6

1971 അ​നു​ഭ​വ​ങ്ങ​ൾ പാ​ളി​ച്ച​ക​ൾ എ​ന്ന സി​നി​മ​യു​ടെ ചി​ത്രീ​ക​ര​ണം ചേ​ർ​ത്ത​ല​യി​ൽ ന​ട​ക്കു​ന്നു. ഒ​രു ക​യ​ർ ഫാ​ക്‌​ട​റി​യി​ലെ സ​മ​ര​രം​ഗ​മാ​ണ് കാ​മ​റ​യി​ൽ പ​ക​ർ​ത്തു​ന്ന​ത്.. സ​ത്യ​ൻ, പ്രേം​ന​സീ​ർ, ബ​ഹ​ദൂ​ർ തു​ട​ങ്ങി അ​ന്ന​ത്തെ വ​ന്പ​ൻ താ​ര​ങ്ങ​ളെ​ല്ലാം സെ​റ്റി​ലു​ണ്ട്. അ​വി​ടേ​ക്കു വെ​ളു​ത്ത് കൊ​ലു​ന്ന​നെ​യു​ള്ള ഒ​രു പ​യ്യ​ൻ ഭ​യാ​ശ​ങ്ക​ക​ളോ​ടെ ക​യ​റി​വ​രു​ന്നു. സം​വി​ധാ​യ​ക​ൻ സേ​തു​മാ​ധ​വ​ൻ, ഒ​രു മ​ൾ​ട്ടി​സ്റ്റാ​ർ ചി​ത്ര​ത്തി​ന്‍റെ ഷൂ​ട്ടിം​ഗി​ലു​ണ്ടാ​കു​ന്ന തി​ര​ക്കി​ലും ടെ​ൻ​ഷ​നി​ലു​മാ​ണ്. ആ ​പ​യ്യ​ൻ ര​ണ്ടും ക​ൽ​പി​ച്ച് സേ​തു​മാ​ധ​വ​ന്‍റെ അ​രി​കി​ലെ​ത്തി പ​തു​ക്കെ പ​റ​ഞ്ഞു. ‘ ഇ​ന്ന​ലെ കോ​ട്ട​യ​ത്ത് വ​ന്നി​രു​ന്നു. ചാ​ൻ​സി​ന്‍റെ കാ​ര്യം...’

ഇ​തു പ​റ​ഞ്ഞ​തും സേ​തു​മാ​ധ​വ​ൻ ത​ല​യു​യ​ർ​ത്തി പ​യ്യ​നെ അ​ടി​മു​ടി നോ​ക്കി​യി​ട്ട് പ​റ​ഞ്ഞു... ‘കൊ​ള്ളാം, പ​ക്ഷേ ശ​രീ​രം പോ​രാ. നി​രാ​ശ​പ്പെ​ടാ​നി​ല്ല. പ്രാ​യം ഇ​ത്ര​യ​ല്ലേ ആ​യു​ള​ളൂ. എ​ന്താ​യാ​ലും കു​റ​ച്ചു​നേ​രം വെ​യ്റ്റ് ചെ​യ്യൂ’. എ​ന്നാ​ല്‍ അ​ന്ന് സ​ന്ധ്യ​വ​രെ അ​വി​ടെ നി​ന്നെ​ങ്കി​ലും സം​വി​ധാ​യ​ക​നെ കാ​ണാ​ൻ അ​വ​സ​രം ല​ഭി​ച്ചി​ല്ല. പി​റ്റേ​ന്ന് പു​ല​ര്‍​ച്ചെ വീ​ണ്ടും ലൊ​ക്കേ​ഷ​നി​ലെ​ത്തി. ര​ണ്ടാം ദി​വ​സം ഉ​ച്ച​യ്ക്ക് സം​വി​ധാ​യ​ക​ന്‍ ആ ​ചെ​റു​പ്പ​ക്കാ​ര​നെ വി​ളി​ച്ചു. ര​ണ്ട് ചെ​റി​യ ഷോ​ട്ടു​ക​ളി​ല്‍ അ​ഭി​ന​യി​ക്ക​ണം എ​ന്നു പ​റ​ഞ്ഞു. സ്വ​ർ​ഗം കി​ട്ടി​യ സ​ന്തോ​ഷം. അ​ങ്ങ​നെ സി​നി​മ​യി​ൽ മു​ഖം കാ​ണി​ക്ക​ണ​മെ​ന്ന ദീ​ർ​ഘ​കാ​ല​ത്തെ ആ​ഗ്ര​ഹം സ​ഫ​ല​മാ​യി. അ​പ്പോ​ഴാ​ണ് ലൊ​ക്കേ​ഷ​നി​ല്‍ ഉ​റ​ങ്ങു​ക​യാ​യി​രു​ന്ന ന​ട​ൻ സ​ത്യ​നെ ക​ണ്ട​ത്. സ​ത്യ​ൻ​പോ​ലും അ​റി​യാ​തെ അ​ദ്ദേ​ഹ​ത്തി​ന്‍റെ കാ​ൽ​തൊ​ട്ട് വ​ണ​ങ്ങി ആ ​ചെ​റു​പ്പ​ക്കാ​ര​ൻ അ​നു​ഗ്ര​ഹം തേ​ടി. ‌

അ​ങ്ങ​നെ വി​ശ്രു​ത ഛായാ​ഗ്ര​ഹ​ക​ൻ മെ​ല്ലി ഇ​റാ​നി​യു​ടെ കാ​മ​റ​യി​ൽ ആ​ദ്യ​മാ​യി ആ ​യു​വാ​വി​ന്‍റെ മു​ഖം പ​തി​ഞ്ഞു. ഇ​വി​ടെ ഒ​രു താ​രം ജ​നി​ക്കു​ക​യാ​യി​രു​ന്നു. പേ​രോ സം​ഭാ​ഷ​ണ​മോ ഒ​ന്നു​മി​ല്ലാ​ത്ത ര​ണ്ടോ മൂ​ന്നോ ഷോ​ട്ടു​ക​ളി​ൽ വ​ന്നു​പോ​കു​ന്ന ക​ഥാ​പാ​ത്രം. മ​മ്മൂ​ട്ടി എ​ന്ന മ​ഹാ​ന​ട​ന്‍റെ പി​റ​വി എ​ങ്ങ​നെ​യാ​യി​രു​ന്നു എ​ന്ന​തി​ന്‍റെ ഉ​ത്ത​രം ഇ​താ​ണ്. നി​ര​ന്ത​ര​മാ​യ പ​രി​ശ്ര​മ​ത്തി​ലൂ​ടെ​യും അ​ദ​മ്യ​മാ​യ ആ​ഗ്ര​ഹ​ത്തി​ലൂ​ടെ​യും നേ​ടി​യെ​ടു​ത്ത താ​ര​സിം​ഹാ​സ​നം.

