12

തീക്ഷ്ണമായ വേനൽച്ചൂടിൽ വെന്തുരുകുന്ന തെരുവ് നായ്ക്കൾക്ക് അഭയമൊരുക്കി ഒരു കടയുടമ കാട്ടിയ സ്നേഹം ഇപ്പോൾ സമൂഹമാധ്യമങ്ങളിൽ വൈറലാവുകയാണ്.

പുറത്തെ കൊടുംചൂടിൽ വലയുന്ന മിണ്ടാപ്രാണികളെ തന്‍റെ കടയ്ക്കുള്ളിൽ അവർക്ക് ആശ്വാസം നൽകിയ ഇദ്ദേഹത്തിന്‍റെ പ്രവർത്തി, മനുഷ്യത്വത്തിന്‍റെ മനോഹരമായ ഒരു കാഴ്ചയായി മാറിക്കഴിഞ്ഞു.

ഏകദേശം പത്തോളം തെരുവ് നായ്ക്കളാണ് കടയ്ക്കുള്ളിലെ തണുപ്പിൽ സമാധാനത്തോടെ വിശ്രമിക്കുന്നത്. കടയിലെ തറയിലും മേശപ്പുറത്തുമായി ചിതറിക്കിടക്കുന്ന നായ്ക്കൾ ബഹളമുണ്ടാക്കുകയോ അസ്വസ്ഥത പ്രകടിപ്പിക്കുകയോ ചെയ്യുന്നില്ല.

കടയിലെത്തുന്ന ഉപഭോക്താക്കൾക്കും ഈ കാഴ്ച ഒട്ടും അലോസരമുണ്ടാക്കുന്നില്ല എന്നത് ശ്രദ്ധേയമാണ്. അവിടെയെത്തുന്നവർ നായ്ക്കളെ ഒരു ശല്യമായി കാണാതെ വളരെ സ്വാഭാവികമായാണ് സമീപിക്കുന്നത്.

നായ്ക്കളെ തന്‍റെ വീട്ടിലെ അംഗങ്ങളെപ്പോലെ സ്നേഹത്തോടെ സ്വീകരിച്ച കടയുടമയുടെ മനസ്, കാണുന്നവരിൽ വലിയ മതിപ്പാണ് ഉണ്ടാക്കുന്നത്.

ഈ വീഡിയോ സമൂഹമാധ്യമങ്ങളിൽ പങ്കുവെച്ചതോടെ വലിയ രീതിയിലുള്ള പ്രതികരണങ്ങളാണ് കടയുടമയെ തേടിയെത്തുന്നത്. കഠിനമായ ചൂടിൽ മിണ്ടാപ്രാണികൾക്ക് തണലൊരുക്കിയ ഇദ്ദേഹത്തെ അഭിനന്ദിച്ച് നിരവധിപ്പേർ രംഗത്തെത്തി.

മനുഷ്യത്വം ഇനിയും മരിച്ചിട്ടില്ലെന്നും, ഇത്തരം പ്രവർത്തികൾ മാതൃകാപരമാണെന്നും സോഷ്യൽ മീഡിയ ഉപയോക്താക്കൾ അഭിപ്രായപ്പെടുന്നു.

നെഗറ്റീവ് ചിന്തകൾ മാറ്റിവെച്ച്, പ്രതിസന്ധിഘട്ടത്തിൽ ഇത്തരം ജീവികളോട് കരുണ കാണിക്കാൻ തയ്യാറായ കടയുടമയുടെ പ്രവർത്തി ഏവർക്കും വലിയൊരു പ്രചോദനമാണ്.

ഗുജറാത്തിലെ ഉന താലൂക്കിൽ നവാബന്ദറിലെ വനമേഖലയോട് ചേർന്നുള്ള ജനവാസ മേഖലയിൽ ഇര തേടിയിറങ്ങിയ സിംഹം അബദ്ധത്തിൽ കിണറ്റിൽ വീണു. കൃഷിയിടത്തിലെ വെള്ളം നിറഞ്ഞ തുറന്ന കിണറ്റിലായിരുന്നു സിംഹം അകപ്പെട്ടത്.

അപകടവിവരം അറിഞ്ഞയുടൻ വനംവകുപ്പ് ഉദ്യോഗസ്ഥർ സ്ഥലത്തെത്തുകയും അത്യന്തം സാഹസികമായ രക്ഷാപ്രവർത്തനത്തിന് നേതൃത്വം നൽകുകയും ചെയ്തു. മരണത്തിന് തൊട്ടടുത്തെത്തിയ സിംഹത്തെ ഒരു മണിക്കൂർ നീണ്ട കഠിനമായ പരിശ്രമത്തിനൊടുവിലാണ് ജീവിതത്തിലേക്ക് തിരിച്ചുകൊണ്ടുവന്നത്.

