3

നെ​ന്മാ​റ: ക​ശു​വ​ണ്ടി വി​ള​വെ​ടു​പ്പി​നു തു​ട​ക്കം. സീ​സ​ൺ തു​ട​ക്ക​മാ​യ​തി​നാ​ൽ ഉ​യ​ർ​ന്ന വി​ല ല​ഭ്യ​മാ​കു​ന്ന​ത് ക​ർ​ഷ​ക​ർ​ക്ക് ആ​ശ്വാ​സം. ഒ​രു കി​ലോ 140 രൂ​പ നി​ര​ക്കി​ലാ​ണ് മ​ല​ഞ്ച​ര​ക്ക് വ്യാ​പാ​രി​ക​ൾ ക​ശു​വ​ണ്ടി വാ​ങ്ങു​ന്ന​ത്.

വി​ള​വെ​ടു​പ്പ് സ​ജീ​വ​മാ​യാ​ൽ സാ​ധാ​ര​ണ വി​ല കു​റ​യു​ക​യാ​ണ് പ​തി​വ്. ഈ ​വ​ർ​ഷം വേ​ന​ൽ മ​ഴ​യ്ക്ക് മു​മ്പു​ത​ന്നെ മി​ക്ക ഇ​ട​ങ്ങ​ളി​ലും ക​ശു​വ​ണ്ടി വി​ള​വെ​ടു​പ്പി​ന് പാ​ക​മാ​യി​ട്ടു​ണ്ട്.

മ​ല​യോ​ര മേ​ഖ​ല​ക​ളാ​യ ക​രി​മ്പാ​റ, ഒ​ലി​പ്പാ​റ, കോ​പ്പം കു​ള​മ്പ്, പോ​ത്തു​ണ്ടി, പോ​ക്കാ​മ​ട, അ​യ്യ​ർ പാ​ടി, കൈ​ത​ച്ചി​റ, കാ​ന്ത​ളം, പാ​ളി​യ​മം​ഗ​ലം പ്ര​ദേ​ശ​ങ്ങ​ളി​ലാ​ണ് ക​ശു​മാ​വ് കൂ​ടു​ത​ൽ കൃ​ഷി​യു​ള്ള​ത്. ഈ ​വ​ർ​ഷം അ​നു​കൂ​ല കാ​ലാ​വ​സ്ഥ​യാ​യ​തി​നാ​ൽ ന​ല്ല രീ​തി​യി​ൽ പൂ​ക്ക​ൾ പി​ടി​ക്കു​ക​യും വി​ള​വ് ല​ഭി​ക്കു​ന്ന സ്ഥി​തി​യു​മു​ണ്ടാ​യി​ട്ടു​ണ്ട്.

മ​ഴ​പെ​യ്താ​ൽ ക​ശു​വ​ണ്ടി​യു​ടെ നി​റം കു​റ​യു​ക​യും ക​റു​പ്പ് നി​റം പ​ട​രാ​ൻ ഇ​ട​യാ​ക്കു​ക​യും ചെ​യ്താ​ൽ ക​ശു​വ​ണ്ടി​യു​ടെ വി​ല കു​ത്ത​നെ ഇ​ടി​യു​ന്ന​താ​ണ് സാ​ധാ​ര​ണ വ​ർ​ഷ​ങ്ങ​ളി​ൽ കാ​ണാ​റു​ള്ള​ത്.

സീ​സ​ണി​ലെ ആ​ദ്യം പൂ​വി​ട്ട മ​ര​ങ്ങ​ളി​ൽ ഇ​ട​മ​ഴ ല​ഭി​ച്ചാ​ൽ വീ​ണ്ടും പൂ​വി​ടാ​നു​ള്ള സാ​ധ്യ​ത​യും അ​ധി​ക ഉ​ത്പാ​ദ​ന പ്ര​തീ​ക്ഷ​യും ക​ർ​ഷ​ക​ർ പു​ല​ർ​ത്തു​ന്നു.

വി​ല കു​റ​യ​ൽ പ​തി​വാ​യ​തി​നാ​ൽ വി​ള​വെ​ടു​ക്കു​ന്ന ക​ശു​വ​ണ്ടി കൂ​ടു​ത​ൽ ദി​വ​സം വൈ​കാ​തെ ത​ന്നെ വി​പ​ണി​യി​ൽ എ​ത്തി​ച്ചി​ല്ലെ​ങ്കി​ൽ വി​ല കു​റ​യാ​നു​ള്ള സാ​ധ്യ​ത​യും ക​ർ​ഷ​ക​രും വ്യാ​പാ​രി​ക​ളും പ​റ​യു​ന്നു.

