കുവൈത്തിൽ മരിച്ച റാഷിദിന്‍റെ സംസ്കാരം നടത്തി
Tuesday, June 2, 2020 11:53 PM IST
കുവൈത്ത് സിറ്റി: ഹൃദയാഘാതത്തെ തുടർന്ന് മരണപ്പെട്ട കുവൈത്ത് കെ.എംസിസി. അംഗവും തൃക്കരിപ്പൂർ ചെറുവത്തൂർ പഞ്ചായത്തിലെ തുരുത്തി സ്വദേശി റാഷിദ് ടി.പി.(40) യുടെ സംസ്കാരം നടത്തി. കൊവിഡ് പരിശോധന ഫലം നെഗറ്റീവ് ആയതിനാൽ മരണ കാരണം ഹൃദയാഘാതമാണെന്നു ആശുപത്രി വൃത്തങ്ങൾ സ്ഥിരീകരിച്ചിരുന്നു.

കുവൈത്ത് കെഎംസിസി ജനറൽ സെക്രട്ടറി എം.കെ. അബ്ദുൾ റസാഖ് പേരാന്പ്രയുടെ നേതൃത്വത്തിൽ സംസ്കാര ചടങ്ങിൽ കെഎംസിസി നേതാക്കളായ ഹാരിസ് വള്ളിയോത്ത്, ഇക്ബാൽ മാവിലാടം, ഷാഫി കൊല്ലം, നിസാർ അലങ്കാർ, മുനീർ പാലോളി, അബ്ദുള്ള മാലിയിൽ, തസ്ലീം തുരുത്തി, റഫീഖ് തുരുത്തി, ഫത്താഹ് മാവിലാടം, അഹ്മദ് അജ്മൽ, താഹ തുരുത്തി, സംസം റഷീദ് എന്നിവർ പങ്കെടുത്തു. സംസ്കാരവുമായി ബന്ധപ്പെട്ട ഒൗദ്യോഗിക നടപടികൾ സംസ്ഥാന പ്രവർത്തക സമിതിയംഗം ഇഖ്ബാൽ മാവിലാടം നേരെത്തെ പൂർത്തിയാക്കിയിരുന്നു.

റിപ്പോർട്ട്: സലിം കോട്ടയിൽ

Copyright @ 2022 , Rashtra Deepika Ltd.