കൃത്യമായ ആസൂത്രണത്തോടെ നടന്ന ഈ ദൗത്യത്തിൽ വനംവകുപ്പ് ഉദ്യോഗസ്ഥരോടൊപ്പം പ്രദേശവാസികളും പങ്കുചേർന്നു. സിംഹത്തിന് പരിക്കേൽക്കാത്ത വിധം സുരക്ഷിതമായി വടം ഉപയോഗിച്ച് ബന്ധിച്ച് കരയിലേക്ക് വലിച്ചു കയറ്റുകയായിരുന്നു.

ഇതിന്‍റെ ദൃശ്യങ്ങൾ ഗുജറാത്ത് ആഭ്യന്തര സഹമന്ത്രി ഹർഷ സംഘവി സമൂഹമാധ്യമങ്ങളിൽ പങ്കുവെച്ചതോടെയാണ് സംഭവം വ്യാപകമായി ശ്രദ്ധിക്കപ്പെട്ടത്. കരയിലെത്തിച്ച ഉടൻ തന്നെ ജനങ്ങളുടെ സുരക്ഷയും സിംഹത്തിന്‍റെ ആരോഗ്യവും കണക്കിലെടുത്ത് അതിനെ പ്രത്യേക കൂട്ടിലേക്ക് മാറ്റി.

നിലവിൽ ജസന്ദർ അനിമൽ കെയർ സെന്‍ററിൽ നിരീക്ഷണത്തിലുള്ള സിംഹം പൂർണ ആരോഗ്യവാനാണെന്ന് അധികൃതർ വ്യക്തമാക്കി. സിംഹത്തിന്‍റെ ജീവൻ രക്ഷിക്കാൻ ഉദ്യോഗസ്ഥർ കാട്ടിയ മനക്കരുത്തിനെയും വേഗത്തിലുള്ള ഇടപെടലിനെയും സമൂഹമാധ്യമങ്ങളിൽ നിരവധി പേർ പ്രശംസിക്കുന്നുണ്ട്.

സോ​ഷ്യ​ൽ മീ​ഡി​യ​യി​ലെ പ്ര​ശ​സ്തി​ക്കും കാ​ഴ്ച​ക്കാ​രു​ടെ എ​ണ്ണം കൂ​ട്ടു​ന്ന​തി​നും വേ​ണ്ടി മ​നു​ഷ്യ​ത്വം മ​റ​ന്ന് പ്ര​വ​ർ​ത്തി​ക്കു​ന്ന ഇ​ൻ​ഫ്ലു​വ​ൻ​സ​ർ​മാ​രു​ടെ വി​കൃ​ത​മു​ഖം വെ​ളി​പ്പെ​ടു​ത്തു​ന്ന ഒ​രു സം​ഭ​വ​മാ​ണ് പ​ഞ്ചാ​ബി​ൽ നി​ന്നും പു​റ​ത്തു​വ​രു​ന്ന​ത്.

ഒ​രു മി​ണ്ടാ​പ്രാ​ണി​യു​ടെ ജീ​വ​ൻ വെ​ച്ച് "100 ദി​വ​സ​ത്തെ ച​ല​ഞ്ച്" എ​ന്ന പേ​രി​ൽ ഇ​യാ​ൾ ന​ട​ത്തി​യ ക്രൂ​ര​ത സോ​ഷ്യ​ൽ മീ​ഡി​യ​യി​ൽ വ​ലി​യ തോ​തി​ലു​ള്ള പ്ര​തി​ഷേ​ധ​ങ്ങ​ൾ​ക്ക് വ​ഴി​തെ​ളി​ച്ചു.

തെ​രു​വി​ൽ നി​ന്നും ല​ഭി​ച്ച ജി​മ്മി എ​ന്ന് പേ​രി​ട്ട ഒ​രു കൊ​ച്ചു നാ​യ​ക്കു​ട്ടി​യെ വ​ള​ർ​ത്തു​ക​യും, 100 -ാം ദി​വ​സം അ​തി​നെ കൊ​ന്നു ബി​രി​യാ​ണി വെ​ച്ച് ക​ഴി​ക്കു​മെ​ന്നു​മാ​യി​രു​ന്നു ഈ ​യു​വാ​വി​ന്‍റെ പ​ര​സ്യ​മാ​യ പ്ര​ഖ്യാ​പ​നം.

