1

വ്യത്യസ്ത ചിത്രങ്ങളുമായി ഇന്ത്യൻ ചലച്ചിത്രാസ്വാദകരെ വിസ്മയിപ്പിച്ച ബോളിവുഡ് സംവിധായകൻ രാം ഗോപാൽ വർമയുടെ പുതിയ ചിത്രം ഒരുങ്ങുന്നു. പോ​ലീ​സ് ക​മ്പ​നി എന്നു പേരിട്ടിരിക്കുന്ന ചിത്രത്തിൽ ബി ടൗൺ താരം ഹർ​ഷ​വ​ർധ​ൻ റാ​ണെ​ നായകനാകും.
It Is More Dangerous Than D Company- എ​ന്നാണ് ചി​ത്ര​ത്തി​ന്‍റെ ടാ​ഗ്‌​ലൈ​ൻ. ടി-​സീ​രീ​സ് ആണ് ചിത്രത്തിന്‍റെ നിർമാണം.

മും​ബൈ അ​ധോ​ലോ​ക ച​രി​ത്ര​ത്തി​ലെ യ​ഥാ​ർ​ഥ സം​ഭ​വ​ങ്ങ​ളെ ആ​സ്പ​ദ​മാ​ക്കി​യാ​ണ് ചി​ത്രം ഒ​രു​ങ്ങു​ന്ന​ത്. തൊണ്ണൂറുകളിലും രണ്ടായിരത്തിന്‍റെ തു​ട​ക്ക​ത്തി​ലും ദാ​വൂ​ദ് ഇ​ബ്രാ​ഹി​മും ഛോട്ടാ ​രാ​ജ​നും ത​മ്മി​ലു​ണ്ടാ​യ ചേ​രി​തി​രി​വും തു​ട​ർ​ന്നു​ണ്ടാ​യ ഗ്യാംഗ് പോ​രു​ക​ളും നി​യ​ന്ത്രി​ക്കാ​നാ​യി രൂ​പീ​ക​രി​ച്ച പ്ര​ത്യേ​ക പോ​ലീ​സ് സ്ക്വാ​ഡി​ന്‍റെ ക​ഥ​യാ​ണു ചി​ത്രം പ​റ​യു​ന്ന​ത്. 1997-2004 കാലഘട്ടത്തിൽ മുന്നൂറിലേറെ ഗൂണ്ടകളെയാണ് ഏ​റ്റു​മു​ട്ട​ലു​ക​ളിലൂടെ വകവരുത്തിയത്. ഈ പ​ശ്ചാ​ത്ത​ല​ത്തി​ലാ​ണ് സി​നി​മ പു​രോ​ഗ​മി​ക്കു​ന്ന​ത്.

മും​ബൈ​യി​ലെ പ്ര​ശ​സ്ത എ​ൻ​കൗ​ണ്ട​ർ സ്പെ​ഷ​ലി​സ്റ്റ് ഓ​ഫീ​സ​റാ​യ ദ​യാ നാ​യി​ക്കി​ന്‍റെ ജീവിതത്തിൽനിന്നുള്ള യഥാർഥ സംഭവങ്ങളാണു ചിത്രത്തിൽ. നായിക്കിന്‍റെ ജീവിതവുമായി ബന്ധമുള്ള കഥാപാത്രമായാണ് റാണെ വെള്ളിത്തിരയിലെത്തുന്നത്.

2002-ൽ ആർജിവി സം​വി​ധാ​നം ചെ​യ്ത ക​മ്പ​നി, 2004-ലെ അ​ബ് ത​ക് ഛപ്പ​ൻ എ​ന്നീ ചി​ത്ര​ങ്ങ​ളും ഇ​തേ സം​ഭ​വ​വി​കാ​സ​ങ്ങ​ളെ അ​ടി​സ്ഥാ​ന​മാ​ക്കി​യു​ള്ള​താ​യി​രു​ന്നു. മു​ൻ​പ് അ​ധോ​ലോ​ക​ത്തി​ന്‍റെ കാ​ഴ്ച​പ്പാ​ടി​ൽ ക​ഥ പ​റ​ഞ്ഞ ആ​ർ​ജി​വി, ഇ​ത്ത​വ​ണ പോ​ലീ​സി​ന്‍റെ ഭാ​ഗ​ത്തു​നി​ന്നു​ള്ള ക​ഥ​യാ​ണ്, പോ​ലീ​സ് ക​മ്പ​നി എന്ന പേരിൽ വെള്ളിത്തിരയിലെത്തിക്കുന്നത്.

