4

കൊച്ചി: യുവനടിയുടെ ചിത്രങ്ങള്‍ എഐ ഉപയോഗിച്ച് മോര്‍ഫ് ചെയ്ത് പ്രചരിപ്പിച്ച സംഭവത്തില്‍ കൊച്ചി സിറ്റി സൈബര്‍ പോലീസ് അന്വേഷണം ആരംഭിച്ചു.

നടിയുടെ പരാതിയില്‍ കഴിഞ്ഞ ദിവസം പോലീസ് കേസെടുത്തിരുന്നു. നടിയുടെ മൊഴിയും പോലീസ് രേഖപ്പെടുത്തിയിട്ടുണ്ട്. ഇന്‍സ്റ്റഗ്രാമിലൂടെയാണ് നടിയുടെ ചിത്രങ്ങള്‍ പ്രചരിപ്പിച്ചത്. സംഭവത്തില്‍ അന്വേഷണം ഊര്‍ജിതമാക്കിയതായി സൈബര്‍ പോലീസ് പറഞ്ഞു.

പു​തു​ക്കാ​ട്: വ​ര​ന്ത​ര​പ്പി​ള്ളി മാ​ട്ടു​മ​ല​യി​ൽ ഗ​ർ​ഭി​ണി​യാ​യ യു​വ​തി ഭ​ർ​തൃ​വീ​ട്ടി​ൽ പൊ​ള്ള​ലേ​റ്റ് മ​രി​ച്ച സം​ഭ​വം ആത്മഹത്യ എന്ന് പോലീസിന്‍റെ പ്രാഥമിക നിഗമനം. കൊലപാതകം എന്ന് കരുതാനുള്ള തെളിവുകൾ പോസ്റ്റ്മോർട്ടം പരിശോധനയുടെ പ്രാഥമിക കണ്ടെത്തലിൽ ഇല്ലെന്നും മരണസമയത്ത് വീട്ടിൽ ഭർത്താവ് ഷാരോൺ ഉണ്ടായിരുന്നില്ലെന്നുമാണ് പോലീസ് വിലയിരുത്തുന്നത്.

അങ്കണവാടിയിൽ പോയിരുന്ന സഹോദരിയുടെ കുട്ടിയെ വിളിക്കാൻ അമ്മ പോയ സമയത്തായിരുന്നു അർച്ചന തീകൊളുത്തിയത്. ആത്മഹത്യ ഭർതൃവീട്ടിലെ പീഡനം മൂലമാണെന്നും ശാരീരികമായും മാനസികമായും ഭർത്താവ് ഷാരോൺ അർച്ചനയെ ഉപദ്രവിച്ചിരുന്നുവെന്നും പോലീസ് പറയുന്നു.

മാ​ട്ടു​മ​ല മാ​ക്കോ​ത്ത് വീ​ട്ടി​ൽ ഷാ​രോ​ണി​ന്‍റെ ഭാ​ര്യ അ​ർ​ച്ച​ന(20)യെ​യാ​ണ് ക​ഴി​ഞ്ഞ ദി​വ​സം തീ​കൊ​ളു​ത്തി മ​രി​ച്ച​നി​ല​യി​ൽ ക​ണ്ടെ​ത്തി​യ​ത്. ആ​ത്മ​ഹ​ത്യ പ്രേ​ര​ണാ​കു​റ്റ​ത്തി​നു കേ​സെ​ടു​ത്ത വ​ര​ന്ത​ര​പ്പി​ള്ളി പോ​ലീ​സ് ഷാ​രോ​ണി​നെ ക​സ്റ്റ​ഡി​യി​ലെ​ടു​ത്തിരുന്നു.

അ​ർ​ച്ച​ന ഭ​ർ​തൃ​വീ​ട്ടി​ൽ ക​ടു​ത്ത മാ​ന​സി​ക, ശാ​രീ​രി​ക പീ​ഡ​ന​ങ്ങ​ൾ അ​നു​ഭ​വി​ച്ചി​രു​ന്നെ​ന്നും കൊ​ല​പ്പെ​ടു​ത്തി​യ​താ​ണെ​ന്നും യുവതിയുടെ കു​ടും​ബം ആ​രോപിച്ചിരുന്നു. മ​ന​യ്ക്ക​ല​ക്ക​ട​വ് വെ​ളി​യ​ത്തു​പ​റ​ന്പി​ൽ ഹ​രി​ദാ​സി​ന്‍റെ​യും ജി​ഷ​യു​ടെ​യും മ​ക​ളാ​ണ് അ​ർ​ച്ച​ന.

