ഇ​ട​മ​ല​ക്കു​ടി​ക്കാ​ർ​ക്ക് അ​ക്ഷ​രം അ​ക​ലെ -3
Saturday, December 16, 2023 7:11 PM IST
റെജി ജോസഫ്
അ​ധ്യാ​പ​ക​രു​ടെ കൊ​ഴി​ഞ്ഞു​പോ​ക്ക്

ഇ​ട​മ​ല​ക്കു​ടി സ്കൂ​ൾ രേ​ഖ​ക​ളി​ൽ അ​ധ്യാ​പ​ക​രും ജീ​വ​ന​ക്കാ​രു​മാ​യി നാ​ല​ഞ്ചു പേ​രു​ണ്ട്. പ​ല​പ്പോ​ഴും ര​ണ്ടോ മൂ​ന്നോ പേ​രെ കാ​ണാ​റു​ള്ളു. ചി​ല​ർ ദീ​ർ​ഘ​കാ​ലം അ​വ​ധി​യെ​ടു​ത്തു പോ​കും. നി​യ​മ​നം കി​ട്ടി ഒ​രി​ക്ക​ൽ​പോ​ലും ഇ​ട​മ​ല​ക്കു​ടി കാ​ണാ​ത്ത​വ​രു​മു​ണ്ട്. അ​ധ്യാ​പ​ന​ത്തി​നൊ​പ്പം സ്കൂ​ളും പ​രി​സ​ര​വും വൃ​ത്തി​യാ​ക്കേ​ണ്ടതും ​ഉ​ച്ച​ഭ​ക്ഷ​ണം ത​യാ​റാ​ക്കേ​ണ്ട​തും അ​ധ്യാ​പ​ക​രു​ടെ ചു​മ​ത​ല​യാ​ണ്. ര​ണ്ട് അ​ധ്യാ​പ​ക​ർ, ഒ​രു പാ​ർ​ട്ട് ടൈം ​സ്വീ​പ്പ​ർ, പാ​ച​ക​ത്തൊ​ഴി​ലാ​ളി എ​ന്നി​വ​രു​ടെ ത​സ്തി​ക​ക​ൾ ഒ​ഴി​ഞ്ഞു​കി​ട​ക്കു​ക​യാ​ണ്.

ര​ണ്ട് ജീ​വ​ന​ക്കാ​ർ താ​മ​സ സൗ​ക​ര്യ​ങ്ങ​ളി​ല്ലാ​ത്ത​തി​നാ​ൽ ജോ​ലി ഉ​പേ​ക്ഷി​ച്ചു. പി​എ​സ്‌​സി. വ​ഴി മൂ​ന്ന് അ​ധ്യാ​പ​ക​രെ നി​യ​മി​ച്ചെ​ങ്കി​ലും ഒ​രാ​ൾ മാ​ത്ര​മാ​ണ് ജോ​ലി​യി​ൽ പ്ര​വേ​ശി​ച്ച​ത്. നി​ല​വി​ൽ മു​തു​വാ​ൻ വി​ഭാ​ഗ​ത്തി​ലെ ത​ന്നെ ര​ണ്ട് താ​ൽ​ക്കാ​ലി​ക അ​ധ്യാ​പ​രെ​യും നി​യ​മി​ച്ചി​ട്ടു​ണ്ട്.

1977-ൽ ​ഗി​രി​ജ​ൻ സൊ​സൈ​റ്റി​യു​ടെ നേ​തൃ​ത്വ​ത്തി​ലാ​ണ് ഇ​വി​ടെ ആ​ദ്യ കു​ടി​പ്പ​ള്ളി​ക്കൂ​ടം തു​ട​ങ്ങി​യ​ത്. പി​റ്റേ​വ​ർ​ഷം സ​ർ​ക്കാ​ർ ട്രൈ​ബ​ൽ എ​ൽ.​പി.​സ്കൂ​ളാ​യി ഉ​യ​ർ​ത്തി. 36 കു​ട്ടി​ക​ൾ വ​രെ ഒ​ന്നാം ക്ലാ​സി​ൽ പ്ര​വേ​ശ​നം നേ​ടി​യ വ​ർ​ഷ​ങ്ങ​ളു​ണ്ടെ​ങ്കി​ലും ഇ​വ​രി​ൽ പ​ത്തു​പേ​ർ പോ​ലും പ​ത്താം ക്ലാ​സി​നു മു​ക​ളി​ലേ​ക്ക് പ​ഠി​ച്ചു​പോ​യി​ല്ല. ഇ​വി​ടെ വി​ദ്യാ​ഭ്യാ​സ​വ​കു​പ്പി​ലെ ഉ​ന്ന​ത ഉ​ദ്യോ​ഗ​സ്ഥ​രു​ടെ പ​രി​ശോ​ധ​ന​ത​ന്നെ അ​പൂ​ർ​വ​മാ​യേ ന​ട​ക്കാ​റു​ള്ളു. മു​തു​വാ​ൻ കു​ട്ടി​ക​ളു​ടെ പ​രി​തി​മി​യും ദു​രി​ത​വും പ​ഠ​വ​വു​മൊ​ന്നും അ​ധി​ക​മാ​ർ​ക്കും അ​റി​യു​ക​യേ വേ​ണ്ട.

