മസ്കറ്റ്: ജിസിസി മേഖലയിലെ പ്രധാന ലോജിസ്റ്റിക്സ് ഹബ്ബായി ഒമാന് വേഗത്തില് വളര്ന്നുകൊണ്ടിരിക്കുകയാണെന്നും ഇന്ത്യന് ബിസിനസുകള്ക്ക് വന് സാധ്യതകളാണ് തുറന്നുകിടക്കുന്നതെന്നും ഒമാനിലെ ഇന്ത്യൻ അംബാസഡര് ജി.വി. ശ്രീനിവാസ്.
"ജിസിസി രാജ്യങ്ങളിലെ ലോജിസ്റ്റിക്സ് അവസരങ്ങള് ഒമാന് വഴി’എന്ന വിഷയത്തില് ഇന്തോ- ഗള്ഫ് ആൻഡ് മിഡില് ഈസ്റ്റ് ചേംബര് ഓഫ് കൊമേഴ്സ് (ഇന്മെക്), ഒമാന് ചേംബര് ഓഫ് കൊമേഴ്സ് ആൻഡ് ഇന്ഡസ്ട്രിയുമായി ചേര്ന്നു സംഘടിപ്പിച്ച വെബിനാറില് സംസാരിക്കുകയായിരുന്നു അദ്ദേഹം.
ഇന്ത്യയും ഒമാനും തമ്മിലുള്ള ശക്തവും ചരിത്രപരവുമായ ബന്ധം വ്യാപാരം, ലോജിസ്റ്റിക്സ്, അടിസ്ഥാനസൗകര്യ വികസനം, നിര്മാണം, നിക്ഷേപം എന്നീ മേഖലകളില് കൂടുതല് വ്യാപിച്ചുകൊണ്ടിരിക്കുകയാണെന്ന് ശ്രീനിവാസ് കൂട്ടിച്ചേര്ത്തു.
Deepika
E-paper LOGIN
LOGIN