കൊച്ചി: കണ്ണൂര് അഴീക്കല് തീരത്ത് അറബിക്കടലില് അഗ്നിക്കിനിരയായ സിംഗപ്പുര് കപ്പല് ‘എം.വി/ വാന് ഹയി 503’ലെ മാസ്റ്റര്ക്കും ചീഫ് ഓഫീസര്ക്കും രാജ്യം വിടാന് ഹൈക്കോടതിയുടെ അനുമതി. മാസ്റ്റര് തായ്വാന് സ്വദേശി വേയ് ചുന്-ജു, ചീഫ് ഓഫീസര് ചൈനീസ് സ്വദേശി താവോ പെങ് എന്നിവര്ക്കാണ് ജസ്റ്റീസ് ബെച്ചു കുര്യന് തോമസ് ഉപാധികളോടെ അനുമതി നല്കിയത്.
2025 ജൂണ് ഒമ്പതിന് നടന്ന സംഭവത്തില് ജാമ്യം കിട്ടാവുന്ന വകുപ്പില് ഫോര്ട്ടുകൊച്ചി പോലീസെടുത്ത ക്രിമിനല് കേസില് അന്വേഷണം ഇനിയും പൂര്ത്തിയായിട്ടില്ലെന്നു വിലയിരുത്തിയാണ് കോടതിയുടെ ഉത്തരവ്. അന്വേഷണം തുടരുന്നതിന്റെ പേരില് നാട്ടിലേക്കു മടങ്ങാനാകുന്നില്ലെന്നു ചൂണ്ടിക്കാട്ടി ഇരുവരും നല്കിയ ഹര്ജിയാണ് കോടതി പരിഗണിച്ചത്. കേസിനുവേണ്ടി ആവശ്യമെങ്കില് നേരിട്ടോ ഓണ്ലൈനിലോ ഹാജരാകണം, 25 ലക്ഷത്തിന്റെ ബാങ്ക് ഗാരന്റി കെട്ടിവയ്ക്കണം തുടങ്ങിയ ഉപാധികളോടെയാണു വിട്ടയച്ചത്.
നിര്ദേശങ്ങള് പാലിച്ചില്ലെങ്കില് ബാങ്ക് ഗാരന്റി കണ്ടുകെട്ടാനും സാന്നിധ്യം ഉറപ്പാക്കാന് നിയമനടപടി സ്വീകരിക്കാനും അധികൃതര്ക്കു സ്വാതന്ത്ര്യമുണ്ടാകുമെന്നും കോടതി വ്യക്തമാക്കി.
Deepika
E-paper LOGIN
LOGIN