ബി ടൗണിലെ താരജോഡികളാണ് കജോളും അജയ് ദേവ്ഗണും. കോടിക്കണക്കിന് ആരാധകരാണ് താരദന്പതികൾക്കുള്ളത്. ഇപ്പോൾ 52-ാം ജന്മദിനത്തിൽ കജോളിന്‍റെ ജന്മദിനത്തിൽ അ​ജ​യ് ദേ​വ്ഗ​ൺ സോ​ഷ്യ​ൽ മീ​ഡി​യ​യി​ൽ പങ്കുവച്ച കുറിപ്പ് ആരാധകർ ആഘോഷമാക്കുകയാണ്.

ഇ​രു​വ​രും ഒ​രു​മി​ച്ചു​ള്ള മ​നോ​ഹ​ര​മാ​യ ചി​ത്രം പ​ങ്കുവ​ച്ചു​കൊ​ണ്ട് താരം കുറിച്ചു- വ​ർ​ഷ​ങ്ങ​ളാ​യി എന്‍റെ ത​മാ​ശ​ക​ൾ ആ​സ്വ​ദി​ച്ചു കേ​ൾ​ക്കാ​ൻ ഒ​രേ​യൊ​രു പ്രേ​ക്ഷ​ക മാ​ത്ര​മേ ഉ​ണ്ടാ​യി​രു​ന്നു​ള്ളൂ, ക​ജോ​ളി​ന് പി​റ​ന്നാ​ൾ ആ​ശം​സ​ക​ൾ... എ​ന്നാ​യി​രു​ന്നു അ​ജ​യ് ദേവഗണിന്‍റെ പോ​സ്റ്റ്. ത​ങ്ങ​ൾ​ക്കി​ട​യി​ലെ സൗ​ഹൃ​ദ​വും പ​ങ്കാ​ളി​ത്ത​വും വ്യ​ക്ത​മാ​ക്കു​ന്ന ​ആ​ശം​സാ​ കു​റി​പ്പ് നി​മി​ഷ​ങ്ങ​ൾ​ക്ക​കം ആ​രാ​ധ​ക​ർ ഏ​റ്റെ​ടു​ത്തു. താ​ര ദ​മ്പ​തി​ക​ൾ​ക്ക് ആ​ശം​സ​ക​ളു​മാ​യി നി​ര​വ​ധി പ്ര​മു​ഖ​രും ആ​രാ​ധ​ക​രും ക​മ​ന്‍റ് ബോ​ക്സി​ൽ എ​ത്തു​ന്നു​ണ്ട്.

1999-ലാ​യി​രു​ന്നു അ​ജ​യ് ദേ​വ്ഗ​ണി​ന്‍റെ​യും ക​ജോ​ളി​ന്‍റെ​യും വി​വാ​ഹം. ഹ​ൽ​ച​ൽ എ​ന്ന ചി​ത്ര​ത്തി​ന്‍റെ ചി​ത്രീ​ക​ര​ണ​ത്തി​നി​ടെ ആ​രം​ഭി​ച്ച സൗ​ഹൃ​ദം പി​ന്നീ​ട് പ്ര​ണ​യ​ത്തി​ലേ​ക്കും വി​വാ​ഹ​ത്തി​ലേ​ക്കും വ​ഴി​മാ​റു​ക​യാ​യി​രു​ന്നു. മൂ​ന്നു പ​തി​റ്റാ​ണ്ടോ​ള​മാ​യി ബോ​ളി​വു​ഡി​ലെ മാ​തൃ​കാ ദ​മ്പ​തി​ക​ളാ​യി ഇ​രു​വ​രും തു​ട​രു​ന്നു.

