ന്യൂഡൽഹി: ഡൽഹിയിലെ വായു ഗുണനിലവാരത്തെ വിമർശിച്ച് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. രാജ്യതലസ്ഥാനത്തെ ഗ്യാസ് ചേംബറിനോട് ഉപമിച്ച അദ്ദേഹം ഉത്തർപ്രദേശിലെ ജനങ്ങൾക്ക് ശുദ്ധവായു ലഭിക്കുന്നുണ്ടെന്നും ചൂണ്ടിക്കാട്ടി.
ബിജെപി ഭരിക്കുന്ന രാജ്യതലസ്ഥാന നഗരിയിലെ വായുഗുണനിലവാരത്തെ വിമർശിച്ച് പാർട്ടിയുടെ മുതിർന്ന നേതാവുകൂടിയായ യോഗി ആദിത്യനാഥ് രംഗത്തു വന്നത് ചർച്ചയായിട്ടുണ്ട്.
ഡൽഹിയിലെ വായു മലിനീകരണം കുറയ്ക്കുന്നതിന് മുഖ്യമന്ത്രി രേഖാ ഗുപ്തയുടെ നേതൃത്വത്തിൽ ശ്രമം നടത്തിയെങ്കിലും പരാജയപ്പെട്ടിരുന്നു. ക്ലൗഡ് സീഡിംഗ് അടക്കമുള്ള പദ്ധതികൾ നടത്തിയെങ്കിലും വേണ്ടത്ര ഫലമുണ്ടാകാതിരുന്നതോടെ സുപ്രീംകോടതിയിൽനിന്നുൾപ്പെടെ രൂക്ഷവിമർശനം നേരിട്ടിരുന്നു.