5

വാഷിംഗ്ടൺ ഡിസി: അ​മേ​രി​ക്ക​യെ ഭീതിയിലാഴ്ത്തി ഇരുപത്തിമൂന്ന് സ്റ്റേറ്റുകളിൽ മാ​ര​ക​ ഫംഗസ് ബാധ. സാ​ധാ​ര​ണ മ​രു​ന്നു​ക​ളെ പ്ര​തി​രോ​ധി​ക്കാ​ൻ ശേ​ഷി​യു​ള്ള​തും ആ​ഴ്ച​ക​ളോ​ളം നി​ല​നി​ൽ​ക്കാ​ൻ ക​ഴി​യു​ന്ന​തു​മാ​യ കാ​ന്‍റി​ഡ ഓ​റി​സ് എന്ന ഫം​ഗ​സ് ആണു വ്യാപകമായി പടരുന്നത്. ഫം​ഗ​സ് ബാ​ധ ആ​രോ​ഗ്യ മേ​ഖ​ല​യ്ക്ക് വ​ലി​യ വെല്ലുവിളിയാണു സൃഷ്ടിക്കുന്നത്. ജൂലൈ 18 വ​രെ​യു​ള്ള ക​ണ​ക്കു​ക​ൾ പ്ര​കാ​രം മൂവായിരത്തിലേറെ കേ​സു​ക​ളാ​ണ് രാജ്യത്തു റി​പ്പോ​ർ​ട്ട് ചെ​യ്തി​ട്ടു​ള്ള​ത്. 706 കേ​സു​ക​ൾ റി​പ്പോ​ർ​ട്ട് ചെ​യ്ത ടെ​ക്സസ് ആണ് പ​ട്ടി​ക​യി​ൽ മു​ന്നി​ൽ. മി​ഷി​ഗ​ൺ (503), ഇ​ല്ലി​നോ​യി (366) എ​ന്നീ സ്റ്റേറ്റുകളാണു തൊ​ട്ടു​പി​ന്നി​ൽ.

പ്ര​ധാ​ന​മാ​യും ആ​ശു​പ​ത്രി​ക​ൾ, ന​ഴ്സിം​ഗ് ഹോ​മു​ക​ൾ, ദീ​ർ​ഘ​കാ​ല പ​രി​ച​ര​ണകേ​ന്ദ്ര​ങ്ങ​ൾ എ​ന്നി​വി​ട​ങ്ങ​ളി​ലാ​ണ് കാ​ന്‍റി​ഡ ഓ​റി​സ് പ​ട​രു​ന്ന​ത്. വെന്‍റി​ലേ​റ്റ​റു​ക​ൾ, ഫീ​ഡിം​ഗ് ട്യൂ​ബു​ക​ൾ, സെ​ൻ​ട്ര​ൽ ഐ​വി ലൈ​നു​ക​ൾ തു​ട​ങ്ങി​യ ഉ​പ​ക​ര​ണ​ങ്ങ​ളു​ടെ സ​ഹാ​യ​ത്തോ​ടെ ക​ഴി​യു​ന്ന രോ​ഗി​ക​ളി​ലാ​ണ് ഇ​ത് കൂ​ടു​ത​ലാ​യി കാ​ണ​പ്പെ​ടു​ന്ന​ത്.

ആ​രോ​ഗ്യ​മു​ള്ള വ്യ​ക്തി​ക​ൾ​ക്ക് ​ഫം​ഗ​സ് മൂ​ല​മു​ള്ള ഭീ​ഷ​ണി കു​റ​വാ​ണ്. എ​ന്നാ​ൽ പ്ര​തി​രോ​ധ​ശേ​ഷി കു​റ​ഞ്ഞ​വ​രിലും ഗു​രു​ത​രാ​വ​സ്ഥ​യി​ൽ ക​ഴി​യു​ന്ന രോ​ഗി​കളിലും ര​ക്ത​ധ​മ​നി​ക​ളി​ലേ​ക്ക് പ​ട​ർ​ന്ന് ജീ​വ​നുത​ന്നെ ഭീ​ഷ​ണി​യാ​കു​ന്ന ത​ര​ത്തി​ലു​ള്ള അ​ണു​ബാ​ധ​യു​ണ്ടാ​ക്കാം.

നേരത്തെ, അ​മി​ത​മാ​യി ആന്‍റി​ബ​യോ​ട്ടി​ക്കു​ക​ളോ ആ​ന്‍റി​ഫം​ഗ​ൽ മ​രു​ന്നു​ക​ളോ ഉ​പ​യോ​ഗി​ച്ചി​ട്ടു​ള്ള​വ​രി​ലും പ്ര​തി​രോ​ധ​ശേ​ഷി കു​റ​ഞ്ഞ​വ​രി​ലു​മാ​ണ് അ​ണു​ബാ​ധ​യ്ക്ക് സാ​ധ്യ​ത കൂ​ടു​ത​ൽ. കാ​ന്‍റി​ഡ ഓ​റി​സി​നെ കൂ​ടു​ത​ൽ അ​പ​ക​ട​കാ​രി​യാ​ക്കു​ന്ന​ത് മ​രുന്നിനെ പ്ര​തി​രോ​ധിക്കാനുള്ള ​ശേ​ഷി​യാ​ണെ​ന്ന് ആരോഗ്യവിദഗ്ധർ ചൂണ്ടിക്കാണിക്കുന്നു.