2

ഗ്രീ​ക്ക് മ​ഹാ​ക​വി ഹോ​മ​റി​ന്‍റെ ഇ​തി​ഹാ​സ​കാ​വ്യ​ങ്ങ​ളി​ലെ മ​ഹാ​ന​ഗ​രം, 'ട്രോ​യി'​യി​ൽ​നി​ന്നു ക​ണ്ടെ​ത്തി​യ ച​രി​ത്ര​ശേ​ഷി​പ്പു​ക​ൾ ലോ​ക​ത്തെ അ​ദ്ഭു​ത​പ്പെ​ടു​ത്തു​ന്ന​താ​യി! വ​ട​ക്കു​പ​ടി​ഞ്ഞാ​റ​ൻ തു​ർ​ക്കി​യി​ലെ ട്രോ​യ് ന​ഗ​രാ​വ​ശി​ഷ്ട​ങ്ങ​ളി​ൽ​നി​ന്നു ക​ണ്ടെ​ത്തി​യ​ത് അ​ത്യ​പൂ​ർ​വ​മാ​യ 'ഓ​ട​ക്കു​ഴ​ൽ' ആ​ണ്! നി​ർ​മി​ച്ചി​രി​ക്കു​ന്ന​തോ, 'എ​ല്ല്' ഉ​പ​യോ​ഗി​ച്ച്! മു​ര​ളി​ക​യു​ടെ പ​ഴ​ക്കം ഏ​ക​ദേ​ശം 2,800 വ​ർ​ഷം! മ​റ്റൊ​രു പ്ര​ത്യേ​ക​ത​കൂ​ടി ഇ​തി​നു​ണ്ട്, ട്രോ​യ് ന​ഗ​ര​ത്തി​ന്‍റെ അ​വ​ശി​ഷ്ട​ങ്ങ​ളി​ൽ​നി​ന്നു ക​ണ്ടെ​ടു​ക്കു​ന്ന ആ​ദ്യ​ത്തെ സം​ഗീ​തോ​പ​ക​ര​ണ​മാ​ണി​ത്!

പത്തൊമ്പതാം നൂ​റ്റാ​ണ്ടി​ൽ ആ​രം​ഭി​ച്ച ഖ​ന​ന​ങ്ങ​ളി​ലൂ​ടെ നി​ര​വ​ധി ച​രി​ത്ര​വ​സ്തു​ക്ക​ൾ പു​രാ​വ​സ്തു​ഗ​വേ​ഷ​ക​ർ​ക്കു ക​ണ്ടെ​ത്താ​ൻ ക​ഴി​ഞ്ഞി​ട്ടു​ണ്ട്. സ്വ​ർ​ണ കി​രീ​ട​ങ്ങ​ൾ, നൂ​റി​ലേ​റെ ഇ​ര​ട്ട​പ്പി​ടി​യു​ള്ള വീ​ഞ്ഞു​ക​പ്പു​ക​ൾ, വെ​ങ്ക​ല​യു​ഗ​ത്തി​ലെ അ​സ്ത്ര​ങ്ങ​ൾ, വി​വി​ധ ആ​യു​ധ​ങ്ങ​ൾ തു​ട​ങ്ങി​യ​വ ഇ​ക്കൂ​ട്ട​ത്തി​ൽ ഉ​ൾ​പ്പെ​ടു​ന്നു.

എ​ന്നാ​ൽ, ഓ​ട​ക്കു​ഴ​ലി​ന്‍റെ ക​ണ്ടെ​ത്ത​ൽ ട്രോ​യ് ജ​ന​ത​യു​ടെ സം​ഗീ​ത​സം​സ്കാ​രം വെ​ളി​പ്പെ​ടു​ത്തു​ന്ന​താ​ണെ​ന്നു ഗ​വേ​ഷ​ക​ർ പ​റ​ഞ്ഞു. പു​രാ​ത​ന അ​ന​റ്റോ​ലി​യ​ൻ ഗ്ര​ന്ഥ​ങ്ങ​ളും മ​റ്റും ട്രോ​യി​യി​ലെ ആ​ചാ​ര​ങ്ങ​ളി​ലും സാ​മൂ​ഹി​ക ജീ​വി​ത​ത്തി​ലും സം​ഗീ​ത​ത്തി​നു വ​ലി​യ പ്രാ​ധാ​ന്യ​മു​ണ്ടാ​യി​രു​ന്നു​വെ​ന്നു തെ​ളി​വു​ക​ൾ ന​ൽ​കു​ന്ന​താ​ണ്. എ​ന്നാ​ൽ, അ​തി​നെ സാ​ധൂ​ക​രി​ക്കാ​ൻ ഭൗ​തി​ക​രേ​ഖ​ക​ളൊ​ന്നും ഇ​തു​വ​രെ ഗ​വേ​ഷ​ക​ർ​ക്കു ക​ണ്ടെ​ത്താ​ൻ ക​ഴി​ഞ്ഞി​രു​ന്നി​ല്ല.