കാ​ല​വും പ്രാ​യ​വു​മെ​ല്ലാം അ​ദ്ദേ​ഹ​ത്തി​നു മു​ന്നി​ൽ വ​ണ​ങ്ങു​ന്ന​തു നാം ​ക​ണ്ടു. മ​മ്മൂ​ട്ടി​യെ സം​ബ​ന്ധി​ച്ച് അ​തൊ​ക്കെ​യും ക്ലീ​ഷേ പ്ര​യോ​ഗ​ങ്ങ​ളാ​യി. ജീ​വി​ത​ച​ക്രം 75 സം​വ​ത്സ​ര​ങ്ങ​ൾ പൂ​ർ​ത്തി​യാ​ക്കു​ന്പോ​ൾ ഈ ​പ്ര​തി​ഭ​യു​ടെ ക​രി​യ​റും ജീ​വി​ത​വു​മൊ​ക്കെ മ​ല​യാ​ളി​ക​ൾ​ക്ക് മ​നഃ​പാ​ഠ​മാ​ണ്. അ​തു​കൊ​ണ്ടു​ത​ന്നെ ചി​ല ഓ​ർ​മ​പ്പെ​ടു​ത്ത​ലു​ക​ൾ ആ​വ​ർ​ത്ത​ന വി​ര​സ​ത​യാ​കാ​മെ​ങ്കി​ലും സി​നി​മ​യു​ടെ​യും ജീ​വി​ത​ത്തി​ന്‍റെ​യും ഗൃ​ഹാ​തു​ര​ത്വ​ത്തി​ലേ​ക്ക് അ​തു ന​മ്മെ കൊ​ണ്ടു​പോ​കും. വൃ​ദ്ധ​നെ​ന്നോ മ​ധ്യ​വ​യ​സ്ക​നെ​ന്നോ യു​വാ​വെ​ന്നോ ജെ​ൻ​സി​യെ​ന്നോ വ്യ​ത്യാ​സ​മി​ല്ലാ​തെ എ​ല്ലാ​വ​രി​ലും വേ​രു​റ​ച്ച ഈ ​മൂ​ന്ന​ക്ഷ​രം.... ‌

കാ​ല​ത്തി​ന്‍റെ മ​ഹാ​പ്ര​വാ​ഹ​ത്തി​ൽ എ​ത്ര​യെ​ത്ര താ​ര​ങ്ങ​ളാ​ണ് പൊ​ലി​ഞ്ഞ​ത്. അ​വി​ടെ അ​തി​ജീ​വ​ന​ത്തി​ന്‍റെ ക​രു​ത്തു​മാ​യി മ​മ്മൂ​ട്ടി എ​ന്ന മ​ഹാ​ന​ട​ൻ ന​മു​ക്കെ​ല്ലാം പ്ര​ചോ​ദ​ന​വും ആ​ശ​യു​മാ​യി മാ​റു​ക​യാ​ണ്. 75 വ​യ​സു​കാ​ര​ന് ഇ​നി​യും ഏ​റെ​ക്കാ​ലം അ​ടി​പൊ​ളി​യാ​യി ജീ​വി​ക്കാ​നു​ണ്ട് എ​ന്ന തോ​ന്ന​ലാ​ണ് മ​മ്മൂ​ട്ടി ന​ല്കു​ന്ന​ത്. യു​വാ​ക്ക​ൾ​ക്ക് ആ​ക​ട്ടെ, പ​രി​ശ്ര​മി​ച്ചാ​ൽ നേ​ടാ​നാ​വാ​ത്ത​താ​യി ഒ​ന്നു​മി​ല്ല എ​ന്ന വ​ലി​യൊ​രു സ​ന്ദേ​ശ​വും.

വ​ർ​ഷ​ങ്ങ​ൾ പ​റ​യു​ന്ന ക​ഥ​ക​ൾ
1951- 1971

1951 സെ​പ്റ്റം​ബ​ർ ഏ​ഴി​ന് ആ​ല​പ്പു​ഴ ജി​ല്ല​യി​ലെ ച​ന്തി​രൂ​രി​ൽ ഇ​സ്മാ​യി​ലി​ന്‍റെ​യും ഫാ​ത്തി​മ​യു​ടെ​യും സീ​മ​ന്ത​പു​ത്ര​നാ​യി ഇ​ട​ത്ത​രം കു​ടും​ബ​ത്തി​ൽ ജ​ന​നം. പി​ന്നീ​ട് ഇ​വ​ർ വൈ​ക്ക​ത്തി​ന​ടു​ത്ത് ചെ​ന്പി​ലേ​ക്കു താ​മ​സം മാ​റ്റി. മ​മ്മൂ​ട്ടി എ​ന്ന ന​ട​ന്‍റെ ബാ​ല്യ​കൗ​മാ​ര​ങ്ങ​ൾ ഈ ​ഗ്രാ​മ​ത്തി​ലാ​യി​രു​ന്നു. മ​ഹാ​രാ​ജാ​സ് കോ​ള​ജി​ലെ ബി​രു​ദ പ​ഠ​ന സ​മ​യ​ത്താ​യി​രു​ന്നു 1971ൽ ​അ​നു​ഭ​വ​ങ്ങ​ൾ പാ​ളി​ച്ച​ക​ൾ എ​ന്ന ചി​ത്ര​ത്തി​ൽ മു​ഖം കാ​ണി​ച്ച​ത്.