1992-ൽ ​ബേ​ഖു​ദി എ​ന്ന സി​നി​മ​യി​ലൂ​ടെ അ​ഭി​ന​യ​രം​ഗ​ത്തേ​ക്കു പ്രവേശിച്ച ക​ജോ​ൾ, ദി​ൽ​വാ​ലെ ദു​ൽ​ഹ​നി​യ ലേ ​ജാ​യേം​ഗെ, ബാ​സി​ഗ​ർ, കു​ച്ച് കു​ച്ച് ഹോ​താ ഹേ, ​ഫ​നാ തു​ട​ങ്ങി​യ എ​വ​ർ​ഗ്രീ​ൻ ചി​ത്ര​ങ്ങ​ളി​ലൂ​ടെ ഇ​ന്ത്യ​ൻ സി​നി​മ​യി​ലെ മു​ൻ​നി​ര നാ​യി​ക​മാ​രി​ൽ ഒ​രാ​ളാ​യി മാ​റു​ക​യാ​യി​രു​ന്നു.

കവിനും നയൻതാരയും പ്രധാന വേഷങ്ങളിലെത്തുന്ന "ഹായ്' ഓഗസ്റ്റ് 14-ന് തിയറ്ററുകളിലേക്ക് എത്തുകയാണ്. ഇരുവരും തമ്മിലുള്ള പ്രായവ്യത്യാസം വലിയരീതിയിൽ ചർച്ചയായിരുന്നു. ഇപ്പോൾ പ്രായവ്യത്യാസങ്ങളെക്കുറിച്ചുള്ള പ്രചാരണങ്ങളിൽ വ്യക്തത വരുത്തി രംഗത്തെത്തിയിരിക്കുകയാണ് സംവിധായകൻ വിഷ്ണു ഇടവൻ. ഗാനരചയിതാവായ വിഷ്ണു ഇടവൻ ആദ്യമായി സംവിധാനം ചെയ്യുന്ന ചിത്രമാണ് ഹായ്.

പ്രണയജോഡികളായ കവിനും നയൻതാരയും തമ്മിലുള്ള വലിയ പ്രായവ്യത്യാസം പ്രമേയമാക്കുന്നുണ്ടെന്ന തരത്തിൽ സോഷ്യൽ മീഡിയയിലും മറ്റും ഊഹാപോഹങ്ങൾ പ്രചരിച്ചിരുന്നു. എന്നാൽ അത്തരം വാർത്തകൾ തെറ്റാണെന്നും, പ്രായ വ്യത്യാസം കേന്ദ്രബിന്ദുവാക്കാൻ പ്രത്യേക ഉദ്ദേശ്യമൊന്നുമില്ലെന്നും സംവിധായകൻ വ്യക്തമാക്കി:

കാസ്റ്റിംഗിലെ പരമ്പരാഗതരീതികൾ പൊളിച്ചെഴുതാനാണ് ആഗ്രഹിച്ചത്. ലളിതവും പ്രേക്ഷകർക്ക് പെട്ടെന്ന് കണക്റ്റ് ആകുന്നതുമായ കുടുംബ ചിത്രമാണിത്. ഈ കഥയിൽ ഒരു ചെറിയ റിസ്ക് ഫാക്ടർ കൊണ്ടുവരാൻ ആഗ്രഹിച്ചപ്പോഴാണ് ഈ രണ്ടു താരങ്ങളെയും ഒന്നിച്ചെത്തിക്കുക എന്ന ആശയമുദിച്ചത്.

