19

ഉ​ത്ത​ർ​പ്ര​ദേ​ശി​ലെ കൗ​ശാം​ബി​യി​ൽ ഇ​രു​ന്നൂ​റി​ല​ധി​കം ആ​ടു​ക​ളു​മാ​യി പോ​യ ച​ര​ക്കു​ലോ​റി ദേ​ശീ​യ​പാ​ത​യി​ൽ മ​റി​ഞ്ഞു​ണ്ടാ​യ അ​പ​ക​ടം ക​ടു​ത്ത മ​നു​ഷ്യ​ത്വ​മി​ല്ലാ​യ്മ​യു​ടെ നേ​ർ​ക്കാ​ഴ്ച​യാ​യി മാ​റു​ന്നു.

ഞാ​യ​റാ​ഴ്ച ഉ​ച്ച​യ്ക്ക് ര​ണ്ട​ര​യോ​ടെ കോ​ഖ്‌​രാ​ജ് പോ​ലീ​സ് സ്റ്റേ​ഷ​ൻ പ​രി​ധി​യി​ലെ അ​ൻ​ഡാ​വ തേ​ഡി വ​ള​വി​ന് സ​മീ​പ​മാ​യി​രു​ന്നു ദ​രു​ണ​മാ​യ ഈ ​സം​ഭ​വം.

കാ​ൺ​പൂ​രി​ൽ നി​ന്നും പ്ര​യാ​ഗ്‌​രാ​ജി​ലേ​ക്ക് അ​മി​ത ഭാ​ര​വു​മാ​യി പോ​വു​ക​യാ​യി​രു​ന്ന ട്ര​ക്ക് നി​യ​ന്ത്ര​ണം വി​ട്ട് റോ​ഡ​രി​കി​ലേ​ക്ക് മ​റി​യു​ക​യാ​യി​രു​ന്നു. അ​പ​ക​ട​ത്തി​ന്‍റെ ആ​ഘാ​ത​ത്തി​ൽ ട്ര​ക്കി​ലു​ണ്ടാ​യി​രു​ന്ന നാ​ല് യാ​ത്ര​ക്കാ​ർ​ക്ക് ഗു​രു​ത​ര​മാ​യി പ​രി​ക്കേ​ൽ​ക്കു​ക​യും ഇ​രു​പ​തി​ല​ധി​കം ആ​ടു​ക​ൾ സം​ഭ​വ​സ്ഥ​ല​ത്തു​ത​ന്നെ ചാ​വു​ക​യും ചെ​യ്തു.

വാ​ഹ​ന​ത്തി​ലു​ണ്ടാ​യി​രു​ന്ന മ​റ്റ് ആ​ടു​ക​ൾ ദേ​ശീ​യ​പാ​ത​യി​ലു​ട​നീ​ളം ചി​ത​റി​യോ​ടി​യ​തോ​ടെ പ്ര​ദേ​ശ​ത്ത് വ​ലി​യ രീ​തി​യി​ൽ ഗ​താ​ഗ​തം ത​ട​സ​പ്പെ​ട്ടു. എ​ന്നാ​ൽ ഈ ​ദു​ര​ന്ത​ത്തി​നി​ട​യി​ൽ പ്ര​ദേ​ശ​ത്തു​ണ്ടാ​യ ചി​ല നാ​ട​കീ​യ രം​ഗ​ങ്ങ​ളാ​ണ് ഇ​പ്പോ​ൾ സ​മൂ​ഹ​മാ​ധ്യ​മ​ങ്ങ​ളി​ൽ വ​ലി​യ രീ​തി​യി​ലു​ള്ള ജ​ന​രോ​ഷ​ത്തി​ന് കാ​ര​ണ​മാ​യി​രി​ക്കു​ന്ന​ത്.

