കൊച്ചി: നടി അന്സിബ ഹസന് നല്കിയ ഹര്ജിയില് നടി ലക്ഷ്മി പ്രിയ, യൂ ട്യൂബ് ചാനല് ഉടമ, അവതാരകന് എന്നിവര്ക്കെതിരേ മാനനഷ്ടത്തിനു കേസെടുക്കാമെന്നു കോടതി.
സാമൂഹിക മാധ്യമത്തിലൂടെ സ്ത്രീത്വത്തെ അവഹേളിച്ചെന്നാരോപിച്ച് നല്കിയ പരാതിയിലാണ് എറണാകുളം ജുഡീഷല് ഫസ്റ്റ് ക്ലാസ് മജിസ്ട്രേറ്റ് കോടതി ഇക്കാര്യം വ്യക്തമാക്കിയത്.
സ്ത്രീത്വത്തെ അവഹേളിച്ചതിനു കേസെടുത്ത് അന്വേഷിക്കണമെന്നായിരുന്നു അന്സിബ പാലാരിവട്ടം പോലീസില് പരാതി നല്കിയിരുന്നത്. പോലീസ് കേസെടുക്കാത്തതിനെത്തുടര്ന്ന് എറണാകുളം സിറ്റി പോലീസ് കമ്മീഷണര്ക്കും അന്സിബ പരാതി നല്കി. എന്നാല്, പരാതിയില് സ്ത്രീത്വത്തെ അപമാനിച്ചതിനു കേസെടുക്കാനാവില്ലെന്നാണു പോലീസ് കോടതിയെ അറിയിച്ചത്.
പ്രതികളുടെ പ്രവൃത്തി മാനനഷ്ടത്തിന് മാത്രമുള്ള കുറ്റകൃത്യമാണെന്നും അതനുസരിച്ച് വേണമെങ്കില് നേരിട്ട് കേസെടുക്കാന് അന്സിബയ്ക്കു കോടതിയെ സമീപിക്കാമെന്നും സര്ക്കാര് കോടതിയെ അറിയിച്ചു. ഇതിന്റെ അടിസ്ഥാനത്തിലാണ് ഇപ്പോള് മജിസ്ട്രേറ്റ് കോടതി ഉത്തരവ് പുറപ്പെടുവിച്ചത്.
അടുത്ത മാസം 29നു മുമ്പ് അന്സിബയ്ക്കു കോടതിയെ സമീപിച്ച് മൊഴി നല്കാം. എന്നാല്, തനിക്കെതിരേ പ്രതികള് നടത്തിയത് കേവലം മാനനഷ്ടക്കേസ് മാത്രമല്ലെന്നും തന്റെ സ്ത്രീത്വത്തെ പരസ്യമായി അവഹേളിക്കലാണെന്നും അന്സിബ വാദിച്ചു.
മാനനഷ്ടക്കേസില് നടപടികള് സ്വീകരിക്കുന്നതിനുള്ള പരാതിയല്ല താന് നല്കിയതെന്നും വ്യക്തമാക്കി. മജിസ്ട്രേറ്റ് കോടതി ഉത്തരവിനെതിരേ അന്സിബ ഹൈക്കോടതിയെ സമീപിച്ചേക്കും.
Deepika
E-paper LOGIN
LOGIN