1979

സു​ൽ​ഫ​ത്ത് മ​മ്മൂ​ട്ടി​യു​ടെ ജീ​വി​ത​ത്തി​ലേ​ക്കു ക​ട​ന്നു​വ​ന്ന വ​ർ​ഷം. അ​വി​ടെ അ​ദ്ദേ​ഹ​ത്തി​ന്‍റെ ജീ​വി​ത​ത്തി​നു പു​തു​ശോ​ഭ​യു​ണ്ടാ​കു​ക​യാ​യി​രു​ന്നു. ഭ​ർ​ത്താ​വി​ന്‍റെ വി​ജ​യ​ത്തി​നു പി​ന്നി​ൽ നി​ശ​ബ്‌​ദ​യാ​യി പ്ര​വ​ർ​ത്തി​ച്ച വ​നി​ത. വി​വാ​ഹം ക​ഴി​ഞ്ഞ് അ​ധി​കം താ​മ​സി​യാ​തെ സി​നി​മാ​തി​ര​ക്കു​ക​ളി​ലേ​ക്കു മ​മ്മൂ​ട്ടി നീ​ങ്ങി​യ​പ്പോ​ൾ കു​ടും​ബ​കാ​ര്യ​ങ്ങ​ൾ സു​ൽ​ഫ​ത്തി​ന്‍റെ കൈ​ക​ളി​ൽ ഭ​ദ്ര​മാ​യി. ഒ​രു മ​ഹാ​ന​ട​ന് സ്വ​ത​ന്ത്ര​മാ​യി പ​റ​ക്കാ​നു​ള്ള എ​ല്ലാ സാ​ഹ​ച​ര്യ​ങ്ങ​ളും അ​വ​ർ ഒ​രു​ക്കി​ക്കൊ​ടു​ത്തു.

1980- 86

എ​ൽ​എ​ൽ​ബി പ​ഠ​ന​ത്തി​നു​ശേ​ഷം മ​ഞ്ചേ​രി കോ​ട​തി​യി​ൽ വ​ക്കീ​ലാ​യി പ്രാ​ക് ടീ​സ് ചെ​യ്യു​ന്ന സ​മ​യ​ത്താ​ണ് മ​മ്മൂ​ട്ടി​ക്ക് സി​നി​മ​യി​ൽ വീ​ണ്ടും അ​വ​സ​രം ല​ഭി​ക്കു​ന്ന​ത്. എ​ക്കാ​ല​ത്തും മ​മ്മൂ​ട്ടി​യെ പ്രോ​ത്സാ​ഹി​പ്പി​ച്ച എം.​ടി. വാ​സു​ദേ​വ​ൻ​നാ​യ​രു​ടെ ദേ​വ​ലോ​കം എ​ന്ന ചി​ത്രം. 1979ലാ​യി​രു​ന്നു ഇ​തി​ന്‍റെ ഷൂ​ട്ടിം​ഗ് ആ​രം​ഭി​ച്ച​ത്. എ​ന്നാ​ൽ പ​ല​വി​ധ കാ​ര​ണ​ങ്ങ​ളാ​ൽ ചി​ത്രം നി​ന്നു​പോ​യി. എം​ടി ത​ന്നെ 1980ൽ ​ത​ന്‍റെ വി​ൽ​ക്കാ​നു​ണ്ട് സ്വ​പ്ന​ങ്ങ​ൾ എ​ന്ന ചി​ത്ര​ത്തി​ൽ മ​മ്മൂ​ട്ടി​ക്ക് ചെ​റി​യൊ​രു റോ​ൾ ന​ൽ​കി. അ​ങ്ങ​നെ ആ​ദ്യ​മാ​യി പേ​രും സം​ഭാ​ഷ​ണ​വു​മു​ള്ള ഒ​രു ക​ഥാ​പാ​ത്രം ല​ഭി​ച്ചു. പ​തു​ക്കെ പ​തു​ക്കെ മ​മ്മൂ​ട്ടി എ​ന്ന ന​ട​ൻ പി​ച്ച​വ​ച്ചു തു​ട​ങ്ങി.

1981ൽ ​കെ.​ജി. ജോ​ർ​ജി​ന്‍റെ മേ​ള​യി​ൽ ശ്ര​ദ്ധേ​യ​മാ​യ ക​ഥാ​പാ​ത്രം ചെ​യ്ത് കൊ​മേ​ഴ്സ്യ​ൽ സി​നി​മ​യി​ൽ ചു​വ​ടു​റ​പ്പി​ച്ചു. ആ ​വ​ർ​ഷം​ത​ന്നെ ഐ.​വി. ശ​ശി​യു​ടെ തൃ​ഷ്ണ, പി.​ജി. വി​ശ്വം​ഭ​ര​ന്‍റെ സ്ഫോ​ട​നം എ​ന്നീ ചി​ത്ര​ങ്ങ​ളി​ലും വേ​ഷ​മി​ട്ടു. പ്രേം​ന​സീ​റി​നു​ശേ​ഷം സൗ​ന്ദ​ര്യ​വും പൗ​രു​ഷ​വും ഒ​ത്തി​ണ​ങ്ങി​യ ന​ട​നെ പ്രേ​ക്ഷ​ക​ർ ക​ണ്ടെ​ത്തി​ത്തു​ട​ങ്ങു​ക​യാ​യി​രു​ന്നു . 1981ൽ ​റി​ലീ​സാ​യ ഐ.​വി. ശ​ശി​യു​ടെ മ​റ്റൊ​രു ചി​ത്ര​മാ​യ അ​ഹിം​സ​യി​ലെ പ്ര​ക​ട​ന​ത്തി​ന് മി​ക​ച്ച ര​ണ്ടാ​മ​ത്തെ ന​ട​നു​ള്ള സം​സ്ഥാ​ന അ​വാ​ർ​ഡ് ല​ഭി​ച്ചു. 1982ൽ ​കെ.​ജി. ജോ​ർ​ജി​ന്‍റെ യ​വ​നി​ക ഉ​ൾ​പ്പ​ടെ 23 സി​നി​മ​ക​ളി​ലാ​ണ് മ​മ്മൂ​ട്ടി അ​ഭി​ന​യി​ച്ച​ത്.