അ​പ​ക​ട​ത്തി​ൽ​പ്പെ​ട്ട് ചോ​ര​യൊ​ലി​പ്പി​ച്ചു കി​ട​ന്ന യാ​ത്ര​ക്കാ​രെ ര​ക്ഷി​ക്കാ​നോ അ​ധി​കൃ​ത​രെ വി​വ​ര​മ​റി​യി​ക്കാ​നോ മു​തി​രാ​തെ, റോ​ഡി​ൽ ചി​ത​റി​യോ​ടി​യ ആ​ടു​ക​ളെ നാ​ട്ടു​കാ​രി​ൽ ചി​ല​ർ മോ​ഷ്ടി​ച്ചു​കൊ​ണ്ട് ക​ട​ന്നു​ക​ള​യു​ക​യാ​യി​രു​ന്നു.

പ​രി​ക്കേ​റ്റ​വ​ർ സ​ഹാ​യ​ത്തി​നാ​യി നി​ല​വി​ളി​ക്കു​മ്പോ​ഴും യാ​തൊ​രു ദാ​ക്ഷി​ണ​ന്യ​വു​മി​ല്ലാ​തെ ആ​ളു​ക​ൾ ആ​ടു​ക​ളെ​യും തൂ​ക്കി​പ്പി​ടി​ച്ച് ഓ​ടു​ന്ന ദൃ​ശ്യ​ങ്ങ​ൾ സ​മൂ​ഹ​മാ​ധ്യ​മ​ങ്ങ​ളി​ൽ വ്യാ​പ​ക​മാ​യി പ്ര​ച​രി​ക്കു​ന്നു​ണ്ട്.

വി​പ​രീ​ത സാ​ഹ​ച​ര്യ​ങ്ങ​ളി​ൽ പൊ​തു​സ​മൂ​ഹം പു​ല​ർ​ത്തു​ന്ന ഇ​ത്ത​രം ക്രൂ​ര​മാ​യ സ​മീ​പ​ന​ങ്ങ​ൾ​ക്കെ​തി​രെ ക​ടു​ത്ത വി​മ​ർ​ശ​ന​മാ​ണ് ഡി​ജി​റ്റ​ൽ ഇ​ട​ങ്ങ​ളി​ൽ ഉ​യ​രു​ന്ന​ത്.

വി​വ​ര​മ​റി​ഞ്ഞ് സ്ഥ​ല​ത്തെ​ത്തി​യ കോ​ഖ്‌​രാ​ജ് പോ​ലീ​സും ഷ​ഹ്‌​സാ​ദ്പൂ​ർ ഔ​ട്ട്‌​പോ​സ്റ്റി​ലെ ഉ​ദ്യോ​ഗ​സ്ഥ​രും ചേ​ർ​ന്നാ​ണ് പി​ന്നീ​ട് ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്. വ​ണ്ടി​ക്കു​ള്ളി​ൽ കു​ടു​ങ്ങി​ക്കി​ട​ന്ന പ​രി​ക്കേ​റ്റ യാ​ത്ര​ക്കാ​രെ ഉ​ട​ൻ ത​ന്നെ ആം​ബു​ല​ൻ​സ് മാ​ർ​ഗം സ​മീ​പ​ത്തെ ആ​ശു​പ​ത്രി​യി​ലേ​ക്ക് മാ​റ്റി.

തു​ട​ർ​ന്ന് ക്രെ​യി​ൻ ഉ​പ​യോ​ഗി​ച്ച് ത​ക​ർ​ന്ന ലോ​റി റോ​ഡി​ൽ നി​ന്നും മാ​റ്റി ഗ​താ​ഗ​തം പു​നഃ​സ്ഥാ​പി​ക്കു​ക​യും വാ​ഹ​ന​ത്തി​ൽ അ​വ​ശേ​ഷി​ച്ച മ​റ്റ് മൃ​ഗ​ങ്ങ​ളെ സു​ര​ക്ഷി​ത സ്ഥാ​ന​ങ്ങ​ളി​ലേ​ക്ക് മാ​റ്റു​ക​യും ചെ​യ്തു. അ​പ​ക​ട​ത്തി​ൽ നാ​ല് പേ​രു​ടെ പ​രി​ക്ക് ഗു​രു​ത​ര​മാ​ണെ​ന്ന് സ്റ്റേ​ഷ​ൻ ഹൗ​സ് ഓ​ഫീ​സ​ർ ച​ന്ദ്ര​ഭൂ​ഷ​ൺ മൗ​ര്യ സ്ഥി​രീ​ക​രി​ച്ചു.