ഏ​ഴു മാ​സം മു​ൻ​പാ​യി​രു​ന്നു ഷാ​രോ​ണി​ന്‍റെ​യും അ​ർ​ച്ച​ന​യു​ടെ​യും പ്ര​ണ​യ​വി​വാ​ഹം. അ​ന്നു​മു​ത​ൽ വീ​ട്ടു​കാ​രു​മാ​യി ബ​ന്ധ​പ്പെ​ടാ​ൻ അ​നു​വ​ദി​ക്കാ​റി​ല്ലാ​യി​രു​ന്നെ​ന്ന് അ​ച്ഛ​ൻ ഹ​രി​ദാ​സ് പ​റ​ഞ്ഞു. വി​വാ​ഹ​ത്തി​ൽ എ​തി​ർ​പ്പു​ക​ൾ ഉ​ണ്ടാ​യി​രു​ന്നെ​ങ്കി​ലും മ​ക​ൾ ന​ല്ല​നി​ല​യി​ൽ ജീ​വി​ച്ചു​കാ​ണാ​ൻ ആ​ഗ്ര​ഹി​ച്ചി​രു​ന്നു. ഷാ​രോ​ണ്‍ സം​ശ​യ​ത്തോ​ടെ​യാ​ണ് മ​ക​ളെ ക​ണ്ടി​രു​ന്ന​തെ​ന്നും ഫോ​ണ്‍ വി​ളി​ക്കാ​നും ഉ​പ​യോ​ഗി​ക്കാ​നും അ​നു​വ​ദി​ച്ചി​രു​ന്നി​ല്ലെ​ന്നും കു​ടും​ബം പ​റ​ഞ്ഞു.

മ​ക​ളെ ഒ​രി​ക്ക​ൽ അ​ള​ഗ​പ്പ​ന​ഗ​ർ പോ​ളി​ടെ​ക്നി​ക്കി​നു മു​ന്പി​ൽ​വ​ച്ച് അ​ടി​ച്ചു. ഇ​തു ചോ​ദ്യം ചെ​യ്ത​പ്പോ​ൾ അ​ർ​ച്ച​ന​യെ കൊ​ല്ലു​മെ​ന്നും ആ​രും ചോ​ദി​ക്കാ​ൻ വ​ര​ണ്ടെ​ന്നു​മാ​യി​രു​ന്നു ഷാ​രോ​ണി​ന്‍റെ പ്ര​തി​ക​ര​ണ​മെ​ന്നും അ​ർ​ച്ച​ന​യു​ടെ സ​ഹോ​ദ​രി അ​നു പ​റ​ഞ്ഞു. അ​ർ​ച്ച​ന​യു​ടെ മ​ര​ണ​ത്തി​ൽ ശ​രി​യാ​യ അ​ന്വേ​ഷ​ണം ന​ട​ക്ക​ണ​മെ​ന്നും ഷാ​രോ​ണി​ന്‍റെ​യും കു​ടും​ബ​ത്തി​ന്‍റെ പ​ങ്ക് പ​രി​ശോ​ധി​ക്ക​ണ​മെ​ന്നും കു​ടും​ബം ആ​വ​ശ്യ​പ്പെ​ട്ടു.

അടൂര്‍: കൂട്ടബലാത്സംഗ കേസില്‍ പ്രതി ചേര്‍ക്കപ്പെട്ടതിനെത്തുടര്‍ന്ന് ഒളിവില്‍ പോയയാള്‍ മൂന്നു വര്‍ഷത്തിനു ശേഷം പോലീസ് പിടിയില്‍. നൂറനാട് പാലമേല്‍ കുളത്തും മേലേതില്‍ കൊച്ചു തറയില്‍ വീട്ടില്‍ ആര്‍. മനോജ് (35)നെയാണ് അടൂര്‍ പോലീസ് അറസ്റ്റ് ചെയ്തത്. തമിഴ്നാട് കാരേക്കുടി ഭാഗത്തുനിന്നുമാണ് ഇയാളെ പിടികൂടിയത്. 2022 ലാണ് കേസിനാസ്പദമായ സംഭവം. ഈ കേസില്‍ അഞ്ച് പ്രതികളാണ് ഉണ്ടായിരുന്നത്. ഇതില്‍ മൂന്നു പേരെ അതിവേഗ കോടതി മുന്‍പ് ശിക്ഷിച്ചിരുന്നു. ഇവര്‍ ഇപ്പോഴും ജയില്‍ ശിക്ഷ അനുഭവിച്ചുവരികയാണ്. ഒരാളെ കോടതി വെറുതെ വിട്ടു. എന്നാല്‍, മനോജിനെ പോലീസിനു പിടികൂടാന്‍ സാധിച്ചിരുന്നില്ല. ഒളിവില്‍ പോയ ശേഷം മനോജ് സ്ഥിരമായി ഉപയോഗിച്ചിരുന്ന മൊബൈല്‍ നമ്പര്‍ പോലും ഉപേക്ഷിച്ചിരുന്നു. ഒളിവില്‍ കഴിഞ്ഞ സമയം നാട്ടില്‍ ആരെയും വിളിക്കാന്‍ ശ്രമിച്ചതുമില്ല. ഇതിനിടയില്‍ പോലീസിനു തമിഴ്നാട് കാരേക്കുടി ഭാഗത്ത് മനോജ് ഉണ്ടെന്ന വിവരം ലഭിച്ചു.
ഗുണ്ടാലിസ്റ്റില്‍ പെട്ട തമിഴ്നാട് സ്വദേശിയുടെ വീട്ടിലായിരുന്നു ഇയാള്‍ താമസിച്ചിരുന്നത്. ഇവിടെ താമസിച്ചു വെല്‍ഡിംഗ് ജോലി ചെയ്യുകയായിരുന്നുവെന്നും പോലീസിനു വിവരം ലഭിച്ചു. ഇതോടെ പത്തനംതിട്ട ജില്ലാ പോലീസ് മേധാവി ആനന്ദ് ആര്‍, കാരേക്കുടി എഎസ പി അനീഷ് പുരിയയുമായി ബന്ധപ്പെട്ട് സഹായം തേടി. തുടര്‍ന്ന് അടൂര്‍ ഡിവൈഎസ്പി ജി. സന്തോഷ് കുമാറിന്‍റെ നേതൃത്വത്തിലുള്ള പോലീസ് സംഘം സ്ഥലത്തെത്തി മനോജ് താമസിച്ച വീട് കണ്ടെത്തി. എന്നാല്‍, പോലീസിനെ കണ്ട മനോജ് ഓടി രക്ഷപ്പെടാന്‍ ശ്രമിച്ചെങ്കിലും പോലീസ് സാഹസികമായി പിടികൂടുകയായിരുന്നു. എസഐ സുരേഷ് ബാബു, എഎസ്‌ഐ കെ. ഗോപകുമാര്‍, സിപിഒ അമീഷ്, പ്രദീപ് അറസ്റ്റിനു നേതൃത്വം നല്‍കി.