84ൽ ​പി.​ജി. വി​ശ്വം​ഭ​ര​ന്‍റെ സ​ന്ധ്യ​യ്ക്ക് വി​രി​ഞ്ഞ പൂ​വ്, പി​ൻ​നി​ലാ​വ് എ​ന്നീ സി​നി​മ​ക​ൾ 150 ദി​വ​സം തി​യ​റ്റ​ർ നി​റ​ഞ്ഞോ​ടി. അ​തോ​ടെ മ​മ്മൂ​ട്ടി​ക്ക് താ​ര​പ​രി​വേ​ഷം ല​ഭി​ച്ചു​തു​ട​ങ്ങി. കൂ​ടെ​വി​ടെ, ആ ​രാ​ത്രി, അ​തി​രാ​ത്രം, കാ​ണാ​മ​റ​യ​ത്ത്, തു​ട​ങ്ങി​യ വ​ന്പ​ൻ ഹി​റ്റു​ക​ളാ​ണ് ആ ​വ​ർ​ഷം വ​ന്ന​ത്. ഒ​പ്പം ഐ.​വി.​ശ​ശി​യു​ടെ അ​ടി​യൊ​ഴു​ക്കു​ക​ളി​ലെ ക​രു​ണ​ൻ എ​ന്ന ക​ഥാ​പാ​ത്ര​ത്തി​ലൂ​ടെ ആ​ദ്യ​മാ​യി മി​ക​ച്ച ന​ട​നു​ള്ള സം​സ്ഥാ​ന അ​വാ​ർ​ഡും ല​ഭി​ച്ചു. 85ൽ ​യാ​ത്ര, നി​റ​ക്കൂ​ട്ട്, അ​നു​ബ​ന്ധം തു​ട​ങ്ങി​യ സി​നി​മ​ക​ളി​ലൂ​ടെ അ​ദ്ദേ​ഹം ന​മ്മെ വി​സ്മ​യി​പ്പി​ച്ചു.

പ്ര​തി​സ​ന്ധി​യു​ടെ കാ​ല​ഘ​ട്ടം

മ​മ്മൂ​ട്ടി​ക്ക് ക​രി​യ​റി​ൽ അ​സാ​ധാ​ര​ണ പ്ര​തി​സ​ന്ധി നേ​രി​ട്ട കാ​ല​മാ​യി​രു​ന്നു എ​ൺ​പ​തു​ക​ളു​ടെ പ​കു​തി. ഒ​ന്നി​നു​പി​റ​കേ ഒ​ന്നാ​യി സി​നി​മ​ക​ൾ പ​രാ​ജ​യ​പ്പെ​ട്ടു. സി​നി​മ​യി​ൽ നി​ന്ന് ഔ​ട്ടാ​കു​മെ​ന്നു​വ​രെ ചി​ല​ർ പ്ര​വ​ചി​ച്ചു. പ​ക്ഷേ അ​ത്ത​രം പ്ര​തി​സ​ന്ധി​ക​ളി​ൽ ഭാ​ഗ്യ​വും ക​ഴി​വും ഒ​രു​പോ​ലെ മ​മ്മൂ​ട്ടി​യെ തു​ണ​യ്ക്കു​ന്ന​താ​യി കാ​ണാം. 1987ൽ ​ജോ​ഷി​യു​ടെ ന്യൂ​ഡ​ൽ​ഹി എ​ന്ന ചി​ത്ര​ത്തി​ലൂ​ടെ അ​തി​ഗം​ഭീ​ര തി​രി​ച്ചു​വ​ര​വാ​ണ് മ​മ്മൂ​ട്ടി ന​ട​ത്തി​യ​ത്.

ചി​ത്ര​ത്തി​ലെ ജി. ​കൃ​ഷ്ണ​മൂ​ർ​ത്തി എ​ന്ന ക​ഥാ​പാ​ത്രം സൃ​ഷ്‌​ടി​ച്ച ത​രം​ഗം അ​ദ്ദേ​ഹ​ത്തി​ന്‍റെ ക​രി​യ​റി​ലെ സു​വ​ർ​ണ​രേ​ഖ​യാ​യി. പി​ന്നീ​ടൊ​രി​ക്ക​ലും മ​മ്മൂ​ട്ടി​ക്ക് വ​ലി​യ പ്ര​തി​സ​ന്ധി​ക​ൾ അ​നു​ഭ​വി​ക്കേ​ണ്ടി വ​ന്നി​ല്ല. സി​നി​മ വ്യ​വ​സാ​യം നേ​രി​ട്ട പൊ​തു​വാ​യ പ്ര​ശ്ന​ങ്ങ​ളെ​ല്ലാം അ​ദ്ദേ​ഹ​ത്തെ​യും ബാ​ധി​ച്ചു​വെ​ന്ന​തൊ​ഴി​ച്ചാ​ൽ തൊ​ണ്ണൂ​റു​ക​ളും ര​ണ്ടാ​യി​ര​വും ഇ​പ്പോ​ൾ 2026 വ​രെ​യും മ​മ്മൂ​ട്ടി​യു​ടെ യു​വ​ത്വം കൊ​ണ്ടാ​ടു​ക​യാ​ണ് പ്രേ​ക്ഷ​ക​ർ.