ദു​ര​ന്ത​മു​ഖ​ത്ത് അ​രാ​ജ​ക​ത്വം സൃ​ഷ്ടി​ക്കു​ക​യും പ​രി​ക്കേ​റ്റ​വ​രെ സ​ഹാ​യി​ക്കു​ന്ന​തി​ന് പ​ക​രം ആ​ടു​ക​ളെ ക​വ​ർ​ന്നു കൊ​ണ്ടു​പോ​വു​ക​യും ചെ​യ്ത​വ​രെ വെ​റു​തെ വി​ടി​ല്ലെ​ന്ന് പോ​ലീ​സ് വ്യ​ക്ത​മാ​ക്കി.

നി​ല​വി​ൽ പ്ര​ച​രി​ക്കു​ന്ന ദൃ​ശ്യ​ങ്ങ​ൾ പ​രി​ശോ​ധി​ച്ച് കു​റ്റ​ക്കാ​രെ തി​രി​ച്ച​റി​യാ​നു​ള്ള ന​ട​പ​ടി​ക​ൾ ആ​രം​ഭി​ച്ചി​ട്ടു​ണ്ടെ​ന്നും ക​വ​ർ​ച്ച​യി​ൽ പ​ങ്കാ​ളി​ക​ളാ​യ​വ​ർ​ക്കെ​തി​രെ ക​ർ​ശ​ന​മാ​യ നി​യ​മ​ന​ട​പ​ടി​ക​ൾ സ്വീ​ക​രി​ക്കു​മെ​ന്നും അ​ധി​കൃ​ത​ർ അ​റി​യി​ച്ചു.

സ​മൂ​ഹ​മാ​ധ്യ​മ​ങ്ങ​ളി​ൽ ഈ​യി​ടെ​യാ​യി വ​ലി​യ രീ​തി​യി​ൽ ച​ർ​ച്ച​യാ​കു​ന്ന ഒ​രു ദൃ​ശ്യം ജ​ന​ങ്ങ​ളി​ൽ ഒ​രേ​സ​മ​യം അ​ത്ഭു​ത​വും ക​ടു​ത്ത അ​മ​ർ​ഷ​വും ഉ​ണ്ടാ​ക്കി​യി​രി​ക്കു​ക​യാ​ണ്.

നി​ർ​മ്മാ​ണം പൂ​ർ​ത്തി​യാ​കാ​ത്ത, കോ​ണ്ക്രീ​റ്റ് ക​ഴി​ഞ്ഞ​യു​ട​നെ ത​ണു​ത്തു​റ​ഞ്ഞി​ട്ടു​പോ​ലു​മി​ല്ലാ​ത്ത പു​തി​യ റോ​ഡി​ലൂ​ടെ ഒ​രാ​ൾ യാ​തൊ​രു കൂ​സ​ലു​മി​ല്ലാ​തെ സ്കൂ​ട്ട​ർ ഓ​ടി​ച്ചു ക​യ​റ്റാ​ൻ ശ്ര​മി​ക്കു​ന്ന​താ​ണ് ഈ ​വീ​ഡി​യോ​യി​ലു​ള്ള​ത്.

പൊ​തു​ജ​ന​ങ്ങ​ൾ​ക്കാ​യി തു​റ​ന്നു​കൊ​ടു​ക്കാ​ത്ത​തും പ​ണി പൂ​ർ​ണ​മാ​യി തീ​രാ​ത്ത​തു​മാ​യ ഒ​രു വ​ഴി​യു​ടെ അ​വ​സ്ഥ എ​ന്താ​കു​മെ​ന്ന ചി​ന്ത​യോ ആ​ശ​ങ്ക​യോ ഇ​ല്ലാ​തെ​യാ​ണ് ആ ​വ്യ​ക്തി വാ​ഹ​നം മു​ന്നോ​ട്ട് എ​ടു​ക്കു​ന്ന​ത്.

