Kerala
തിരുവനന്തപുരം: യുഡിഎഫ് സർക്കാർ അധികാരമേറ്റ് മാസങ്ങൾ പിന്നിട്ടിട്ടും നിലവിലെ കെപിസിസി അധ്യക്ഷനു പകരക്കാരനെ കണ്ടെത്താനാവാതെ കോണ്ഗ്രസ് നേതൃത്വം. ഇതോടെ പാർട്ടിയും സർക്കാരും തമ്മിലുള്ള ഏകോപനം കൃത്യമായി നടക്കാത്ത സാഹചര്യമാണ്.
നിലവിലെ കെപിസിസി പ്രസിഡന്റ് സണ്ണി ജോസഫ് യുഡിഎഫ് മന്ത്രിസഭയിലെ വൈദ്യുതി മന്ത്രിയായി ചുമതല ഏറ്റതിനു പിന്നാലെ തന്നെ കെപിസിസി അധ്യക്ഷ സ്ഥാനത്തുനിന്നും ഒഴിവാക്കണമെന്ന് ആവശ്യപ്പെട്ടിരുന്നു.
ഇക്കാര്യം എഐസിസി നേതൃത്വത്തെയും അറിയിച്ചതാണ്. എന്നാൽ മാസങ്ങൾ കഴിഞ്ഞിട്ടും ഇക്കാര്യത്തിൽ നടപടികൾ ഒന്നുമായില്ല. ഇതോടെ ഏകോപന പ്രവർത്തനങ്ങൾ കൃത്യമായി നടക്കാത്ത സാഹചര്യം ഉടലെടുത്തു.
ബോർഡ്, കോർപറേഷൻ അധ്യക്ഷന്മാരുടെ നിയമനങ്ങൾ ഉൾപ്പെടെയുള്ളവ എങ്ങുമെത്താത്ത സ്ഥിതിയാണ്.
Kerala
തിരുവനന്തപുരം: കോർപ്പറേഷൻ തിരഞ്ഞെടുപ്പിൽ കെ.എസ്. ശബരീനാഥന്റെ സ്ഥാനാർഥിത്വം സംബന്ധിച്ച് പ്രതികരണവുമായി കെപിസിസി അധ്യക്ഷൻ സണ്ണി ജോസഫ്.
അങ്ങനെയൊരു കാര്യം താൻ അറിഞ്ഞിട്ടില്ലെന്നും അത് പ്രാദേശിക വിഷയമാണെന്നും സണ്ണി ജോസഫ് പറഞ്ഞു. താൻ അറിയാത്ത കാര്യമാണ് ശബരിനാഥന്റെ സ്ഥാനാർഥിത്വമെന്നും കാര്യങ്ങൾ തിരുവനന്തപുരത്ത് തീരുമാനിച്ചുകൊള്ളുമെന്നും അദേഹം കൂട്ടിച്ചേർത്തു.
അതിദരിദ്രരില്ലാത്ത കേരളം പ്രഖ്യാപനം തെരഞ്ഞെടുപ്പ് കുതന്ത്രമാണ്. നിലവിൽ ഉള്ള ആനുകൂല്യങ്ങൾ കൂടി ഇല്ലാതാക്കും. എൽഡിഎഫിന്റെ വാഗ്ദാനങ്ങളുടെ ശവപ്പറമ്പാക്കി ഇടുക്കിയെ മാറ്റി. ബഹുജന സംഘടനകൾക്കൊപ്പം പ്രതിഷേധത്തിൽ അണിചേരും. സർക്കാരിന്റെ പ്രഖ്യാപനങ്ങൾക്കെതിരെ പ്രചാരണം നടത്തുമെന്നും അദ്ദേഹം കൂട്ടിച്ചേർത്തു.