രജനികാന്ത്, മോഹൻലാൽ, ചിരഞ്ജീവി, ബാലകൃഷ്ണ തുടങ്ങിയ സൂപ്പർതാരങ്ങളെല്ലാം പ്രായപരിധികളെ മറികടന്ന് മികച്ച കഥാപാത്രങ്ങൾ ചെയ്യുന്നുണ്ട്. ലേഡി സൂപ്പർസ്റ്റാർ എന്ന് അറിയപ്പെടുന്ന നയൻതാരയ്ക്കും ആ നിലവാരത്തിലുള്ള സ്വീകാര്യതയുണ്ട്. പുരുഷതാരങ്ങൾക്കു നൽകുന്ന അതേ പരിഗണനയും സ്വാതന്ത്ര്യവും എന്തുകൊണ്ട് സ്ത്രീ താരങ്ങൾക്കും നൽകിക്കൂടാ? ആ ചിന്തയാണ് ഈ കാസ്റ്റിംഗിലേക്ക് നയിച്ചത്- സംവിധായകൻ പറഞ്ഞു.

നയൻതാര-വിഗ്നേഷ് ശിവന്‍റെ റൗഡി പിക്ചേഴ്സ്, എസ്.എസ്. ലളിത് കുമാറിന്‍റെ സെവൻ സ്ക്രീൻ സ്റ്റുഡിയോ, സീ സ്റ്റുഡിയോസ് എന്നിവർ ചേർന്നാണ് ചിത്രം നിർമിക്കുന്നത്. ഭാഗ്യരാജ്, രാധിക ശരത്കുമാർ, പ്രഭു, വി.ടി.വി. ഗണേഷ്, സത്യൻ, അമൃത ശ്രീനിവാസൻ തുടങ്ങിയവരാണ് പ്രധാന കഥാപാത്രങ്ങളെ കൈകാര്യം ചെയ്യുന്നത്.

അഭ്രപാളികളിൽ അവിശ്വസനീയ കഥാപാത്രങ്ങളായി പകർന്നാടുന്ന ഉ​ല​ക​നാ​യ​ക​ൻ ക​മ​ൽ ഹാ​സന്‍റെ അ​ടു​ത്ത ചി​ത്രം സം​വി​ധാ​നം ചെ​യ്യു​ന്ന​ത് എ​സ്.​യു. അ​രു​ൺ കു​മാ​റെന്നു സൂചന. കോളിവുഡ് മാധ്യമങ്ങളാണ് ഇക്കാര്യം പുറത്തുവിട്ടത്. കഴിഞ്ഞവർഷം പു​റ​ത്തി​റ​ങ്ങി​യ മ​ണി​ര​ത്നം ചി​ത്രം ത​ഗ് ലൈ​ഫിനുശേ​ഷം രാ​ഷ്ട്രീ​യ പ്ര​വ​ർ​ത്ത​ന​ങ്ങ​ളി​ൽ സ​ജീ​വ​മാ​യി​രു​ന്ന തമിഴകത്തിന്‍റെ വിസ്മയതാരം വീ​ണ്ടും സി​നി​മ​യി​ൽ പൂ​ർണശ്ര​ദ്ധ കേ​ന്ദ്രീ​ക​രി​ക്കാ​നൊ​രു​ങ്ങു​ക​യാ​ണ്.

ക​മ​ൽഹാ​സ​ന്‍റെ നി​ർമാ​ണ​ക്ക​മ്പ​നി​യാ​യ രാ​ജ് ക​മ​ൽ ഫി​ലിം​സ് ഇന്‍റ​ർ​നാ​ഷ​ണ​ൽ ത​ന്നെ​യാ​ണ് ഈ ​പ്രോ​ജ​ക്റ്റും നി​ർ​മി​ക്കു​ക എ​ന്നാ​ണ് സൂ​ച​ന​ക​ൾ. എ​ന്നാ​ൽ ഇ​തു​മാ​യി ബ​ന്ധ​പ്പെ​ട്ട് ഔ​ദ്യോ​ഗി​ക സ്ഥി​രീ​ക​ര​ണം ഇ​തു​വ​രെ പു​റ​ത്തു​വ​ന്നി​ട്ടി​ല്ല. കെഎ​ച്ച് 237 എ​ന്ന ചി​ത്ര​മാ​യി​രു​ന്നു ക​മ​ൽ ഹാ​സ​ന്‍റേ​താ​യി പ്ര​ഖ്യാ​പി​ച്ചി​രു​ന്ന​ത്. എ​ന്നാ​ൽ സി​ജി​ഐ കാ​ര​ണം ​പ്രോ​ജ​ക്റ്റ് വൈ​കാ​ൻ സാ​ധ്യ​ത​യു​ണ്ടെ​ന്ന റി​പ്പോ​ർ​ട്ടു​ക​ൾ​ക്കി​ട​യി​ലാ​ണു പു​തി​യ ചി​ത്ര​ത്തെ​ക്കു​റി​ച്ചു​ള്ള വാ​ർ​ത്ത​ക​ൾ പു​റ​ത്തു​വ​രു​ന്ന​ത്.