റോ​ഡി​ന്‍റെ ഉ​പ​രി​ത​ലം അ​പ്പോ​ഴും മൃ​ദു​വാ​യി​രി​ക്കു​ന്ന​തി​നാ​ൽ വാ​ഹ​ന​ത്തി​ന്‍റെ ട​യ​റു​ക​ൾ പ​തി​ഞ്ഞ് പു​തി​യ റോ​ഡ് പാ​ടെ ന​ശി​ക്കു​ന്ന​ത് ദൃ​ശ്യ​ങ്ങ​ളി​ൽ വ്യ​ക്ത​മാ​ണ്. ഈ ​വീ​ഡി​യോ വ്യാ​പ​ക​മാ​യി പ്ര​ച​രി​ച്ച​തോ​ടെ ക​ടു​ത്ത പ്ര​തി​ക​ര​ണ​ങ്ങ​ളു​മാ​യി നി​ര​വ​ധി ആ​ളു​ക​ളാ​ണ് രം​ഗ​ത്തെ​ത്തി​യി​രി​ക്കു​ന്ന​ത്.

പൊ​തു​മു​ത​ലി​നോ​ട് കാ​ണി​ക്കേ​ണ്ട ഉ​ത്ത​ര​വാ​ദി​ത്ത​ബോ​ധ​ത്തി​ന്‍റെ​യോ 'സി​വി​ക് സെ​ൻ​സി​ന്‍റെ​യോ' വ​ലി​യ കു​റ​വാ​ണ് ഈ ​പ്ര​വൃ​ത്തി​യി​ലൂ​ടെ വെ​ളി​വാ​കു​ന്ന​തെ​ന്ന് ഭൂ​രി​ഭാ​ഗം പേ​രും അ​ഭി​പ്രാ​യ​പ്പെ​ടു​ന്നു.

സ​ർ​ക്കാ​ർ സം​വി​ധാ​ന​ങ്ങ​ളും തൊ​ഴി​ലാ​ളി​ക​ളും ദി​വ​സ​ങ്ങ​ളോ​ളം ക​ഷ്ട​പ്പെ​ട്ട് ഉ​ണ്ടാ​ക്കു​ന്ന ഇ​ത്ത​രം പൊ​തു​സൗ​ക​ര്യ​ങ്ങ​ളെ ജ​ന​ങ്ങ​ൾ ത​ന്നെ മു​ൻ​കൈ​യെ​ടു​ത്ത് സം​ര​ക്ഷി​ച്ചി​ല്ലെ​ങ്കി​ൽ വി​ക​സ​നം എ​ങ്ങ​നെ സാ​ധ്യ​മാ​കു​മെ​ന്നാ​ണ് ഭൂ​രി​ഭാ​ഗം പേ​രും ചോ​ദി​ക്കു​ന്ന​ത്.

സ്വ​ന്തം നാ​ടി​ന്‍റെ പു​രോ​ഗ​തി​ക്കാ​യി ഒ​രു​ക്കു​ന്ന സം​വി​ധാ​ന​ങ്ങ​ളെ ഇ​ത്ത​ര​ത്തി​ൽ ന​ശി​പ്പി​ക്കു​ന്ന ആ​ളു​ക​ൾ​ക്കെ​തി​രെ ക​ർ​ശ​ന​മാ​യ നി​യ​മ​ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും, ഇ​ത്ത​രം നി​രു​ത്ത​ര​വാ​ദ​പ​ര​മാ​യ പെ​രു​മാ​റ്റ​ങ്ങ​ൾ ഒ​രു സ​മൂ​ഹ​മെ​ന്ന നി​ല​യി​ൽ ഒ​ട്ടും അം​ഗീ​ക​രി​ക്കാ​ൻ ക​ഴി​യി​ല്ലെ​ന്നും ചൂ​ണ്ടി​ക്കാ​ട്ടി വ​ലി​യ രീ​തി​യി​ലു​ള്ള പ്ര​തി​ഷേ​ധ​മാ​ണ് ഡി​ജി​റ്റ​ൽ ലോ​ക​ത്ത് ഉ​യ​ർ​ന്നു​കൊ​ണ്ടി​രി​ക്കു​ന്ന​ത്.