ആ ​സാ​ധ്യ​ത ഇ​രു​ള​ട​ഞ്ഞു

ഇ​ട​മ​ല​ക്കു​ടി​യു​ടെ ക​രു​ത​ലാ​യി​രു​ന്നു മു​ൻ​പ് കീ​ഴി​ലു​ള്ള വി​ദ്യാ​ഭ്യാ​സ​വ​കു​പ്പ് തു​ട​ങ്ങി​യ ഏ​കാ​ധ്യാ​പ​ക വി​ദ്യാ​ല​യ​ങ്ങ​ൾ. പ​ത്താം ക്ലാ​സോ ഉ​പ​രി​യോ​ഗ്യ​ത​യോ നേ​ടി​യ​വ​ർ മു​തു​വാ​ൻ കു​ടി​ക​ളി​ലെ​ത്തി ഗോ​ത്ര​ഭാ​ഷ​യും സം​സ്കാ​ര​വും പ​ഠി​ച്ച് കു​ടി​ക​ളി​ൽ താ​മ​സ​മാ​ക്കി കു​ട്ടി​ക​ളെ പ​ഠി​പ്പി​ച്ചി​രു​ന്നു. 23 വ​ർ​ഷം മു​ൻ​പ് തു​ട​ങ്ങി​യ പ​ദ്ധ​തി ക​ഴി​ഞ്ഞ വ​ർ​ഷം നി​റു​ത്ത​ലാ​ക്കി​യ​തോ​ടെ ഏ​കാ​ധ്യാ​പ​ക​സ്കൂ​ളു​ക​ൾ അ​ട​ഞ്ഞു.

താ​ൽ​ക്കാ​ലി​ക ഷെ​ഡ്ഡു​ക​ളി​ലോ വീ​ടു​ക​ളി​ലോ ആ​യി​രു​ന്നു അ​ധ്യാ​പ​നം. തു​ശ്ച​വേ​ത​ന​മാ​യി​രു​ന്നു ആ​ദ്യ​ഘ​ട്ട​ത്തി​ൽ ഈ ​അ​ധ്യാ​പ​ക​ർ​ക്ക് ല​ഭി​ച്ചി​രു​ന്ന​ത്. ആ​ഴ്ച​ക​ളോ​ളം ക​ഴി​യാ​ൻ ഭ​ക്ഷ്യ​സാ​ധ​ന​ങ്ങ​ൾ ക​രു​തി ദി​വ​സം നീ​ളു​ന്ന സ​ഹ​ന​പാ​ത​ക​ൾ താ​ണ്ടി​യാ​ണ് ഓ​രോ കു​ടി​ക​ളി​ലും ഇ​വ​രെ​ത്തി​യി​രു​ന്ന​ത്. ചി​ല അ​ധ്യാ​പി​ക​മാ​ർ കൈ​ക്കു​ഞ്ഞു​ങ്ങ​ളു​മാ​യാ​ണ് കു​ടി​ക​ളി​ൽ താ​മ​സി​ച്ചി​രു​ന്ന​ത്. ഉ​റ്റ​വ​ർ മ​രി​ച്ചാ​ൽ​പോ​ലും അ​റി​യാ​നും അ​റി​യി​ക്കാ​നും മാ​ർ​ഗ​മി​ല്ലാ​ത്ത വി​ധം ദു​രി​ത​പൂ​ർ​ണ​മാ​യി​രു​ന്നു അ​വ​രു​ടെ വ​ന​വാ​സം.

