കാഞ്ഞിരപ്പള്ളി: അമല്ജ്യോതി എന്ജിനിയറിംഗ് കോളജ് സില്വര് ജൂബിലി ആഘോഷങ്ങളുടെ ഭാഗമായി സംഘടിപ്പിക്കുന്ന എഐ കോണ്ക്ലേവ് 2026ന് തുടക്കമായി. നിര്മിത ബുദ്ധിയുടെ വളര്ച്ചയും സ്വാധീനവും ചര്ച്ച ചെയ്യുന്ന കോണ്ക്ലേവ് കെ. ഫ്രാന്സിസ് ജോര്ജ് എംപി ഉദ്ഘാടനം ചെയ്തു.
ആര്ട്ടിഫിഷ്യല് ഇന്റലിജന്സിന്റെ സാധ്യതകളും ഉത്തരവാദിത്വങ്ങളും സമൂഹത്തിന്റെ ഭാവിയിലേക്കുള്ള സ്വാധീനവും വളര്ച്ചയുമാണ് സൂചിപ്പിക്കുന്നതെന്നും എഐയുടെ ഉപയോഗം സംബന്ധിച്ച ഒരു നിയമസംഹിത തയാറാക്കാന് കേന്ദ്രസര്ക്കാര് മുന്കൈയെടുക്കണമെന്നും എംപി പറഞ്ഞു.
മനുഷ്യരുടെ കഴിവുകള് വര്ധിപ്പിക്കുന്നതിനും സമൂഹത്തിലെ യഥാര്ഥ പ്രശ്നങ്ങള്ക്ക് സാങ്കേതികവിദ്യയിലൂടെ പരിഹാരം കണ്ടെത്തുന്നതിനും എഐക്ക് കഴിയുമെന്നും എഐയുടെ അനന്ത സാധ്യതകള് പ്രയോജപ്പെടുത്താന് വിദ്യാര്ഥി സമൂഹം തയാറാകണമെന്നും എംപി നിര്ദേശിച്ചു.
കോളജ് ഗവേണിംഗ് ബോഡി ചെയര്മാന് ഫാ. ബോബി അലക്സ് മണ്ണംപ്ലാക്കല് അധ്യക്ഷത വഹിച്ചു. വിദ്യാഭ്യാസ ആരോഗ്യ കാര്ഷിക മേഖലയില് എഐയുടെ അനന്തമായ സാധ്യതകളാണുള്ളതെന്നും ഓരോ 24 മണിക്കൂര് കഴിയുമ്പോഴും എഐ മേഖലയില് പുതിയ അപ്ഡേഷനുകള് വന്നുകൊണ്ടിരിക്കുകയാണെന്നും ഈ സാധ്യതകള് ഉള്ക്കൊള്ളാനാകാതെ ഇനി മുന്നോട്ടു പോകാന് കഴിയില്ലെന്നും ഫാ. ബോബി അലക്സ് പറഞ്ഞു.
എം.ജെ. സെബാസ്റ്റ്യന് എംഎല്എ മുഖ്യപ്രഭാഷണം നടത്തി. ഡയറക്ടര് ഓഫ് അഡ്മിനിസ്ട്രേഷന് ഫാ.ഡോ. റോയി ഏബ്രഹാം പഴയപറമ്പില്, പ്രിന്സിപ്പല് ഡോ. ലില്ലിക്കുട്ടി ജേക്കബ്, അക്കാദമിക് ഡീന് ഫാ.ഡോ. റൂബിന് തോട്ടുപുറത്ത്, ഫാക്കല്റ്റി കോ-ഓര്ഡിനേറ്റര് ബിനുമോന് ജോസഫ്, കേബിള് ഓപ്പറേറ്റേഴ്സ് അസോസിയേഷന് സംസ്ഥാന പ്രസിഡന്റ് പ്രവീണ് മോഹന് എന്നിവര് പ്രസംഗിച്ചു.
രണ്ട് ദിവസങ്ങളിലായി നടക്കുന്ന എഐ കോണ്ക്ലേവില് ഹാക്കത്തണ്, എക്സ്പേര്ട്ട് വര്ക്ക്ഷോപ്പുകള്, പാനല് ഡിസ്കഷന്, എഐ ഇന്നൊവേഷന് ഷോകോസ് തുടങ്ങിയ പരിപാടികളാണ് ഒരുക്കിയിരിക്കുന്നത്. ഇന്നു വൈകുന്നേരം അഞ്ചിന് നടക്കുന്ന സമാപന സമ്മേളനം കോട്ടയം കളക്ടര് ചേതന് കുമാര് മീണ ഉദ്ഘാടനം നിര്വഹിച്ച് ഹാക്കത്തണ് വിജയികള്ക്ക് സമ്മാനങ്ങള് വിതരണം ചെയ്യും.
കേരള വിഷന്, കാരിത്താസ് ആശുപത്രി, ഓക്സിജന് എന്നിവരുടെ സഹകരണത്തോടെയാണ് കോണ്ക്ലേവ് സംഘടിപ്പിച്ചിരിക്കുന്നത്. കേണ്ക്ലേവിന്റെ ഔദ്യോഗിക മീഡിയ പാര്ട്ണര് ദീപികയാണ്.
Deepika
E-paper LOGIN
LOGIN