ഡാ​ള​സ്: ഡൗ​ൺ​ടൗ​ൺ ഡാ​ള​സി​ലെ ഒ​രു നി​ശാ​ക്ല​ബി​ന് പു​റ​ത്ത് തി​ങ്ക​ളാ​ഴ്ച പു​ല​ർ​ച്ചെ ന​ട​ന്ന വെ​ടി​വ​യ്പി​ൽ ര​ണ്ട് പേ​ർ മ​രി​ക്കു​ക​യും നി​ര​വ​ധി പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു.

പു​ല​ർ​ച്ചെ ര​ണ്ടോ​ടെ കൊ​മേ​ഴ്‌​സ് സ്ട്രീ​റ്റി​ലെ നി​ശാ​ക്ല​ബി​ന്‍റെ പാ​ർ​ക്കിം​ഗ് സ്ഥ​ല​ത്താ​ണ് വെ​ടി​വ​യ്പ് ന​ട​ന്ന​ത്.

ക്ല​ബി​നു​ള്ളി​ൽ ആ​രം​ഭി​ച്ച വാ​ക്കു​ത​ർ​ക്കം പു​റ​ത്തെ പാ​ർ​ക്കിം​ഗ് സ്ഥ​ല​ത്തേ​ക്ക് നീ​ങ്ങു​ക​യാ​യി​രു​ന്നു.

സം​ഭ​വ​സ്ഥ​ല​ത്ത് എ​ത്തി​യ പോ​ലീ​സ് പ്ര​തി​ക്ക് നേ​രെ വെ​ടി​യു​തി​ർ​ത്തു. പ്ര​തി സം​ഭ​വ​സ്ഥ​ല​ത്ത് വ​ച്ച് ത​ന്നെ മ​രി​ച്ചു.

അ​ന്വേ​ഷ​ണം പു​രോ​ഗ​മി​ക്കു​ക​യാ​ണ്. വെ​ടി​വ​യ്പി​നെ തു​ട​ർ​ന്ന് സം​ഭ​വ​സ്ഥ​ല​ത്തി​ന് സ​മീ​പ​മു​ള്ള ഡാ​ള​സ് മു​നി​സി​പ്പ​ൽ കോ​ട​തി തി​ങ്ക​ളാ​ഴ്ച അ​ട​ച്ചു.

ഷി​ക്കാ​ഗോ: ഷി​ക്കാ​ഗോ​യു​ടെ പ​ടി​ഞ്ഞാ​റ​ൻ പ്രാ​ന്ത​പ്ര​ദേ​ശ​ത്ത് ബാ​ങ്ക് കൊ​ള്ള​യ​ടി​ച്ച​യാ​ളു​ടെ ചി​ത്ര​ങ്ങ​ൾ ഫെ​ഡ​റ​ൽ ബ്യൂ​റോ ഓ​ഫ് ഇ​ൻ​വെ​സ്റ്റി​ഗേ​ഷ​ൻ പു​റ​ത്തു​വി​ട്ടു. പ്ര​തി​ക്കാ​യി തെ​ര​ച്ചി​ൽ പു​രോ​ഗ​മി​ക്കു​ക​യാ​ണ്.

