നടി അഞ്ജു കുര്യൻ വിവാഹിതയായി. റോഷനാണ് അഞ്ജുവിന്റെ വരൻ. ശനിയാഴ്ചയായിരുന്നു വിവാഹം. വിവാഹ ചടങ്ങിന്റെ ചിത്രങ്ങൾ അഞ്ജു സമൂഹമാധ്യമങ്ങളിൽ പങ്കുവച്ചു. താൻ പ്രാർഥിച്ചയാളെ തനിക്ക് ജീവിത പങ്കാളിയായി ലഭിച്ചിരിക്കുകയാണെന്ന് താരം കുറിച്ചു.
അഞ്ജു പങ്കുവച്ച കുറിപ്പ്
‘07.11.26. ഞാൻ പ്രാർത്ഥിച്ച ആളെത്തന്നെ ജീവിതപങ്കാളിയായി ലഭിച്ചു. എന്റെ ജീവിതത്തിലെ ഏറ്റവും മനോഹരമായ ഒരധ്യായത്തിന് ഇന്ന് തുടക്കമാവുകയാണ്. ഇതൊരു രണ്ട് ഹൃദയങ്ങളുടെ വെറും വാഗ്ദാനമല്ല, ദൈവസാന്നിധ്യത്തിൽ എടുത്ത ഒരു പ്രതിജ്ഞയാണ്.
എന്റെ ഉള്ളിലെ കൊച്ചു കുട്ടി, ഇത്രയും കാലം മനസിൽ സൂക്ഷിച്ച ഒരു സ്വപ്നം സാക്ഷാത്കരിക്കുകയാണ്. ഇതൊരു വിവാഹം മാത്രമല്ല; ജീവിതകാലം മുഴുവൻ നീളുന്ന ചെറിയ ചെറിയ നിമിഷങ്ങൾ, ഒടുങ്ങാത്ത ചിരികൾ, ഒരുമിച്ചുള്ള വളർച്ച, പരസ്പരമുള്ള തിരഞ്ഞെടുക്കൽ, അങ്ങനെ സ്നേഹം നിറഞ്ഞ ഒരു വീട് കെട്ടിപ്പടുക്കുക - ഇതെല്ലാമാണ് ഈ ജീവിതം.