കൊ​ളോ​ണി​ല്‍ മാ​താ​വി​ന്‍റെ​യും തോ​മാ​ശ്ലീ​ഹാ​യു​ടെ​യും തി​രു​നാ​ളി​ന് ഒ​രു​ക്ക​ങ്ങ​ള്‍ പൂ​ര്‍​ത്തി​യാ​യി
Friday, June 27, 2025 4:51 PM IST
ജോ​സ് കു​മ്പി​ളു​വേ​ലി​ൽ
കൊ​ളോ​ണ്‍: കൊ​ളോ​ണി​ലെ സീ​റോ​മ​ല​ബാ​ര്‍ റീ​ത്ത് ക​മ്യൂ​ണി​റ്റി​യു​ടെ മ​ധ്യ​സ്ഥ​യാ​യ പ​രി​ശു​ദ്ധ ദൈ​വ​മാ​താ​വി​ന്‍റെ നാ​ല്‍​പ്പ​ത്തി​മൂ​ന്നാ​മ​ത്തെ തി​രു​നാ​ളി​നും വി​ശു​ദ്ധ തോ​മാ​ശ്ലീ​ഹാ​യു​ടെ തി​രു​നാ​ളി​നു​മു​ള്ള ഒ​രു​ക്ക​ങ്ങ​ള്‍ പൂ​ര്‍​ത്തി​യാ​യി.

55 വ​ര്‍​ഷം പി​ന്നി​ടു​ന്ന ക​മ്യൂ​ണി​റ്റി​യു​ടെ ഇ​ത്ത​വ​ണ​ത്തെ തി​രു​നാ​ള്‍ ആ​ഘോ​ഷ പ​രി​പാ​ടി​ക​ള്‍ ശ​നി, ഞാ​യ​ർ ദി​വ​സ​ങ്ങ​ളി​ൽ (ജൂ​ണ്‍ 28, 29) കൊ​ളോ​ണ്‍ മ്യൂ​ള്‍​ഹൈ​മി​ലെ ലീ​ബ് ഫ്രൗ​വ​ന്‍ ദേ​വാ​ല​യ​ത്തി​ൽ ന​ട​ക്കും.

തി​രു​നാ​ളി​ന്‍റെ ന​ട​ത്തി​പ്പി​നു​വേ​ണ്ടി​യു​ള്ള വി​വി​ധ ക​മ്മി​റ്റി ക​ണ്‍​വീ​ന​ര്‍​മാ​രു​ടെ യോ​ഗം 22ന് ​ക​മ്യൂ​ണി​റ്റി ചാ​പ്ളെ​യി​ന്‍ ഫാ. ​ഇ​ഗ്നേ​ഷ്യ​സ് ചാ​ലി​ശേ​രി സി​എം​ഐ​യു​ടെ അ​ധ്യ​ക്ഷ​ത​യി​ല്‍​കൂ​ടി ക​മ്മി​റ്റി​ക​ളു​ടെ ഇ​തു​വ​രെ​യു​ള്ള പ്ര​വ​ര്‍​ത്ത​നം വി​ല​യി​രു​ത്തു​ക​യും തി​രു​നാ​ള്‍ ദി​ന​ങ്ങ​ളി​ല്‍ കൈ​ക്കൊ​ള്ളേ​ണ്ട ന​ട​പ​ടി​ക​ളെ​ക്കു​റി​ച്ച് തീ​രു​മാ​നി​ച്ചു.

ശ​നി​യാ​ഴ്ച വൈ​കു​ന്നേ​രം നാ​ലി​ന് തി​രു​നാ​ളി​ന് കൊ​ടി​യേ​റും. ഞാ​യ​റാ​ഴ്ച രാ​വി​ലെ 10ന് ​ന​ട​ക്കു​ന്ന ദി​വ്യ​ബ​ലി​യി​ല്‍ സീ​റോ​മ​ല​ബാ​ര്‍ സ​ഭ മേ​ജ​ര്‍ ആ​ര്‍​ച്ച്ബ​ഷ​പ് മാ​ര്‍ റാ​ഫേ​ല്‍ ത​ട്ടി​ല്‍ മു​ഖ്യ​കാ​ര്‍​മി​ക​ത്വം വ​ഹി​ക്കും.