ഈ ​മാ​സം എ​ട്ടി​ന് ഉ​ച്ച​യ്ക്ക് 12.05 ഓ​ടെ​യാ​ണ് സെ​ന്‍റ് ചാ​ൾ​സി​ലെ 135 സ്മി​ത്ത് റോ​ഡി​ലു​ള്ള യു​എ​സ് ബാ​ങ്കി​ൽ ക​വ​ർ​ച്ച ന​ട​ന്ന​തെ​ന്ന് പ്രാ​ദേ​ശി​ക നി​യ​മ​പാ​ല​ക​രും എ​ഫ്ബി​ഐ​യും അ​റി​യി​ച്ചു.

ബാ​ങ്കി​ൽ പ്ര​വേ​ശി​ച്ച പ്ര​തി തോക്ക് ചൂ​ണ്ടി ഭീ​ഷ​ണി​പ്പെ​ടു​ത്തി പ​ണം ആ​വ​ശ്യ​പ്പെ​ടു​ക​യാ​യി​രു​ന്നു. ഏ​ക​ദേ​ശം ആറ് അ​ടി ഉ​യ​ര​വും നല്ല കാ​യി​ക​ക്ഷ​മ​ത​യു​മു​ള്ള 40 വ​യ​സ് തോന്നിക്കുന്ന ക​റു​ത്ത​വ​ർ​ഗ​ക്കാ​ര​നാ​ണ് പ്ര​തി​യെ​ന്നാ​ണ് എ​ഫ്ബി​ഐ​യു​ടെ വി​വ​ര​ണം.

എ​ത്ര പ​ണം മോ​ഷ്ടി​ക്ക​പ്പെ​ട്ടു​വെ​ന്ന് എ​ഫ്ബി​ഐ വ്യ​ക്ത​മാ​ക്കി​യി​ട്ടി​ല്ലെ​ങ്കി​ലും ആ​ർ​ക്കും പ​രി​ക്കു​ക​ളൊ​ന്നും റി​പ്പോ​ർ​ട്ട് ചെ​യ്തി​ട്ടി​ല്ല. പ്ര​തി ഓ​ടി ര​ക്ഷ​പ്പെ​ടു​ക​യാ​യി​രു​ന്നു.

തി​രു​വ​ന​ന്ത​പു​രം: പ​ട്ട​ത്തെ സ്വ​കാ​ര്യാ​ശു​പ​ത്രി​യി​ല്‍ ചി​കി​ത്സ​യി​ലാ​യി​രു​ന്ന ഭാ​ര്യ​യെ ക​ഴു​ത്തു​ഞെ​രി​ച്ച് കൊ​ല​പ്പെ​ടു​ത്തി​യ​ശേ​ഷം ആ​ശു​പ​ത്രി കെ​ട്ടി​ട​ത്തി​ന്‍റെ അ​ഞ്ചാം നി​ല​യി​ൽ നി​ന്നു ചാ​ടി​യ ഗൃ​ഹ​നാ​ഥ​നും മ​ര​ണ​ത്തി​നു കീ​ഴ​ട​ങ്ങി.

ക​ര​കു​ളം സ്വ​ദേ​ശി​നി ജ​യ​ന്തി (62) യാ​ണ് കൊ​ല്ല​പ്പെ​ട്ട​ത്. ഇ​ന്നു രാ​വി​ലെ മ​രി​ച്ച ഭ​ര്‍​ത്താ​വ് ഭാ​സു​രാം​ഗ​ന്‍ (73) തീ​വ്ര പ​രി​ച​ര​ണ വി​ഭാ​ഗ​ത്തി​ല്‍ ചി​കി​ത്സ​യി​ലാ‌​യി​രു​ന്നു. ഇ​ന്ന് പു​ല​ര്‍​ച്ചെ​യാ​യി​രു​ന്നു സം​ഭ​വം. വൃ​ക്ക​രോ​ഗി​യാ​യ ജ​യ​ന്തി ഇ​ക്ക​ഴി​ഞ്ഞ ഒ​ന്നാം തീ​യ​തി മു​ത​ല്‍ പ​ട്ട​ത്തെ സ്വ​കാ​ര്യാ​ശു​പ​ത്രി​യി​ല്‍ ചി​കി​ത്സ​യി​ല്‍ ക​ഴി​യു​ക​യാ​യി​രു​ന്നു.

ഭ​ര്‍​ത്താ​വ് ഭാ​സു​രാം​ഗ​ന്‍ ജ​യ​ന്തി​യെ കേ​ബി​ൾ ക​ഴു​ത്തി​ൽ മു​റു​ക്കി കൊ​ല​പ്പെ​ടു​ത്തി​യ ശേ​ഷം ആ​ശു​പ​ത്രി കെ​ട്ടി​ട​ത്തി​ലെ അ​ഞ്ചാം​നി​ല​യി​ല്‍​നി​ന്നും താ​ഴേ​ക്ക് ചാ​ടു​ക​യാ​യി​രു​ന്നു. ആ​ശു​പ​ത്രി അ​ധി​കൃ​ത​ര്‍ മെ​ഡി​ക്ക​ല്‍ കോ​ള​ജ് പോ​ലീ​സി​ല്‍ വി​വ​രം അ​റി​യി​ച്ച​തി​നെ​ത്തു​ട​ര്‍​ന്ന് പോ​ലീ​സ് സ്ഥ​ല​ത്തെ​ത്തി ന​ട​പ​ടി​ക​ള്‍ സ്വീ​ക​രി​ച്ചു.