ല​ക്നോ​വി​ലെ തി​ര​ക്കേ​റി​യ ഗോ​മ​തി ന​ഗ​റി​ൽ സ്വ​ന്തം ജീ​വ​നും മ​റ്റു​ള്ള​വ​രു​ടെ സു​ര​ക്ഷ​യ്ക്കും ഭീ​ഷ​ണി​യാ​കും വി​ധം സ്കൂ​ട്ട​റി​ൽ അ​ഭ്യാ​സ​പ്ര​ക​ട​നം ന​ട​ത്തി​യ യു​വാ​വി​ന്‍റെ ദൃ​ശ്യ​ങ്ങ​ൾ സ​മൂ​ഹ​മാ​ധ്യ​മ​ങ്ങ​ളി​ൽ ക​ന​ത്ത ജ​ന​രോ​ഷ​ത്തി​ന് കാ​ര​ണ​മാ​കു​ന്നു.

സാ​ധാ​ര​ണ രീ​തി​യി​ൽ വ​ണ്ടി​യോ​ടി​ക്കു​ന്ന​തി​ന് പ​ക​രം, കൈ​ക​ളും കാ​ലു​ക​ളും മ​ട​ക്കി​വെ​ച്ച് ക​സേ​ര​യി​ൽ ഇ​രി​ക്കു​ന്ന​തു​പോ​ലെ​യാ​യി​രു​ന്നു ഇ​യാ​ളു​ടെ യാ​ത്ര.

തൊ​ട്ട​ടു​ത്തു​ണ്ടാ​യി​രു​ന്ന യാ​ത്ര​ക്കാ​ര​ൻ ഈ ​ദൃ​ശ്യ​ങ്ങ​ൾ മൊ​ബൈ​ലി​ൽ പ​ക​ർ​ത്തു​ന്ന​ത് ക​ണ്ടി​ട്ടും പു​ഞ്ചി​രി​യോ​ടെ ക്യാ​മ​റ​യ്ക്ക് നേ​രെ കൈ​വീ​ശി​ക്കാ​ണി​ക്കാ​നും ഇ​യാ​ൾ മ​ടി​ച്ചി​ല്ല.

ആ​ക്സി​ല​റേ​റ്റ​ർ കൈ​കൊ​ണ്ട് നി​യ​ന്ത്രി​ക്കാ​തെ ത​ന്നെ മു​ന്നോ​ട്ട് പോ​കാ​ൻ സാ​ധി​ക്കു​ന്ന ഒ​രു ഇ​ല​ക്ട്രി​ക് സ്കൂ​ട്ട​റാ​ണ് നി​യ​മ​ലം​ഘ​ന​ത്തി​നാ​യി ഇ​യാ​ൾ ഉ​പ​യോ​ഗി​ച്ച​ത്.

ഹെ​ൽ​മ​റ്റ് ധ​രി​ക്കാ​തെ അ​പ​ക​ട​ക​ര​മാ​യ രീ​തി​യി​ൽ വ​ണ്ടി​യോ​ടി​ച്ച​തി​ന് പു​റ​മെ, ഈ ​വാ​ഹ​ന​ത്തി​ന് ന​മ്പ​ർ പ്ലേ​റ്റ് ഇ​ല്ലാ​യി​രു​ന്നു എ​ന്ന​തും കു​റ്റ​ത്തി​ന്‍റെ ഗൗ​ര​വം വ​ർ​ധി​പ്പി​ക്കു​ന്നു.

ചെ​റി​യൊ​രു നി​യ​ന്ത്ര​ണം തെ​റ്റി​യാ​ൽ പോ​ലും വ​ലി​യൊ​രു ദു​ര​ന്ത​ത്തി​ന് കാ​ര​ണ​മാ​കു​മാ​യി​രു​ന്ന ഈ ​പ്ര​ക​ട​ന​ത്തി​നെ​തി​രെ മോ​ട്ടോ​ർ വാ​ഹ​ന വ​കു​പ്പും ട്രാ​ഫി​ക് പോ​ലീ​സും ക​ർ​ശ​ന ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് നി​ര​വ​ധി ആ​ളു​ക​ളാ​ണ് രം​ഗ​ത്തെ​ത്തി​യി​രി​ക്കു​ന്ന​ത്.

