എല്മണ്ട്: കേരള സെന്ററിന്റെ 33-ാമത് അവാർഡ്ദാന ചടങ്ങ് ഗംഭീരമായി. എല്മണ്ടിലെ സെന്റർ ആസ്ഥാനത്തായിരുന്നു അവാർഡ്ദാന ചടങ്ങ്. ഏഴ് പേര്ക്കാണ് അവാർഡ് നൽകി ആദരിച്ചത്.
ഈ വർഷം ആദരിക്കപ്പെട്ടവരും അവരുടെ പ്രവർത്തന മേഖലകളും
ഇൻസ്പെക്ടർ ഷിബു മധു - ഗവൺമെന്റ് ആൻഡ് പബ്ലിക് സർവീസ്, ദിയ മാത്യൂസ് - നിയമ സേവനം, പ്രിസില്ല സാമുവൽ - നഴ്സിംഗ്, ജയൻ വർഗീസ് - പ്രവാസി മലയാള സാഹിത്യം, കോശി ഒ.തോമസ് - കമ്യൂണിറ്റി സർവീസ്, നന്ദിനി മേനോൻ - വിദ്യാഭ്യാസം, ജോഹരത്ത് കുട്ടി - എൻജിനിയറിംഗ്.
ഡോ.സുരേഷ് യു.കുമാർ ആയിരുന്നു മുഖ്യപ്രഭാഷകൻ. കേരള സെന്റർ ട്രസ്റ്റിയും പ്രോഗ്രാം ചെയർമാനുമായ ജി. മത്തായിയുടെ ആമുഖ പ്രസംഗത്തോടെ പുരസ്കാര ചടങ്ങ് തുടങ്ങി. ഡെയ്സി സ്റ്റീഫൻ പള്ളിപ്പറമ്പിൽ ആയിരുന്നു എംസി.
ബെയ്ലി സ്റ്റീഫൻ അമേരിക്കൻ ദേശീയ ഗാനവും അമീഷ ജെയ്മോൻ ഇന്ത്യൻ ദേശീയ ഗാനവും ആലപിച്ചു. പ്രസിഡന്റ് അലക്സ് കെ. എസ്തപ്പാൻ സെന്ററിന്റെ പ്രവർത്തനങ്ങളും ലക്ഷ്യങ്ങളും വിവരിച്ചുകൊണ്ട് എല്ലാവരെയും സ്വാഗതം ചെയ്തു.
ന്യൂയോർക്ക് സെനറ്റർ ജോൺ ലു, അസംബ്ലി അംഗങ്ങളായ മിഖായലെ സൊളേജസ് ആൻഡ് എഡ്വേർഡ് ബ്രോൺസ്റ്റെയ്ൻ, മുൻ സെനറ്റർ കെവിൻ തോമസ്, നോർത്ത് ഹെംപ്സ്റ്റെഡ് ടൗൺ ക്ലർക്ക് രാഗിണി ശ്രീവാസ്തവ എന്നിവർ ആശംസകൾ അർപ്പിക്കാനും അവാർഡുകൾ സമ്മാനിക്കാനും സന്നിഹിതരായിരുന്നു.
ട്രസ്റ്റി ബോർഡ് ചെയർമാനും അവാർഡ് കമ്മിറ്റി അംഗവുമായ ഡോ. തോമസ് എബ്രഹാം കേരള സെന്ററിന്റെ പ്രവർത്തനങ്ങളും ചരിത്രവും വിവരിക്കുകയും മുഖ്യ പ്രഭാഷകനായ ഡോ. സുരേഷ് കുമാറിനെ പരിചയപ്പെടുത്തുകയും ചെയ്തു.
ഇന്ത്യയെ ലോകത്തിലെ ഒന്നാം നമ്പർ സമ്പദ്വ്യവസ്ഥയായി മാറ്റാൻ കഴിവുള്ള ഇന്ത്യൻ നാഗരിക ഇന്റലിജൻസ് എന്ന ആശയത്തെക്കുറിച്ച് ഡോ. കുമാർ തന്റെ പ്രസംഗത്തിൽ സംസാരിച്ചു.
ഡയറക്ടർ ബോർഡിന്റെയും അവാർഡ് കമ്മിറ്റിയുടെയും ചെയർമാനായ ഡോ. മധു ഭാസ്കരൻ അവാർഡ് ജേതാക്കളെ തെരഞ്ഞെടുക്കുന്ന പ്രക്രിയ വിവരിച്ച് സംസാരിച്ചു.
Deepika
E-paper LOGIN
LOGIN