മൃ​ത​ദേ​ഹം പോ​സ്റ്റ്‌​മോ​ര്‍​ട്ട​ത്തി​നാ​യി മെ​ഡി​ക്ക​ല്‍ കോ​ള​ജാ​ശു​പ​ത്രി മോ​ര്‍​ച്ച​റി​യി​ലേ​ക്ക് മാ​റ്റി. ജ​യ​ന്തി​യെ ക​ഴു​ത്തു​ഞെ​രി​ച്ച് കൊ​ല​പ്പെ​ടു​ത്തി​യ​ശേ​ഷം ഭ​ര്‍​ത്താ​വ് ഭാ​സു​രാം​ഗ​ന്‍ ആ​ത്മ​ഹ​ത്യ​ചെ​യ്തു​വെ​ന്നാ​ണു പോ​ലീ​സ് വ്യ​ക്ത​മാ​ക്കു​ന്ന​ത്. ഇ​വ​ർ​ക്ക് ഒ​രു മ​ക​നും മ​ക​ളു​മു​ണ്ട്. മ​ക​ൻ വി​ദേ​ശ​ത്താ​ണു​ജോ​ലി ചെ​യ്യു​ന്ന​ത്.

ആ​ല​പ്പു​ഴ: അ​യ​ല്‍​വാ​സി​ക​ള്‍ ത​മ്മി​ലു​ള്ള സ​ര്‍​ക്ക​ത്തി​നി​ടെ യു​വ​തി​യെ തീ ​കൊ​ളു​ത്തി കൊ​ല്ലാ​ന്‍ ശ്ര​മം. ആ​ല​പ്പു​ഴ ബീ​ച്ചി​ന് സ​മീ​പം ചൊ​വ്വാ​ഴ്ച രാ​ത്രി​യാ​ണ് സം​ഭ​വം. സം​ഭ​വ​ത്തി​ല്‍ ആ​ല​പ്പു​ഴ സ്വ​ദേ​ശി ജോ​സ് അ​റ​സ്റ്റി​ലാ​യി.

ജോ​സി​ന് യു​വ​തി​യു​ടെ വീ​ട്ടു​കാ​രു​മാ​യി ത​ര്‍​ക്ക​മു​ണ്ടാ​യി​രു​ന്നു. രാ​ത്രി ജോ​സ് വീ​ട്ടി​ലെ​ത്തി അ​സ​ഭ്യം വി​ളി​ച്ചു. പെ​ണ്‍​കു​ട്ടി എ​തി​ര്‍​ത്ത​തോ​ടെ തി​രി​ച്ചു​പോ​യ ഇ​യാ​ള്‍ പ്ലാ​സ്റ്റി​ക് കു​പ്പി​യി​ല്‍ പെ​ട്രോ​ളു​മാ​യി തി​രി​കെ​യെ​ത്തി യു​വ​തി​യു​ടെ ദേ​ഹ​ത്തേ​ക്ക് ഒ​ഴി​ക്കു​ക​യാ​യി​രു​ന്നു. തു​ട​ര്‍​ന്ന് സി​ഗ​ര​റ്റ് ലൈ​റ്റ​ര്‍ ക​ത്തി​ക്കാ​ന്‍ ശ്ര​മി​ച്ച​തോ​ടെ പെ​ണ്‍​കു​ട്ടി ഓ​ടി​ര​ക്ഷ​പെ​ടു​ക​യാ​യി​രു​ന്നു.

സം​ഭ​വ​ത്തി​നു പി​ന്നാ​ലെ പെ​ൺ​കു​ട്ടി​യു​ടെ കു​ടും​ബ​ത്തി​ന്‍റെ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് ആ​ല​പ്പു​ഴ സൗ​ത്ത് പോ​ലീ​സ് ജോ​സി​നെ ക​സ്റ്റ​ഡി​യി​ലെ​ടു​ത്ത​ത്.

പ​ത്ത​നം​തി​ട്ട: മ​ല്ല​പ്പ​ള്ളി​യി​ൽ ഭാ​ര്യ​യെ കു​ത്തി​ക്കൊ​ല​പ്പെ​ടു​ത്തി ഭ​ർ​ത്താ​വ് ജീ​വ​നൊ​ടു​ക്കി ചെ​യ്തു. ഈ​സ്റ്റ് പോ​സ്റ്റ് ഓ​ഫീ​സി​നു സ​മീ​പം താ​മ​സി​ക്കു​ന്ന പു​ലി​യി​ട​ശേ​രി​ൽ ര​ഘു​നാ​ഥ​ൻ (62), ഭാ​ര്യ സു​ധ (55) എ​ന്നി​വ​രെ​യാ​ണ് രാ​വി​ലെ മ​രി​ച്ച നി​ല​യി​ൽ ക​ണ്ടെ​ത്തി​യ​ത്.