പു​റം​ലോ​ക​വു​മാ​യി സ​ന്പ​ർ​ക്ക​മി​ല്ലാ​ത്ത വ​ന​വാ​സി കു​ട്ടി​ക​ൾ​ക്ക് അ​വ​രു​ടെ സ്വ​ന്തം ഭാ​ഷ​യി​ൽ ബോ​ധ​നം ന​ൽ​കി മു​ഖ്യ​ധാ​ര​യി​ലേ​ക്ക് കൊ​ണ്ടു​വ​രാ​ൻ ആ​വി​ഷ്ക​രി​ച്ച ആ ​പ​ദ്ധ​തി ഏ​റെ പ്ര​യോ​ജ​ന​ക​ര​മാ​യി​രു​ന്നു. ഇ​ത്ത​ര​ത്തി​ൽ എ​ട്ട് അ​ധ്യാ​പ​ക​ർ കാ​ല​ങ്ങ​ളോ​ളം വി​വി​ധ കു​ടി​ക​ളി​ൽ സേ​വ​നം ചെ​യ്തു. ക്ലാ​സി​ൽ പ​തി​വാ​യി വ​രാ​ത്ത​വ​രെ വീ​ടു​ക​ളി​ൽ പോ​യി കൊ​ണ്ടു​വ​രി​ക​യും ര​ക്ഷ​ക​ർ​ത്താ​ക്ക​ൾ​ക്ക് ബോ​ധ​നം ന​ൽ​കു​ക​യും ചെ​യ്തി​രു​ന്നു.

കു​ട്ടി​ക​ൾ​ക്ക് മാ​ത്ര​മ​ല്ല മു​തി​ർ​ന്ന​വ​ർ​ക്കും ഇ​വ​ർ സാ​ക്ഷ​ര​ത ന​ൽ​കി​യി​രു​ന്നു. ഗോ​ത്ര​വി​ദ്യാ​ഭ്യാ​സ​ത്തി​ൽ വേ​ർ​തി​രി​വു വേ​ണ്ടെ​ന്നും എ​ല്ലാ​വ​രും മു​ഖ്യ​ധാ​ര​യി​ൽ പ​ഠി​ച്ചാ​ൽ മ​തി​യെ​ന്നു​മു​ള്ള തീ​രു​മാ​ന​ത്തി​ലാ​ണ് ഏ​കാ​ധ്യാ​പ​ക ക​ള​രി​ക​ൾ 2021-ൽ ​നി​റു​ത്ത​ലാ​ക്കി​യ​ത്.


തൊ​ട്ട​ടു​ത്തു​ള്ള പൊ​തു​വി​ദ്യാ​ല​യ​ങ്ങ​ളി​ൽ തു​ട​ർ​പ​ഠ​ന​മൊ​രു​ക്കു​മെ​ന്നാ​യി​രു​ന്നു അ​ന്ന​ത്തെ പ്ര​ഖ്യാ​പ​നം. എ​ന്നാ​ൽ ഇ​ട​മ​ല​ക്കു​ടി​യു​ടെ സാ​ഹ​ച​ര്യം വ്യ​ത്യ​സ്ത​മാ​ണ്. സൊ​സൈ​റ്റി​ക്കു​ടി​യി​ലെ ട്രൈ​ബ​ൽ എ​ൽ​പി സ്കൂ​ൾ മാ​ത്ര​മാ​ണ് ഏ​ക വി​ദ്യാ​ല​യം. മു​ള​കു​ത​റ​ക്കു​ടി ഉ​ൾ​പ്പെ​ടെ​യു​ള്ള വി​ദൂ​ര ഊ​രു​ക​ളി​ൽ​നി​ന്ന് വ​നം താ​ണ്ടി മൂ​ന്നു​നാ​ലു മ​ണി​ക്കൂ​ർ ന​ട​ന്നു​വേ​ണം ഇ​വി​ടെ​ത്താ​ൻ. ഇ​ത് പ്രാ​യോ​ഗി​ക​മ​ല്ലാ​ത്ത​തി​നാ​ൽ ര​ക്ഷി​താ​ക്ക​ൾ കു​ട്ടി​ക​ളെ അ​യ​യ്ക്കാ​യി.

