5

വാ​ഷിം​ഗ്ട​ൺ ഡി​സി: ദി​വ​സം മൂ​ന്ന് മു​ത​ൽ അ​ഞ്ച് ക​പ്പ് വ​രെ (ഏ​ക​ദേ​ശം 400 മി​ല്ലി​ഗ്രാം ക​ഫീ​ൻ) കാ​പ്പി കു​ടി​ക്കു​ന്ന​ത് മി​ക്ക ആ​രോ​ഗ്യ​വാ​ന്മാ​രാ​യ മു​തി​ർ​ന്ന​വ​ർ​ക്കും സു​ര​ക്ഷി​ത​മാ​ണെ​ന്നും പ​തി​വാ​യി മി​ത​മാ​യ അ​ള​വി​ൽ കാ​പ്പി കു​ടി​ക്കു​ന്ന​ത് ഹൃ​ദ​യാ​രോ​ഗ്യ​ത്തി​ന് ഗു​ണ​ക​ര​മാ​കാ​മെ​ന്നും അ​മേ​രി​ക്ക​ൻ ഹാ​ർ​ട്ട് അ​സോ​സി​യേ​ഷ​ൻ.

സർക്കുലേഷൻ ജേ​ണ​ലി​ൽ പ്ര​സി​ദ്ധീ​ക​രി​ച്ച റി​പ്പോ​ർ​ട്ടി​ൽ, മി​ത​മാ​യ അ​ള​വി​ൽ കാ​പ്പി കു​ടി​ക്കു​ന്ന​വ​രി​ൽ സ്ട്രോ​ക്ക്, ടൈ​പ്പ്-2 പ്ര​മേ​ഹം, ഹൃ​ദ​യ​സ്തം​ഭ​നം, കൊ​റോ​ണ​റി ഹൃ​ദ്രോ​ഗം എ​ന്നി​വ​യു​ടെ സാ​ധ്യ​ത കു​റ​യു​ന്ന​താ​യി പ​ഠ​ന​ങ്ങ​ൾ സൂ​ചി​പ്പി​ക്കു​ന്ന​താ​യി പ​റ​യു​ന്നു.

കാ​പ്പി​യി​ലെ ക​ഫീ​നി​നൊ​പ്പം പോ​ളി​ഫി​നോ​ളു​ക​ൾ പോ​ലു​ള്ള ആ​ന്‍റി​ഓ​ക്സി​ഡ​ന്‍റു​ക​ളും ആ​ന്‍റി-​ഇ​ൻ​ഫ്ല​മേ​റ്റ​റി ഘ​ട​ക​ങ്ങ​ളും ഈ ​ആ​രോ​ഗ്യ​ഗു​ണ​ങ്ങ​ൾ​ക്ക് കാ​ര​ണ​മാ​കാ​മെ​ന്നും റി​പ്പോ​ർ​ട്ട് വ്യ​ക്ത​മാ​ക്കു​ന്നു.

അ​തേ​സ​മ​യം, അ​മി​ത​മാ​യി പ​ഞ്ച​സാ​ര, ഫ്ലേ​വ​ർ സി​റ​പ്പു​ക​ൾ, ഉ​യ​ർ​ന്ന കൊ​ഴു​പ്പു​ള്ള ക്രീ​മ​റു​ക​ൾ എ​ന്നി​വ ചേ​ർ​ത്ത് കാ​പ്പി കു​ടി​ക്കു​ന്ന​ത് ആ​രോ​ഗ്യ​ഗു​ണ​ങ്ങ​ൾ കു​റ​യ്ക്കാ​ൻ സാ​ധ്യ​ത​യു​ണ്ടെ​ന്നും മു​ന്ന​റി​യി​പ്പു​ണ്ട്.

കൂ​ടാ​തെ, എ​ന​ർ​ജി ഡ്രി​ങ്കു​ക​ൾ കാ​പ്പി​ക്ക് പ​ക​ര​മ​ല്ലെ​ന്നും അ​വ ഉ​യ​ർ​ന്ന ര​ക്ത​സ​മ്മ​ർ​ദ്ദ​ത്തി​നും ഹൃ​ദ​യ​മി​ടി​പ്പ് ക്ര​മ​ക്കേ​ടു​ക​ൾ​ക്കും കാ​ര​ണ​മാ​കാ​മെ​ന്നും അ​മേ​രി​ക്ക​ൻ ഹാ​ർ​ട്ട് അ​സോ​സി​യേ​ഷ​ൻ ചൂ​ണ്ടി​ക്കാ​ട്ടി.

ഗ​ർ​ഭി​ണി​ക​ൾ, ഹൃ​ദ്രോ​ഗ​മു​ള്ള​വ​ർ, ക​ഫീ​നി​നോ​ട് അ​മി​ത സം​വേ​ദ​ന​ക്ഷ​മ​ത​യു​ള്ള​വ​ർ എ​ന്നി​വ​ർ കാ​പ്പി​യു​ടെ അ​ള​വി​നെ​ക്കു​റി​ച്ച് ഡോ​ക്ട​റു​ടെ നി​ർ​ദേ​ശം തേ​ട​ണ​മെ​ന്നും അ​സോ​സി​യേ​ഷ​ൻ നി​ർ​ദേ​ശി​ച്ചു.

Tags : CoffeeBenefits HealthNews Wellness HealthyLifestyle