ഇലിയഡ്-ഒഡീസി രചനാകാലം
ബി​സി​ എ​ട്ടാം നൂ​റ്റാ​ണ്ടി​ലെ​യാ​ണു ക​ണ്ടെ​ത്തി​യ ഓ​ട​ക്കു​ഴ​ൽ. അ​താ​യ​ത്, ഇ​തി​ഹാ​സ​ക​വി ഹോ​മ​ർ ത​ന്‍റെ ഇ​ലി​യ​ഡും ഒ​ഡീ​സി​യും ര​ചി​ച്ച കാ​ല​ഘ​ട്ടം. ട്രോ​യി​യു​ടെ അ​വ​ശി​ഷ്ട​ങ്ങ​ളെ ഒ​ൻ​പ​ത് പാ​ളി​ക​ളാ​യി തി​രി​ച്ചി​രി​ക്കു​ന്നു, ഇ​തി​ൽ ഓ​രോ പാ​ളി​യും ന​ഗ​ര​ത്തി​ന്‍റെ ച​രി​ത്ര​ത്തി​ലെ വ്യ​ത്യ​സ്ത​മാ​യ കാ​ല​ഘ​ട്ട​ത്തെ സൂ​ചി​പ്പി​ക്കു​ന്നു. ഈ ​കാ​ല​ഘ​ട്ട​ത്തി​ൽ ട്രോ​യി ന​ഗ​രം ഏ​താ​ണ്ട് പൂ​ർ​ണ​മാ​യും ഉ​പേ​ക്ഷി​ക്ക​പ്പെ​ട്ട നി​ല​യി​ലാ​യി​രു​ന്നു എ​ന്നാ​ണു ച​രി​ത്ര​പ​ണ്ഡി​ത​ന്മാ​ർ അ​ഭി​പ്രാ​യ​പ്പെ​ട്ടി​രു​ന്ന​ത്. എ​ന്നാ​ൽ, ഈ ​പ്ര​ദേ​ശ​ത്ത് മ​നു​ഷ്യ​വാ​സം ഉ​ണ്ടാ​യി​രു​ന്നു എ​ന്ന​തി​ന്‍റെ വ്യ​ക്ത​മാ​യ തെ​ളി​വു​കൂ​ടി​യാ​യി പു​തി​യ ക​ണ്ടെ​ത്ത​ൽ.
‌‌
ക​ണ്ടെ​ത്ത​ലി​നു മ​റ്റൊ​രു പ്ര​ത്യേ​ക​ത കൂ​ടി​യു​ണ്ടെ​ന്നു ഖ​ന​ന​ത്തി​നു നേ​തൃ​ത്വം കൊ​ടു​ക്കു​ന്ന റു​സ്‌​റ്റെം അ​സ്‌​ല​ൻ. ഹോ​ളി​വു​ഡ് സം​വി​ധാ​യ​ക​ൻ ക്രി​സ്‌​റ്റ​ഫ​ർ നോ​ള​ന്‍റെ 'ദി ​ഒ​ഡീ​സി' എ​ന്ന ചി​ത്ര​ത്തി​ന്‍റെ പ​ശ്ചാ​ത്ത​ല സം​ഗീ​ത​ത്തി​നാ​യി സം​ഗീ​ത​സം​വി​ധാ​യ​ക​ൻ ലു​ഡ്‌​വി​ഗ് ഗൊ​റാ​ൻ​സ​ൺ ഉ​പ​യോ​ഗി​ച്ച​ത് പു​രാ​ത​ന ഗ്രീ​സി​ലെ 'ഔ​ലോ​സ്' എ​ന്ന വി​ൻ​ഡ് ഇ​ൻ​സ്ട്രു​മെ​ന്‍റി​ന്‍റെ മാ​തൃ​ക​യാ​യി​രു​ന്നു. സി​നി​മ​യി​ൽ ഒ​ഡീ​സി​യ​സ് കേ​ൾ​ക്കു​ന്ന സൈ​റ​ണു​ക​ളു​ടെ ഗാ​ന​ത്തി​ന്‍റെ വി​കാ​ര​ങ്ങ​ൾ അ​തേ​പ​ടി പ്ര​തി​ഫ​ലി​പ്പി​ക്കു​ന്ന, ആ ​സം​ഗീ​ത​വി​സ്മ​യ​ത്തി​ന്‍റെ അ​തേ കാ​ല​ഘ​ട്ട​ത്തി​ൽ നി​ന്നു​ള്ള യ​ഥാ​ർ​ഥ മു​ര​ളി​ക ട്രോ​യി​യി​ൽ​നി​ന്നു ക​ണ്ടെ​ത്തി​യ​തു ഖ​ന​ന ച​രി​ത്ര​ത്തി​ലെ കൗ​തു​ക​ക​ര​മാ​യ യാ​ദൃ​ശ്ചി​ക​ത​യാ​ണെ​ന്ന് അ​സ്‌​ല​ൻ പ​റ​ഞ്ഞു.