സ്റ്റൈ​ൽ, ഫാ​ഷ​ൻ മ​ന്ന​ൻ

സ്റ്റൈ​ൽ, ഫാ​ഷ​ൻ ഇ​ക്കാ​ര്യ​ങ്ങ​ളി​ലൊ​ക്കെ മ​മ്മൂ​ട്ടി​യെ വെ​ല്ലാ​ൻ മ​ല​യാ​ള​ത്തി​ലാ​രു​മി​ല്ല. മ​മ്മൂ​ട്ടി​യു​ടെ ഫാ​ഷ​ൻ സെ​ൻ​സി​നെ​ക്കു​റി​ച്ച് മു​ൻ​പ് ന​ട​ൻ അ​നൂ​പ് മേ​നോ​ൻ പ​ങ്കു​വ​ച്ചൊ​രു കു​റി​പ്പ് ശ്ര​ദ്ധ നേ​ടി​യി​രു​ന്നു. ക​ഴി​ഞ്ഞ വ​ർ​ഷം ഞാ​ൻ ദു​ബാ​യി​ലെ ഒ​രു വാ​ച്ച്ക​ട​യി​ൽ പോ​യ​പ്പോ​ൾ, 90ക​ളു​ടെ തു​ട​ക്ക​ത്തി​ൽ പ​ഴ​യ ബു​ർ​ജ്മാ​ൻ സെ​ന്‍റ​റി​ൽ IWC, Patek തു​ട​ങ്ങി​യ വാ​ച്ചു​ക​ൾ അ​ന്വേ​ഷി​ച്ചു വ​രാ​റു​ണ്ടാ​യി​രു​ന്ന ഒ​രു ദ​ക്ഷി​ണേ​ന്ത്യ​ൻ സൂ​പ്പ​ർ​സ്റ്റാ​റി​നെ​ക്കു​റി​ച്ച് അ​വി​ടു​ത്തെ മു​തി​ർ​ന്ന സ്റ്റാ​ഫു​ക​ളി​ൽ ഒ​രാ​ൾ എ​ന്നോ​ട് പ​റ​ഞ്ഞു.

വാ​ച്ചു​ക​ളെ​ക്കു​റി​ച്ച് അ​വി​ടു​ത്തെ സ​മ്പ​ന്ന​രാ​യ ഷെ​യ്ഖു​ക​ൾ​ക്ക് പോ​ലു​മി​ല്ലാ​ത്ത അ​റി​വും അ​വ​യോ​ടു​ള്ള പാ​ഷ​നും കാ​ണി​ച്ച ആ ​സൂ​പ്പ​ർ​സ്റ്റാ​ർ ക​ട​യി​ലു​ള്ള​വ​രെ വി​സ്മ​യി​പ്പി​ച്ചു. അ​യാ​ൾ​ക്ക് ആ ​സൂ​പ്പ​ർ​സ്റ്റാ​റി​ന്‍റെ പേ​ര് ഓ​ർ​ക്കാ​ൻ ക​ഴി​ഞ്ഞി​ല്ല, പ​ക്ഷേ, അ​തീ​വ​സു​ന്ദ​ര​നാ​യൊ​രു ന​ട​നാ​യി​രു​ന്നു അ​തെ​ന്ന് അ​യാ​ൾ ഓ​ർ​ത്തെ​ടു​ത്തു. എ​നി​ക്ക​റി​യാ​മാ​യി​രു​ന്നു, അ​ത് മ​റ്റാ​രു​മാ​കാ​ൻ വ​ഴി​യി​ല്ലെ​ന്ന് എ​ന്നാ​ണ് അ​നൂ​പ് മേ​നോ​ൻ കു​റി​ച്ച​ത്.

ആ​ദ്യ സീ​നി​ൽ പ​ത​റി​യ​പ്പോ​ൾ 

അ​നു​ഭ​വ​ങ്ങ​ൾ പാ​ളി​ച്ച​ക​ൾ എ​ന്ന ചി​ത്ര​ത്തി​ൽ ര​ണ്ടു സീ​നി​ൽ മു​ഖം കാ​ണി​ക്കാ​ൻ അ​വ​സ​രം ല​ഭി​ച്ച മ​മ്മൂ​ട്ടി പ​ക്ഷേ, ആ​ദ്യ അ​ഭി​ന​യ​ത്തി​ൽ പ​ല ത​വ​ണ റി​ഹേ​ഴ്സ​ൽ എ​ടു​ത്തി​ട്ടും ഓ​കെ ആ​യി​ല്ല. ബ​ഹ​ദൂ​റി​നൊ​പ്പം ഓ​ടി​ക്കി​ത​ച്ചു​വ​രു​ന്ന സീ​നാ​ണ് ആ​ദ്യ​മെ​ടു​ത്ത​ത്..​ആ​ദ്യ റി​ഹേ​ഴ്സ​ലി​ന്‍റെ സ​മ​യ​ത്ത് ക​ണ്ണ് ഇ​റു​ക്കി​പ്പൂ​ട്ടി വാ ​പൊ​ളി​ച്ചു​കൊ​ണ്ടാ​ണ് മ​മ്മൂ​ട്ടി ഓ​ടി വ​രു​ന്ന​ത്. റി​ഫ്ള​ക്‌്ട​റി​ന്‍റെ ചൂ​ടും പ്ര​കാ​ശ​വും കാ​ര​ണം ക​ണ്ണ് തു​റ​ക്കാ​നാ​വു​ന്നി​ല്ല.