പൊ​തു​റോ​ഡു​ക​ളി​ൽ ഇ​ത്ത​രം അ​ഭ്യാ​സ​ങ്ങ​ൾ ന​ട​ത്തു​ന്ന​തും ര​ജി​സ്ട്രേ​ഷ​ൻ ഇ​ല്ലാ​ത്ത വാ​ഹ​നം നി​ര​ത്തി​ലി​റ​ക്കു​ന്ന​തും നി​യ​മ​പ്ര​കാ​രം ശി​ക്ഷ ല​ഭി​ക്കാ​വു​ന്ന കു​റ്റ​മാ​ണ്. സം​ഭ​വ​ത്തി​ൽ നി​ല​വി​ൽ പോ​ലീ​സ് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.

ഫ്ലോറിഡയിലെ ഒരു പാർക്കിംഗ് ഏരിയയിൽ നടന്ന ഞെട്ടിക്കുന്ന വാഹനാപകടത്തിന്‍റെ ദൃശ്യങ്ങൾ സമൂഹമാധ്യമങ്ങളിൽ വലിയ ചർച്ചയാവുകയാണ്.

ഒരു പിക്കപ്പ് ട്രക്ക്, തനിക്ക് മുന്നിലുണ്ടായിരുന്ന ആഡംബര സ്പോർട്സ് കാറായ ലംബോർഗിനിയുടെ മുകളിലേക്ക് അശ്രദ്ധമായി ഇടിച്ചുകയറുകയായിരുന്നു.

റീൽസിനായി ചിത്രീകരിച്ച വീഡിയോയാണോ ഇതെന്ന സംശയം പലരിലും ഉണ്ടായെങ്കിലും, ഇതൊരു യഥാർഥ അപകടമായിരുന്നുവെന്ന് പിന്നീട് വ്യക്തമായി.

സാവധാനം പാർക്കിംഗ് സ്ഥലത്തിലൂടെ നീങ്ങുകയായിരുന്ന ലംബോർഗിനിയെ ശ്രദ്ധിക്കാതെ അതിവേഗതയിൽ പാഞ്ഞെത്തിയ പിക്കപ്പ് ട്രക്ക് ഇടിക്കുകയായിരുന്നു.

ബ്രേക്ക് ചവിട്ടാനോ വാഹനം വെട്ടിക്കാനോ ശ്രമിക്കാതെ, ട്രക്കിന്‍റെ മുൻവശത്തെ ടയറുകൾ ലംബോർഗിനിയുടെ ബോണറ്റിലേക്ക് കയറിയത് കണ്ട് കാഴ്ചക്കാർ ശരിക്കും അമ്പരന്നു.

സ്‌പോർട്സ് കാറിന്‍റെ വളരെ താഴ്ന്ന ഘടനയും പിക്കപ്പ് ട്രക്കിന്‍റെ അതിശയിപ്പിക്കുന്ന ഉയരവും തമ്മിലുള്ള പൊരുത്തക്കേടാണ് ഈ അപകടത്തിന് വഴിയൊരുക്കിയതെന്ന് വിദഗ്ധർ ചൂണ്ടിക്കാട്ടുന്നു.

ട്രക്കിന്‍റെ അമിതമായ ഉയരം കാരണം, തൊട്ടുമുന്നിൽ ഉണ്ടായിരുന്ന ലംബോർഗിനി ഡ്രൈവറുടെ കാഴ്ചയിൽ പെടാതെ പോയതാണ് ഇത്തരമൊരു വിചിത്രമായ അപകടത്തിന് കാരണമായത്.

ഈ സംഭവത്തിൽ ആർക്കും പരിക്കേറ്റിട്ടില്ല എന്നത് വലിയ ആശ്വാസമാണ്. എങ്കിലും, ലക്ഷങ്ങൾ വിലമതിക്കുന്ന ലംബോർഗിനിയുടെ ബോഡിക്ക് വലിയ കേടുപാടുകൾ സംഭവിച്ചു.

