കൊയിലാണ്ടി: തെരുവുനായയുടെ കടിയേറ്റ സ്വകാര്യ സ്കൂള് അധ്യാപികയ്ക്ക് 52,000 രൂപ നഷ്ടപരിഹാരം നൽകാൻ ഓംബുഡ്സ്മാൻ ഉത്തരവ്.
2014 മാർച്ചിലാണ് നടുവത്തൂർ പൊന്നാരക്കണ്ടി അനിൽകുമാറിന്റെ മകൾ അമൃത പ്രിയയെ കുറുമയിൽ താഴെവച്ച് തെരുവുനായ കടിച്ചത്. ജോലിക്ക് പോകാനായി രാവിലെ നടന്നുപോകവെ നായ പിറകിലൂടെയെത്തി കടിക്കുകയായിരുന്നു.
തുടര്ന്ന് കോഴിക്കോട് മെഡിക്കൽ കോളജില് വിദഗ്ധ ചികിത്സ നൽകുകയും ചെയ്തു. കടിയേറ്റതിന്റെ ചികിത്സയുമായി ബന്ധപ്പെട്ട് ചെലവായ തുകയ്ക്ക് അമൃതപ്രിയ കീഴരിയൂര് പഞ്ചായത്തിനെ സമീപിച്ചെങ്കിലും തീരുമാനമാകാതെ വന്നപ്പോൾ കോടതിയെ സമീപിക്കുകയായിരുന്നു.
പന്ത്രണ്ട് വർഷം കഴിഞ്ഞാണ് ഇപ്പോൾ 52,000 നൽകാൻ ഓംബുഡ്സ്മാൻ ഉത്തരവായത്. ചെലവായ തുകയുടെ മുഴുവൻ ബില്ലും കോടതിയിൽ സമർപ്പിച്ചിരുന്നു. അതേസമയം നഷ്ടപരിഹാരത്തുക നൽകണമോ എന്ന കാര്യത്തില് തീരുമാനമെടുത്തിട്ടില്ലെന്ന് പഞ്ചായത്ത് പ്രസിഡന്റ് പി.കെ. ബാബു പറഞ്ഞു.
Deepika
E-paper LOGIN
LOGIN