ഷാർജ: രണ്ട് മാസത്തിലേറെയായി ശമ്പളില്ലാതെ ഷാർജയിൽ ദുരിതം അനുഭവിക്കുന്ന മലയാളികൾക്ക് തുണയായി കേന്ദ്രമന്ത്രി സുരേഷ് ഗോപി. വെൽഡിംഗ് കമ്പനിയിൽ ജോലി ചെയ്യുന്ന തൃശൂർ സ്വദേശികളായ മൂന്ന് യുവാക്കളാണ് ശമ്പളില്ലാതെ ഷാർജയിൽ കഴിയുന്നത്.
മലയാളിയായ കമ്പനി ഉടമ പാസ്പോർട്ട് പിടിച്ച് വച്ചിരിക്കുന്നതിനാൽ നാട്ടിലേക്ക് തിരികെ പോകാൻ സാധിക്കാത്ത ഗതികേടിലാണ് ഇവർ. ഒന്നര വർഷമായി ജോലി ചെയ്യുന്നുവെന്നും ഇന്നേ വരെ കൃത്യമായി ശമ്പളം ലഭിച്ചിട്ടില്ലെന്നും ഇവർ പറഞ്ഞു.
വിഷയത്തിൽ എത്രയും വേഗം ഇടപെടുമെന്നും യുവാക്കളെ ഉ‌ടൻ നാട്ടിലെത്തിക്കുമെന്ന് സുരേഷ് ഗോപി ഉറപ്പുനൽകിയിട്ടുണ്ട്.