കൊ​ല്ല​ത്തി​ന്‍റെ പ്ര​സി​ദ്ധി ലോ​ക​മെ​ങ്ങും അ​റി​യു​ന്ന​ത് ക​ശു​വ​ണ്ടി​യു​ടെ പേ​രി​ലാ​ണ്. ലോ​ക​ത്തി​ന്‍റെ ഏ​തു കോ​ണി​ൽ​നി​ന്നും ആ​ളു​ക​ൾ കൊ​ല്ല​ത്തെ​ത്തി​യാ​ൽ ക​ശു​വ​ണ്ടി​പ്പ​രി​പ്പ് വാ​ങ്ങ​ലും രു​ചി​യ​റി​യ​ലും പ്ര​ധാ​ന​മാ​ണ്. ക​ശു​വ​ണ്ടി​യു​ടെ ഉ​പ​യോ​ഗം അ​നു​ദി​നം വ​ർ​ധി​ക്കു​ക​യാ​ണ്.

സ​മൂ​ഹ​ത്തി​ന്‍റെ ഉ​ന്ന​ത​ശ്രേ​ണി​യി​ലു​ള്ള​വ​ർ കൊ​റി​ച്ചി​രു​ന്ന ക​ശു​വ​ണ്ടി ഇ​പ്പോ​ൾ സാ​ധാ​ര​ണ​ക്കാ​രും ക​ഴി​ക്കു​ന്നു. ബി​രി​യാ​ണി​യി​ലും ബി​സ്ക​റ്റി​ലും പു​ഡ്ഡി​ങ്ങി​ലും ക​റി​ക​ളി​ൽ​പോ​ലും ക​ശു​വ​ണ്ടി ചേ​ർ​ക്കു​ന്ന​ത് സാ​ധാ​ര​ണ​മാ​യി. മു​ള​പ്പി​ച്ച ക​ശു​വ​ണ്ടി​പോ​ലും അ​ടു​ക്ക​ള​യി​ലേ​ക്കു വ​രി​ക​യാ​ണ്.

അ​തു​കൊ​ണ്ടു​ത​ന്നെ കേ​ര​ള​ത്തി​ലെ ക​ശു​വ​ണ്ടി വ്യ​വ​സാ​യം പ്ര​ധാ​ന​മാ​യും കൊ​ല്ലം ജി​ല്ല​യി​ൽ കേ​ന്ദ്രീ​ക​രി​ച്ചി​രി​ക്കു​ന്നു. ക​ശു​വ​ണ്ടി ബി​സി​ന​സി​ലൂ​ടെ സ്വ​ന്തം മേ​ൽ​വി​ലാ​സം സൃ​ഷ്ടി​ച്ച ക​ന്പ​നി​യാ​ണ് ഞ​ക്കാ​ട​ൻ കാ​ഷ്യു എ​ക്സ്പോ​ർ​ട്ട്സ് ആ​ൻ​ഡ് ഇം​പോ​ർ​ട്ട്സ്.

അ​വ​രു​ടെ സാ​ര​ഥി അ​സ്ഗ​ർ ബ​ഷീ​ർ എ​ന്ന യു​വാ​വ് പ​യ​റ്റി​ത്തെ​ളി​ഞ്ഞ​തു വി​ജ​യ​ത്തി​ലേ​ക്കു​ള്ള വ​ഴി​യാ​ണ്. പ​ണ്ട​ത്തെ​പ്പോ​ലെ ക​ശു​വ​ണ്ടി​യു​ടെ ഈ​റ്റി​ല്ല​മെ​ന്നു കൊ​ല്ല​ത്തെ വി​ളി​ക്കാ​ൻ ക​ഴി​യി​ല്ലെ​ങ്കി​ലും പ​ല ഫാ​ക്ട​റി​ക​ളും പൂ​ട്ടി​കി​ട​ക്കു​ന്പോ​ഴും ഈ ​യു​വാ​വ് നേ​ടി​യ വി​ജ​യം ചെ​റു​ത​ല്ല.

സ്വ​ന്തം മേ​ൽ​വി​ലാ​സം ഈ ​വ്യ​വ​സാ​യ​ത്തി​ൽ ഉ​ണ്ടാ​ക്കാ​ൻ അ​ദ്ദേ​ഹ​ത്തി​നു സാ​ധി​ച്ചി​രി​ക്കു​ന്നു. ക​മ്പ​നി സ്ഥി​തി​ചെ​യ്യു​ന്ന​ത് കൊ​ല്ലം ജി​ല്ല​യി​ലെ വേ​ള​മാ​നൂ​ർ എ​ന്ന സ്ഥ​ല​ത്താ​ണ്. പ​ല ഡി​പ്പാ​ർ​ട്ട്മെ​ന്‍റു​ക​ളി​ലു​മാ​യി മു​ന്നൂ​റോ​ളം സ്ത്രീ​ക​ൾ തൊ​ഴി​ൽ ചെ​യ്യു​ന്നു​ണ്ട്.