നാ​ഗ് അ​ശ്വി​ൻ സം​വി​ധാ​നം ചെ​യ്യു​ന്ന ക​ൽ​ക്കി 2898 എ​ഡി എ​ന്ന ബ്ര​ഹ്മാ​ണ്ഡ സിനിമയുടെ ര​ണ്ടാം ഭാ​ഗ​ത്തി​ന്‍റെ ചി​ത്രീ​ക​ര​ണ​ത്തി​ലാ​ണ് ക​മ​ൽഹാ​സ​ൻ. ഇ​തിനുശേ​ഷ​മാ​യി​രി​ക്കും അ​രു​ൺ കു​മാ​ർ ചി​ത്രത്തിന്‍റെ ഷൂ​ട്ടിം​ഗ് ആ​രം​ഭി​ക്കു​ക. ഇ​തി​നു​പു​റ​മേ, നാ​ലു പ​തി​റ്റാ​ണ്ടു​ക​ൾ​ക്കുശേ​ഷം തലൈവർ ര​ജ​നി​കാ​ന്തും ക​മ​ൽഹാ​സ​നും ഒ​ന്നി​ക്കു​ന്ന നെ​ൽ​സ​ൺ ചി​ത്രം, അ​ശ്വ​ത് മാ​രി​മു​ത്തു സം​വി​ധാ​നം ചെ​യ്യു​ന്ന ര​ജനി​കാ​ന്ത് ചി​ത്രം ധ​ർമ​ൻ എന്നീ പ്രോ​ജ​ക്റ്റിന്‍റെ നി​ർമാ​ണപങ്കാളി കൂടിയാണ് ഉലകനായകൻ.

വെ​ള്ളി​ത്തി​ര​യി​ൽ അ​ത്ഭു​ത​ങ്ങ​ൾ പ്ര​വ​ർ​ത്തി​ക്കു​ന്ന ഹോ​ളി​വു​ഡി​ന്‍റെ ആ​ക്ഷ​ൻ വി​സ്മ​യം, സി​നി​മാ​പ്രേ​മി​ക​ളു​ടെ പ്രി​യ​പ്പെ​ട്ട സൂ​പ്പ​ർ​ഹീ​റോ സ്പൈ​ഡ​ർ​മാ​ൻ വീ​ണ്ടു​മെ​ത്തു​ന്നു! സ്പൈ​ഡ​ർ​മാ​ൻ: ബ്രാ​ൻ​ഡ് ന്യൂ ​ഡേ റി​ലീ​സി​നൊ​രു​ങ്ങു​വെ, ഇ​ന്ത്യ​യി​ലെ അ​ഡ്വാ​ൻ​സ് ബു​ക്കിം​ഗ് നി​ര​ക്കു​ക​ളാ​ണ് ഇ​പ്പോ​ൾ വാ​ർ​ത്ത​യാ​യ​ത്. ചൂ​ട​പ്പം പോ​ലെ വി​റ്റ​ഴി​യു​ന്ന ടി​ക്ക​റ്റു​ക​ളു​ടെ ചാ​ർ​ജ് കേ​ട്ടാ​ൽ ആ​രും ത​ല​യി​ൽ കൈ​വ​ച്ചു​പോ​കും!

