കോട്ടയം: കടല്വിഭവ പ്രേമികള്ക്കായി പുത്തന് രുചിക്കൂട്ടുകളുമായി കോട്ടയം ലുലു ഹൈപ്പര്മാര്ക്കറ്റില് സീഫുഡ് ഫെസ്റ്റ് ആരംഭിച്ചു.
കേരളത്തിന്റെ തനത് തീരദേശ രുചികള്ക്കൊപ്പം ആഗോള സീഫുഡ് വിഭവങ്ങളും കോര്ത്തിണക്കിയാണ് കോട്ടയത്തെ ഭക്ഷ്യപ്രേമികള്ക്കായി മേള സജ്ജീകരിച്ചിരിക്കുന്നത്. ഫിഷറീസ് വകുപ്പ് ഡെപ്യൂട്ടി ഡയറക്ടര് പി. ശ്രീകുമാര് സീ ഫുഡ് ഫെസ്റ്റ് ഉദ്ഘാടനം ചെയ്തു.
ചലച്ചിത്രതാരങ്ങളായ ഹേമന്ത് മേനോന്, രമ്യ പണിക്കര് എന്നിവര് അതിഥികളായിരുന്നു. നാടന് മീന്കറികള്, കരിമീന് പൊള്ളിച്ചത് ഉള്പ്പടെയുള്ള വിഭവങ്ങള്ക്കുപുറമെ പ്രമുഖ ഷെഫുകള് തയാറാക്കുന്ന കോണ്ടിനെന്റല്, ചൈനീസ്, തായ് ശൈലിയിലുള്ള ലൈവ് സീഫുഡ് വിഭവങ്ങളും ഉപഭോക്താക്കള്ക്കായി ഒരുക്കിയിട്ടുണ്ട്.
വീടുകളില് എളുപ്പത്തില് പാകം ചെയ്യാന് വിധത്തിലുള്ള മാരിനേറ്റഡ് ഫിഷ് വെറൈറ്റികള്, അറുപതിലധികം ഇനങ്ങളിലുള്ള ഫ്രഷ് മീനുകള്, ഗുണമേന്മയുള്ള ഉണക്കമീനുകള് എന്നിവയുടെ വലിയൊരു നിരതന്നെ ഹൈപ്പര്മാര്ക്കറ്റിലെ പ്രത്യേക കൗണ്ടറുകളില് ലഭ്യമാണ്. ഒക്ടോബര് നാലു വരെയാണ് ഫെസ്റ്റ്.
Deepika
E-paper LOGIN
LOGIN