ഇ​ക്കൂ​ട്ട​ത്തി​ൽ അ​ന്യ സം​സ്ഥാ​ന തൊ​ഴി​ലാ​ളി​ക​ളു​മു​ണ്ട്. പ്ര​ധാ​ന​മാ​യും കേ​ര​ള​ത്തി​ന്‍റെ പ​ല ഭാ​ഗ​ങ്ങ​ളി​ലേ​ക്കും ഡ​ൽ​ഹി അ​ട​ക്ക​മു​ള്ള അ​ന്യ​സം​സ്ഥാ​ന​ങ്ങ​ളി​ലേ​ക്കും പ​രി​പ്പ് ക​യ​റ്റി അ​യ​ക്കു​ന്നു​ണ്ട്. കൂ​ടാ​തെ കോ​സ്റ്റ് ഗാ​ന​ഗ്രി എ​ന്ന ആ​ഫ്രി​ക്ക​ൻ രാ​ജ്യ​ത്തി​ൽ​നി​ന്നു ക​ശു​വ​ണ്ടി ഇ​റ​ക്കു​മ​തി ചെ​യ്തും ക​ച്ച​വ​ടം ന​ട​ത്തു​ന്നു​ണ്ട്.

കൊ​ല്ലം ച​ന്ദ​ന​ത്തോ​പ്പ് സ്വ​ദേ​ശി​യാ​യ അ​സ്ഗ​ർ പ​ത്ത് വ​ർ​ഷ​മാ​യി സ്വ​ന്ത​മാ​യി ബി​സി​ന​സ് ചെ​യ്യു​ന്നു. അ​സ്ഗ​റി​ന്‍റെ കു​ടും​ബം അ​ന്പ​തു​വ​ർ​ഷ​മാ​യി ക​ശു​വ​ണ്ടി ബി​സി​ന​സി​ൽ ഉ​ണ്ട്.

പ​ഴ​യ​തു​പോ​ലെ​യി​ല്ല

പ​ഴ​യ പോ​ലെ​യു​ള്ള ഉ​ത്പാ​ദ​നം ഇ​ന്നു കൊ​ല്ല​ത്ത് ന​ട​ക്കു​ന്നു​ണ്ടോ എ​ന്ന ചോ​ദ്യം പ്ര​സ​ക്ത​മാ​ണ്. ഇ​ല്ലെ​ന്നാ​ണ് അ​സ്ഗ​ർ ബ​ഷീ​ർ വെ​ളി​പ്പെ​ടു​ത്തു​ന്ന​ത്. പ​ല​രും വ്യ​വ​സാ​യം നി​ർ​ത്തി മ​റ്റു മേ​ഖ​ല​ക​ളി​ലേ​ക്കു തി​രി​ഞ്ഞു.

മു​ന്പു​ണ്ടാ​യി​രു​ന്ന​തി​ന്‍റെ 50 ശ​ത​മാ​നം പോ​ലും ഫാ​ക്ട​റി​ക​ൾ ഇ​പ്പോ​ൾ കൊ​ല്ല​ത്തി​ല്ല. കു​ടി​ൽ വ്യ​വ​സാ​യ​മാ​യി​പ്പോ​ലും ഉ​ത്പാ​ദ​നം ന​ട​ന്നി​രു​ന്ന കൊ​ല്ല​ത്ത് ഇ​പ്പോ​ൾ ആ​യി​ര​ത്തി​ലേ​റെ ഫാ​ക്ട​റി​ക​ൾ കാ​ടു​പി​ടി​ച്ച് അ​ട​ഞ്ഞ് കി​ട​പ്പു​ണ്ട്.

ഇ​വി​ടെ ക്ഷീ​ണം സം​ഭ​വി​ച്ച​പ്പേ​ൾ അ​യ​ൽ​സം​സ്ഥാ​ന​ങ്ങ​ളി​ൽ വ്യ​വ​സാ​യം വ​ർ​ധി​ച്ചു. അ​തോ​ടെ പ​രി​പ്പ് ത​മി​ഴ്നാ​ട്ടി​ൽ​നി​ന്നും ആ​ന്ധ്ര​യി​ൽ​നി​ന്നും വ​രു​ന്ന അ​വ​സ്ഥ​യു​ണ്ട്. കൂ​ലി​യും തൊ​ഴി​ൽ പ്ര​ശ്ന​ങ്ങ​ളും അ​തി​നെ ബാ​ധി​ച്ചി​ട്ടു​ണ്ട്.

പ്ര​തി​സ​ന്ധി

സം​സ്ഥാ​ന​ത്തെ ഉ​യ​ർ​ന്ന ഉ​ത്പാ​ദ​ന​ച്ചെ​ല​വ് തി​രി​ച്ച​ടി​യാ​ണ്. ഉ​യ​ർ​ന്ന കൂ​ലി​നി​ര​ക്കും കു​റ​ഞ്ഞ ഉ​ത്പാ​ദ​ന​ക്ഷ​മ​ത​യും പ്ര​തി​സ​ന്ധി​യു​ണ്ടാ​ക്കു​ന്നു.