ഊ​രു​ക​ളെ അ​ടു​ത്ത​റി​ഞ്ഞ​വ​ർ

പ​രി​മി​തി​ക​ൾ​ക്കു ന​ടു​വി​ൽ​ലും ഇ​ട​മ​ല​ക്കു​ടി​ക്കു​വേ​ണ്ടി സ​മ​ർ​പ്പി​ത സേ​വ​നം ചെ​യ്ത അ​ധ്യാ​പ​ക​രാ​ണ് കോ​ഴി​ക്കോ​ട് മേ​പ്പ​യൂ​ർ ന​ടു​വി​ല​ക്ക​ണ്ടി സ്വ​ദേ​ശി വി.​സു​ധീ​ഷും ഡി.​ആ​ർ.​ഷിം​ലാ​ലും. ഇ​ട​മ​ല​ക്കു​ടി​യി​ലേ​ക്ക് നി​യ​മ​നം ല​ഭി​ച്ച അ​ധ്യാ​പ​ക​രി​ൽ ഏ​റെ​പ്പേ​രും അ​ന്നു​ത​ന്നെ​യോ മാ​സ​ങ്ങ​ൾ​ക്കു​ള്ളി​ലോ സ്ഥ​ലം​മാ​റ്റം വാ​ങ്ങു​ന്ന അ​നു​ഭ​വ​മാ​ണു​ള്ള​ത്.

ഇ​വി​ടെ നി​യ​മ​നം ല​ഭി​ച്ച ഒ​രു പ്ര​ധാ​ന അ​ധ്യാ​പി​ക അ​വ​ധി​യെ​ടു​ത്ത് സ്കൂ​ൾ കാ​ണാ​തെ​ത​ന്നെ മാ​സ​ങ്ങ​ളോ​ളം വേ​ത​നം വാ​ങ്ങി. 2014-ൽ ​ക്ലേ​ശ​പാ​ത​ക​ൾ താ​ണ്ടി​യാ​ണ് കോ​ഴി​ക്കോ​ട്ടു​നി​ന്നും സു​ധീ​ഷും ഷിം​ലാ​സും ഇ​ട​മ​ല​ക്കു​ടി​ലെ​ത്തി വ​ന​വാ​സി​ക​ളു​ടെ ഹൃ​ദ​യ​ത്തി​ൽ ഇ​ടം നേ​ടി​യ​ത്.

കു​ട്ടി​ക​ൾ​ക്ക് പാ​ഠ​ഭാ​ഗ​ങ്ങ​ൾ പ​റ​ഞ്ഞു​കൊ​ടു​ക്കാ​ൻ ഗോ​ത്ര​ഭാ​ഷ പ​ഠി​ക്കു​ക​യും അ​വ​ർ​ക്കാ​യി ഗോ​ത്ര പാ​ഠാ​വ​ലി​യും നി​ഘ​ണ്ടു​വും ത​യാ​റാ​ക്കു​ക​യും ചെ​യ്ത ഇ​വ​ർ ഏ​റെ​ക്കാ​ലം കാ​ടി​ന്‍റെ മ​ക്ക​ൾ​ക്ക് അ​ക്ഷ​രം പ​ക​ർ​ന്നു.

സു​ധീ​ഷ് പ​ങ്കു​വ​ച്ച് അ​നു​ഭ​വ​മി​ങ്ങ​നെ: ആ​ദ്യ​മാ​യി ക്ലാ​സി​ലെ​ത്തു​ന്പോ​ൾ ഞ​ങ്ങ​ൾ പ​റ​യു​ന്ന​ത് കു​ട്ടി​ക​ൾ​ക്കും കു​ട്ടി​ക​ൾ പ്ര​തി​ക​രി​ക്കു​ന്ന​ത് ഞ​ങ്ങ​ൾ​ക്കും മ​ന​സി​ലാ​യി​രു​ന്നി​ല്ല. എ​ഴു​നേ​ൽ​ക്കാ​നും പു​സ്ത​കം എ​ടു​ക്കാ​നും പ​റ​ഞ്ഞാ​ൽ അ​നു​സ​രി​ക്കാ​ത്ത കു​ട്ടി​ക​ൾ. അ​നു​സ​ര​ണ​ക്കേ​ട​ല്ല, ഭാ​ഷ​യു​ടെ അ​ജ്ഞ​ത​യാ​ണ് പ​രി​മി​തി​യെ​ന്ന് പി​ന്നീ​ടാ​ണ് മ​ന​സി​ലാ​യ​ത്. ഇ​ത് ത​ര​ണം ചെ​യ്യാ​ൻ ആ​ദ്യം ചെ​യ്ത​ത് മു​തു​വാ​ൻ ഭാ​ഷ​യെ മ​ന​സി​ലാ​ക്കാ​ൻ ഓ​രോ കു​ടി​യും സ​ന്ദ​ർ​ശി​ച്ചു​ തു​ട​ങ്ങി.

