District News
കാഞ്ഞങ്ങാട്: കുടുംബവഴക്കിനിടെ ഭാര്യയെ വെട്ടിപ്പരിക്കേല്പിച്ച ശേഷം ഭർത്താവ് തൂങ്ങിമരിച്ചു. കാഞ്ഞങ്ങാട് കടപ്പുറം ഇല്യാസ് നഗറിലെ ഇബ്രാഹിം (62) ആണ് മരിച്ചത്.
ഗുരുതരമായി പരിക്കേറ്റ ഭാര്യ മറിയത്തെ (55) മംഗളൂരുവിലെ ആശുപത്രിയിൽ പ്രവേശിപ്പിച്ചു. ഇന്നു പുലർച്ചെയോടെയായിരുന്നു സംഭവം.
മറിയത്തെ ആക്രമിച്ചതിനു ശേഷം വീട്ടിൽനിന്ന് ഇറങ്ങിപ്പോയ ഇബ്രാഹിമിനെ പിന്നീട് സമീപത്തെ മരത്തിൽ തൂങ്ങിമരിച്ച നിലയിൽ കണ്ടെത്തുകയായിരുന്നു. ഹൊസ്ദുർഗ് പോലീസ് സ്ഥലത്തെത്തി പരിശോധന നടത്തി.
Kerala
കൽപ്പറ്റ: കുടുംബ പ്രശ്നങ്ങളെ തുടർന്നുണ്ടായ സംഘർഷത്തിനിടെ രണ്ട് ആദിവാസി സ്ത്രീകൾക്ക് വെട്ടേറ്റു.
വെള്ളമുണ്ട വാരാമ്പറ്റയിലുണ്ടായ സംഭവത്തിൽ കൊച്ചാറ ആദിവാസി ഉന്നതിയിലെ മാധവി, മകൾ ആതിര എന്നിവർക്കാണ് വെട്ടേറ്റത്. ഇവരെ മാനന്തവാടി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
ആതിരയുടെ ഭർത്താവ് രാജുവാണ് ആക്രമിച്ചതെന്ന് പോലീസ് പറഞ്ഞു. ഇയാൾക്കെതിരെ പോലീസ് കേസെടുത്തു.