സോഷ്യൽ മീഡിയയിൽ ഈ വാർത്ത വളരെ വേഗത്തിലാണ് പരന്നത്. വലിയ വാഹനങ്ങൾ ഓടിക്കുമ്പോൾ ശ്രദ്ധിക്കേണ്ട ബ്ലൈൻഡ് സ്‌പോട്ടുകളെക്കുറിച്ചും, ഇത്തരം ചെറിയ അശ്രദ്ധകൾ വലിയ നഷ്ടങ്ങളിലേക്ക് നയിച്ചേക്കാമെന്നുമുള്ള ഓർമപ്പെടുത്തലായി ഈ വീഡിയോ മാറുകയാണ്.

സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​കു​ന്ന ദൃ​ശ്യ​ങ്ങ​ൾ പ​ല​പ്പോ​ഴും കൗ​തു​കം ഉ​ണ​ർ​ത്തു​ന്ന​വ​യാ​ണ്. എ​ന്നാ​ൽ ചി​ല​പ്പോ​ഴെ​ങ്കി​ലും അ​വ കാ​ണു​ന്ന​വ​രു​ടെ ര​ക്തം തി​ള​പ്പി​ക്കു​ന്ന രീ​തി​യി​ലു​ള്ള ക്രൂ​ര​ത​ക​ളോ വി​വേ​ക​ശൂ​ന്യ​മാ​യ പ്ര​വ​ർ​ത്തി​ക​ളോ ആ​യി മാ​റാ​റു​മു​ണ്ട്.

അ​ത്ത​ര​ത്തി​ൽ സോ​ഷ്യ​ൽ മീ​ഡി​യ​യെ ഒ​ന്ന​ട​ങ്കം പ്ര​കോ​പി​പ്പി​ച്ച ഒ​രു വീ​ഡി​യോ​യാ​ണ് ഇ​പ്പോ​ൾ ച​ർ​ച്ച​യാ​കു​ന്ന​ത്. ര​ണ്ട് ബൈ​ക്കു​ക​ളി​ലാ​യി പോ​കു​ന്ന ഒ​രു സം​ഘം യു​വാ​ക്ക​ൾ ന​ടു​റോ​ഡി​ൽ സി​മ​ന്‍റ് പൊ​ടി പ​റ​ത്തി​ക്കൊ​ണ്ട് അ​ഭ്യാ​സ​പ്ര​ക​ട​നം ന​ട​ത്തു​ന്ന​താ​ണ് ഈ ​ദൃ​ശ്യ​ങ്ങ​ളി​ലു​ള്ള​ത്.

സ്വ​ന്തം ആ​ന​ന്ദ​ത്തി​നാ​യി മ​റ്റു​ള്ള​വ​രു​ടെ ജീ​വ​ൻ പ​ണ​യ​പ്പെ​ടു​ത്തു​ന്ന ഇ​വ​രു​ടെ പ്ര​വ​ർ​ത്തി 'സീ​റോ സി​വി​ക് സെ​ൻ​സ്' അ​ഥ​വാ സാ​മാ​ന്യ മ​ര്യാ​ദ​യു​ടെ അ​ഭാ​വ​മാ​ണ് തു​റ​ന്നു​കാ​ട്ടു​ന്ന​ത്. ഹെ​ൽ​മെ​റ്റ് പോ​ലും ധ​രി​ക്കാ​തെ നി​യ​മ​ങ്ങ​ൾ കാ​റ്റി​ൽ പ​റ​ത്തി​യാ​ണ് ഈ ​യു​വാ​ക്ക​ളു​ടെ യാ​ത്ര.

ബൈ​ക്ക് ഓ​ടി​ച്ചു കൊ​ണ്ടി​രി​ക്കെ സി​മ​ന്‍റ് ചാ​ക്ക് പൊ​ട്ടി​ച്ച് റോ​ഡി​ലു​ട​നീ​ളം അ​ത് വി​ത​റു​ന്ന​ത് വീ​ഡി​യോ​യി​ൽ വ്യ​ക്ത​മാ​യി കാ​ണാം. നി​മി​ഷ​ങ്ങ​ൾ​ക്കു​ള്ളി​ൽ ആ ​പ്ര​ദേ​ശം മു​ഴു​വ​ൻ കി​ലോ​മീ​റ്റ​റു​ക​ളോ​ളം സി​മ​ന്‍റ് പൊ​ടി കൊ​ണ്ട് നി​റ​യു​ക​യും പി​ന്നാ​ലെ വ​ന്ന വാ​ഹ​ന​യാ​ത്ര​ക്കാ​ർ​ക്ക് കാ​ഴ്ച ത​ട​സ​പ്പെ​ടു​ക​യും ചെ​യ്തു.