ഇ​ത് ക​ണ്ട് നി​ങ്ങ​ളെ​ന്തി​നാ വാ ​പൊ​ളി​ക്കു​ക​യും ക​ണ്ണ​ട​യ്ക്കു​ക​യും ചെ​യ്യു​ന്ന​ത്, ശ​രി​ക്കും ഓ​ടി വ​രൂ എ​ന്ന് സം​വി​ധാ​യ​ക​ന്‍ പ​റ​ഞ്ഞു. എ​ന്നാ​ല്‍ ര​ണ്ട് റി​ഹേ​ഴ്സ​ല്‍ ക​ഴി​ഞ്ഞി​ട്ടും പ്ര​ക​ട​നം ശ​രി​യാ​യി​ല്ല. തു​ട​ര്‍​ന്ന് നി​ങ്ങ​ള​ങ്ങോ​ട്ട് മാ​റി​നി​ല്‍​ക്കൂ. മ​റ്റാ​രെ​യെ​ങ്കി​ലും നോ​ക്കാം എ​ന്ന് സം​വി​ധാ​യ​ക​ൻ സേ​തു​മാ​ധ​വ​ന്‍ പ​റ​ഞ്ഞ​പ്പോ​ള്‍ മ​മ്മൂ​ട്ടി ത​ള​ര്‍​ന്നു​പോ​യി. ഒ​രു പ്രാ​വ​ശ്യം​കൂ​ടി ഞാ​ന്‍ ശ്ര​മി​ക്കാം സാ​ര്‍ എ​ന്ന് പ​റ​ഞ്ഞ​പ്പോ​ള്‍ സം​വി​ധാ​യ​ക​ൻ ഒ​രു റി​ഹേ​ഴ്സ​ല്‍​കൂ​ടി ന​ട​ത്തി. അ​ങ്ങ​നെ ഒ​രു​വി​ധ​ത്തി​ല്‍ ആ ​ഷോ​ട്ട് എ​ടു​ത്തു.

പേ​രു മാ​റ്റി​യ മ​മ്മൂ​ട്ടി

ത​ന്‍റെ പേ​രി​നോ​ട് മ​മ്മൂ​ട്ടി​ക്ക് ആ​ദ്യ​കാ​ല​ത്ത് ഒ​ട്ടും താ​ത്പ​ര്യ​മി​ല്ലാ​യി​രു​ന്നു. മു​ഹ​മ്മ​ദ്കു​ട്ടി​യെ ചു​രു​ക്കി മ​മ്മൂ​ട്ടി എ​ന്നാ​യി​രു​ന്നു എ​ല്ലാ​വ​രും വി​ളി​ച്ചി​രു​ന്ന​ത്. എ​ന്നാ​ൽ സി​നി​മ​യ്ക്കു​വേ​ണ്ടി സ​ജി​ൻ എ​ന്ന പേ​രു മാ​റ്റി​നോ​ക്കി. ബ്രാ​ക്ക​റ്റി​ൽ മ​മ്മൂ​ട്ടി​യെ​ന്നും വ​ച്ചു. പി.​ജി. വി​ശ്വം​ഭ​ര​ന്‍റെ സ്ഫോ​ട​ന​ത്തി​ൽ അ​ഭി​ന​യി​ക്കു​ന്പോ​ഴൊ​ക്കെ ഈ ​പേ​രാ​ണ് ഉ​പ​യോ​ഗി​ച്ച​ത്. എ​ന്നാ​ൽ മ​മ്മൂ​ട്ടി എ​ന്ന പേ​രി​ൽ​ത്ത​ന്നെ ലോ​ക​മെ​മ്പാ​ടും അ​റി​യ​പ്പെ​ടാ​നാ​യി​രു​ന്നു വി​ധി.

മ​മ്മൂ​ട്ടി​യും ജാ​ഡ​യും

മ​മ്മൂ​ട്ടി വ​ലി​യ ജാ​ഡ​ക്കാ​ര​നാ​ണെ​ന്ന് പ​ണ്ട് പൊ​തു​വേ സം​സാ​ര​മു​ണ്ടാ​യി​രു​ന്നു. എ​ന്നാ​ൽ അ​ടു​ത്ത​റി​യു​ന്ന​വ​ർ​ക്ക​റി​യാം അ​തി​ൽ ക​ഥ​യൊ​ന്നു​മി​ല്ലെ​ന്ന്. അ​തി​നെ​ക്കു​റി​ച്ച് മ​മ്മൂ​ട്ടി​ത​ന്നെ ഒ​രി​ക്ക​ൽ പ​റ​ഞ്ഞ​ത് ഇ​ങ്ങ​നെ​യാ​ണ്. മ​ല​യാ​ളി​ക​ൾ​ക്ക് പൊ​തു​വേ ജാ​ഡ​യു​ണ്ട്. പ​ക്ഷേ, ന​മ്മ​ൾ എ​ത്ര ചെ​റു​താ​ണെ​ന്ന് എ​നി​ക്ക് മ​ന​സി​ലാ​ക്കി​ത്ത​ന്ന​ത് അ​മി​താ​ഭ് ബ​ച്ച​നാ​ണ്. അ​ദ്ദേ​ഹ​വു​മാ​യി ഒ​രി​ക്ക​ൽ വേ​ദി പ​ങ്കി​ട്ട​പ്പോ​ഴു​ള്ള പെ​രു​മാ​റ്റം ത​ന്നെ വ​ല്ലാ​തെ ആ​ക​ർ​ഷി​ച്ചെ​ന്നും ബ​ച്ച​നെ ഓ​ർ​ക്കു​മ്പോ​ളെ​ല്ലാം സ്വ​യം തി​രു​ത്താ​ൻ ശ്ര​മി​ക്കാ​റു​ണ്ടെ​ന്നും മ​മ്മൂ​ട്ടി പ​റ​യു​ന്നു.