സി​നി​മ​യു​ടെ ആ​വേ​ശം ഒ​രു​വ​ശ​ത്ത് കൊ​ടു​ങ്കാ​റ്റാ​കു​മ്പോ​ൾ, മ​റു​പു​റ​ത്ത് സി​നി​മാ​പ്രേ​മി​ക​ളെ ഞെ​ട്ടി​ക്കു​ന്ന​ത് ടി​ക്ക​റ്റ് നി​ര​ക്കു​ക​ളാ​ണ്. ഇ​ന്ത്യ​യി​ലെ മെ​ട്രോ ന​ഗ​ര​ങ്ങ​ളി​ൽ അ​മ്പ​ര​പ്പി​ക്കു​ന്ന തു​ക​യാ​ണ് പ്രീ​മി​യം ഷോ​ക​ൾ​ക്കാ​യി ഈ​ടാ​ക്കു​ന്ന​ത്. രാ​ജ്യ​ത്തി​ന്‍റെ സാ​മ്പ​ത്തി​ക ത​ല​സ്ഥാ​ന​മാ​യ മും​ബൈ​യി​ലെ ചി​ല ആ​ഡം​ബ​ര തിയറ്ററുകളിൽ (ല​ക്ഷ്വ​റി ഐ​മാ​ക്സ്, ഡ​യ​റ​ക്ടേ​ഴ്സ് ക​ട്ട്) ഒ​രു ടി​ക്ക​റ്റി​ന്‍റെ വി​ല 2,690 രൂ​പ വ​രെ​യാ​ണ്! ടാ​ക്സും മ​റ്റ് ചാ​ർ​ജു​ക​ളും ചേ​രു​മ്പോ​ൾ പി​ന്നെ​യും കൂ​ടും. ഡ​ൽ​ഹി, ബം​ഗ​ളൂ​രു ന​ഗ​ര​ങ്ങ​ളി​ലും സ​മാ​ന​മാ​യ ത​രം​ഗ​മാ​ണ് ദൃ​ശ്യ​മാ​കു​ന്ന​ത്.

ഇ​ന്ത്യ​യി​ൽ റി​ലീ​സി​നൊ​രു​ങ്ങു​ന്ന ഹോ​ളി​വു​ഡ് ചി​ത്ര​ങ്ങ​ളി​ൽ ഏ​റ്റ​വും വ​ലി​യ വ​ര​വേ​ൽ​പ്പാ​ണു സ്പൈഡർമാനു ല​ഭി​ച്ചു​കൊ​ണ്ടി​രി​ക്കു​ന്ന​ത്. ഇ​ന്ത്യ​ൻ ബോ​ക്സ് ഓ​ഫീ​സി​ൽ ച​രി​ത്ര വി​ജ​യം നേ​ടാ​ൻ ചി​ത്ര​ത്തി​നു സാ​ധി​ക്കുമെന്നാണ് ട്രേ​ഡ് അ​ന​ലി​സ്റ്റു​ക​ളു​ടെ വി​ല​യി​രു​ത്ത​ൽ. സാ​ധാ​ര​ണ സ്ക്രീ​നു​ക​ളേ​ക്കാ​ൾ IMAX 3D, 4DX ഫോ​ർ​മാ​റ്റു​ക​ളി​ലു​ള്ള ടി​ക്ക​റ്റു​ക​ൾ​ക്കാ​ണ് ആ​വ​ശ്യ​ക്കാ​ർ ഏ​റെ​യും. ഇം​ഗ്ലീ​ഷി​നു പു​റ​മെ ഹി​ന്ദി, ത​മി​ഴ്, തെ​ലു​ങ്ക്, മ​ല​യാ​ളം എ​ന്നീ ഭാ​ഷ​ക​ളി​ലും വ​ൻ റി​ലീ​സി​നാ​ണ് ചി​ത്രം ഒ​രു​ങ്ങു​ന്ന​ത്.