വാ​യു മ​ലി​നീ​ക​ര​ണം രാ​ജ്യ​ത്ത് വ​ലി​യ പ്ര​തി​സ​ന്ധി​യാ​യി തു​ട​രു​ന്ന സാ​ഹ​ച​ര്യ​ത്തി​ൽ, അ​ന്ത​രീ​ക്ഷ​ത്തി​ലേ​ക്ക് മ​നഃ​പൂ​ർ​വ്വം ഇ​ത്ര​യ​ധി​കം പൊ​ടി​പ​ട​ല​ങ്ങ​ൾ പ​ട​ർ​ത്തു​ന്ന​ത് അ​ങ്ങേ​യ​റ്റം നി​രു​ത്ത​ര​വാ​ദ​പ​ര​മാ​യ സ​മീ​പ​ന​മാ​ണ്.

റോ​ഡി​ലൂ​ടെ പോ​കു​ന്ന മ​റ്റ് വാ​ഹ​ന​യാ​ത്ര​ക്കാ​രു​ടെ ക​ണ്ണി​ൽ ഈ ​സി​മ​ന്‍റ് പൊ​ടി വീ​ണാ​ലു​ണ്ടാ​കു​ന്ന പ്ര​ത്യാ​ഘാ​ത​ങ്ങ​ൾ ഭ​യാ​ന​ക​മാ​യി​രി​ക്കും. കാ​ഴ്ച മ​ങ്ങു​ന്ന​തി​ലൂ​ടെ വ​ലി​യ അ​പ​ക​ട​ങ്ങ​ൾ സം​ഭ​വി​ക്കാ​നും ജീ​വ​ൻ ന​ഷ്ട​പ്പെ​ടാ​നും ഇ​ത് കാ​ര​ണ​മാ​യേ​ക്കാം.

കൂ​ടാ​തെ സി​മ​ന്‍റ് പൊ​ടി ശ്വ​സി​ക്കു​ന്ന​ത് ഗു​രു​ത​ര​മാ​യ ശ്വാ​സ​കോ​ശ രോ​ഗ​ങ്ങ​ൾ​ക്കും വ​ഴി​വെ​ക്കും. സോ​ഷ്യ​ൽ മീ​ഡി​യ​യി​ൽ പ​ങ്കു​വെ​ക്ക​പ്പെ​ട്ട ഈ 14 ​സെ​ക്ക​ൻ​ഡ് ദൈ​ർ​ഘ്യ​മു​ള്ള വീ​ഡി​യോ ഇ​തി​നോ​ട​കം ല​ക്ഷ​ക്ക​ണ​ക്കി​ന് ആ​ളു​ക​ളാ​ണ് ക​ണ്ട​ത്.

ഇ​ത്ത​രം സാ​മൂ​ഹി​ക വി​രു​ദ്ധ​മാ​യ പ്ര​വ​ർ​ത്തി​ക​ൾ ചെ​യ്യു​ന്ന​വ​ർ​ക്കെ​തി​രെ ക​ർ​ശ​ന​മാ​യ നി​യ​മ​ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും ഇ​വ​ർ​ക്ക് ലൈ​സ​ൻ​സും വാ​ഹ​ന​വും ന​ൽ​കു​ന്ന​ത് പു​നഃ​പ​രി​ശോ​ധി​ക്ക​ണ​മെ​ന്നു​മാ​ണ് സോ​ഷ്യ​ൽ മീ​ഡി​യ​യി​ൽ ഉ​യ​രു​ന്ന പ്ര​ധാ​ന ആ​വ​ശ്യം.