നെ​ഗ​റ്റീ​വി​ൽ​നി​ന്ന് പോ​സി​റ്റീ​വി​ലേ​ക്ക്

ഒ​രു ന​ട​നെ​ന്ന നി​ല​യി​ൽ ത​നി​ക്ക് പോ​സി​റ്റീ​വ് ആ​യ ഗു​ണ​ങ്ങ​ൾ ഒ​ന്നും​ത​ന്നെ​യി​ല്ലെ​ന്നും ക​ഠി​നാ​ധ്വാ​ന​വും നി​ര​ന്ത​ര​മാ​യ ശ്ര​മ​ങ്ങ​ളും മാ​ത്ര​മാ​ണ് മു​ന്നോ​ട്ടു ന​യി​ക്കു​ന്ന​തെ​ന്നും ഒ​ര​ഭി​മു​ഖ​ത്തി​ൽ മ​മ്മൂ​ട്ടി പ​റ​ഞ്ഞു. “ആ​ളു​ക​ൾ പ​റ​യു​ന്ന​തു​പോ​ലെ എ​നി​ക്ക് നൃ​ത്തം ചെ​യ്യാ​നോ പാ​ടാ​നോ കോ​മ​ഡി ചെ​യ്യാ​നോ അ​റി​യി​ല്ല. ന​ട​പ്പി​ൽ​പ്പോ​ലും പ്ര​ശ്ന​ങ്ങ​ൾ ഉ​ണ്ട്. എ​ന്നി​ൽ നി​റ​യെ നെ​ഗ​റ്റീ​വു​ക​ൾ മാ​ത്ര​മേ ഞാ​ൻ കാ​ണു​ന്നു​ള്ളൂ. പോ​സി​റ്റീ​വ് ആ​യി ഒ​ന്നും തോ​ന്നി​യി​ട്ടി​ല്ല. ഒ​രേ​യൊ​രു ന​ല്ല ഗു​ണം ചെ​യ്യു​ന്ന ക​ഥാ​പാ​ത്ര​മാ​യി ഞാ​ൻ പൂ​ർ​ണ​മാ​യും മാ​റും എ​ന്ന​താ​ണ്.’’ സ്വ​ന്തം വ്യ​ക്തി​ത്വ​വു​മാ​യി കാ​മ​റ​യ്ക്ക് മു​ന്നി​ൽ നി​ൽ​ക്കു​മ്പോ​ൾ താ​ൻ ഒ​രു പ​രാ​ജ​യ​മാ​ണെെ​ന്നും മ​മ്മൂ​ട്ടി പ​റ​യു​ന്നു.

ബോ​ൺ ആ​ക്‌​ട​റ​ല്ല, പ​ക്ഷേ...

മ​മ്മൂ​ട്ടി​യെ​ക്കു​റി​ച്ച് സി​നി​മാ വി​ശാ​ര​ദ​ന്മാ​ർ ക​ണ്ടെ​ത്തു​ന്ന ഒ​രു കാ​ര്യ​മു​ണ്ട്. അ​ദ്ദേ​ഹം ഒ​രു ബോ​ൺ ആ​ക്‌​ട​റ​ല്ല. പ​രി​ശ്ര​മ​ത്തി​ലൂ​ടെ വ​ള​ർ​ന്നു​വ​ന്ന ന​ട​നാ​ണെ​ന്ന്. മ​മ്മൂ​ട്ടി​യും താ​നൊ​രു ബോ​ൺ ആ​ക്ട​റ​ല്ല എ​ന്നു പ​റ​യാ​നു​ള്ള ആ​ർ​ജ​വം കാ​ട്ടി​യി​ട്ടു​ണ്ട്. പ​ക്ഷേ, ഈ ​വാ​ക്കു​ക​ൾ ത​മ്മി​ലു​ള്ള അ​തി​ർ​വ​ര​ന്പു​ക​ൾ ഇ​ല്ലാ​താ​ക്കു​ന്ന​താ​യി അ​ദ്ദേ​ഹ​ത്തി​ന്‍റെ പി​ന്നീ​ടു​ള്ള പ്ര​ക​ട​ന​ങ്ങ​ൾ. എ​ൺ​പ​തു​ക​ളു​ടെ തു​ട​ക്ക​ത്തി​ലെ ക​ഥാ​പാ​ത്ര​ങ്ങ​ളി​ൽ ഈ ​കൃ​ത്രി​മ​ത്വം ന​മു​ക്ക് കാ​ണാ​നാ​കു​മെ​ങ്കി​ലും ചു​രു​ങ്ങി​യ കാ​ല​ത്തി​നു​ള്ളി​ൽ അ​തി​നെ മ​റി​ക​ട​ക്കു​ന്ന മി​ക​വ് അ​ദ്ദേ​ഹം പ്ര​ക​ട​മാ​ക്കി. ഹാ​സ്യം മ​മ്മൂ​ട്ടി​ക്ക് വ​ഴ​ങ്ങി​ല്ല എ​ന്നു പ​റ​ഞ്ഞ​വ​ർ​ക്ക് കോ​ട്ട​യം കു​ഞ്ഞ​ച്ച​നി​ലൂ​ടെ ആ​ദ്യ​കാ​ല​ത്തു​ത​ന്നെ അ​ദ്ദേ​ഹം മ​റു​പ​ടി ന​ൽ​കി.

പി​ന്നീ​ട് രാ​ജ​മാ​ണി​ക്യ​വും പ്രാ​ഞ്ചി​യേ​ട്ട​നു​മു​ൾ​പ്പ​ടെ എ​ത്ര​യെ​ത്ര സി​നി​മ​ക​ൾ. അ​തി​തീ​വ്ര വൈ​കാ​രി​ക മു​ഹൂ​ർ​ത്ത​ങ്ങ​ളെ പ്രേ​ക്ഷ​രു​ടെ മ​ന​സു​ല‍​യ്ക്കു​ന്ന രീ​തി​യി​ലു​ള്ള ശ​ബ് ദ ​മോ​ഡു​ലേ​ഷ​നി​ലൂ​ടെ ഗം​ഭീ​ര​മാ​ക്കി​യ സി​നി​മ​ക​ളാ​യി​രു​ന്നു യാ​ത്ര​യും അ​മ​ര​വും ത​നി​യാ​വ​ർ​ത്ത​ന​വു​മെ​ല്ലാം. പൊ​ലി​സ്-​പ​ട്ടാ​ള ക​ഥാ​പാ​ത്ര​ങ്ങ​ളും ഇ​ത്ര​ത്തോ​ളം ഗം​ഭീ​ര​മാ​ക്കി​യ ന​ട​ന്മാ​ർ ചു​രു​ക്കം. ആ​വ​നാ​ഴി​യി​ലെ​യും ഇ​ൻ​സ്പെ​ക്‌​ട​ർ ബ​ൽ​റാ​മി​ലെ​യു​മൊ​ക്കെ പ​രു​ക്ക​ൻ പൊ​ലി​സ് വേ​ഷ​ങ്ങ​ളും സി​ബി​ഐ ഡ​യ​റി​ക്കു​റി​പ്പി​ലെ സാ​ത്വി​ക​നാ​യ പൊ​ലീ​സും വേ​ഷ​പ്പ​ക​ർ​ച്ച​യു​ടെ സു​ന്ദ​ര​മാ​യ അ​നു​ഭ​വ​ങ്ങ​ളാ​ണ്. സൈ​ന്യ​വും നാ​യ​ർ​സാ​ബു​മൊ​ക്കെ പ​ട്ടാ​ള​വേ​ഷ​ങ്ങ​ളു​ടെ മാ​സ്റ്റ​ർ​പീ​സു​ക​ളാ​യി.

