​ണ് റി​പ്പോ​ർ​ട്ട്. ഈ ​കൊ​ടും ക്രൂ​ര​ത​ക​ൾ​ക്കെ​ല്ലാം കൂ​ട്ടു​നി​ന്ന​ത് ഭാ​ര്യ​യാ​യ കാ​ർ​ല ത​ന്നെ.

പ്ര​തി​ക്കൂ​ട്ടി​ൽ

കൗ​മാ​ര​ക്കാ​രാ​യ ലെ​സ്‌‌​ലി മ​ഹാ​ഫി, ക്രി​സ്റ്റ​ൻ ഫ്ര​ഞ്ച് എ​ന്നി​വ​രെ മാ​ന​ഭം​ഗം ചെ​യ്തു കൊ​ല​പ്പെ​ടു​ത്തി​യ കേ​സി​ലും സ്വ​ന്തം സ​ഹോ​ദ​രി ട​മ്മി​യു​ടെ ബ​ലാ​ത്സം​ഗ​ത്തി​ലും മ​ര​ണ​ത്തി​ലും പ​ങ്കാ​ളി ആ​യ​തി​നും ഇ​വ​ൾ​ക്കെ​തി​രേ കു​റ്റ​പ​ത്രം സ​മ​ർ​പ്പി​ക്ക​പ്പെ​ട്ടു. 12 വ​ർ​ഷം ത​ട​വി​നു ശി​ക്ഷി​ക്ക​പ്പെ​ട്ട​പ്പോ​ഴാ​ണ് ലോ​ക​മെ​മ്പാ​ടു​മു​ള്ള മാ​ധ്യ​മ​ളു​ടെ ശ്ര​ദ്ധ​യി​ൽ ഇ​വ​ൾ എ​ത്തി​യ​ത്. 1993ലാ​ണ് ഹോ​മോ​ൽ​ക്ക​യും ബെ​ർ​ണാ​ർ​ഡോ​യും അ​റ​സ്റ്റി​ലാ​യ​ത്. മ​ഹാ​ഫി-​ഫ്ര​ഞ്ച് കൊ​ല​പാ​ത​ക​ങ്ങ​ളി​ൽ ശി​ക്ഷി​ക്ക​പ്പെ​ട്ട ബെ​ർ​ണാ​ഡോ​യ്ക്കു ജീ​വ​പ​ര്യ​ന്തം ത​ട​വും അ​പ​ക​ട​ക​ര​മാ​യ കു​റ്റ​വാ​ളി എ​ന്ന മു​ദ്ര​യും ല​ഭി​ച്ചു, കാ​ന​ഡ​യി​ൽ അ​നു​വ​ദ​നീ​യ​മാ​യ പ​ര​മാ​വ​ധി ശി​ക്ഷ​യാ​യി​രു​ന്നു ഇ​ത്.


ഭ​ർ​ത്താ​വി​നു കൂ​ട്ട്

1990ലാ​ണ് കാ​ർ​ല ത​ന്‍റെ ഭ​ർ​ത്താ​വാ​യ പോ​ൾ ബെ​ർ​ണാ​ഡോ​യു​ടെ കാ​മം ശ​മി​പ്പി​ക്കാ​ൻ സ്വ​ന്തം സ​ഹോ​ദ​രി​യെ എ​റി​ഞ്ഞു ന​ൽ​കി​യ​ത്. ഇ​തോ​ടെ കാ​ർ​ല​യു​ടെ ക്രൂ​ര​മ​ന​സി​ന്‍റെ ആ​ഴം മ​ന​സി​ലാ​വു​മ​ല്ലോ.

കാ​ർ​ല​യു​ടെ ഭ​ർ​ത്താ​വി​നു കാ​ർ​ല​യു​ടെ സ​ഹോ​ദ​രി ട​മ്മി ഹോ​മോ​ൽ​ക്ക​യോ​ടു വ​ല്ലാ​ത്തൊ​രു അ​ഭി​നി​വേ​ശം ഉ​ണ്ടാ​യി​രു​ന്നു. എ​ങ്ങ​നെ​യും അ​വ​ളെ കി​ട​ക്ക​യി​ൽ എ​ത്തി​ക്ക​ണ​മെ​ന്ന​ത് അ​യാ​ളു​ടെ വാ​ശി​യാ​യി​രു​ന്നു. ഭ​ർ​ത്താ​വി​ന്‍റെ ആ​ഗ്ര​ഹം തി​രി​ച്ച​റി​ഞ്ഞ​തോ​ടെ കാ​ർ​ല ഭ​ർ​ത്താ​വി​നു സ​ഹാ​യം വാ​ഗ്ദാ​നം​ചെ​യ്യാ​ൻ മ​ടി​ച്ചി​ല്ല. കാ​ര​ണം അ​ത്ര​യ്ക്കു ദു​ഷി​ച്ച​താ​യി​രു​ന്നു അ​വ​ളു​ടെ മ​ന​സും ചെ​യ്തി​ക​ളും.

മ​യ​ക്കു​മ​രു​ന്നു ന​ൽ​കി സ​ഹോ​ദ​രി​യെ ച​തി​ച്ചു​കൊ​ണ്ടാ​ണ് ഭ​ർ​ത്താ​വി​ന്‍റെ കി​ട​ക്ക​യി​ൽ അ​വ​ളെ എ​ത്തി​ച്ചു ന​ൽ​കി​യ​ത്. എ​ന്നാ​ൽ, ആ​ക്ര​മ​ണ​ത്തി​ന്‍റെ ആ​ദ്യ മി​നി​ട്ടി​ൽ​ത്ത​ന്നെ അ​ർ​ധ​ബോ​ധാ​വ​സ്ഥ​യി​ലും ട​മ്മി പോ​ളി​നെ ശ​ക്ത​മാ​യി പ്ര​തി​രോ​ധി​ക്കാ​ൻ ശ്ര​മി​ച്ചു. ഇ​തോ​ടെ പോ​ളും കാ​ർ​ല​യും ചേ​ർ​ന്ന് അ​വ​ളെ ശ്വാ​സം മു​ട്ടി​ച്ചു കൊ​ല​പ്പെ​ടു​ത്തു​ക​യാ​യി​രു​ന്നു. തു​ട​ർ​ന്നു കാ​ർ​ല​യും ഭ​ർ​ത്താ​വും തെ​ളി​വു​ക​ൾ മാ​യ്ക്കാ​ൻ ശ്ര​മി​ച്ചു. പോ​ലീ​സ് സ്ഥ​ല​ത്തെ​ത്തി​യ​പ്പോ​ൾ മു​ഖ​ത്ത് ഏ​തോ രാ​സ​വ​സ്തു ഉ​പ​യോ​ഗി​ച്ചു ട​മ്മി​യു​ടെ മൃ​ത​ദേ​ഹ​വും മു​ഖ​വും പൊ​ള്ളി​ച്ച സ്ഥി​തി​യി​ലാ​യി​രു​ന്നു. ഇ​തൊ​രു അ​പ​ക​ട​മ​ര​ണ​മാ​യി വി​ധി​യെ​ഴു​ത​പ്പെ​ട്ടു. (തു​ട​രും)

തയാറാക്കിയത്: എൻ.എം

Copyright @ 2022 , Rashtra Deepika Ltd.