അ​വ​ർ പ​റ​യു​ന്ന വാ​ക്കു​ക​ൾ എ​ഴു​തി​യും പ​റ​ഞ്ഞും ക്ലാ​സി​ൽ പ്ര​യോ​ഗി​ച്ചും കു​ട്ടി​ക​ൾ​ക്കൊ​പ്പം കൂ​ടി. കു​ട്ടി​ക​ളു​ടെ വ​ര​വ് വ​ർ​ധി​ച്ച​തോ​ടെ കൂ​ടു​ത​ൽ വാ​ക്കു​ക​ൾ പ​ഠി​ക്കാ​ൻ തു​ട​ങ്ങി. അ​ത്ത​ര​ത്തി​ൽ മൂ​ന്നാം ക്ലാ​സി​ലെ പ​രി​സ​ര പ​ഠ​നം എ​ന്ന പു​സ്ത​ക​ത്തെ പൂ​ർ​ണ​മാ​യി ഗോ​ത്ര​ ഭാ​ഷ​യി​ലേ​ക്ക് പ​ക​ർ​ത്തി.

2020-ൽ ​ഇ​വ​ർ മു​തു​വാ​ൻ ഭാ​ഷ​യി​ലെ 2,500 വാ​ക്കു​ക​ൾ ഉ​പ​യോ​ഗി​ച്ചു​ള്ള മു​തു​വാ​ൻ-​മ​ല​യാ​ളം ഭാ​ഷാ നി​ഘ​ണ്ടു പു​റ​ത്തി​റ​ക്കി. കു​ട്ടി​ക​ളും ര​ക്ഷി​താ​ക്ക​ളും അ​വി​ടെ​യു​ണ്ടാ​യി​രു​ന്ന ഏ​കാ​ധ്യാ​പ​ക സ്കൂ​ളു​ക​ളി​ലെ അ​ധ്യാ​പ​രു​മാ​യി ഏ​റെ​ക്കാ​ലം സം​സാ​രി​ച്ച് അ​വ​രു​ടെ ഭാ​ഷ ഞ​ങ്ങ​ൾ പ​ഠി​ച്ചു.

ഞ​ങ്ങ​ൾ അ​ധ്യാ​പ​ക​രാ​യി എ​ത്തു​ന്പോ​ൾ സ്കൂ​ൾ ര​ജി​സ്റ്റ​റി​ലു​ണ്ടാ​യി​രു​ന്ന​ത് 12 കു​ട്ടി​ക​ൾ. പ​ല​പ്പോ​ഴും ക്ലാ​സി​ൽ എ​ത്തി​യി​രു​ന്ന​ത് ഒ​രാ​ൾ മാ​ത്രം. ഇ​ട​മ​ല​ക്കു​ടി ഗ​വ. ട്രൈ​ബ​ൽ എ​ൽ​പി സ്കൂ​ളി​ൽ​നി​ന്ന് ഞ​ങ്ങ​ൾ പ​ടി​യി​റ​ങ്ങു​ന്പോ​ൾ വി​ദ്യാ​ർ​ഥി​ക​ളു​ടെ എ​ണ്ണം 139. അ​ക്കാ​ല​ത്ത് ഒ​ന്നാം ക്ലാ​സി​ൽ ര​ണ്ട് ഡി​വി​ഷ​ൻ വ​രെ​യെ​ത്തി​യി​രു​ന്നു. കോ​വി​ഡു​കാ​ല​ത്ത് സം​സ്ഥാ​ന​ത്ത് തു​റ​ന്ന് പ്ര​വ​ർ​ത്തി​ച്ച ഏ​ക സ്കൂ​ലാ​യി​രു​ന്നു ഇ​ട​മ​ല​ക്കു​ടി.

Copyright @ 2022 , Rashtra Deepika Ltd.