റി​ലീ​സ് ചെ​യ്ത് വ​ർ​ഷ​ങ്ങ​ൾ​ക്കു​ശേ​ഷ​വും പ​ല സി​നി​മ​ക​ളി​ലെ​യും മ​മ്മൂ​ട്ടി​യു​ടെ ക​ഥാ​പാ​ത്ര​ത്തി​ന്‍റെ പേ​രും മാ​ന​റി​സ​ങ്ങ​ളും പ്രേ​ക്ഷ​ക​ർ​ക്ക് മ​റ​ക്കാ​നാ​വു​ന്നി​ല്ല. മ​മ്മൂ​ട്ടി​യേ​ക്കാ​ളു​പ​രി ക​ഥാ​പാ​ത്ര​മാ​ണ് പ്രേ​ക്ഷ​ക മ​ന​സി​ൽ നി​ൽ​ക്കു​ന്ന​ത്. ഒ​രു ന​ട​നെ സം​ബ​ന്ധി​ച്ച് ഇ​തി​ൽ​പ​രം വി​ജ​യം മ​റ്റൊ​ന്നി​ല്ല. ഒ​രു വ​ട​ക്ക​ൻ​വീ​ര​ഗാ​ഥ​യി​ലെ ച​ന്തു, വി​ധേ​യ​നി​ലെ ഭാ​സ്ക​ര പ​ട്ടേ​ല​ർ, മൃ​ഗ​യ​യി​ലെ വാ​റു​ണ്ണി, ന്യൂ​ഡ​ൽ​ഹി​യി​ലെ ജി.​കെ, സം​ഘ​ത്തി​ലെ കു​ട്ട​പ്പാ​യി, കാ​ണാ​മ​റ​യ​ത്തി​ലെ റോ​യി​ച്ച​ൻ, കൂ​ടെ​വി​ടെ​യി​ലെ തോ​മ​സ് കു​ട്ടി, പ്രാ​ഞ്ചി​യേ​ട്ട​നി​ലെ അ​രി​പ്രാ​ഞ്ചി, ത​നി​യാ​വ​ർ​ത്ത​ന​ത്തി​ലെ ബാ​ല​ൻ​മാ​ഷ്, അ​മ​ര​ത്തി​ലെ അ​ച്ചൂ​ട്ടി, ഭ്ര​മ​യു​ഗ​ത്തി​ലെ കൊ​ടു​മ​ൺ പോ​റ്റി, റോ​ഷാ​ക്കി​ലെ ലൂ​ക്ക് ആ​ന്‍റ​ണി തു​ട​ങ്ങി പ​തി​റ്റാ​ണ്ടു​ക​ളി​ലൂ​ടെ ന​മ്മ​ൾ ക​ണ്ട എ​ത്ര​യെ​ത്ര ക​ഥാ​പാ​ത്ര​ങ്ങ​ൾ.

മ​മ്മൂ​ട്ടി ഇ​പ്പോ​ഴും സ്വ​പ്നം കാ​ണു​ക​യാ​ണ് എ​വി​ടെ​യോ ത​നി​ക്കാ​യി ഒ​രു വേ​ഷം കാ​ത്തി​രി​പ്പു​ണ്ടെ​ന്ന്, ഒ​രു തു​ട​ക്ക​ക്കാ​ര​ന്‍റെ ത്രി​ല്ലോ​ടെ അ​തി​നെ സ്വീ​ക​രി​ക്കാ​ൻ. ഇ​തു​വ​രെ ത​നി​ക്കു ല​ഭി​ക്കാ​ത്ത ആ ​വേ​ഷ​ത്തി​നു​വേ​ണ്ടി​യു​ള്ള കാ​ത്തി​രി​പ്പ്, ആ ​കാ​ത്തി​രി​പ്പി​ൽ മ​ടു​പ്പി​ല്ല, പ്രാ​യം ഒ​രു ഘ​ട​ക​മേ​യ​ല്ല... മ​മ്മൂ​ട്ടി​യെ ഇ​തു​വ​രെ​യെ​ത്തി​ച്ച​ത് ഇ​ത്ത​രം സ്വ​പ്ന​ങ്ങ​ളാ​ണ്. മ​മ്മൂ​ട്ടി പ​ല​പ്പോ​ഴും പ​റ​യാ​റു​ള്ള​തു​പോ​ലെ സി​നി​മ​യ്ക്ക് ന​മ്മ​ളെ​യ​ല്ല ആ​വ​ശ്യം, ന​മു​ക്ക് സി​നി​മ​യെ​യാ​ണ് ആ​വ​ശ്യം. മ​മ്മൂ​ട്ടി​യു​ടെ സ്വ​പ്ന​സാ​ക്ഷാ​ത്കാ​ര​ത്തി​നാ​യി കാ​ല​വും പ്രാ​യ​വു​മെ​ല്ലാം ഇ​ത്ര​യും കാ​ലം കൂ​ടെ​നി​ന്നു. ഇ​നി​യും അ​തു തു​ട​രു​മെ​ന്നു പ്ര​തീ​ക്ഷി​ക്കാം. ന​ന്ദി കാ​ല​മേ....