സു​ധ കു​ത്തേ​റ്റ് ര​ക്തം വാ​ർ​ന്ന് വീ​ടി​ന് മു​റ്റ​ത്തു കി​ട​ക്കു​ക​യാ​യി​രു​ന്നു. ര​ഘു​നാ​ഥ​ൻ വീ​ടി​ന് സ​മീ​പ​ത്തെ ശൗ​ചാ​ല​യ​ത്തി​ൽ തൂ​ങ്ങി മ​രി​ച്ച നി​ല​യി​ലു​മാ​യി​രു​ന്നു. എ​റ​ണാ​കു​ള​ത്ത് ജോ​ലി ചെ​യ്യു​ന്ന മ​ക​ന്‍ മാ​താ​പി​താ​ക്ക​ളെ ഫോ​ണി​ല്‍ വി​ളി​ച്ച​പ്പോ​ള്‍ ആ​രും എ​ടു​ത്തി​ല്ല. തു​ട​ര്‍​ന്ന് ഒ​രു സു​ഹൃ​ത്തി​നെ അ​ന്വേ​ഷി​ക്കാ​ന്‍ പ​റ​ഞ്ഞു വി​ടു​ക​യാ​യി​രു​ന്നു. അ​ദ്ദേ​ഹം വീ​ട്ടി​ലെ​ത്തി​യ​പ്പോ​ഴാ​ണ് ഇ​രു​വ​രെ​യും മ​രി​ച്ച നി​ല​യി​ല്‍ ക​ണ്ട​ത്.

കു​ടും​ബ വ​ഴ​ക്കാ​ണ് സം​ഭ​വ​ത്തി​ന് കാ​ര​ണ​മെ​ന്നാ​ണ് പോ​ലീ​സി​ന്‍റെ പ്രാ​ഥ​മി​ക നി​ഗ​മ​നം. സം​ഭ​വ​ത്തി​ൽ കീ​ഴ്‌​വാ​യ്പു​ർ പോ​ലീ​സ് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.

കോ​ഴി​ക്കോ​ട്: ത​ട​മ്പാ​ട്ടു​താ​ഴ​ത്ത് വൃ​ദ്ധ സ​ഹോ​ദ​രി​മാ​രെ കൊ​ല​പ്പെ​ടു​ത്തി​യ കേ​സി​ലെ പ്ര​തി​യാ​യ സ​ഹോ​ദ​ര​ൻ പ്ര​മോ​ദി​നോ​ടു സാ​ദൃ​ശ്യ​മു​ള്ള അ​റു​പ​ത് വ​യ​സു​തോ​ന്നി​ക്കു​ന്ന​യാ​ളു​ടെ മൃ​ത​ദേ​ഹം ത​ല​ശേ​രി​യി​ലെ പു​ഴ​യി​ല്‍ ക​ണ്ടെ​ത്തി. സ്ഥി​രീ​ക​ര​ണ​ത്തി​നാ​യി പോ​ലീ​സ് ഇ​വി​ടേ​ക്കു തി​രി​ച്ചി​ട്ടു​ണ്ട്.

കോ​ഴി​ക്കോ​ട് കാ​ര​പ്പ​റ​മ്പ് ത​ട​മ്പാ​ട്ടു​താ​ഴം ഫ്‌​ളോ​റി​ക്ക​ല്‍ റോ​ഡി​ലെ വാ​ട​ക വീ​ട്ടി​ല്‍ താ​മ​സി​ച്ചി​രു​ന്ന ന​ട​ക്കാ​വ് മൂ​ല​ക്ക​ണ്ടി വീ​ട്ടി​ല്‍ ശ്രീ​ജ​യ (72), പു​ഷ്പ (68) എ​ന്നി​വ​രാ​ണ് കൊ​ല്ല​പ്പെ​ട്ട​ത്. മൂ​ന്ന് വ​ർ​ഷ​മാ​യി ത​ട​മ്പാ​ട്ടു​താ​ഴ​ത്തെ വാ​ട​ക വീ​ട്ടി​ലാ​ണ് പ്ര​മോ​ദും വൃ​ദ്ധ സ​ഹോ​ദ​രി​മാ​രും താ​മ​സി​ച്ചി​രു​ന്ന​ത്.

ഫ​റോ​ക്ക് പാ​ലം ജം​ഗ്ഷ​നി​ലാ​ണ് പ്ര​മോ​ദി​ന്‍റെ മൊ​ബൈ​ൽ ട​വ​ർ ലൊ​ക്കേ​ഷ​ൻ അ​വ​സാ​നി​ച്ച​ത്. ഈ ​പ്ര​ദേ​ശ​ത്ത് ഉ​ൾ​പ്പെ​ടെ പോ​ലീ​സ് വി​ശ​ദ​മാ​യ തെ​ര​ച്ചി​ൽ ന​ട​ത്തി​യി​രു​ന്നു. എ​ന്നാ​ൽ കൊ​ല​പാ​ത​കം ക​ഴി​ഞ്ഞ് ഇ​ന്ന് മൂ​ന്നു ദി​വ​സം ആ​വു​മ്പോ​ഴും സ​ഹോ​ദ​ര​നെ ക​ണ്ടെ​ത്താ​ന്‍ ക​ഴി​ഞ്ഞി​ല്ല. പ്ര​മോ​ദ് പു​ഴ​യി​ലേ​ക്ക് ചാ​ടി​യെ​ന്ന​സം​ശ​യം നേ​ര​ത്തെ ത​ന്നെ പോ​ലീ​സി​നു​ണ്ടാ​യി​രു​ന്നു.