യൂ​റോ​പ്പി​ലെ അ​പ്പ​സ്തോ​ലി​ക് വി​സി​റ്റേ​റ്റ​ര്‍ മാ​ര്‍ സ്റ്റീ​ഫ​ന്‍ ചി​റ​പ്പ​ണ​ത്ത​ത്ത് സ​ഹ​കാ​ര്‍​മി​ക​നാ​വും. തി​രു​നാ​ളി​ല്‍ കൊ​ളോ​ണ്‍ അ​തി​രൂ​പ​ത സ​ഹാ​യ​മെ​ത്രാ​ന്‍ ഡൊ​മി​നി​ക്കൂ​സ് ഷ്വാ​ഡ​ര്‍​ലാ​പ്പ് പ​ങ്കെ​ടു​ക്കും. കു​ര്‍​ബാ​ന​യെ തു​ട​ര്‍​ന്ന് പ്ര​ദ​ക്ഷി​ണ​വും ഉ​ച്ച​ഭ​ക്ഷ​ണ​വും സാം​സ്കാ​രി​ക പ​രി​പാ​ടി​ക​ളും ലോ​ട്ട​റി​യു​ടെ ന​റു​ക്കെ​ടു​പ്പും ന​ട​ക്കും.

കൊ​ളോ​ണ്‍ ലെ​വ​ര്‍​കു​സ​നി​ല്‍ താ​മ​സി​ക്കു​ന്ന തൃ​ശൂ​ര്‍ സ്വ​ദേ​ശി പി​ന്‍റോ, ലീ​ബ ചി​റ​യ​ത്ത് കു​ടും​ബ​മാ​ണ് ഇ​ത്ത​വ​ണ​ത്തെ പ്ര​സു​ദേ​ന്തി. തി​രു​നാ​ളി​ല്‍ പ​ങ്കെ​ടു​ക്കാ​ന്‍ മേ​ജ​ര്‍ ആ​ര്‍​ച്ച്ബി​ഷ​പ് മാ​ര്‍ റാ​ഫേ​ല്‍ ത​ട്ടി​ലും സെ​ക്ര​ട്ട​റി ഫാ.​ മാ​ത്യു തു​രു​ത്തി​പ്പ​ള്ളി​ലും വ്യാ​ഴാ​ഴ്ച ജ​ര്‍​മ​നി​യി​ല്‍ എ​ത്തി.

ജ​ര്‍​മ​നി​യി​ലെ കൊ​ളോ​ണ്‍ അ​തി​രൂ​പ​ത​യി​ലെ​യും എ​സ​ന്‍, ആ​ഹ​ന്‍, എ​ന്നീ രൂ​പ​ത​ക​ളി​ലെ​യും ഇ​ന്ത്യ​ക്കാ​രു​ടെ കൂ​ട്ടാ​യ്മ​യാ​ണ് കൊ​ളോ​ണി​ലെ മ​ല​യാ​ളി സ​മൂ​ഹം.

കൊ​ളോ​ണ്‍ ക​ര്‍​ദിനാ​ള്‍ റൈ​ന​ര്‍ മ​രി​യ വോ​ള്‍​ക്കി​യു​ടെ കീ​ഴി​ലു​ള്ള സീ​റോമ​ല​ബാ​ര്‍ സ​മൂ​ഹ​ത്തിന്‍റെ ചാ​പ്ളെ​യി​നാ​യി ഫാ. ​ഇ​ഗ്നേ​ഷ്യ​സ് ചാ​ലി​ശേ​രി സി​എം​ഐ ക​ഴി​ഞ്ഞ 24 വ​ര്‍​ഷ​മാ​യി സേ​വ​നം അ​നു​ഷ്‌ഠിക്കു​ന്നു.