ആ​ദ്യ ദി​വ​സം മു​ത​ൽ നാ​യ​ക്കു​ട്ടി​യോ​ടൊ​പ്പം സ​മ​യം ചി​ല​വ​ഴി​ക്കു​ന്ന​തും അ​തി​നെ താ​ലോ​ലി​ക്കു​ന്ന​തു​മാ​യ ദൃ​ശ്യ​ങ്ങ​ൾ ഇ​യാ​ൾ പ​ങ്കു​വെ​ച്ചി​രു​ന്നു​വെ​ങ്കി​ലും, ഓ​രോ വീ​ഡി​യോ​യു​ടെ​യും അ​വ​സാ​നം ഈ ​നാ​യ​യെ കൊ​ല്ലു​മെ​ന്ന ഭീ​ഷ​ണി ആ​വ​ർ​ത്തി​ച്ചി​രു​ന്നു.

മൃ​ഗ​സ്നേ​ഹി​ക​ളും സാ​ധാ​ര​ണ​ക്കാ​രാ​യ കാ​ഴ്ച​ക്കാ​രും തു​ട​ക്കം മു​ത​ലേ ഇ​തി​നെ​തി​രെ രൂ​ക്ഷ​മാ​യ വി​മ​ർ​ശ​ന​ങ്ങ​ൾ ഉ​ന്ന​യി​ച്ചെ​ങ്കി​ലും അ​തൊ​ന്നും വ​ക​വെ​ക്കാ​തെ ഇ​യാ​ൾ ത​ന്‍റെ വി​കൃ​ത​മാ​യ ച​ല​ഞ്ചു​മാ​യി മു​ന്നോ​ട്ട് പോ​യി.

ഒ​രു ചെ​റി​യ നാ​യ​ക്കു​ട്ടി​യാ​യി​രു​ന്ന ജി​മ്മി 92 ദി​വ​സ​ങ്ങ​ൾ പി​ന്നി​ട്ട​പ്പോ​ഴേ​ക്കും വ​ള​ർ​ന്നു വ​ലു​താ​യി​രു​ന്നു. ഒ​ടു​വി​ൽ ഈ ​ക്രൂ​ര​ത 100 -ാം ദി​വ​സ​ത്തി​ലേ​ക്ക് ക​ട​ക്കു​ന്ന​തി​ന് തൊ​ട്ടു​മു​മ്പ്, സു​മ​ന​സു​ക​ളാ​യ ഒ​രു കൂ​ട്ടം മൃ​ഗ​സം​ര​ക്ഷ​ണ പ്ര​വ​ർ​ത്ത​ക​ർ ഇ​ട​പെ​ട്ടു.

സൈ​ബ​ർ ലോ​ക​ത്തെ സൂ​ച​ന​ക​ൾ വെ​ച്ച് ഇ​യാ​ളു​ടെ താ​മ​സം ക​ണ്ടെ​ത്തി​യ ഇ​വ​ർ സ്ഥ​ല​ത്തെ​ത്തി യു​വാ​വി​നെ നേ​രി​ട്ട് ചോ​ദ്യം ചെ​യ്യു​ക​യും ജി​മ്മി​യെ മോ​ചി​പ്പി​ക്കു​ക​യും ചെ​യ്തു. ത​ന്‍റെ പ്ര​വൃ​ത്തി തെ​റ്റാ​ണെ​ന്ന് സ​മ്മ​തി​ച്ച യു​വാ​വ് പ​ര​സ്യ​മാ​യി മാ​പ്പ​പേ​ക്ഷി​ക്കു​ന്ന വീ​ഡി​യോ​യും ഇ​പ്പോ​ൾ പു​റ​ത്തു​വ​ന്നി​ട്ടു​ണ്ട്.

നി​ല​വി​ൽ ജി​മ്മി സു​ര​ക്ഷി​ത​മാ​യ കൈ​ക​ളി​ലാ​ണെ​ന്ന് ഉ​റ​പ്പു​വ​രു​ത്തി​യ ര​ക്ഷാ​പ്ര​വ​ർ​ത്ത​ക​ർ, ഇ​ത്ത​രം ത​രം​താ​ഴ്ന്ന പ്ര​വൃ​ത്തി​ക​ൾ ചെ​യ്യു​ന്ന​വ​ർ​ക്കെ​തി​രെ ക​ർ​ശ​ന നി​യ​മ​ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്ന് അ​ധി​കൃ​ത​രോ​ട് ആ​വ​ശ്യ​പ്പെ​ട്ടു.

കാ​ഴ്ച​ക്കാ​രു​ടെ എ​ണ്ണം കൂ​ട്ടാ​ൻ ഏ​ത് ക്രൂ​ര​ത​യും ചെ​യ്യാ​ൻ മ​ടി​ക്കാ​ത്ത ഇ​ത്ത​ര​ക്കാ​ർ​ക്കെ​തി​രെ സ​മൂ​ഹ​മ​ന​സാ​ക്ഷി ഉ​ണ​ര​ണ​മെ​ന്ന വ​ലി​യ സ​ന്ദേ​ശ​മാ​ണ് ഈ ​സം​ഭ​വം ന​ൽ​കു​ന്ന​ത്.