ക​ഴി​ഞ്ഞ ദി​വ​സ​മാ​ണ് വാ​ട​ക​യ്ക്ക് താ​മ​സി​ക്കു​ന്ന വീ​ട്ടി​ല്‍ സ​ഹോ​ദ​രി​മാ​രെ മ​രി​ച്ച നി​ല​യി​ല്‍ ക​ണ്ടെ​ത്തി​യ​ത്. സ​ഹോ​ദ​ര​ന്‍ പ്ര​മോ​ദ് (63) ഇ​വ​രെ ശ്വാ​സം മു​ട്ടി​ച്ച് കൊ​ല​പ്പെ​ടു​ത്തു​ക​യാ​യി​രു​ന്നു​വെ​ന്നാ​ണ് കേ​സ്.

സ​ഹോ​ദ​രി​മാ​ര്‍​ക്കൊ​പ്പ​മാ​ണ് പ്ര​മോ​ദ് താ​മ​സി​ച്ചി​രു​ന്ന​ത്. മൂ​ന്നു പേ​രും അ​വി​വാ​ഹി​ത​രാ​ണ്. ശ​നി​യാ​ഴ്ച രാ​വി​ലെ രാ​വി​ലെ​പ്ര​മോ​ദ് ബ​ന്ധു​ക്ക​ളെ ഫോ​ണി​ല്‍ വി​ളി​ച്ച് സ​ഹോ​ദ​രി​മാ​രു​ടെ മ​ര​ണ​വി​വ​രം അ​റി​യി​ക്കു​ക​യാ​യി​രു​ന്നു. ബ​ന്ധു​ക്ക​ളെ​ത്തി വീ​ട് തു​റ​ന്നു നോ​ക്കി​യ​പ്പോ​ള്‍ ഇ​രു​വ​രെ​യും മ​രി​ച്ച​നി​ല​യി​ല്‍ ക​ണ്ടെ​ത്തി. വെ​ള്ള​ത്തു​ണി പു​ത​പ്പി​ച്ച് ത​ല​മാ​ത്രം പു​റ​ത്തു​കാ​ണു​ന്ന നി​ല​യി​ല്‍ ര​ണ്ടു​മു​റി​ക​ളി​ലാ​യി​രു​ന്നു മൃ​ത​ദേ​ഹ​ങ്ങ​ള്‍. ബ​ന്ധു​ക്ക​ളെ​ത്തി​യ​പ്പോ​ള്‍ പ്ര​മോ​ദ് വീ​ട്ടി​ലു​ണ്ടാ​യി​രു​ന്നി​ല്ല.

ആ​രോ​ഗ്യ​പ്ര​ശ്‌​ന​ങ്ങ​ളു​ള്ള സ​ഹോ​ദ​രി​മാ​രെ പ്ര​മോ​ദ് കൊ​ല​പ്പെ​ടു​ത്തു​ക​യാ​യി​രു​ന്നു​വെ​ന്നാ​ണ് പോ​ലീ​സി​ന്‍റെ നി​ഗ​മ​നം. വി​വാ​ഹം ക​ഴി​ക്കാ​തെ സ​ഹോ​ദ​രി​മാ​ര്‍​ക്കു വേ​ണ്ടി ജീ​വി​ച്ച പ്ര​മോ​ദ് നേ​ര​ത്തേ എ​ര​ഞ്ഞി​പ്പാ​ല​ത്ത് ഇ​ല​ക‌്ട്രി​ക്ക​ല്‍ ക​ട​യി​ൽ ജോ​ലി ചെ​യ്തി​രു​ന്നു.

മൂ​ന്നു വ​ര്‍​ഷം മു​ന്പാ​ണ് ഇ​വ​ര്‍ ഫ്‌​ളോ​റി​ക്ക​ൽ റോ​ഡി​ലെ വീ​ട്ടി​ല്‍ വാ​ട​ക​യ്ക്ക് താ​മ​സം തു​ട​ങ്ങി​യ​ത്. പി​ന്നീ​ട് ശ്രീ​ജ​യ​യ്ക്ക് അ​സു​ഖം ബാ​ധി​ച്ച​തോ​ടെ പ്ര​മോ​ദ് ജോ​ലി​ക്കു പോ​കാ​തെ വീ​ട്ടി​ല്‍ ഇ​രു​വ​രെ​യും ശു​ശ്രൂ​ഷി​ക്കു​ക​യാ​യി​രു​ന്നു.

ആ​ല​പ്പു​ഴ: ഓ​മ​ന​പ്പു​ഴ​യി​ൽ യു​വ​തി​യെ പി​താ​വ് ക​ഴു​ത്ത് ഞെ​രി​ച്ച് കൊ​ല​പ്പെ​ടു​ത്തി​യ സം​ഭ​വ​ത്തി​ൽ കൂ​ടു​ത​ൽ വി​വ​ര​ങ്ങ​ൾ പു​റ​ത്ത്. ജോ​സ്‌​മോ​നും മ​ക​ള്‍ ജാ​സ്മി​നും ത​മ്മി​ല്‍ ത​ര്‍​ക്ക​മു​ണ്ടാ​യ​ത് വീ​ട്ടി​ല്‍ വൈ​കി​യെ​ത്തി​യ​തി​നെ തു​ട​ര്‍​ന്നെ​ന്നാ​ണ് ക​ണ്ടെ​ത്ത​ല്‍.

ജോ​സ്‌​മോ​ന്‍റെ ഭാ​ര്യ​യു​ടെ​യും മാ​താ​പി​താ​ക്ക​ളു​ടെ​യും ക​ൺ​മു​ന്നി​ൽ​വ​ച്ചാ​യി​രു​ന്നു കൊ​ല​പാ​ത​കം. ത​ർ​ക്ക​ത്തി​നി​ടെ ജോ​സ്മോ​ൻ ജാ​സ്മി​ന്‍റെ ക​ഴു​ത്ത് ഞെ​രി​ച്ചു. ഇ​തോ​ടെ അ​ബോ​ധാ​വ​സ്ഥ​യി​ലാ​യ ജാ​സ്മി​നെ മു​റി​യി​ല്‍ ക​യ​റ്റി ക​ത​ക​ട​ച്ചു. തു​ട​ര്‍​ന്ന് ക​ഴു​ത്തി​ല്‍ തോ​ര്‍​ത്ത് കു​രു​ത്തി മ​ര​ണം സ്ഥി​രീ​ക​രി​ക്കു​ക​യാ​യി​രു​ന്നു.

ആ​ത്മ​ഹ​ത്യ​യെ​ന്ന് വ​രു​ത്തി​ത്തീ​ര്‍​ക്കാ​ന്‍ മൃ​ത​ദേ​ഹം കി​ട​പ്പു​മു​റി​യി​ലെ ക​ട്ടി​ലി​ല്‍ കി​ട​ത്തി. പി​ന്നീ​ട് ജോ​സ്‌​മോ​ന്‍ മ​ക​ള്‍​ക്ക് ഹൃ​ദ​യാ​ഘാ​ത​മു​ണ്ടാ​യെ​ന്നും മ​ക​ള്‍ അ​ന​ങ്ങു​ന്നി​ല്ലെ​ന്നും ബ​ന്ധു​ക്ക​ളോ​ടും അ​യ​ല്‍​ക്കാ​രോ​ടും പ​റ​ഞ്ഞു. പ​ഞ്ചാ​യ​ത്ത് അം​ഗ​ങ്ങ​ള്‍ ഉ​ള്‍​പ്പെ​ടെ വ​ന്ന് മൃ​ത​ദേ​ഹം ആ​ശു​പ​ത്രി​യി​ല്‍ എ​ത്തി​ച്ച​പ്പോ​ള്‍ ആ​ശു​പ​ത്രി അ​ധി​കൃ​ത​ര്‍​ക്ക് ഹൃ​ദ​യാ​ഘാ​ത​ത്തെ തു​ട​ര്‍​ന്നു​ള്ള മ​ര​ണ​മ​ല്ലെ​ന്ന് വ്യ​ക്ത​മാ​കു​ക​യാ​യി​രു​ന്നു.

ഇ​തോ​ടെ ഇ​വ​ർ പോ​ലീ​സി​ൽ വി​വ​രം അ​റി​യി​ച്ചു. മ​ണി​ക്കൂ​റു​ക​ൾ നീ​ണ്ട ചോ​ദ്യം ചെ​യ്യ​ലി​നൊ​ടു​വി​ലാ​ണ് പ്ര​തി കു​റ്റം സ​മ്മ​തി​ച്ച​ത്.

ഭ​ർ​ത്താ​വു​മാ​യി പി​ണ​ങ്ങി ജാ​സ്മി​ൻ ഏ​റെ നാ​ളു​ക​ളാ​യി സ്വ​ന്തം വീ​ട്ടി​ൽ ക​ഴി​യു​ക​യാ​യി​രു​ന്നു. കു​റ​ച്ച് ദിവസങ്ങളായി മകൾ വീ​ട്ടി​ല്‍ വൈ​കി​യെ​ത്തു​ന്ന​തി​ല്‍ ജോ​സ്‌​മോ​ന് ക​ടു​ത്ത അ​മ​ര്‍​ഷ​മു​ണ്ടാ​യി​രു​ന്നു. ഇതേ ചൊല്ലിയുള്ള തർക്കമാണ് കൊലപാതകത്തിൽ കലാശിച്ചത്.